خواطر من قلب الذكريات ج8
فى المقالات السابقة اعزائى القراء تم سرد بعض الكلمات والخواطر ضمن سلسلة خواطر من قلب الذكريات
واليوم سوف نستكمل مع حضراتكم الجزء الثامن السلسلة كما وعدناكم اتمنى ان تنال اعجابكم ..
نصيبها مش معايا
انا السبب هي السبب
المهم افترقنا وكل واحد راح لحاله
نصيبها مش معايا قسمتها مش ويايا
خلاص انا هنساها ودي كانت النهايه
اعذب نفسي ليه واجرح قلبها
ونتألم ونقاسي مرار وقولنا كتير انا وهي
هنعدي بلاد ونعدي بحار حقيقي النصيب غلاب
طب ليه نكمل ونعيش في عذاب
ظروفنا اقوي مننا واتفقنا انا وهي هنودع بعضنا
لكنه كان اصعب قرار دا انا قولت كتير انا وهي
هنعدي بلاد ونعدي بحار مش بايدنا ده غصب عننا
اخر دقيقه في الوداع عنيها دمعت وعنيا دمعت
ده محدش فينا باع وانكتب عليا انا وهي
نقاسي مراره الوداع ودي كانت النهايه
نصيبها مش معايا
…………………….
هاتى حزن يا دنيا هاتى
هاتي حزن يا دنيا هاتي
هخسر ايه تاني في حياتي
خسرت ياما كتير يا دنيا
ايه بس اللي باقي
هاتي حزن يا دنيا هاتي
هخسر ايه تاني في حياتي
انتي دايما معوداني علي الجراح وع القسيه
انتي يا دنيا ليه حرماني من كل فرحه تدخل عنيا
خلتيني اكره نفسي من كتر الهموم
ليه يا دنيا كتبتي عليا اعيش وانا باكي
هاتي حزن يا دنيا هاتي
هخسر ايه تاني في حياتي
عايش وغدرك حواليا
والدموع جوه في عنيا
نفسي افرح يا دنيا ولا
الفرح حرمتيه عليا
مش هقول يا دنيا كفايكي
هاتي حزن يا دنيا هاتي
هخسر ايه تاني في حياتي
…………………..
عطل فنى
عطل فني في قلبي
خلا كل البشر واحد
مفيش امان واتقفلت كل البيبان
لو حتحاولوا تصلحوه هيبقي الامل فاقد
من النهارده مليش حبيب مليش صحاب
ضمير الناس خلاص غاب
هعيش لنفسي واكون شارد
عطل فني في قلبي
خلا كل البشر واحد
اعزائى القراء تم الانتهاء من الجزء الثامن من سلسلة خواطر من قلب الذكريات حيث تم نشر سبع مقالات سابقة يمكنك قرأتها من خلال الدخول لصفحتى الشخصية
اتمنى ان تنال رضائكم واعجابكم هذه الخواطر والكلمات خرجت من القلب اتمنى ان تدخل قلوبكم جميعا
الى ان نلتقى في المقالات القادمة .اسعد الله اوقاتكم بكل خير…..مع خالص تحياتي ودوام التوفيق للجميع
