قصة الحب النقي الفصل الثالث
: المهم نزلنا من العربيه وروحنا البيت بتاعها ورنيت جرس الباب وفتح لينا الباب باباها. باباها الصراحه شيك اووى وجامد ولبس لبس اخر فخامه مستشار بقي😉♥️
المهم سلم عليا وعلى ماما وعلى بابا ودخلنا قعدنا على الانتريه
قعدنا. وانا وبابا وماما. وهو نادم على مراته وجات قعدت معانا. وهم الصراحه اخر فخامه والبيت اخر فخامه بجد
وامها قعدت تحكي مع امي. وكده
وانا اتكلمت مع باباها وكده وقلت ليه اعرفك على عائلتي
بابا شعبان دا مدير شركه وماما صباح دي محاميه. ولي اخت رايحه تالته حقوق وانا خلصت تجاره واتقبلت ف البنك
هو قال تشرفنا. وهو باباها قال انا مصطفي مستشار قانوني. ومراتي شيماء ربت منزل وبنتي اميره خلصت تجاره واتقبلت ف بنك وبنتي اسراء رايحه تالته طب وولدي محمد رايح تالته ابتدائي
انا قلت تشرفنا وكده
باباها قال انتوا جايين تتقدموا لامين. انا قلت لاميره يعمي
واميره دي ف سني وكمان انا وهي اتقبلنا ف البنك وغير كده يعمي بنتك دي محترمه جدا وانا قلت لاصحبتها اسئلي لي عنها وخدى لي معاد وكده
هو رد قال فعلا يبني ودا زاد ثقتي فيك
: انا قلت يعمي ها موافق ولا لا قال انا لو عليا مش هلاقي احسن منكم وهو اصلا راجل قانوني فاهم كل حاجه 😉
قال الراى رائ بنتي المهم نادم وقال ي اميره
اميره طلعت لابسه فستان يالهوي لونه وردي اول مره اشوفها بفستان وكانت قمرز بجد. وكانت ماسكه صنيه شربات
وحطت الصنيه على السفره باباها قال اى رايك ي اميره ف يوسف ف سنك ومن دفعتك واكيد شوفتيه قبل كده
هي ردت وهى مكسوفه جدا ايوا يبابا شوفته قبل كده
باباها قال حتي اتقبل ف البنك
هي قالت بجد يبابا هو اتقبل قال ليه ايوا بيقول
المهم اى رايك يبنتي انا قلت موافقه يبابا
المهم انا طرت من الفرحه واتزهلت بجد ومقدرتش اقعد مكاني انا قومت ومسكت ايدها وقلت ليها هيكون اجمل يوم ف عمري يعمي انها تبقي مراتي هي اتكسفت جدا جدا جدا ووشها حمر ووشها ف الارض وعمي رد وقال ربنا يعمر بيتكم تعالوا نقراء الفاتحه وقرينا الفاتحه والحمدلله وقلت. لاعمي هنعمل امته الخطوبه عمي رد وقال انا مش بعترف بالخطوبات جهز نفسك ونعمل فرح وانا فرحت اكتر والحمدلله
اخدت اهلى ومشيت وروحنا مبسوطين وفرحانين
وبعد ما روحنا وكنا مبسوطين واهلي فرحانين انى هتجوز وكده
سبتهم ودخلت اوضتي ورنيت على خطيبتي بقي ☺️
انا : الو ي خطيبتي اخبارك اى
اميره: تمام ي حبيبي وانت اخبارك اى
انا : كويس اى رايك ف اللى حصل
اميره: كان اجمل يوم ف حياتي بجد وانا مبسوطه جدا اني هبقي معاك العمر كله
انا: وانا كمان مبسوط جدا. بصي اقولك ابان اختاروا معاد اجي انا وبابا نتفق على كل حاجه تخص الفرح وكده
اميره: تمام ي حبيبي
وبعد ما قفلت المكالمه كنت فرحان جدا وطلعت من اوضتي اقعد شويه مع اهلي
لقيت بابا بيقولي اهو كبر احمد وهيبقي عريس
اهلي ضحكوا وابتسموا وانا ابتسمت
بابا قال عاوزين نحدد معاد نروح نتفق على كل شيء يخص الفرح
انا قلت يبابا انا قلت ل اميره. انها تتفق مع باباها وتحدد معاد
بابا قال جدع يبني اديك هتتجوز وتبقي مسئؤل عن كل حاجه عن بيتك وعن مراتك وعن كل شئ وربنا يعينك يبني ويسعدك
وبعد ما خلصنا كلام أميره ردت عليا وقالت قلت لابابا قال لي بعد يومين انكم تيجوا تقابلوا بابا انا قلت ليه تمام
وبعد مرور يومين اخدت بابا. بس وروحنا على بيت اميره
بعد ما روحنا على بيت اميره. واتفقنا مع ولدها على المهر والمقدم والمؤاخر وعلى كل حاجه تخص الفرح وباباها وافق. وقلنا ليه هنكتب امته الكتاب. قال احنا عاداتنا اننا بنكتب الكتاب يوم الفرح
واختارنا القاعه الى هنعمل فيه الفرح اجمل قاعه ف اسكندريه كلها♥️ قاعه اكاسيا ♥️ وحددنا الفرح بعد ست اشهر
واتفقنا على كل شئ وكنا فرحانين جدا
وف الست اشهر دول. اشتريت شقه وكنت بروح ديما لاميره وكنا بنتفسح ديما كل مره اقابلها فيها القاها بتزداد جمال بنت بصراحه مش هلاقي زييها اصلا♥️☺️ وماما كانت بتجهز للفرح وبابا واهلي وكنا مبسوطين جدااااااا
وبعد مرور ست اشهر♥️ وكان يوم الفرح بتاعي كان اجمل يوم ف حياتي
والقاعه كان فيه رتب كتيره اوي ظباط ومستشارين ولواءات وقضاء. وكانت فيه اصحاب بابا ف الشغل واصحاب ماما واصحاب اميره واصحابي وكان فيه ناس كتيره جداااااااااااااااا
وكان ف القاعه ماذون ♥️ وانا روحت اجيب اميره من الكوافير. اول ما شوفتها اتزهلت من جمالها بصراحه واخدها ف حضني وطوطحتها وروحت بيها على القاعه. واول ما دخلنا. قعدنا نكتب الكتاب وبعد ما كتبنا الكتاب. قدام الناس كلها بوستها واخدها ف حضني وطوطحتها وقلت لاباباها ي عمي بنتك ف عيني عمي رد عليا وقلي وانا مأمنك عليها
المهم قعدنا على الكوشه والناس بقيت تيجي تسلم. وهي مكسوفه وشربنا شربات زي ما بيعملوا العرايس😉♥️
وواقفنا ف القاعه نرقص رومانسي وقطعنا التؤرته واميره اصحابها واخواتها رقصوا معاها ف الفرح
وانا اصحابي هيصوا لي الدنيا
وهي مسكت بوكيه الورد وشوته مسكت البوكيه اختي ايه وقلت ليه اهو قربتي تتجوزي 😂♥️ وام العروسه يعيني بكت على بنتها. وهي اميره هتبكي اخدتها ف حضني وقلت ليها. خلاص بقي مش هحرمك منهم هوديكي عندهم ديما وابتسمت وابتسمت
وفرحنا جداااااااا♥️♥️♥️♥️ وكان اجمل فرح ف حياتي ♥️🔥🔥🔥 وانتهت اجمل قصه كتبتها عني ♥️
