ضابط في حياتي - حلقة ٣
ترجلت من السيارة و اسرعت الي الفتاة التي كانت ملقاه علي الارض
سلمي ببكاء : انتي كويسة ؟؟؟؟؟ والله ما كان قصدي انا مشفتكيش انا اسفة
احد المارة : لا حول ولا قوة الا بالله مش تفتحي
رد اخر : حد يطلب الاسعاف بسرعة
ردت الفتاة بصوت ضعيف :بتوجعك؟؟؟؟؟؟
الفتاة بآلم : دراعي واجعني شوية
سلمي : طيب قومي معايا نروح مستشفي نطمن
ساعدتها سلمي علي النهوض و ادخلتها الي السيارة و قادتها الي اقرب مشفي
بعد الفحوصات تبين وجود شرخ فيي اليد اليسري و بعض الكدمات البسيطة
في السيارة ...
سلمي : انا مش عارفة اقولك اية ولا اشكرك ازاي بجد عشان مقولتيش للدكتور ان انا اللي خبطتك .. حقيقي والله اسفة انا مشفتكيش خالص فجأة لقيتك قدامي و معرفتش ادوس علي الفرامل
الفتاة بابتسامة متعبة : يا بنتي خلاص اعتذرتيلي 100 مرة ، انا كمان غلطانة كنت ماشية سرحانة و الحمدلله انها جت علي قد كدا
سلمي بابتسامة : انتي جميلة اووي بجد
الفتاة : تصدقي كل دا و لسة معرفتش اسمك ؟؟؟!
سلمي : ههههههه اسمي سلمي
الفتاة : و انا شهد
سلمي : طب قوليلي يا شهد اوصلك فين ؟؟ اوصفيلي البيت
وصفت شهد لسلمي مكان منزلها
اوصلتها سلمي و قبل ان ترحل تبادلوا ارقام الهواتف
_____________________________________________
في النادي ..
محمد : اووووه يا عم النجم سباح عالمي ؛)
آسر و هو يجفف شعرة بالمنشفة : طب يلا يا خفيف خلينا نروح ناكل بقا انا جعان اوي
في مطعم النادي ..
محمد : بقولك اية يا آسر ما تيجي نطلع يومين اسكندرية مع معتز و شريف ، نغير جو و نستغل الاجازة بدل ما انت مش بتودينا ف حتة غير النادي دا لحد ما كرهتوا :
آسر : لا مش عاوز اسافر
محمد : ليييية يا ابني ؟!!! بطل الكأبة اللي انت فيها دي .. ولله هنتبسط اوي هناك ، اسمع كلامي بس
آسر : ربنا يسهل
محمد : عارفك يا آسر هتفضل تثبتني كدا و مش هنروح ف حتة ف الاخر
آسر بعصبية : و انا كنت ماسكك يا محمد ما تروووح انت
محمد : و انا عايزك تيجي معانااا عايزك تغير جو عايزك تخرج من الخنقة و الجو الكئيب اللي انت في دااا .. انت كل وقتك للشغل و مش بترضي تروح ف حتة غير النادي دا كل فين و فين بعد الحاح مني كماان
آسر : انا مبسوط كدا
محمد : براحتك يا آسر انا غلبت معاااك
_____________________________________________
الووو
سلمي : ايوة يا شهد .. ازيك ؟؟
شهد : تمااام الحمدلله
سلمي : ايدك بقت كويسة ؟؟؟
شهد : اة الحمد لله وجعتني امبارح شوية اخدت المسكن بقيت كويسة
سلمي : الف سلامة عليكي .. قوليلي ينفع اجيلك البيت اقعد معاكي شوية ؟؟
شهد : اه طبعاا تعالي .. انا قاعدة معظم الوقت مع ماما في البيت لوحدنا و اخويا دايما ف شغله
سلمي : طيب تمااااام انا هعدي عليكي نقعد ف البيت شوية و لو قدرتي نبقي ننزل نروح اي حتة
ماماا يا مامااا
الام : ايوة يا سلمي
سلمي : انا هنزل اروح ازور صاحبتي اللي حاكتلك عنها .. و لو لقيتها قادرة هخدها و ننزل شوية
الام : دي البنت اللي خبطيها بالعربية ؟؟؟؟
سلمي : ايوووة
الام : مش ملاحظة انكوا بقيتوا صحاب اوي ف وقت قياسي !!
سلمي : اه حاسة كدا فعلا بس هي تتحب اوي ان شاء الله هخليها تيجي عندنا يوم عشان تتعرفي عليها
الام : ان شاء الله .. خدي بالك من نفسك يا سلمي و سوقي براحة و يا رييييت مترجعليش بمصيبة جديدة النهاردة
سلمي : حاضر
_____________________________________________
ذهبت سلمي الي منزل شهد و تعرفت علي والدتها و احبتها كثيرا و جلسوا سويا في غرفة شهد
سلمي : هاااا بقا هننزل ولا اية ؟؟
شهد : طيب استني هكلم ميدو اقولوا
سلمي : ميدو ههههههه ماشي
شهد : الله .. مش خطيبي :
سلمي : و انا قلت حاجة
مرت الايام و الشهور حتي اكتملوا
ثلاثة اشهر و علاقة سلمي ب شهد تزداد يوما بعد يوم و اصبحوا اصدقاء مقربين جدا
و زارت شهد سلمي في المنزل و تعرفت علي والدتها التي احبتها ايضا كثيرا فور رؤيتها
في احد الايام كانت شهد بصحبة سلمي في احد المولات
رن هاتف شهد
الوووو .. اه ، هتيجوا ؟ ماشي .. باي
شهد : اخويا و خطيبي هيعدوا ياخدوني يااااة و اخيرا هعرفك عليهم
سلمي : الحمدلله انا هموت و اتعرف علي ميدو اللي مجننك داا
بعد حوالي نصف الساعة وصل شقيق شهد و خطيبها الي المول
و عرفوا مكانهم وووووو...
كادت ان تفقد وعيها عندما رآته يقترب نحوهم !!
شهد : اعرفك يا ستي آسر اخويا و محمد خطيبي !!!!!!!!!!
