مشوهة اقتحمت حياتي
بقلم الكاتبه امنية عادل
بارت 3
الام (سمية): الحق ياليل ياابني سيليا
ليل بيجري بخوف وبيلاقي سيليا فاقده الوعي بيشيلها ويحطها في العربيه وبيروح على المستشفى ومعاه مامتها
دقايق والدكتور بيطلع بتجري الام بخوف: بنتي مالها يادكتور فيها ايه طمني عليها
الدكتور: الانسه في حاله صعبه واتعرضت لصدمه قويه ونتيجه للصدمه حصلها انهيار عصبي
الام (سميه): ياحبيبتي يابنتي طب والحل يادكتور المفروض نعمل ايه دلوقتي
الدكتور: ابعدوها عن اي صدمات واي حاجه تزعلها وتاخد الادويه في مواعيدها وان شاء الله هتبقى كويسه
الام (سميه): تمام هنعمل كل ال حضرتك قولت عليه شكرا
كل دا وليل واقف ساكت ومش بيدي اي رياكشن
الام (سميه): انا عارفه كل حاجه اتقالت في الوصيه محمد الله يرحمه مكانش بيخبي عليا حاجه بس صدقني مش هتيلاقي احسن ولا اطيب من سيليا.
ليل بعصبيه: وانا مالي ادبس واتجوز واحده مشوهه ليه دا انا كل البنات هتموت عليا وانا مش معبرهم
الام (سميه): وانا بقولك عمرك ماهتندم سيليا اجمل واحلى واطيب بنت ممكن تشوفها في حياتك وبعدين هي سنه بالطول بالعرض هتخلص
ليل بضحكة استهزاء: دا اذا كان فيها سنه اصلا
الام (سميه): انت وافقت ولازم تكمل للاخر محدش غيرك هيقدر يحمي سيليا ويمنعهم يوصلوا ليا علشان ال ميكرو فيلم.
ليل: تمام انا وعدت القائد بتاعي قبل مايموت اني هااحميكم
الممرضه قالت الانسه سيليا فاقت
الام (سميه): بنوتي انتي كويسه مالك ياحبيبتي
سيليا باصلها وساكته مفيش اي رياكشن
الام بقلق: ليل نادي على الدكتور سيليا مش بتتكلم
الدكتور: اخبارك ياانسة سيليا طمنيني عليكي
سيليا مفيش اي رد
الدكتور انسه سيليا انتي فاهمه انا بقول ايه لو فاهمه اعملي اي حاجه
سيليا وهي بتهز دماغها وبتحاول تتكلم وقالت بصوت متقطع: اي ه ال حص ل وانا هن ا لي ه
الدكتور: حضرتك تعبتي وجيتي على هنا وكلم الام وقال هي هتبقى كويسه اعملي اللي قولت عليه والف سلامه
الام: تمام يادكتور شكرا لحضرتك
الدكتور: العفو على ايه يامدام دا واجبي
وخرج الدكتور بعد ماكتبلها على خروج
سيليا وهي بتبص لمامتها وبتقول بعياط: انا ازاي اتجوزت وانا اصلا مش مضيت على عقد الزواج
الام: متشغليش دماغك دلوقتي انا هااقولك على كل حاجه بعدين
سيليا بعياط هيستيري: يعني انتي كنتي عارفه ياماما وخبيتي عليا طب ليه انا عملت ايه
الام بحزن واسف: اه كنت عارفه وخبيت عليكي لمصلحتك والله بكره تعرفي انا عملت كدا علشانك
سيليا لسه هتتكلم قاطعها صوت ليل وهو بيقول: يلا نروح وهتعرفي كل حاجه
سيليا بصراخ: انت بذات مش عاوزه اسمع نفسك ومش هااروح معاك في اي مكان
ليل وهو يتحكم في عصبيته: اخر مره صوتك يعلى عليا انا هااربيكي من اول وجديد اصبري عليا وهتيجي معايا على البيت ومش عايز اسمع نفسك
في مكان تاني كله مظلم بس في ضوء بسيط
شخص مجهول: لازم تكون هنا تحت ادينا
شخص تاني: ننزل على مصر ورح تكون موجوده اكيد
المجهول ١: رتب كل شئ وانا وياك بس ماتنسى تتصل على دانيال ومعه رجالتنا
المجهول ال٢:دانيال يقوم بالمهمه لوحده بس بعرفه التفاصيل
المجهول ال١:لازم الميكرو فيلم يكون تحت ادينا قبل مانتفضح ويعرفوا كل شئ
المجهول ال٢:تمام رح اشوف دانيال وابلغك
المجهول ال١:لازم تكون معانا واحنا رح نتصرف بس ماتقول لدانيال اني بحبها ومغروم فيها
المجهول ال٢:تحت امرك رح نفذ هلا رح اكلم دانيال
في مكان تاني كوخ يخوف جدا موجود فيه كل ادوات التعذيب راجل بيصرخ ويقول: ارحمني والله مابعرف شئ كل اللي بعرفه قولته لك
شخص مقنع ولابس اسود بيقول بعصبيه وهو بيحط رجله على راس الراجل: انت مصدق ان اللي قولته دا هيعدي عليا انا عارف كل حاجه اتكلم احسن مااموت عيلتك كلها
الراجل: انا مالي دخل بكل هاالعمليات انا بس نائب الريس سمعته وهو بيقول التسليم بكره الساعه والمكان بس هيك
المقنع بص لرجالته وقال: خدوه روقوا عليه ومشوه و
قاطع كلامه رنت فون
وقال المقنع: تمام رح بنزل على مصر اجيبها ورح تكون هي والميكروفيلم عندكم قريب
بيتكلم ويقول في نفسه: وحشتيني اوي ونفسي اشوفك ياترى شكلك بقى عامل ازاي بس حبيبك خلاص هيرجع ومش هيبعد عنك تاني
ياترى دا مين ومين البنت اللي بيتكلموا عليها وايه حكاية الميكرو فيلم وايه علاقة سيليا وليل كل دا واكتر هتعرفوه في الاجزاء اللي جايه
