لما أمى توفت
مقدمة
الأم هي الشخص الذي يلعب دورًا حاسمًا في حياة الإنسان. فهي المرأة التي تحملنا في بطنها لمدة تسعة أشهر، وربما كانت هي الشخص الوحيد الذي عرفناه عندما كنا في رحمها. تمتلك الأم قدرة فريدة على التضحية والحب، وتجعل من عائلتها أولويتها الأولى في الحياة.
تتميز الأم بصفات عديدة، فهي مخلصة وصبورة ومتعاطفة. لا توجد مهمة صعبة عندما تتعلق بأطفالها، حتى لو تطلب الأمر الكثير من الجهد والوقت. وبفضل حبها وعطفها، يشعر الأطفال بالأمان والاستقرار، وهذا يساعدهم في التطور والنمو.
ومع ذلك، فإن الأم ليست مجرد شخص يقوم بتغيير الحفاضات وتحضير الوجبات. إنها المربية الأولى والمعلمة والمرشدة. فهي تعلم أولادها الكثير من الأشياء، مثل القيم والأخلاق والاحترام، وتشجعهم على التعلم والتطور. وتلعب الأم أيضًا دورًا حاسمًا في بناء الشخصية لأولادها، وتعلمهم كيفية التعامل مع الصعاب والتحديات في الحياة.
ولكن عندما تكبر الأولاد ويصبحون بالغين، لا يتوقف دور الأم عند هذا الحد. فهي ما زالت تعمل كداعم ومستشار لأولادها، وتساعدهم في المشاكل والتحديات التي يواجهونها في الحياة. وعندما يصبح الأمر أمرًا صعبًا جدًا، فإن الأم هي الشخص الذي يحمل عبء الألم والحزن والمشاعر الأخرى التي يشعر بها أولادها.
في النهاية، لا يمكن لأي شخص أن يستبدل الأم في حياة الإنسان. فهي تمثل الرحمة والحنان والحب، وتعتبر مصدر الدعم والتشجيع والحماية لأولادها. إن الأم هي الأساس الذي يقوم عليه الأسرة والمجتمع، وبدونها لا يمكن أن تستمر الحياة بشكل طبيعي.
لذلك، فإن الأم تستحق كل التقدير والاحترام والحب، ويجب علينا أن نبدي لها العناية والاهتمام والتقدير الذي تستحقه. ولن ننسى أبدًا العطاء الكبير الذي قدمته لنا الأمهات، وسوف نحمله في قلوبنا طوال حياتنا. فالأم هي أغلى ما نملك، وستظل دائمًا رمزًا للحب والتضحية والعطاء اللا محدود.
لما امي ماتت وسابتني 💔
سمعت كلام كتير أوي زي..
كلنا هنموت وهى إستريحت في مكان أحسن والحياه هتمشي عادي ولازم تعيشي حياتك وشدي حيلك 😔
هيا اه الحياه هتمشي فعلاً بس هتمشي وهيا ناقصه عُمر كامل ،
هتمشي وهيا ناقصه شخص بمثابة عمري كله ،
شخص سابلي ذكريات ومواقف تكفيني بقية عمري تفكير ،
هتمشي وهيا ناقصه سند وضهر ،
هتمشي وهيا ناقصه حب وحنان وإحتواء وطيبه وخوف عليا هتمشي وهيا ناقصه حضن وطبطبه وقت الزعل والحزن ،
الحياه بتمشي آه ...
بس هتمشي بوجع وقهر وكسره وقسوه .. يارب ارحم أمى واغفر لها واسكنها فسيح جناتك يارب العالمين هي وجميع امواتنا 🤲🏻
لما امي ماتت ..
عرفت إن مسكة الأكياس ال فيها طلبات البيت و الطلعه بيها ع السلم بتوجع الظهر جداً ،
و إن الغدا كل يوم مش بالساهل ،
وعرفت إن الصحيان بدري لوحدك صعب ،
وإنها أحسن م ١٠٠ منبه ،
وإن الحاجات الضايعه مش هتلاقيها.
عرفت إن دور البرد أشد ١٠٠ مره م دور البرد وهي معايا ،
و إن العلاج كان بيها مش بالمضاد الحيوي ،
و إن ال هتعوزه مش هتلاقيه ف ساعتها.
عرفت إن الزعل م غير وجودها أضعاف ،
و إن الغلط م غير عتابها مابيتشافش ،
و عرفت إن الأمان مش ف قفلة الباب بالمفتاح و الترباس ،
وإن ترتيب البيت شيء مجهد جداً ،
و عرفت ان الطلعه م البيت م غير دعوه ماتتحسبش ،
و إن ف حاجات إسمها كهربا و غاز و مايه ،
و إن محدش هيجري يشيل إزاز الكبايه المكسوره و يقولك ابعد لتتعور ..
عرفت ان انا صغيره بيها ، كبيره ف بعدها ، ميتة منغيرها .. 💔
ربنا يرحم امي وكل أمهات المسلمين يارب ويجعل تعبهم في ميزان حسانتهم
ويبارك في الموجود ويعطيهم الصحة والعافية يارب..
حافظوا عليهم وعلي رضاهم.
لما امي ماتت كنت ببص للكفن نظرة رهيبه
شعور عمري في حياتي ماحسيته
اللحظه دي وقف عندها عمري كله
اللحظه اللي كل الناس فيها بتكون في دنيا وانا كنت في دنيا تانيه خالص
الناس كلها بتفكر هتدفن امته وفين والكل حزين عليها ومحدش مصدق وانا كنت بفكر يعني كده خلاص مش هشوفها تاني مش هسمع صوتها ولا افرح بضحكتها ولا لم تكلمنى تطمن عليا
طيب اقدر اعمل ايه في اللحظه دي علشان اشبع منها بسرعه قبل ماتدفن طيب هقدر افك الكفن من علي وشها اشوفها ولو مرة اخيرة
لا خلاص وادعيله وماتعيطيش
كل الناس موجوده قدامي بدور عليها فيهم لاقيت اللي بيعيط واللي بيدعي واللي واقف معايا على الغسل الكل مش مستوعب انها مفارقه وانا كنت واقفه مش مصدقه وكأني في حلم بيخنقني ونفسي حد يصحيني منه ببص عليها في وشوش الناس الحزينه يمكن الاقيها لاقيتهم كلهم وانت مش موجود
كلمه ماما ماتت وادعيلها صعبه اوي و وجع قلبي لما سمعتها يعني بجد خلاص ماتت ؟
بصيت للكفن وانا بكلم نفسي وبتمنا هي تنفع تكلم كلمه واحده بس اشبع بيه من صوتها اللي مش هسمعه تاني او بصتها ليا او دلعها ليا
انا ضحكتي وقلبى وروحي اندفنوا معاكي
ربنا يرحمك ويغفرلك ويجعل مأواك الجنة ويجمعني بيك في الاخرة كسرتيني ي مامااوي والله💔💔💔
لما امي ماتت عرفت حاجات كتير مكنتش عارفها
عرفت ان الحياة مش هتكون زي زمان
عرفت ان الضحك والهزار مش هيكون من القلب زي الاول
عرفت ان الحب اللي فعلا مجانا بدون اي مقابل مات
عرفت يعني ايه الاحساس بالوحدة اللي بتقتل في قلبي كل لحظة
عرفت اني لما يجي العيد مش هيكون عيد علشان هي مش موجودة
عرفت قد ايه هي كانت شايله همي
عرفت اني انا بقيت عجوز اوي من غيرها
عرفت يعني ايه حاجة تعباني ومش قادر اتكلم مع حد
عرفت يعني ايه البيت فاضي وما فيهوش صوت
عرفت ان هحمل هم اشتري حاجة.
هتشتري خضور ولا فاكهة
عرفت اني مش عارف اشتري زيها
عرفت ان انا وانا طالع على السلم الشنط تقيله على ايدي
عرفت انه الوقفه في المطبخ شيء مش سهل.
وغسيل المواعين وغسيل لبسي شيء سهل
وتنظيف الشقه شيء سهل
عرفت اني انا لو مت في مكاني مفيش حد هيقولي مالك
عرفت انه فعلا مفيش حد هيسال عليا بقلبه
عرفت اني لازم اعمل اكل لنفسي عشان اكل
وعرفت اني مش عارف اعمله زي ما هي كانت بتعمله
عرفت ان في اكلات اتحرمت منها
عرفت ان لما يكون نفسي في حاجه مش هقدر اطلب من حد
عرفت يعني ايه انا فقدت الامان
وفقدت اني انام بالليل مرتاح ما فيش حاجه في بالي
عرفت يعني ايه نقعد انا وهي نتفرج على مسلسل سوا
عرفت يعني ايه صوتها في البيت وهي بتناديني.
عرفت يعني هي لما اتعب واكون عيان التعب هيكون اقوى علشان ما بقتش موجودة جنبي.
عرفت قد ايه اني انا كنت متغطي واصبحت عريان.
عرفت يعني ايه اخرج من البيت وارجع ما الاقيش حد
عرفت يعني ايه لازم افكر في كل حاجه في البيت مع اني ما كنت بفكر في حاجة
عرفت يعني ايه اندم على كل لحظه كنت بكون بعيد عنها عرفت يعني ايه اندم على اي مشكله كنت بعملها معها.
عرفت حاجات كتيره جدا. بس الحاجة اللي لسه مش عارفها انا ازاي هكمل كده.............
ربنا يرحمك يا امي ويرحم كل ام تعبت علشان اولادها
😭💔💔😭😭💔💔
