خواطر من قلب الذكريات ج1

ما اجمل الحب في هذا الزمان اذا كان حب صادق فيه الوفاء والتضحية والإخلاص كثيرا منا يحلم ان يعيش  اجمل قصة حب في العالم يروي هذه القصة من بعده الاجيال القادمة لكن ربما القدر لم يكتب له هذا والظروف تكون عائق أمام رغبته فى أن يعيش هذه التجربة ويكملها للنهاية ويظل الحب بداخله حبيسا لم  يخرج للنور لأنه ببساطة لم يجد الشخص المناسب الذي يستحق أن يكون بطل الرواية …
هنا اعزائي القراء سأسرد بعض مما كتبته عن الحب من كلمات وخواطر خرجت من القلب لكي تدخل الى قلوبكم وتنال اعجابكم ان شاء الله.


                                                                                                                                                                                          أجمل ذكريات 
 

سرحت بخيالى بعيد وافتكرت زمن فات

رجعت  لورا بالسنين  لاحلي واجمل ذكريات

ايام طفولتي البريئه  وقلبي اللي مليان بالطيبه

افتكرت اصحابي وانا وياهم نلعب ونضحك

ايام كانت جميله يا ريتني ارجع من تاني معاهم

اليوم كان يبتدي باحلي ابتسامه  كانت من القلب وسابت احلي علامه

مكنتش شايل للدنيا هم لا عمري كنت جارح ولا عمري ظلمت حد

وهو ده كان الاهم كنت افتح عيني علي فجر هالل

جميل وهادي في طلته جايب معاه الشمس بنورها الجميل

وعهد من الدنيا بالسعاده لكن خلاص نسيته

يومي كان في المدرسه زي غيري كتير هنا

ابتسامه واحلي ضحكه كنت حاسس وقتها

اني طير بيحلم يطير في السما يلف كل الدنيا ويرجع لعشه البسيط

فكراني يا دنيا انا الطيب بتاع زمان ابو قلب صافي ولا اتنسيت

  مرت السنين وكبرنا وانتهت البراءه وخدت معها الطيبه والسذاجه

هما كانوا سنين صحيح لكن عدوا في يوم وليله

 خساره ضاعت الايام  الجميله

خساره ضاعت الايام اللي لا يمكن تغيب عن بالي

وكنت اتمني لو ترجع واكون بنفس حالي

لكن مش هترجع اصل الزمن مغشوش حسيت بعمري اني معشتهوش

وكل ما تضيق الدنيا بيا تنزل دموعي من عنيا

وارجع اسرح في الزمن اللي فات لاحلي واجمل ذكريات

………………………………………………………………………………………………………..

   اشهد عليا يا زمن

كبرت وزاد همى والحزن ساكن جوايا

يا تري في يوم هتسيبني ولا هتفضل كده معايا

من صغري ما شوفتش يوم هنا

وحبيبتي الوحيده اللي كنت بحبها

وكانت عندي كل المنى

باعت رخيص وقالت انا

اشهد يا زمن عليا عمري ما جرحتها

واستحملت ياما كتير في بعدها

ما شوفتش منها غير كل شئ جارح

ومهما كانت تقسي كنت بسامح

واشهد يا زمن عليا عمري ما خونتها

كانت تغيب عني الليالي واقول هترجع

كنت   نفسي احكيلها همي وعنيا بتدمع

واشهد يا زمن عليا كان الوفاء طبعي

كنت واهم نفسي بيكي انك طول الوقت جنبي

حبيتها حب اعمي واديني بدوق مرارته

اللي زيك مكسب حقيقي خسارته

اشهد يا زمن علينا مين فينا باع

واللي خلي حب طاهر مصيره الضياع

والنهاية لقلب طيب زى قلبى

لازم تكون الوداع

سوف نكمل اعزائى القراء باقي السلسلة من الكتابات في المقالات القادمة .اسعد الله اوقاتكم بكل خير