يوميات طالب جامعي من المحله الي الدراسه في القاهره
بسم الله الرحمن الرحيم
مبدئيا كدا انا اسمي ايهاب ولزما طبعا نبقي عارفين ان مهما كان الانسان متعلم ومتقن للغه العربيه الا انه يفضل الحديث بالعاميه ف….
زي ما قولنا في اول في كلامي واه قولنا عشان انا شخص لحد ما بحب نفسي فتلاقي في الكلام عن نفسي ممكن اجمعه دا ليه ؟
لاني طالب ازهري اتعلمت لما حاجه مفرده لها كذا طريقه للجمع زي ما درسنا فاحنا ممكن نزود ………………..
مش جي اشرح اكيد نحو المهم شخص نرجسي زي ما بيسموها البعض
طالب عادي في ٣ ثانوي بروح الدروس الكتير مع العلم اني كنت علمي والازهر بيبقي علوم ورياضه بخلص دروس بروح انام زي القتيل كل مده الثانويه علي الحال دا اصحي اروح الدروس ارجع اكل وانام
لحد ما خلاص وقت الامتحان وزنقه ا🐕🐕الي بنبقي فيها خلصت امتحان الحمد لله وجبت مجمع تحس انه لو تليفون هيعوز يتشحن ٥٩٪بس الحمد لله لقيت كليه في جامعه الازهر في القاهره وطبعا زي اي واحد عنده امل في الانتقال من مكان لمكان حبيت اني اروح القاهره زي كل القصص الي بتسمعها وتشوفها في افلام السينما المصريه روحت الجامعه بس مش دا الي كان فارق معايا خالص الي انتبهت له كميه التفتح الي موجوده حاجات بتحصل في الشارع لو بتحصل في المكان الي انا منه تعتبر افعال فاضحه بنات بتدخن وبترقص في الشارع عادي زحمه الاتوبيسات الي مليانه حجات مش حلوه خالص بس عادي مش مشكله كل مكان بيبقي في الحلو والوحش مهو بردو الواحد مش جي من الجنه بردو دا جي من المحله بس بردو الواحد كان راسم صوره كدا في دماغه مكان نضيف ناس محترمه هو اه الواحد قابل ناس محترمه بس المكان تحسه مثلا كأنك غزال خدوه حطوه في قفص نمر حاجه كدا الي هو عمرك ما روحت في حته في حياتك فجأه تروح محافظه تانيه
بعيدا عن كل دا الواحد مكانش مهتم بالدراسه بعكس ما كان مهتم باكتشاف الاماكن الجديده الي بيروحها
