فضول الأرنب ارنوب
فضول الأرنب ارنوب
كان يا مكان فى قديم العصر والزمان حيوانات كتيرة عايشين مبسوطين فى غابة كبيرة وفى يوم من الايام ارنوب عايز يعرف كل حاجه عن كل حد حتى لو حاجه ماتهموش.
ارنوب مع الغزالة
كان ارنوب بيتمشى فى الغابة قابل الغزالة وقالها :صباح الخير عاملة ايه انتى ريحتك حلوة اوى هو انتى بتحطى ريحه اسمها اية .
تأثر الغزالة من فضول ارنوب و مشيت وكملت طريقها ومردتش على كلامه .
ارنوب مع القرد
كمل ارنوب مشيه و قابل القرد وقاله : صباح الخير عامل ايه فطرت كام موزة النهاردة
استغرب القرد و قاله : مافطرتش يا ارنوب انت تفرق معاك فى ايه انا فطرت كام موزة
اتكسف ارنوب من رد القرد عليه رغم ان هو اللى بيتدخل وبيسال عن حاجة ماتخصهوش .
فضول ارنوب مع السلحفاة والعصفورة
كمل ارنوب طريقة لحد ما شاف من بعيد السلحفاة والعصفور من بيتكلموا مع بعض و فضوله خلاه يقرب براحه لحد ما شافة الحمار الوحشى قرب منه و قاله انت بتعمل اية يا ارنوب رد علية الأرنوب ولا حاجة بشوف يمكن حد محتاج مساعده او حاجه ، قاله الحمار الوحشى مالكش دعوة يا ارنوب خليك فى طريقك ، رد عليه ارنوب صح انا بقول كده برضوا ومشى ارنوب وكمل طريقة وفكر ان هو يقرب اكتر و يستخبى وراء شجرة ودخل دماغة بين فروع الشجرة علشان يحاول يسمعهم لحد ما دماغه اتحشرت و ماعرفش يخرجها .
صوت ارنوب بصوت عالى الحقوووونى الحقووووونى
إنقاذ الحيوانات لارنوب
اتجمعوا كل الحيوانات حوله وفكروا ازاى ينقذوا ارنوب.
قال القرد مافيش حل غير اننا نكسر الشجرة
ردت السلحفاة تكسروا الشجرة والشجرة زنبها ان ارنوب حشر دماغة فيها علشان يسمعنى انا والعصفورة بنقول اية .
خاف ارنوب وقال بصوت عالى الحقونى انقذوني.
فكر القرد فى اقتراح وقال لباقى الحيوانات :خلاص احنا ممكن نكسر بس الفروع اللى حوالين ارنوب مش الشجرة كلها .
ردوا عليه باقى الحيوانات : فكرة حلوة يلا نبدأ فى إنقاذ ارنوب .
اعتذار وندم ارنوب
قالهم ارنوب : انا اسف يا اصحابى انا مش هتدخل فى اى حاجه متخصنيش وهبطل اسمع كلام ماليش دعوة بيه .
ارنوب اتعلم اية
قال ارنوب لاصحابة : انا اتعلمت خلاص انى مش لازم اعرف كل حاجه متهمنيش ومش لازم اسمع صحابى وهما بيتكلموا مع بعض فى حاجه تخصهم.
