قصف جبهة مع ا لاطفال
أبن أختي 6 سنين دخل عليا الاوضه في ليلة امتحان فاينل وكنت مخلص المادة وبتفرج على مسلسل أنمي ياباني، قعد ينظر الى ومتنح كده بقول له : مالك يا ياسين ؟
قال لى : مش عيب يا خالو تبقي شحط كده وعندك امتحان بكره و قاعد بتتفرج على كارتون وكمان ياباني ؟
الولد دمر لي جبهتي خالص و انا فضلت متنح كده اللي هو ... اقوله ايه ده ؟
فألقيت نفسي بتفادي الموقف فقلت له : لا ما انا بكره ها أمتحن فى الياباني ده ... قال لي : يا خالو ما تحورش عليا ما انت فى تجارة يعني
اقسم بالله كنت هعيط قولت له طب اطلع بره يا لمض وخد الباب في ايدك ... راح باصصلي كده وقال لى ده انت خال غتت
……
----- تقص المدرسة على الأطفال قصة المعزة التي لم تسمع كلام أمها فأكله الذئب --- فقال الأطفال في براءة والمعزة الذى سمع كلامها أكلناه نحن !
……
٠٠٠ معلمه في الفصل بتقول للأطفال : مين يا شاطرين يعرف اسماء الانبياء ؟
قام احد الاطفال وقال النبي محمد صلى الله عليه وسلم وقام طفل آخر قال النبي ابراهيم عليه السلام وطفلة قالت والنبي بوسه !!!
فقالت لها المعلمة : تقصدين النبي موسى عليه السلام فقالت الطفولة لا والنبي بوسه بابا دائما بيقول لماما : والنبي بوسه ٠
٠٠٠٠
راكبين القطر انا وزوجتي وابنى عنده حوالى ٥ سنوات فكنا جالسين على المقعد وبيننا طفلنا وكان أمامنا رجل وامراته وبنته وسنها مقارب لسن ابننا المهم هناك رجل يبيع كوكولا وبيبسى مر من أمامنا فقلت له : اعطينا ٣ ساقع رد ابنى الصغير وقال : ٤ وقام ناظر الى البنت وقعدوا يضحكوا واحنا قاعدين مذهولين من الموقف ٠
٠٠٠٠.كنت قاعده مع ابن خالتي الصغير انت بحكم انك عايش فى لندن ما هو الفرق بين مصر ولندن ؟ قال: في لندن لو ضربتني انا ها حبسك وادخلك السجن فقلت له طيب ولو فى مصر ؟ قال : لو انا ضربتك أنت ها تتحبس عشان انا معايا الجنسية البريطانية .
٠٠٠ بنت بتحكى ٠٠٠٠ مرة بابا كان صاحي متعصب جدا وكان على اقل شيء بيزعق نزل من البيت واختى الصغيرة متضايقة وراح يركب الموتوسيكل علشان يروح شغله فراح وقع قامت اختى الصغيرة عندها ٥ سنين قالت له : احسن علشان قايم تزعق ولا بتقول صباح الخير ولا زفت وراحت ماشيه ٠٠٠٠ بابا كان مصدوم ويحاول يستوعب على دي مين بنته وإلا امه ٠
…..
٠٠ بنت اختى بتصحى بابا لكى ينهض لصلاة الفجر فقال لها : أعطيني كوب مياه لكى اشرب يا رانا قالت له رانا : يا جدو انت كبير ولا صغير ؟ قال لها : كبير !!
قالت له : يبقى تروح تشرب بنفسك بعدها بفترة اخوها جاء يقول لها
ممكن تجيب لي اشرب يا رانا قالت له : هو انت كبير ولا صغير ؟ طبعا كنت فهمناها من موقفها مع جدو قال لها : انا صغير يا رانا
قالت له : ما انا صغيره وبقوم اشرب بنفسي كلنا وقعنا من الضحك عليها .
٠٠٠٠
بنت عندها ٦ سنوات جاءت إليهم جدتها ( ام ابوها ) لكى تفطر عندهم فى رمضان فأخذت الجدة تدعى لابنها فالبنت الصغيرة قالت لها : يا تيتا ماما هى اللى عملت الاكل مش بابا ؟!
قالت لها الجدة : انا يدعى لابني لانه هو اللي اشتغل وجاب الفلوس اللي اشترى بيها الاكل
راحت البنت قالت للجدة : خلاص المره الجايه ابقى كل اللحمة اللي بابا جايبها نيه من الثلاجة
٠٠٠٠
كنت بنادى على واحد صاحبي طلعت لي اخته الصغيرة ٤ سنوات قلت لها : اخوكى فين ؟؟
قالت : ثواني وجاي ووقفت معي تستناه المهم مر لي واحد صاحبي أمامي وبيسلم عليا من بعيد قلت له : اتفضل راحت البنت ردت عليا وقالت لي : هو ده بيت ابوك علشان تعزم اصحابك هنا آية التناحه دي ؟!
رغم البنت مسحت بكرامة اهلى الا ان التراب دخل فمي وانا واقع على الارض بضحك .
