العشية لبست وجدت

العشية لبست وجدت روحي وقعدت نستنا فيه حتى جا دار دوش وستيكا روحو اونسومبل كومبا فار مينيتار  سروال مالتحت تريكو بيض فوقها فاست مفتوحة تريننغ فار مينبتار ساعة فار مينيتار دار جال طلع شعرو لحية خفيفة بقيت نشوف معاه مالغري زينو عااادي جاي اسمراني عينيه قهوي ملامحو مطبوعة فمو صغير لحية خفيفة شعرو عادي يحفف تحفيفة نورمال خاطيه  التحفيفات هذوك لي يرسمو في روسهم ويخططو ولا يدير كيراتين والعقدة  حتى الجال ملي بدا الخدمة مادرو غير اليوم بصح النظافة يلمع مالغري انا بيضة عليه وزينة عليه وقدامي يبان كحلوش بصح مانوصلش نظافتو ماعرف لاه تقلقت كي شفتو مستيكي هكذا ماعجبنيش الحال وغرت لي تشوفو متاكدة تشوف معاه زينوو عادي بصح جذاب وعندو كاريزما وعندو طاي شابة طويل ورقيق ويعرف يلبس غير الستيل يزيد فيه النص  حط اابارفا  ودار عندي لقاني نشوف معاه دارلي نفس الحركة براسو وغمزة وشنو ،والو _راح تاكليني بعينيك 

قولي الله يبارك عوجت فمي علواه الله يبارك _ها راح تاكلني من كثر ماعجبتك ،عااادي _عادي يا الغيارة لاه تغيري لاه ،علاه حتى نغير نورمال عادي _نورمال عادي ؟،هاه واش تحوس نقولك خرجت توم كروز _والله غير خير منو واش عجبك في توم كروز حتى مع الطول ماعندوش انتي كثر منو ضحكت لاه شحال طولو _170  ،يا طويل عليا غير 6سم بصح شباب _علبالك يضربوني الجنون كي تقولو على راجل شباب ،لاه _ياوو افهمو الزين لنسا لنسا ماشي لرجال ،عادي كاين جمال لرجال _واش يدير الراجل بالجمال يرحم باباك ،راك تهدر هكذا خاطر ماكش شباب _هذاك ماخاصني يقولو عليا شباب انا راجل حرش خشين عوجت فمي 

صونا تليفونو ريبوندا وصلت خلاص رانا هابطين كوبا هيا نوضي بركاي ماتعوجي في فمك ،مع من نروحو _جا محمد يديني ومن ضك نوصيك راسك تهبطي وعينيك قدامك هز الفاليزا حكملي يدي غير خرجنا تلاقينا بمول الهيبهوب وهذاك الشيباني معاه طالعين وحنا هابطين تلاقينا في وسط الدروج تفاجات كي صافح عليهم في زوج انا واقفة وراه مغطيني بظهرو بقاو يهدرو  عرفت هذاك مول الهيبهوب اسمو موح ومن الوسط  وهذاك الشيباني اسمو سلطان ومن الغرب  بقاهم على خير هما طلعو كي هبط راسو هز الفاليزا هذاك الشيباني دار عندي  عطاني بوسة رجليا فشلو كون شافو ينحرنا هنا في زوج هبطت راسي وضربت النح كون كاش مانغلط وندير ردة فعل يفهمها طايرة هو بلا والو الشك 

والوسواس يمشيلو في دمو دارلي براسو هيا هبطنا خرجنا لقينا صاحبو مڨاري فتح الباب جيت نركب تخنزر فيا حط الفاليزا ودار للجهة لخرى حل الباب ملور ركبت وغلق الباب ركب هو فهمت باه نركب وراه ديمارا هما يهدرو وانا مدورة وجهي للكارو  حتى لقيتو لاح يدو عطاني تليفونو وكيتمان  جوزت بيهم الطريق حتى وصلنا لدارهم هبط حل عليا الباب وهبط الفاليزا فات عند محمد ماعرف واش بقا يهدر معاه بقاه على خير راح ودار عندي شاف معايا دارلي براسو واش ،كون غير ماجيتش _علاه ،هكذا _شروق لي في قلبك خليه في قلبك اعفسي وفوتي حكملي يدي طبع الباب بيدو غير دخلنا لقينا مراة هبطت شفيت عليها اسمها وهيبة يا مرحبا بكم جيتو لاحت سلام على هشام وجات سلمت عليا دار عندي هذه وهيبة مرت خالد ،الله يبارك _يبارك فيك _شكون هنا عندنا _مكان حتى واحد غير حنا دخلنا للهول شفت يماه خرجت غير شافتو 

جات تجري عندو تحظن وتبوس وهو نفس الشي داتو ودخلت الشمبرة وانا بقيت واقفة مع وهيبة دار عندي هيا ارواحي قاتلي وهيبة روحي انا ندير قهوة ونجي رحت دخلت وراهم لقيتهم قاعدين بقيت واقفة دخل ورايا باباه هاه جيتو شرقية راكي هنا درت عندو سلمت عليه وناض هو سلم عليه وشاف معايا دارلي براسو سلمي على يما  جيت نسلم عليها دورت وجها عليا وهذه لاه جبتها معاك مانيش حابة نشوفها  _يمااا الخير برك واش كاين_مرتك مانحبهاش كون غير ماجبتهاش _اذا ماتحبهاش  ومانحترميهاش احترميني انا وديريلي وجه ليا ماتحاوزيهاش وانا واقف هذه مرتي وتابعة ليا واذا حاوزتيها الاهانة ليا ماشي 

ليها هي _علاه راك دافع عليها _ماغلطتش باه تقولي ندافع عليها ماكيش حابة تسلمي عليها ماتسلميش ماشي تحاوزيها في وجهي وانا قاعد وماحترمتنيش هز التليفون والمفتاح من طابلة ودار هيا امشي انا لي كلب  جيت لهذا الدار جينا نخرجو حكمو باباه اقعد هنا وين رايح وماديرش على هدرة يماك _كيفاه مانديرش عليها وهي تحاوز في مرتي وانا قاعد _ياودي خلاص قلنا ماديرش عليها خلينا من سوق نسا راح تبقى تبع في يماك ومرتك هذو اليوم متزاعفين غدوا متحابين  بقا يقنع فيه ورضاتو يماه باه رضى