كوميديان و الاحلام
كوميديان الاحلام
المشهد الاول
اتنين رجاله قاعدين علي قهوه بلدي .واضح عليهم صحاب من زمان .واضح انهم فوق الخمسين ..وبيكلموا مع بعض
واحد باين عليه الحزن .والتاني بيسأله
فوزي ... مالك يا حسين يا خويا شكلك مشش مبسوط .دا حتي النهارده الجمعه وامبارح كان الخميس ياراجل .ايه هيا الوليه نيمتك ع الكنبه .وبيضحك
حسين ..بقولك ايه يا فوزي سبني في حالي مش فايقلك ع الصبح بلا خميس بلا زفت
فوزي ...ههه يا جدع في حد يقول ع الخميس زفت برده .دا عيد يابني .ولا انت مبتحبش تركب المراجيح ههههه
حسين .وهو مضايق انا قايم وسيبهالك
فوزي ..وهو بيمسكه من دراعه ..ياعم قعد بس .بهظر معاك .
حسين قعد علي الكرسي
فوزي .مالك بس في ايه
حسين .مفيش يا حسين
فوزي ..لا في اناصحبك من تلاتين سنه وعرفك .قول بس .ياراجل احنا خوات
حسين.بس دا كلام بيني وبينك يا فوزي اوعي تقول لاي حد من صحابنا .
فوزي عيب عليك .خير في ايه ...
حسين .امبارح ياسيدي اعصابي كانت تعبانه .ومضايق حبتين .ومعرفتش
فوزي ..معرفتش ايه
حسين .الله .معرفتش يا فوزي .انت غبي ولا شكلك كدا .متفهم يا اخي
فوزي .طب بس مش افهم .ايه ال معرفتوش وانا اعرفهولك
حسين .مفيش فايده فيك يا جدع طول عمرك هتفضل قفل .امبارح كان يوم ايه
فوزي .الخميس
حسين .حلو .انا بقا معرفتش اعمل خميس
فوزي ...ااااه وبيضحك جامد
حسين .انا غلطان اني اكلمت معاك ..وعاوز يقوم يمشي
فوزي .وهو بيضحك ..استني بس .....وبيضحك .
فوزي ..عادي جدا يا عم انت مكبر الموضوع ليه كدا ..انت بتقول كانت اعصابك تعبانه .واحنا بردوا مش صغيرين يا حسين...ودا طبيعي ..الخميس الجاي تكون اعصابك بقت احسن وربنا يكرمك ..وهو بيبتسم وماسك الضحك عشان صاحبه ميزعلش
حسين .مره جايه ايه يا زفت انت .انا بقالي شهرين ع الحاله دي
فوزي ... وهو بيبتسم .
اوباااا .طب مش تفهمني كدا .يعني انت خلاص بقيت بركه .. وانفجر في الضحك
حسين .وهو مضايق جدا....تصدق انا غلطان اني حكيتلك
فوزي ......وهو بيكح من كتر الضحك .ياعم اهدي بس . عادي جدااا ..الدنيا اتغيرت والطب اتقدم.ودلوقتي الموضوع دا مبقاش مشكله .اي حبايه من الصيدليه .تخليك اسد ..شوفت بقا ..فين المشكله
حسين..انا مكنتش اعرف انك غبي اوي لدرجادي ..يا بني ادم افهم .انا عندي الضغط ومينفعش اخد اي حبايه من دول .فهمت
فوزي ...ااااه ..صحيح انا نسيت ..طب وبعدين يا صاحبي دي مشكله ...والمدام كدا ممكن تخلعك ...
حسين ...تخلع ايه يا بني ادم انت .احنا عشره خمسه وتلاتين سنه وعيالنا اجوزوا وخلفوا كمان .يتك خلع سنانك ياشيخ
فوزي ...بص ياصاحبي الستات في الموضوع دا .معندهاش يامه ارحميني ..بيبقي الراجل بالنسبه ليها زي الضرس المسوس ..لأما تحشيه ...او تخلعك..وينفجر في الضحك.
ماشي يا فالح .انا هقوم اروح انام شويه
فوزي ..ما انت نايم بدري هتنام ايه تاني ..ههههه ويضحك
حسين وهو بيبصله بغيظ .
حسين ماشي يا فوزي براحتك
فوزي ..بص ياصديقي انا بهزر معاك .انت عارف اني بحب الضحك متزعلش .بس هشوفلك حل للموضوع دا ..
حسين .ماشي يا اخويا . سلام
ومشي حسين .وقعد فوزي ع القهوه . ومبتسم وبيكلم نفسه .ويقول ..طب دا اعمله ايه ويضحك ...
روح حسين البيت.ورن الجرس ..مراته من حوه
مين......
حسين .انا يا اعتدال افتحي
اعتدال .قامت تفتح .وهيا لاويه بوزها
وفتحت الباب .وقالت
اعتدال .اهلا يا سبعي
حسين .كح زي الاسد .ومراته عوجت بوزها اكتر
اعتدال ...هتتغدا ولا هتناااااااااااام
حسين ...مالك كدا بتقولي هتنام وطولي فيها . مالك يا وليه في ايه
اعتدال ...مفيش يا خويا ..مفيش حاجه خااااااااالص
حسين.وهو بيبصلها بغيظ .لا ياستي .هنام .ومشي رايح لقوضه النوم .وهيا من وراه .بتعوج بقها يمين وشمال ....ايوه بالضبط كدا زي ما عملت دلوقتي 😀
اعتدال ..نوم العوافي ياخويا ..انا كنت طبخالك كوااااااارع
حسين.. مش عايز منك حاجه .وقفل الباب في وشها
تاتي يوم ..قاعد حسين وفوزي ع القهوه .زي العاده
فوزي ...بس ياعم انا لاقيتلك الحل .
حسين .بجد يا سحس قول
حسين .بص ياسيدي .انت محسود .وانا عندي واحد صحبي .راجل بركه .هنروحله سوا .وال فيه الخير.يقدمه ربنا
حسين..انت شايف كدا
فوزي .طبعا.
حسين . هنروح امتي
فوزي ... بكره
حسين لا النهارده .الوليه كلت وشي يا فوزي وانت عارف
فوزي ..طيب .اكلمه في التليفون اخد منه ميعاد
حسين تمام يا صاحبي
فوزي ..عن اذنك اكلمه ورجعلك
حسين..اه .وفيها ايه دي ..
اعتدال .دا انت عمرك ما عملتها .
حسين ..اديني ياستي عملتها وحبتلك هديه اهوه
اعتدال ..لا لا يا حسين دا لونه مش عاجبني .انا عندي بقا واحد اسود . تحفه
حسين.. تحفه تتكسر علي دماغك .اسود ايه في ليلتك دي.انا بحب الاحمر .مزاجي كدااا .كيفي كدا ..اوووف
اعتدال ...خلاص انت حر .احمر .احمر ..
اعتدال قايمه من ع السرير
حسين بيمسكها من ايدها
حسين ..راحه فين
اعتدال . هغسله
حسين .تغسليه ايه دا لسه جديد يا وليه
اعتدال . يوه .لازم يتغسل مطرح الزيت ال في مكن الخياطه .لازم يتغسل
حسين ..لا مش هيتغسل .لمفعوله يروح
اعتدال ..مفعول ايه ياراجل هو برشام
حسين.قصدي لونه يروح ويبهت .هو كدا كويس .يلا بقا حضرلنا العشا .عقبال الساعه ١٢ لما تيجي
اعتدال ...١٢ ايه ياراجل لسه الساعه عشره هحضر الاكل في ساعتين
حسين.. قصدي تسخينه يعني ..اه .وتعملي بتنجان مقلي نفسي فيه
اعتدال ..بتنجان ايه دلوقتي
حسين .بتنجان ايه مش عارفاه .عاوز اكل بتنجان مقلي بالدقه
اعتدال .حاضر .عليك حجات عجيبه النهارده
واخدت الشنطه ال فيها الان.... وراحت ع المطبخ وبتضحك بدلع
حسين .وهو بيعاكسها .ليلتنا فل
حضرت العشا واتعشوا . الساعه جت ١١.٣٠
حسين .يلا بقا قومي اسبقيني ولبسي ال قلتلك عليه
اعتدال ..البس ايه يا خويا
حسين ..يوووه .هو لسه هفهمك تاااني الان...... ال جبتهولك
اعتدال ..ماله
حسين ..البسيه ..البسيه
اعتدال .. اه ..حاضر يا خويا ثواني اجيبه من ع الحبل
حسين ..حبل ايه
اعتدال ..لقيت رحته جاز غسلته وعصرته .وحطتله برفيوم .وبقا ايه
حسين مسكها من دراعها
حسين ..مش قلتلك لا .هو انتي ايه مبتسمعيش الكلام ريحته جاز ايه هو ميكروباص
اعتدال .انا متعوده ع كده لازم اغسل الحاجه بعد ما اشتريها
حسين .. طيب يا فالحه روحي هاتيه وخلصينا
اعتدال .راحت البلكونه تجيب .الان.... ..
ورجعت .
حسين .يلا روحي البسيه
اعتدال .مبتتحركش
حسين.. في ايه ياوليه انتي اتخشبتي ليه كدا
اعتدال ..اص . اص..اص
حسين..اص لسانك يا بعيده في ايه انطقي
اعتدال اصل ملقتوش وقع علي حبل الغسيل بتاع الجيران ال تحت
حسين ..وقع .يومك مش معدي.
اعتدال .خد واحد تاني غيره اهوه .دا لونه اصفر وجميل
حسين .وهو مضايق .هيطق .اخد ايه هو انا ال هلبسه ..وبعدين انا مبحبش الاصفر ...عاوز الاحمر ..عاوز الاحمر
حسين ..بتقولي وقع فين .عند الجيران ال تحت .شقه العذاب
اعتدال .اه
حسين .طب اعمل فيكي ايه دلوقتي منك لله ياشيخه ..ونازل بيجري
اعتدال..رايح فين
حسين ..هجيبه ..انتي عاوزه تفضحيني الناس تقول عليا ايه ..مراتي بتلبس احمر ...يا فضحتك يا حسين
اعتدال ..مستغربه جدا ..ومبرقه يوه .هو في ايه ..
نزل حسين جري ع السلم .وخبط علي باب الجيران براحه
شاب طلع فتح الباب وقال
اهلا استاذ حسين اخبارك ايه
حسين .كويس الحمد لله يا استاذ احمد
لو سمحت ..احمد قاطعه
احمد واخبار الاولاد ايه
حسين .كويسين كويسين لو سمحت ...احمد قاطعه في الكلام
احمد ..واخبار الشغل ايه
حسين .وهو مضايق .
حسين .زفت ..الشغل زفت ..اسكت بقاااا
احمد ..خاف منه .وسكت
حسين .لوسمحت في. هدوم وقعت عندكم علي حبل الغسيل ممكن تجيبها
احمد...مبيردش
حسين .ايه مالك متنح ليه.
احمد ...اه هو فعلا في حاجه وقعت من فوق .
حسين .تمام هاتها
احمد . احم .بس انا بحسبكم رمتوها . ومش عاوزينها .
حسين. اه وبعدين .وهو هيجنن
احمد.رمتها في الزباله
حسين ..مسكه من لياقه القميص .وعاوز يضربه .
حسين.نعم .رمتها في الزباله .انت عارف لو مجبتوش حالا هطلع روحك
احمد....وهو مش قادر ياخد نفسه ..ليه بس اجبلك غيره ..
حسين.غيره ايه .دا انا صعيدي .دا شرف العيله في الزباله انا هقتلك
احمد....مس قادر ياخد نفسه .هموت يا عم حسين
حسين.سابه ..وقاله روح هاته بسرعه لقتلك
احمد اجيبه منين
حسين .من الزباله
احمد .اص .اص .
حسين انت هتهته انت كمان .انطق
احمد ...اصل الزبال اخد الزباله من خمس دقايق ومشي
الخبر نزل علي حسين زي الصاعقه .وراح رازع احمد بالالم علي وشه
حسين .زبال .زبال ..ليلتك سوده ...وبيضرب فيه .صوتهم علي . الجيران خرجت بتسلك
واعتدال نزلت جري .. الجيران مش عارفه تسلكه من ايد حسين ..وبتسال في ايه
وحسين مش قادر يرد ...نزلت اعتدال تسلك .
اعتدال ..سيبه ياحسين
احمد ...وهو بيضرب . الحقيني يا طنط . هجيبلك غيره . هو مقاسك كام
اعتدال .اكس لارج .
حسين .ساب احمد ومسك في خناق مراته .انتي ايه ال نزلك
امشي اطلعي ع فوق
واخد مراته وطلعوا شقتهم والجيران بتسال في ايه محدش بيرد
حسين .عجبك كدا فضحتينا..وهو بيلبس
اعتدال .انت رايح فين الساعه دي
حسين .هجيبه مش هسيب شرفي في الزباله ابدا.. وجري ع السلم
اعتدال .الراجل اجنن
حسين بيجري في الشارع وبيسال العيال
حسين . قلي يا حبيبي الزبال .مشي منين
الغيال .من هنا يا عمو
حسين.بيجري عشان يلحقه .
لمحه عةاخر الشارع .راح ماسكه من قفاه .ونزل فيه ضرب
الزبال...في ايه طيب. بتضري ليه يابيه
حسين.انت حيوان ازاي تاخد الزباله من قدام الباب من غير ما اقلك .هيا ايه زباله الناس ملهاش حرمه .ونازل ضرب فيه
الزبال.. مخدتش حاجه طيب .بتضرب ليه طيب
حسين .انا هقتلك
الناس في الشارع اتلمت في ايه يا جماعه وحدوا الله
حسين .اخد من قدام الباب زبالتي من غير مايقلي .ينفع كدا .هيا ايه سايبه .مفيش قانون في البلد ويضرب واناس تسلك الزبال من ايده
الزبال. طيب خدها طيب .
حسين .ما انا هاخدها طبعا.بعد ما اخد روحك
الزبال .انهو كيس في دول طيب .
حسين .اتلخبط ..وقال معرفش
الزبال . ومين يعرف طيب الله.
حسين ..افتح الاكياس كلها وانا اعرفه
الزبال فتح كل الاكياس.حسين بص فيهم ...لاقا الان.... الاحمر .مد ايده .وخده قدام الناس .واخده ومشي .واناس تبص عليه وميستغربه وبتضرب كف علي كف
...حسين روح البيت ودخل شقته
اعتدال ..ايه ياخويا لاقيته
حسين.ايوه .طبعا دا شرف العيله .ميبتش بره .ابدااا ..
اعتدال .. طيب
حسين ..خدي يلا روحي البسيه خلينا نخلص
اعتدال .البسه مكان الزباله لازم يتغسل
حسين .عليا الطلاق ماهو مغسول يا اعتدال
اعتدال .مستغربه...يوه
حسين .قعد ياخد نفسه ع الكنبه ومراته دخلت قوضه النوم .وقام دخل وراها وقفل الباب ........
تاني يوم قاعدالقهوه ..ونافش ريشه .جه ممدوح قعد جنبه
ممدوح ..ايه الاخبار يا بطل
حسين..احم .احم ..وبيعدل شنبه..كله تمام
ممدوح اسد زيي بالضبط
