في زعل بيخلّينا نبكي وزعل بخلينا نضحك
في زعل بيخلّينا نبكي ..
وزعل بيخلّينا نركض لحدا نشكي ..
وزعل بيخلّينا نشيل الصورة الشخصية ع المواقع ..
وزعل بنعبّر عنو بستوري أو حالة ..🖤
حزن بيخلّينا نكتئب ونعتزل الناس
وحزن بيضحكنا بيخلّينا نقوم نرقص، نعمل أكل، نركض 🖤
وأقسى زعل هو الحزن الساكت ..🖤
يلي بيخلّيك تسكت وتصفن وتنطفي وتدبل ع السكت ..
الزعل يلي بيجي ع هيئة صمت وسكوت وكتمان بيهدّك ..🖤
ما بتحكي ولا بتشكي، ولا بتلاقي أي عبارة أو كلمة أو صورة تعبر عن اللي بتحسو 🖤
بتسكت لأن الغصّة اللي بقلبك أكبر من كل الكلام وأتقل من إنو تحملا حروف ..
لأن المشاعر يلي عم تحسّا مالقيت حكي يوصفها أو يحس فيّا متل مو موجودة جواتك ..🖤
لأن الكلام مالو قيمة ولا بيقدر يوصل الإحساس .. بتسكت ..
لأن كلامك عن حزنك أو مظاهر الزعل مارح تفيدك بشي ولا رح تقدر تخفف عنّك ولو شوي ..🖤
السكوت المحسوب عليك رضا وهدوء .. هوي حرب عم تطحنك وجبل ع قلبك عم يخنقك ويهدّ فيك ..🖤
السكوت بعمرو ما كان رضا .. هاد يا خسارة_الحكي 🖤بتلاقيه قادر يحكي ساعة مع رفيقو ، قادر يشكيلو و يخبرو قديه في جواتو حب لألها و كيف مستحيل هاد الحب يتعوض بقلبو ..🖤
بتلاقيها قادرة تحكي ألف مرة عنو ، تعيد كل الذكريات تبكي عليه و تقول لرفيقتها ما قدرت للحظة شيلو من بالي .. 🖤
بس أيّ واحد فيون يتنازل و يحكي مع التاني ما بيقدر ، بيعتبر هالشي خط أحمر بيمس بكرامتو و كبريائو ..🖤
نحنا طلعنا مجبولين بالقسوة و منحب حالة الحب بس الي منشوفا بالمسلسلات ، منجرب نعيشها بتفاصيلا الحلوة !.🖤
أما عند المواقف الصعبة الي لازم نثبت فيها الحب منصير قادرين نكسر كل شي ، نكسر قلبنا و نكسر الي منحبو و لا نكسر " العقد الي براسنا "..
كل الحكي الصح الي لازم نحكيه للطرف التاني منحكيه بينا و بين حالنا ، منحكيه مع رفقاتنا بس ما منقدر نحكيه للشخص الي لازم يسمعو ..🖤
يمكن المشكلة إنو ما علّمونا كيف نحب ، ما علّمونا إنو الي بدو يحب لازم يكون في عندو خط أحمر واحد ما لازم ينكسر هو الي منحبو و بس 🖤
