٠٠٠احداث وارزاق فيها من الذكاء والظرافة كلها من تدابير الله٠

  …..  كنت مقدمه على وظيفة تمريض عسكري وكان من ضمن الاختبارات أنهم دخلونا معمل واحضروا لكل فتاه فأر ميت او مغمى عليه مش عارفين 

وقال لنا : سوف ارجع الاقى الفار صاحي مع كل واحدة البنات ماسكين الفئران اللي تضربه واللي تحط له مياه المهم أنى مسكت الفار بتاعى بمنديل من ديله و رميته من الشباك 

               ولما جاء الضابط إللى كان يختبرنا سالنى عليه قلت له : الفار فاق ونط من الشباك وسبحان الله انا الوحيدة اللي نجحت في الاختبار ٠

٠٠٠٠٠. كان معظم دفعتنا مقدمون لكليات عسكريه وانا كنت من ضمنهم فقد كان منهم دافع فلوس واللي له واسطه واللي بيجرب حظه ٠٠٠ 

          المهم واحد صاحبنا كان مقدم على كلية الشرطة من غير واسطة ولا فلوس ولا أى حاجه وفى يوم الاختبار دخل صاحبنا هذا في مبنى غلط ورجله ذهبت به على غرفة اللواء مدير كلية الشرطة 

         ويشاء السميع العليم ان الغرفة بتاعه مدير اللواء تكون مفتوحة ولا يوجد عليه حارس واقف وقتها واللواء قاعد مع مجموعة لواءات كثيرا فصاحبنا بعفوية 

             بيسأل اللواء سيادتك هنا مكان اختبار القدرات ؟؟ يرد عليه لا يا ابنى ده في المبنى التأني ٠٠٠ وفى نفس اللحظة يدخل العسكري بعصير للباشوات

            يقول اللواء للعسكري خده يا ابنى  وريه مكان القدرات يأخذه للعسكري لمكان الاختبار ويسألوه مين ده ؟؟ يرد العسكري بكل عفويه دة باعتني بيه سيادة اللواء يقوموا 

           ويعتقدون ويفتكروا انه جاي تبع مدير الكلية وصاحبنا هذا الان رائد في المباحث ٠

….. كان فيه ضابط جه يكدرني "يعاقبني"

           ف بيقولى خد عد الرمل ده وجابلي شويه ف كف یده اخذتهم منه وقلت له دول ۱۱ ألف رملايه بصلي باستغراب وقال  لي لا .. قلت له لو مش مصدق خد عدهم"

….   اول ما دخلنا الجيش ورحنا نفطر كان الفطار فول ومربي بس الفول كان وحش والمربي اعوذ بالله المهم عسكري جمبي  بيقول لصحبه سمي قبل ما تأكل 

          قال له    : شيطان مين ابن المرة اللي ها يسيب أكل برة ويجي يأكل معانا  . 

.….. ……  واحدة بتحكى عن موقف حصل معاها  ….. واحد اتصل بنا من مده قالي والله انا مش بعاكس بس انا في الجيش ودخلوني المطبخ  وعزوني اعمل رز ومش عارف بيتعمل ازاي  ؟ 

           ممكن تقولي لي الطريقة  وفعلا قلت له كيفية عمل الرز ولم يتصل تأني .

 ......  أحدهم بيحكى كنا في اختبارات الهيئة لدخول الكلية العسكرية دخل شخص على اللواء الذي يقوم بإلقاء امتحان القدرات  فبيقول له :  الباب اللي وراك مقفول ولا مفتوح ؟  

            فلازم يكون عندك سرعه في الرد  قال له :  مقفول يا فندم   قال اللواء :   عرفت منين ؟ رد وقال له :  من المرايا اللي وراك يا فندم… بسرعة وثقة كدا  

           قام اللواء بص وراه ملقاش حاجه الواد لم يقبل في الكلية عشان كان قاعد جنب اللواء رتب أصغر منة  ضحكوا عليه .

 .....  كنت واقف خدمه  في منتصف الليل على مخزن السلاح ومولع سيجارة وممنوع اشتعال النار ( السيجارة)  حتى لا تحصل مصيبة في اشتعال المخزن 

             فلاحظت أن هناك شخصا أتى من ناحيتي متخفيا وبالليل وكانت السيجارة مشتعلة و السيجارة ظاهرة  في العتمة وقمت بإطفاء  السيجارة ووضعها فى فوهة البندقية 

               وكان مكان الخدمة نظيفاً وجاء  لي قائد الكتيبة مسرعا وقال لي : حول نفسك مكتب لاشتعالك السيجارة !! فقلت له : لم اكن اشعل سيجارة !! 

             فنظر القائد على الارض واخذ يبحث عن أعقاب السيجارة على الارض هنا وهناك  فلم يجدها وهو متأكد انه شاف السيجارة مشتعلة معي وآخر ما غلب اعطى الامان لي  

              وقال أين عقب السيجارة  ؟ قلت له في فوهة البندقية !!!!

  ….طرفة  …   واحد بلديتنا دخل الجيش وهو واقف في الطابور

                          سألة الشاويش الذي كان يستعرض الطابور : أسمك أية ؟

                    فقال : عبد الجبار يا فندم      قال له الشاويش : إيه اللي أنت ماسكها دي ؟

قال : بندقيتي يا فندم فرد عليه الشاويش : موبخا دي تحافظ عليها زي شرفك يعنى زي مراتك

وسال اللى بعدة :  أسمك  اية ؟ قال له : سعد يا أفندم واية اللي انت ماسكها دي ؟      قال له : مرات عبد الجبار يا فندم…

   ……..   وأنا في الجيش في كلية الضباط الاحتياط كان معانا شاب دكتور عمل حاجة ضايقت الصف ضابط راح الصف ضابط زعق له وكدره وقاله ارقد ازحف على بطنك يا غبي الواد اتنرفز جداً 

                  وقال له بمنتهى العصبية : أنا غبي؟       أنا الرابع على الجمهورية في الثانوية العامة. وقعدت سبع سنين في كلية الطب والتأني على دفعتي يبقى مين فينا اللي غبي؟!!!!!

                   رد الصف ضابط :وقال ما انت لو كنت شاطر كنت خلصت كليتك في أربع سنين زي زميلك كلنا موتنا على نفسنا من الضحك . 

…… ٠٠٠   كنت واقف خدمه على مخزن السلاح أثناء تأدية خدمتي العسكرية وكنت مولع سيجارة وده غلط الضابط شافني وحب يكدرني ٠٠ 

                قال لي : هات نملتين يا اما ها احبسك ٠٠٠ روحت ادور لحد ما جبتهم من عند الكانتين فقال لي : حطهم قدامى واريد ان تعرفني أيهما الذكر واين المؤنثة؟ 

               قلت له : الذكر هو الذي يقف  في الامام  والمؤنثة هي اللي واقفه ورا ؟ قال لى : انت ايه اللي عرفك ؟! قلت : علشان هي حامل مش قادرة تمشى  راح   

              قال : بل عد لي النجوم اللي في السماء ؟      روحت باصص للسماء وقلت : ٧٧٧ قال لي : ايه اللي عرفك ؟ قلت له : مش مصدقنى يا افندم عدهم حضرتك ؟! راح ضحك 

              وقال : امشى يللا امشي بدل ما احاكمك ٠

….  انا لسه مخلص جيش في ١٢ اللي فات كانت ايام صعبة  الله لا يعيدها بس كنت مطلع عين الصول بتاع السلاح زهق مني 

                  قال لي :  روح نقي الزلط اللي بين الممرات ده وشوف لي كام واحده دكر وكام واحده نتايه ؟ المهم رحت ورجعت له قال لى  عديتهم ؟ 

                   قلت له : ايوة قال لى  كام  ؟  قلت له كلهم دكورا يا عم رمضان قالي عرفت ازاي  ؟ قلت له لو انثي مش هيدخلوها الجيش جاتله صدمه عصبيه حبسني ١٠ أيام