رواية " حياتي بعدها " بقلم الكاتبة ولاء شوقي

بارت 1 حكاية حياتي بعدها بقلم ولاء شوقي حصري لموقع ايام نيوز 

أنت هتفضل تبصلي كتير كدا من غير ما تتكلم ممكن ترد عليا انا متأخرة وعايزة امشي وانتي عايزة مني ايه ما تمشي وانا ماسك فيكي هو انت ليه محسسني اني بشحت منك انا مديرتك علي فكرة وانا ابن صاحب الشركة علي فكرة والله عارفة انك ابن صاحب الشركة بس انا عندي أوامر انك تحت إدارتي واني ادربك علي كل أمور الشركة واعرفك كل كبيرة وصغيرة فيها عشان تعرف تديرها خلاص روحي قوليلهم اني مش عايزك انتي اللي تدربيني مالاقوش غيرك انتي يعني تخيل مفيش اشطر مني في الشركة عشان انا المدير التنفيذي لشركات ساعدتك بعد عمر طويل لوالد حضرتك ووالدك بيثق فيا انا وبس ومن حظي الۏحش انهم يخلوني انا اللي اتولي تدريبك ف انت رضيت او مرضيتيش انا اللي هدريك أمري لله اتفضلي عايزة تقولي ايه بس الاول ممكن اعرف اسمك دا لو مش هيضايق ساعدتك يا سيادة المديرة من غير بس تريقة هاقولك طبعا اسمي ياسمين وفي الشركة بيقولولي يا باشمهندسة زي ما انت المفروض تقولي كدا من بكرا في أول يوم شغل ليك كملي يا ياسمين واختصري قال باشمهندسة قال ها مش عايزة تمشي اه طبعا طيب اتفضلي قولي اللي انتي عايزة تقوليه اوكي اولا عايزاك كل يوم تيجي الشركة الساعة 8 الصبح وهتمشي منها الساعة 5 زيك زي اي موظف فيها فعلا وايه كمان يا ست هانم ثانيا انت من ساعة ما هتيجي لحد ما هتمشي مش هتفارقني هتكون معايا خطوة بخطوة للأسف نعم بتقول اية لا مفيش كملي ثالثا ودا الأهم هطلب منك طلب اتفضلي هنبدأها اهو بطلبات انا مبهزرش تمام اتفضلي قولي خلينا نخلص اوعي تحبني نعم اه زي ما بقولك كدا اوعي تحبني دا في أحلامك عموما انا حذرتك وانت حر باي يا هادي اشوفك بكرا بدري في الشركة طيب مش عايزاني البس يونيفورم كمان ياسمين بابتسامة لا البس فورمال انتي بتقولي ايه انا البس اللي انا عايزة انتي هتتحكمي في لبسي كمان دا اللي ناقص عموما هاشوف كلام مين اللي هيمشي فينا اشوفك بكرا سلام يا هادي بيه

 بارت 2 حكاية حياتي بعدها بقلم ولاء شوقي حصري لموقع أيام نيوز 

هادي كان متعصب جدا ومخڼوق وعلي اخرة ايه اللي بيحصل دا جايبين عيلة أصغر مني تعلمني انا انا هخليهم يحرموا يعملوا كدا تاني هادي ابو العز شاب مدلع عشان وحيد باباه ومامتة بس باباه تعب من كتر البلاوي اللي بيعملها واستهتاره بكل حاجة وعايز يعلمة المسؤلية لانه حس انه علمة اه احسن تعليم بس مقدرش يعلمة المسؤلية فقال مفيش غير الشغل هو اللي هيعدل حياتة ويعلمة المسؤلية ويبعده عن الشلة الفاشلة اللي ماشي معاهم وكمان يشغلة عن البنت اللي عايز يتجوزها وهي متصلحش تكون زوجة اساسا هي صحيح بنت ناس اغنيا بس فاشلة زي هادي وعمر اهله ما ارتاحوا ليها ابدا باباه لقي ان احسن حد يعلمة الشغل هي ياسمين دراع ابوه اليمين في الشركة بنت محترمة ومتربية وشاطرة في شغلها وخريحة كلية هندسة بس سابقة سنها بدير الشركة احسن من ناس كتير عندهم خبره سنين تاني يوم الصبح ياسمين وصلت الشركة في ميعادها واعدت استنيت هادي لحد الساعة 10 مجاش ياسمين زهقت وكمان كانت خلصت كل شغلها في الشركة وكان

 ---

لازم تنزل الموقع تتابع العمال وهما بيشتغلوا وبيبنوا المرحلة التانية من الكمبوند ودا من ضمن عاشر كمبوند يبنوه ماهي بدير مجموعة شركات ابو العز للبناء والتعمير ياسمين لسة هتتحرك من المكتب لقت هادي داخل عليها بصتله وقالتله انت ايه اللي اخرك هو دا اللي اتفقنا عليه بقولك ايه انا نايم متأخر وصاحي بالعافية مش ناقص كلامك دا ياسمين مخڼوقة وبتنفخ وعلي آخرها طيب يالا عشان نازلين هادي نعم نازلين فين انا لسة مفطرتش وعايز اشرب حاجة عشان افوق هو انت مفكر نفسك في فندق انت في شغل يالا وفي الطريق هجبلك اي حاجة تأكلها وتشربها كفاية انك جاي متأخر هادي هو اية اللي اي حاجة تأكلها اشربها هو انا ابنك وراحة توديه الحضانة ياسمين قالتله ياريتك كنت ابني كنت عرفت اربيك هادي بصلها بغيظ وقالها طيب يالا وخليني ساكت احسن عشان متزعليش هادي نزل مع ياسمين وقالها هنركب عربيتي ركبوا سوا وهما ماشين مشغل اغاني بصوت عالي وياسمين بتعمل تليفونات شغل راحت قافلة الاغاني وقالتلة انت مش واخد بالك اني بتكلم في شغل طيب علي الاقل اسمعني عشان تتعلم او وطي عشان انا اعرف اركز والناس تسمعني هو انتي بتكلميني كدا ليه ما تيجي تاخديني قلمين احسن بص بقي انا مبحبش الهزار في الشغل وڠصب عنك هتتعود علي طبعي وتتعلم الشغل ماشي ادخل يمين البنزينه اللي جاية عايزة ايه منها هجبلك اكل وحاجة تشربها عشان متعيطش مني في السكة اعيط ماشي مقبولة منك ما انتي أصغر مني وليس علي كلام الاطفال حرج الا صحيح انتي عندك كام سنة لما تكبر شوية هاقولك لا حلوة عرفتي ترديهالي ياسمين بتفتح باب العربية ونازلة اية دا راحة فين لا انا اه مبحبش الشغل بس راجل اوي اعدي مكانك انا اللي هنزل اجيب الاكل تشربي ايه عصير برتقال فريش ايه دا مش هتشربي قهوه ولا نسكافية لا مبحبش اي حاجة فيها كافين ماشي يا فوايد پتخافي علي صحتك انتي هجبلك اكل علي زوقي اوعي حد يعاكسك بس يا ظريف اتكل علي الله متتأخرش ورانا شغل.

 بارت 3 حكاية حياتي بعدها بقلم ولاء شوقي حصري لموقع أيام نيوز 

هادي جاب الاكل والحاجة ورجع وركب العربية وراحوا الموقع اول ما وصلوا شاف الناس بتجري علي ياسمين بيعملوا ليها الف حساب رغم صغر سنها لفت نظرة ان رغم ان ياسمين جد في شغلها بس كل الناس بتحبها وبتحترمها وان ياسمين رغم أنها شوية تزعق وتتنرفز الا انها برضوا بتهزر مع العمال وبتجبر بخاطرهم ومتزعلش حد ولا بتيجي علي حق حد هادي فضل متابع ياسمين وهي بتشتغل لحد ما خلصت وقالتلة يالا بينا نتحرك قالها اية في مشوار تاني انا الشمس بوظت راسي حرام عليكي قالتله لا خلاص كفاية عليك كدا النهاردة انت برضوا مدلع ومش واخد علي الشغل هادي اضايق اوي من كلامها وخصوصا بعد ماشاف ياسمين في الشغل وهي بمېت راجل قالها لا طبعا انا ولا يفرق معايا الكلام دا تحبي نكمل شغل تاني قالتله لا هنروح قالها قولي بقي انك انتي اللي تعبتي قالتله لا عشان عندي ايميلات مهمه لازم ابعتها من علي اللاب توب بتاعي ولسة هترجعني الشركة اخد عربيتي وامشي ولا ناوي تسبني هنا ولا اية قالها هو انتي مبتتعبيش تروحي تعدي تبعتي ايميلات انتي بتخرجي تعيشي حياتك امتي قالتلة يوم اجازتي بخرج ساعات

---

مع صحباتي بس دايما بقضيها نوم ودي حياة دي اللي شغل ونوم يالا احنا وصلنا ميرسي يا هادي بيه علي التوصيلة بس والله رحمتني من السواقة النهاردة ياسمين سابت هادي وخدت عربيتها ومشيت بس اليوم دا غير حاجة في هادي يمكن هو محسهاش بس دي كانت البداية هادي روح نام وصحي تاني يوم راح الشركة لقي ياسمين في مكتبها اول ما دخل قالتله لا مش مصدقة نفسي انت جي في ميعادك دا انا هطلع حاجة لله هادي ما تبس بقي كفاية تريقة ارجع يعني لااا خلاص والله بهزر يالا بينا ناخد لفة علي أقسام الشركة هادي اتسحل معاها في الشغل ونسي نفسة وفضل علي الحال دا شهر لحد ما فعلا بدأ يتغير من غير ما ياخد باله وبقي ينام بدري ويصحي بدري ومبقاش يشوف صحابة نهائي ومهتم بس يكون مع ياسمين ويتعلم الشغل منها هادي راح الشركة وكان اعد مع ياسمين بيشتغلوا لقي صحابة داخلين عليه ومن ضمنهم البنت اللي كان عايز يتجوزها صحابة اول ما شافوه اية يا عم محدش بيشوفك يعني هادي شافهم اهلا عاملين اية وحشني ياسمين سابتهم وراحت مكتبها اعدوا مع هادي وبقوا يهزروا بصوت عالي واصل للشركة كلها ياسمين راحت معدية علي هادي وقالتلة هخلص اللي في الحسابات واعدي عليك عشان نمشي سوا صحاب هادي بصوا ليه ولسة هيتريقوا راح هادي قالها دا في أحلامك يالا شوفي بتعملي اية بدل ما اخصملك يومين ياسمين بصتله باستغراب وفهمت انه بيترسم قدام صحابة راحت سبتة ومشيت صحاب هادي ايوة كدا يا عم مدير والله واعدوا يهزروا هادي قالهم يالا بقي روحوا انتوا النادي وانا شوية واجيلكوا صحابة مشيوا وهادي جري علي مكتب ياسمين ملقهاش سأل السكرتيرة عليها قالتلة مشيت اعد يتصل بيها مبتردش عليه اتصل بيها كتير وبرضوا مبتردش عليه ياسمين كانت محروق ډمها من اللي عملة قفلت موبايلها وروحت

بارت 4 حكاية حياتي بعدها بقلم ولاء شوقي حصري لموقع أيام نيوز 

هادي بقي هيتجنن ياسمين قافلة تليفونها ومش عارف يوصلها ومبقاش عارف هو لية مضايق انه مش عارف يوصلها هادي اتصل بالشركة وطلب عنوان ياسمين ولقي نفسة رايح يجيب ورد ورايحلها البيت من غير تفكير هادي وصل وسأل البواب علي رقم شقتها طلع وخبط ياسمين فتحت الباب بس اول ماشفته قفلت في وشة الباب تاني هادي خبط تاني استنت شوية وهي واقفة ورا الباب ومكنتش عايزة تفتح وتشوفه بعد اللي عمله فيها قدام صحابة هادي من ورا الباب انا اسف انا عارف اني قليل الادب مستاهلش تعبريني اصلا بس جايلك لحد عندك وانا ضيف ينفع تقفلي في وش الضيف اللي جايلك لحد عندك ياسمين فتحتلة وهي مش طيقاه ومش عايزة تبصلة أداها الورد وقالها اسف ياسمين بصاله ومبترديش قالها اسف والله ما هتكرر تاني حقك عليا ياسمين قالتله اتفضل دخل لقي مامتها اعدة بتسبح علي سبحتها ازي حضرتك يا طنط اسف اني جيت من غير ميعاد ولا يهمك يا ابني دا هادي بيه يا ماما ابن صاحب الشركة اهلا يا حبيبي اتفضل اعد تشرب اية ولا اي حاجة يا طنط متتعبش نفسك تعبك راحة اعمليلة نسكافية يا ماما 3 معالق سكر طيب كويس انك لسة فاكرة انا قولت انتي مش طايقة اي حاجة تخصني بص يا هادي تترسم عليا تاني قدام صحابك مش همشي واروح بس لا

---

انا همشي من الشركة كلها ومش رجعاها تاني كله الا كرامتي انا بعاملك باحترام تعاملني باحترام انا مش قليلة عشان تتريق عليا قدام صحابك خلاص يا سيتي انا غلطان وحقك عليا واستاهل اي عقاپ منك الا انك تسبيني وتمشي نعم قصدي تسيبي الشركة يعني وتمشي هادي بقي مستغرب نفسة هو لية بيعمل كدا هو اتعلق ب ياسمين ولا ايه عمره ما اتحايل علي حد ولا عمل كدا مع حد هادي عشان يحس ان ياسمين صالحته قالها ممكن بقي تقبلي عزومتي علي الغدا برا قالتله لا مش فاضية طيب عشان خاطري لا انت بعد اللي عملته فيا ملكش خاطر عندي حقك والله ومش هتكلم مامتها جابت النسكافيه وجت طنط ممكن تقبلوا عزومتي علي الغدا برا يا ابني انا كبرت وماليش في اكل الشارع دا خليك انت اتغدي معانا دا انا عاملة مكرونة بشاميل وفراخ مشوية وجلاش باللحمة المفرومة والجبنة الموتزريلا هيعجبك وكمان ياسمين بتحبهم الله يا طنط وانا كمان بحبهم طيب يعني لو ياسمين مش هتضايق اعد اتغدي معاكوا لا طبعا يا ابني تضايق ازاي انت منورنا ياسمين اتفضل طبعا ضيافتك واجبة علينا ادام دخلت بيتنا يا ساتر بتقولها وانتي مكشرة و من ورا قلبك ياسمين لا ابدا اومال مكشرة ليه اضحكي بقي وحياة طنط عندك تضحكي ياسمين مردتش عليه غير باتفضل هحضر الغدا اعدي انتي يا ماما انا هحضر السفرة طيب والنبي ابتسمي طيب دا انا بحب اشوفك بتضحكي عشان غمازاتك بتبان وبتخطفني ياسمين اخيرا ابتسمت من كلامة بس مبينتش وسابته وراحت تجهز الغدا وهي طايرة من الفرح ومش عارفة لية اصل اول مرة حد يعمل معاها كدا وبصراحة كمان الواد قمر ياسمين حضرت الغدا واتغدوا وقام هادي شال معاها الأطباق بعد الغدا وكان مبسوط اوي لانه رغم العز والغني اللي هو فيه الا انه عمره ما حس بجو الدفا دا اللي حسة في بيت ياسمين وطيبة مامتها وجمال أكلها اللي مدقهوش من أحسن الطباخين عندهم ودا لانه معمول بحب هادي قضي اليوم معاهم وكان في منتهي السعادة وهو ماشي ياسمين وصلته علي الباب سلم عليها وباس ايدها وهنا ياسمين تنحت من اللي حصل قالها اشوفك بكرا علي خير وسبها ونزل وياسمين كانت في عالم تاني أصلها اول مرة حد يعمل معاها كدا وهي مكنتش فاضية اصلا تدخل في اي علاقة كان كل همها الدراسة والشغل وانها تبني نفسها لأنها معتمدة علي نفسها من ساعة ۏفاة باباها وهي اللي متحملة مسؤلية البيت مصاريفة ومن اللحظة دي وراح قلبها مع هادي وهو نازل

بارت 5 حكاية حياتي بعدها بقلم ولاء شوقي حصري لموقع أيام نيوز 

تأتي يوم هادي كان مستني ياسمين في الشركة واول مرة يروح ياسمين دخلت اتفاجأت اية دا من امتي بتيجي بدري من النهاردة عند سيادتك مانع يا سيادة المديرة لا وجي قبلي كمان وضحكت هادي لا انا كدا بقي همشي كفاية تريقة ناس مبتحبش الانضباط وضحك لا تمشي اية انا ما صدقت انك هنا اساسا يالا بينا نبدأ ماشي يا مديرة بسم الله ماشاء الله بقيت تقول مديرة من غير عقد ولا زعل وضحكت طيب بزمتك حد يلاقي مديرة قمر كدا ويبقي زعلان ياسمين ارتبكت وهربت من الكلام هننزل دلوقتي نروح الموقع عشان نشوف المرحلة الجديدة قبل ما تتسلم نزلوا وهما في الطريق وياسمين مشغولة كالعادة وهو مستمتع

---

جدا وكل شوية يبص عليها في مراية العربية من غير ما تاخد بالها لحد ما وصلوا ونزلوا يشوفوا شغلهم وبعد يوم طويل في الشغل ياسمين كانت واقفة بتتكلم مع هادي في كل اللي عملوه طول اليوم وهو باصصلها وفي دنيا تانية فاجأة قالها نفسي اعرف اية الحاجة اللي تفرحك ياسمين كانت بتتكلم فسكتت وبصتله انت بتقول ايه بقولك عايز اعرف اية الحاجة اللي تتعمل وتفرحك ياسمين سرحت شوية قالها ايوة هي دي الحاجة اللي سرحتي فيها عايز اعرفها ياسمين ابتسمت وقالتله هتتريق قالها لا قالتله عايزة اشوف النجوم وانا واقفة علي ياخت في النيل وأفضل بصلها لحد ما الشروق يظهر دول اكتر منظرين بحبهم وعايزة شيكولاتة وبلالين واتمشي واكل آيس كريم في وسط البلد واضحك من قلبي من غير ما اكون شايلة هم حاجة ولا افكر في حاجة هادي قالها بس كدا قالتله اه بس كدا دا اية الأحلام البسيطة دي هو دا اللي هيسعدك يعني مش عايزة تسافري أوربا تتفسحي وتعملي شوبينج ولا يبقي عندك خاتم الماظ مثلا قالتله لا هادي سكت وسرح بخيالة في البنت اللي كان بيفكر يتجوزها وعرف الفرق بين الاتنين بين واحدة دماغها فاضية كل اللي يهمها المظاهر وبين ياسمين البسيطة اللي اقل حاجة بتفرحها وترضيها وأحلامها جميلة زيها ياسمين لاقت هادي سرحان وساكت ياهووو اية روحت فين دا مكنش حلم قولتهولك عشان تسبقني وتحلم انت بيه الأول وضحكت علي فكرة دا حلمي انا ها وانا اللي عزماك علية متروحش بقي تحلمة قبلي لوحدك وضحكت هادي قالها ينفع اجي استأذن من طنط النهاردة واخطفك شوية نعم بتقول اية بقولك قولي لطنط انا جاي النهاردة الساعة 9 والبسي انتي وطنط واستنوني ممكن ياسمين استغربت بس قالتله اوكي هادي وصلها وجري عشان يجهز نفسة والساعة 9 بالظبط ياسمين سمعت الباب بيخبط فتحت الباب لاقت هادي واقف وزي القمر وبيديها شيكولاتة وبلالين ضحكت اوي وبقت طايرة من السعادة وقالها جاهزين قالتله ايوة قالها طيب يالا بينا طلعت مامتها سلم عليها وباس ايدها وقالتله علي فين يا ابني قالها لا انا خاطفكوا النهاردة يا طنط متسأليش ضحكت وقالتله ماشي بس محدش هيدفع لك فدية فينا عشان احنا مالناش حد ف انت الخسران قالها لا يا طنط انا كسبت من ساعة ما عرفتكوا ولو علي الفدية ف انتوا متتقدروش بكنوز الدنيا عشان انتوا اصلا كنز وبيتكلم وهو باصص ل ياسمين وياسمين وشها احمر من الكسوف مامتها ضحكت وقالتله الله يعزك يا ابني ياسمين مبهورة باللي عمله عشانها ومش مصدقة ان دا هادي بيه ابو العز اللي كانت تعرفة ودلوقتي بقي واحد تاني

بارت 6 حكاية حياتي بعدها بقلم ولاء شوقي حصري لموقع ايام نيوز

اخدهم هادي وركبوا العربية لحد ما وصلوا لمرسي علي النيل ياسمين جاية تنزل قالها انتي بتعملي ايه استني نزل هو وفتحلها الباب ضحكت اوي لأنها مش متعودة علي كدا ونزلت وبعدها فتح لمامتها الباب ومسك ايدها عشان تسند علية ياسمين بصت لاقت يخت منور وشكلة حلو اوي ومكتوب عليه ياسمين قالتله اية دا قالها دا اشتريته النهاردة مخصوص عشانك قالتله نعم قالها زي ما سمعتي كدا اتفضلي يا سيادة المديرة وبصلها وقالها ولا اقول يا أميرة عشان انتي فعلا أميرة ياسمين طايرة من الفرحة مش مصدقة كل اللي بيحصل دا حاسة انها بتحلم طلعوا الياخت واخد مامتها واعدها

---

وقالها اي حاجة تعوزيها بس يا طنط شاوري وهتلاقي اللي بيعملهالك بس بعد اذنك هاخد منك ياسمين واخد ياسمين وطلعوا علي سطح الياخت وقالها هنا تقدري تشوفي النجوم كويس وتسهري لحد الصبح تشوفي الشروق ومعانا مامتك مش هتقدري تقوليلي اتأخرت ياسمين مزهولة من اللي عمله ومش مصدقة ان في حد عمل كل دا عشانها وهي اتعودت تعتمد علي نفسها في كل حاجة هادي قالها انا كدا حققتلك اول امنيتين لسة فاضل واحدة ياسمين ضحكت وقالتله ليه يا هادي كل دا قالها مش عارف بس حاسس انك مسؤلة مني ومن ساعة ما شوفتك بتفرحي كل الناس وانا حبيت أفرحك انا اتعلمت منك ان اللي بيسعد غيرة السعادة تتردلة تاني هو انتي برضوا مش قولتيلي عايزاك تتعلم مني كل حاجة اديني بتعلم اهو وانا بحاول اردلك جزء بسيط من اللي بتحاولي تعمليه مع كل اللي حواليكي ممكن بقي تتبسطي وبس شايفة النجمة اللي بتلمع هناك دي ايوة دي بقي انا سمتها ياسمين عشان هي حلوة زيك ياسمين ابتسمت بكسوف ومبقتش عارفة تتكلم هي عمرها ما حد اهتم بيها كدا عدي اليوم لحد ما طلع الشروق وياسمين كانت في منتهي السعادة لحد ما روحهم هادي وقالها نامي كويس بكرا اجازة وخلي بالك ان بابا عامل حفلة في الڤيلا اخر الاسبوع بمناسبة تسليم المرحلة التانية من الكومبوند قالتله بص انا ماليش في جو الحفلات دا خالص انت عمرك شوفتني حضرت حفلة قالها لا بس هتحضري الحفلة دي معايا غيرك زي ما غيرتني ممكن قالتله بس انا معنديش حاجة سوارية البسها ولا عمري حتي لبست دريس انا كل لبسي فورمال ومبفهمش حتي في الحاجات دي قالها متشغليش بالك عدت الايام وهما كل يوم مع بعض في الشغل من اول اليوم لاخرة وهادي كل يوم تعلقة بيها بيزيد وياسمين بقت شايفة هادي بنظرة تانية غير الأول لحد اليوم اللي في الحفلة هادي وصل ياسمين وهي نازلة قالها اتفضلي قالتله اية دا قالها دا الدريس اللي هتلبسه النهاردة ومعاه كل حاجتة الشوز والاكسيسورى حتي الميك اب قالتلة بس انت عرفت مقاسي ازاي قالها انا حفظتك انتي لو منهج بمتحن فيه انا كنت طلعت الأول ونجحت بأمتياز من كتر ما انا حافظك ضحكت ياسمين بكسوف وسعادة وشكرتة واخدت الحاجة وطلعت ياسمين دخلت وباست راس مامتها وهي طايرة زي الفراشة من الفرحة وعمالة ترقص وتغني مامتها اول مرة تشوفها كدا وبقت فرحانة ان اول مرة تشوف بنتها فرحانة ياسمين بتكلم نفسها انتي حبتية لا لا لا لايمكن يا بنتي هو فين وانا فين لا حبتيه بقولك بس بقي لا طبعا فعلا اومال اية السعادة اللي انتي فيها دي طيب بس بقي عايزة البس وضحكت وقفلت الكلام مع نفسها ولبست ياسمين ونزلت واخدت عربيتها وراحت الحفلة اول ما دخلت لفتت انتباه الكل وهادي بص من بعيد ووقف اتسمر في مكانة لقي قمر داخل علية بيضحك قمر منور في الدريس الأحمر والهيلز العالي وشعرها الطويل اللي اول مرة يشوفه مفرود علي ضهرها وكتافها وقالعة النضارة وجمال عنيها بقي واضح بالميك اب البسيط اللي حطاه محسش بنفسة غير انة راح مسك ايدها وبقي ماشي بيها عايز يخبيها من كل الناس مش عايز حد يشوفها غيرة والحفلة كانت في منتهي الجمال لحد ما ظهرت رويدا اللي كان هادي يعرفها ايام شلة الفشلة وكان

---

عايز يتجوزها وأهله مكنوش موافقين عليها عشان هي مدلعة ومستهترة وهو مش اول واحد في حياتها بس زمان هادي مكنتش فارقة معاه هو مبيحبهاش كانت مالية فراغة وبس انما دلوقتي اكتشف مع ياسمين يعني اية حب حقيقي ومسؤولية وحاجات كتير اتعلمها منها المهم رويدا شافت المنظر دا راحت رايحة ليه ايه دا مش تعرفنا ايه لا استني كدا مش دي ياسمين المرمطونة بتاعة الشركة بتاعتكوا بس اية النضافة دي ياسمين اضايقت هادي قالها اخرسي متقوليش كدا هو انت بدافع عن دي وبتكلم بقرف هادي قالها دي احسن من مليون واحدة زيك وكلمة كمان هطلعك برا قالتلة انا رويدا المنسترلي تقولي كدا ماشي يا هادي هادي اخد ياسمين ورقصوا سلو ودي كانت أول مرة ترقص فيها في حياتها وكمان تكون قريبة اوي كدا من حد هادي كان موصي ان اغنيتها المفضلة بتاعة عمرو دياب ومالة تشتغل ويرقص معاها عليها هي اول ما اشتغلت عنيها لمعت والبيست فضاه واعد يرقصوا هما الاتنين وكل الناس بتتفرج عليهم وعلي منظرهم الجميل بس الوحيدة اللي كانت مفروسة هي رويدا فضلوا يرقصوا لحد ما الأغنية خلصت وياسمين كانت في منتهي السعادة هي وهادي والكل سقفلهم وياسمين ماشية مع هادي رويدا داست علي الدريس بتاعها وكانت قاصدة تقطعة الدريس اتقطع وياسمين اتخضت رويدا قالتلها هو دا اخرك انك تكوني لابسة هلاهيل يا جربوعة اوعي تحلمي انه ممكن يفكر فيكي كان لازم يشوفك باللي يليق عليكي دريس مقطوع هادي مستحملش ومحسش غير انة بيضرب رويدا بالقلم وبيقولها اطلعي برا ومشوفش وشك تاني دا لو عندك كرامة واخد ياسمين في عشان ويطمنها ويداريها عن عيون الناس لحد ما خرجوا برا الحفلة وهما ماشين في جنينة الڤيلا ياسمين مستحملتش الصدمة ووقعت اغم عليها هادي كان هيتجنن مبقاش عارف يعمل اية شالها وجري بيها علي العربية وطلع بيها علي أقرب مستشفي واول ما دخل اخدوها منه وحاولوا يفوقوها بس للاسف مكنتش بتستجيب

بارت 7 

حكاية حياتي بعدها بقلم ولاء شوقي حصري لموقع ايام نيوز

الدكتور طلب يتعملها فحوصات بسرعة وحطوها علي جهاز تنفس وهادي واقف هيتجنن مش فاهم حصل اية بيسأل الدكتور بعصبيه طمني عليها ارجوك الدكتور قاله التقرير المبدئي هي صدمة ادت لفقدان الوعي بس مستنين الفحوصات عشان نتأكد هادي اتصل بمامتها قالها وبقي واقف مستني نتيجة الفحوصات بفارغ الصبر بعد ساعتين ولسة ياسمين مبتفوقش مامتها كانت وصلت المستشفي وهي مخضۏضة والدكتور كان جاب نتيجة الفحوصات وواقف بيكلم هادي وقاله الفحوصات وضحت ان عندها کانسر هادي اټصدم قاله اية لايمكن اكيد في حاجة غلط ياسمين كويسة وكلها طاقة وحيوية انت بتقول اية دى مكنتش بتاخد مسكن حتي الدكتور قاله للأسف ما هو دا اللي خلي الکانسر يبقي في مرحلة متقدمة لأنها مكنتش بتتعالج واضح انه عندها من فترة هادي هيتجنن وبص لمامتها لاقها بتقولة ايوة يا ابني ياسمين من سنة عرفت ان عندها کانسر ورفضت العلاج وبقت بتشتغل بكل طاقتها عشان تلهي نفسها وقالت اللي يعوزة ربنا هو اللي هيكون ليه ليه عملت في نفسها كدا هادي الدموع غلبتة من كتر ما قلبة ۏجعة من اللي عرفة وبقي عمال يخبط بايدة علي الحيطان مش مصدق وجري علي أوضة ياسمين اعد جمبها ومسك ايدها لحد ما ڠصب عنة الوقت عدي وراح في النوم ياسمين فاقت لاقت هادي اعد جمبها وماسك ايدها ورايح في

---

النوم ندهت علية براحة هادي صحي اول كلمة انتي كويسة ياسمين انا بخير لية مقولتليش لية خبيتي عليا قالتلة انا لايمكن اخد الكيماوي وشعري يقع هيعيشني كام سنة زيادة يعني انا عايزة اموت وكل اللي حواليا فاكرين شكلي الحلو مش وانا شعري حواجبي واقعين وصعبانه عليهم هادي انتي هتتعالجي وهتخفي ان شاء الله فاهمه مستحيل اسيبك كدا بعد اذنك هروح للدكتور وراجع هادي راح للدكتور عشان يتفق معاه علي علاج ياسمين ولسة بيتكلم معاه الدكتور قاله للأسف عدينا كل المراحل اللي ممكن كان يتم فيها العلاج ودلوقتي مفيش قدامنا غير اننا نديها مسكنات وبس عشان تقدر تستحمل اي الم يجليها والمسألة مسألة وقت انت بتقول اية مستحيل انا هسفرها برا تتعالج اكيد في حل صدقني لو كان في حل كنت انا قولتلك سفرها بس دا هلاك ليها علي الفاضي ربنا معاكوا هادي هيتجنن ودموعة مش قادر يمسكها اعد من الصدمة ومبقاش عارف يفكر بس حاول يتمالك نفسة وراح لياسمين ومامتها وقالهم يالا بقي بلاش دلع انتي كويسة الدكاترة قالوا هتخرجي دلوقتي لو سمحتي يا طنط غيرلها هدومها وانا مستنيكوا برا هادي اخدهم وروحوا علي البيت وقالها متعمليش نفسك عيانة بقي انا هعدي عليكي بليل عشان احققلك الأمنية التالتة بتاعتك يالا سلام يا مديرة

بارت 8 والأخير 

حكاية حياتي بعدها بقلم ولاء شوقي حصري لموقع ايام نيوز هادي مشي وهو بيتقطع من الألم اللي حاسة في قلبة وخد عربيتة وطار طلع علي الڤيلا وجري علي باباه وقاله انا عايز اتجوز باباه استغرب قالة وتبقي مين دي بقي ان شاء الله اللي جي ملهوف كدا عشان تتجوزها تبقي ياسمين انا عايز اتجوز الباشمهندسة ياسمين باباه فرح وقال ايوة كدا هو دا الاختيار الصح البنت محترمة وكويسه وهي اللي شايلة شغل الشركات كله الف مبروك يا ابني ايوة يا بابا بس انا عايز اتجوزها الاسبوع دا ابوه استغرب ولية السرعة دي قاله عشان خاطري يا بابا انا بحبها اوي ومش عايز لحظة تعدي بعيد عنها ابوه استغرب وقاله اوعي يا ابني دي تكون نزوة من نزواتك البنت طيبة وحرام تظلمها يا بابا انا اتغيرت ياسمين غيرتني انا بحبها بجد ارجوك وافق خليني اجهز للفرح ابوه قاله علي خيرة الله يا ابني هادي جري طلع اخد شاور وغير هدومة بسرعة وراح اشتري أغلي خاتم الماظ وطلع علي ياسمين خبط مامتها فتحتله لقي ياسمين اعدة قالها اية دا انتي لسة ملبستيش يالا يا مديرة بسرعة اية الكسل دا ياسمين قالتله مش قادرة يا هادي قالها دا امر مش انا صاحب الشركة دا امر ليكي اتفضلي دخلت ياسمين لبست وخرجت ورغم التعب اللي كان واضح علي ملامحها الا ان هادي كان شايفها ملاك قدامة اخدها ونزل وراحوا علي وسط البلد ركن العربية ونزلوا وجبلها آيس كريم واتمشوا سوا وهما ماشين قالها يعني لو اتقدملك واحد كان مستهتر وحياته كان عايشها علي حساب سعادة الناس اللي حوالية ومكنش مقدر نعم كتير ربنا مديهالة بس الحمد لله فاق واتغير وبقي عارف معني المسؤلية وجبر الخواطر وبقي مقدر نعم ربنا اللي مديهاله اللي انتي واحدة منهم وفوق كل دا بيحبك وميقدرش يستغني عنك ومبقاش شايف الحياة من غيرك توافقي ياسمين عنيها دمعت وقالتلة انت بتعمل كل دا عشان انا صعبانة عليك صح لا يا هادي انت تستحق احسن واحدة في

---

الدنيا تعيش معاها وتخلف منها انا ايامي معدودة وانا عارفة هادي قاطع كلامها وقالها انتي عارفة اية عارفة ان نظرة واحدة منك بمليون سنة قدام عارفة ان يوم معاكي ولا الف سنة من غيرك عارفة ان خناقة واحدة معاكي تغنيني عن الف ضحكة مع غيرك الحياة معاكي حتي لو يوم هي عمر بالنسبالي اموت لو معشتوش ونزل علي ركبتة في وسط الشارع وفتح الخاتم وقالها تتجوزيني ياسمين دموعها نزلت وقالتله طبعا انت اول حب في حياتي وعمري كله الناس كانت بتتفرج وتسقف وفي اللي كان بيصور قام ولبسها الخاتم وباسها بين عنيها علي جبينها وقالها عايزك تغمضي وتحلمي وبس واعتبريني انا مصباح علاء الدين بالنسبالك والعفريت اللي جواه كمان واعدوا يضحكوا وعدي الاسبوع لحد ما وصلوا ليوم الفرح وكان يوم استوري ياسمين كانت زي القمر زي الاميرات فعلا عشان ملهاش حد باباه هو اللي دخل اخدها من اوضتها في الڤيلا ونزل بيها علي السلم وسلمها ل هادي ابنه قدام الناس هادي مسك ايدها وبقي ماسكها اوي وكأنه خاېف تروح منه وفضل يرقص معاها وشلها ولف بيها قدام الناس وكأنهم طايرين فوق السحاب مع بعض وخلص الفرح وبدأت حياة ياسمين وهادي وكانت حياة هادية اوقات ومچنونة وكلها مفاجأت اوقات تانية بس كان اللي غالب عليها حب هادي وياسمين لبعض وعشقهم اللي غير حياة هادي 180 درجة وخلاه شايف الدنيا بشكل جديد لحد ما جه اليوم اللي حصل فية اللي كان ناسية هادي او بيحاول ينساه وهو بيصحي ياسمين بس للاسف ياسمين مبتصحاش وراحت لعالم تاني غير العالم بتاع هادي ياسمين مبتردش هادي هيتجنن واخدها في وعمال يعيط وېصرخ ياسمين قومي عشان خاطري قومي طيب سيباني لمين بعدك طيب مين هيعلمني الغلط من الصح تاني مين هيعلمتي الحنية وجبر الخواطر غيرك مين هيتكلم معايا كل يوم و احكيلة عملت اية في يومي كلة طيب قومي ردي عليا طمنيني انا ماليش حد يطمني غيرك ياسمين ياااااااسمين وخلصت إجراءات الډفن وكان أصعب منظر علي هادي وياسمين نازلة قدامة قپرها وخلاص مش هيشوفها تاني كان قلبة بيتعصر من الألم والۏجع والصړخة فيه اعلي من اي صوت حواليه بس محدش سامعة غيره مشيت ياسمين بس سابت في هادي حبها اللي هيعيش جواه طول عمرة وعدت سنة بعد مۏت ياسمين وهادي راح الياخت اللي اشتراه عشان ياسمين تقف فيه تشوف النجوم ووقف وبص علي النجمة اللي بتلمع واعد يكلمها وكأنها هي ياسمين وقالها غيرتيني وغيرتي حياتي للاحسن طلبتي مني اول مرة كلمتك فيها اني محبكيش وكان عندك حق تطلبي كدا لان اللي يعرفك لازم يعشقك مش يحبك بس ولانك كنتي عارفة انك هتسبيني وتمشي وانا مش هحس بطعم الدنيا بعدك كنتي خاېفة اتوجع بعدك بس انا متوجعتش بس انا بموووت من غيرك بس تعالي بقي احكيلك انا بعدك بقيت مكمل بنفس اسلوبك ونجحت في شغلي عشانك وسميت المرحلة الجديدة في المشروع ياسمين علي اسمك وعايش بنفس طريقتك بتعامل مع الناس باسلوبك بتكلم بنفس طريقتك بقيت جد في شغلي زيك بقيت بجبر بخاطر كل الناس حتي الغلطان بعلمة غلطة عشان ميكرروش تاني غيرتيني 180 درجة بس نسيتي حاجة واحدة معرفتيش تعلمهالي اني اعمل اية من غيرك واتكلم مع مين غيرك بقيت اخلص كل يوم شغلي واجري علي الكرسي بتاعك في الجنينة واعد اشرب قهوتي واتكلم معاكي بالساعات احكيلك

مش قادر يكون في البديل غيرك ولا عارف عيني تشوف غيرك غيرتي حياتي ومشيتي بس نسيتي وخدتي قلبي معاكي وانا بقولك مش عايزه يرجع من غيرك خليه معاكي انتي وبس وهفضل عايش علي ذكراكي يا احلي ما شافت عيني واغلي ما حب قلبي سلام يا حب عمري ووقف هادي يتنفس هواها وذكراها وهو واقف مكانها علي الأخت بيبص للنجوم وللنجمة اللي سماها علي اسمها.

تمت بحمد الله وفي انتظار تعليقاتكم ورأيكم دايما يهمني ويدعمني

والي اللقاء في رواية اخري قريبا بقلم الكاتبة ولاء شوقي