أحببت قاتلي _الجزء السادس ، بقلم ليلى مظلوم
*الـجـزء الـسـادس.*
كانت نايا قاعدة عم ترسم
حست انو في اصوات غريبة بالبيت
صوت حركة غريبة
كل شوي تسمع صوت
الصوت عم يجي ويختفي
بلشت تحس بالقلق
نايا: مين في هون
حدا يرد عليي مين في هون
نايا عم تتلفت حواليها
بيجيها صوت تكسير صحون قوي
بتصرخ من رعبتها
نايا: ياربي شوهاد شو يلي عم يصير ،
بتقوي قلبها وبتروح تدور باانحاء البيت ع مصدر الصوت
ومابتلاقي اي نتيجة
بتحمل تلفونها وبتتصل باامجد
نايا: الو
امجد: اهلين حياتي
نايا: امجد تعال عالبيت بسرعة انا خايفة كتير
امجد: خايفة من شو خايفة شبك نايا ليش هيك صوتك
نايا: حبيبي عم اسمع اصوات غريبة ومرعبة كرمال الله تعا خايفة كتير
امجد: اصوات شو
نايا: مابعرف متل صراخ وتكسير صوت مشي انا كتير خايفة امجد
امجد: هههه يامجنونة يعني منين بدها تجي هالاصوات انتي عم تتوهمي مافي شي بس بجوز لانك حضرتي فيلم رعب مبارح تأثرتي فيه
نايا: بس انا دائما بتفرج عاافلام رعب ولامرة حسيت هيك
امجد: نايا حبيبتي خلص اهدي مافي شي من يلي عم تقوليه وانا نشالله شغلة ساعتين وبجي ،
بتسكر نايا الخط
وبتحاول تتجاهل الشي يلي صار ،،،،
،،،،،،،،،،،،،،،،،،،،،
بتمرق سنة ونايا لسا عم تسمع هالاصوات
وخصوصا بالليل بس امجد كان طول الوقت يفهما انو هي عم تتوهم
وكان مبسوط بالشي يلي عم يصير معها ،
نزار مات ببيت امجد وسامر
قتلو القهر والهم
مات وبنتو لحد الان مابتعرف عنو شي ،،
بالليلة من الليالي نايا وامجد سهرانين
امجد عم يجرب تياب جديدة
ونايا قاعدة عم ترسم
امجد: حبيبتي شوفيلي هالتياب حلوين
نايا بتطلع باامجد وبتعجب فيه
نايا: مو معقول
امجد: شبك ماعجبوكي؟
نايا: لك مبلا بتجنن تؤبر البي طالع قمر
وبيلبقلك تمثل بفلم اجنبي
امجد: افف كل هالقد انا جنتل
نايا: لك انت بنظري احلا شب بالكون بس ماقلتلي ليش عم تلبس هلق الساعة ١١ بالليل وين بدك تروح
امجد: مابدي روح لمكان بس حبيت جربهن لانو بكرا بدي البسهن عندي اجتماع
نايا: تعال لاارسمك
امجد: شوهالجنان هلق بدك ترسميني
نايا: اي هلق ليش شوعندك
امجد: لك تعبان بدي نام
نايا: اي مافي تنام هلق بدي ارسمك يعني بدي ارسمك ،
بتمسكو من ايدو وبتقعدو عالكرسي
امجد: يالله شومجنونة
نايا: ولاحرف ابتسم يالئيم
بيقعد امجد
ونايا بتبلش ترسمو بيمرقو تلات ساعات
وامجد على قعدتو بيتعب وبيبلش يتحرك وكل شوي يغير حركتو
نايا: بلا غلاظة اثبت
امجد: لك انا ايمتا بدي اخلص من جنانك
الك ٣ ساعات مقعدتيني متل الصنم مشان تشخوطي
نايا: امجد لاتقول عن رسماتي شخوطة
امجد: ياستي شخوطة ونص وجنان كمان
لك بدي نام نايا
نايا: هاد فوق ماعم ارسمك
امجد: يكتر خيرك حبيبتي
الله غناني عن هالشخوطة
نايا: قلتلك لاتحكي عن رسمي هيك
امجد: لا بدي احكي شو رح تعمل ياسيد بيكاسو،
نايا بتشيل علبة الوان وبتقرب من امجد بترسملو على وجهو
امجد: لك شوعم تعملي مجنونة
نايا: بدي علمك كيف تحكي على رسماتي
امجد: لك بس يامجنونة نزعتيلي التياب
نايا: مابدي بدي غرقك بالالوان
امجد بيجيب علبة الوان وبيبلش يرش على نايا
ونايا بترش عليه
وبيضلو على هالحالة ليتعبو تنيناتهن
ويرتمو عالتخت
نايا: تضرب شوغليظ تعبت
امجد: بتستاهلي ماحدا قلك تعلقي معي
نايا: هههههه لك.شوف وجهك كيف عملتلك ياه خريطة
امجد: اي واطلعي على وجهك انتي رسمتلك لوحة بحيرة البجع
نايا بتجيب مرايا وبتطلع على حالها وبترتعب
نايا: مين هي انا ؟ يالله منك ياامجد
امجد: بتستاهلي بيكاسو مو بدك ترسميني تحملي
نايا: يالله اطلع عالبيت
شوعملنا نحن الالوان ملت الدنيا
امجد: هاد كلو من كيدك
نايا: اي بلا حكي فاضي قوم ساعدني بتنضيف البيت
امجد: والله هاد الناقص اخر عمري اشتغل شطاف بيوت
نايا: يلا قووم معي
امجد: امري لاالله
بيقومو لينضفو البيت
من معركة الالوان يلي صارت بينما هنن عم يشتغلو
نايا بتسمع صوت صرااخ قوي
بترتعب وبترتمي بحضن امجد
امجد: لك شوصرلك
نايا: لك شوماسمعت
امجد: لاماسمعت شوبدي اسمع مجنونة
نايا: امجد صوت عالي كتير في حدا عم يصرخ انا كتير خايفة
امجد: لك يانايا ايمت بدك تفهمي انو الي عم يصير معك كلو وهم بوهم
نايا: خلص بقا امجد لسا بتقلي وهم لك حس فيني انا والله ماعم اتوهم انا عنجد عم اسمع اصوات بترعب امجد صدقني ماعم اتوهم
لك ليل نهار عم اسمع هالاصوات
واحيانا بالليل بشوف خيالات
بكفي بقا كل مابجي بقلك بتكذبني
امجد: ياروحي انا ماعم كذبك
بس انا ماعم اسمع ولاعم شوف شي من يلي عم تقولي عليه
نايا: خلص امجد بكفي مابدي اسمع شي منك انا بدي نام تعبانة
امجد: متل مابدك حبيبتي بس اهدي
بياخدها على تختها
وبليلتها بتنام وهي عم تبكي
بالليل وهنن نايمين
نايا بتفيق على صوت حركة بالغرفة بتفيق بتطلع حواليها بتشوف زلمة داخل من باب الغرفة المطل عالحديقة
بترتعب وبتجي لتصرخ
بيقرب منها الزلمة وبيمسكها من رقبتها
بتصير بتصرخ لحتى يتركها الزلمة
امجد بيفيق على صوتها الرجال بيبعدنها وبيوقف بعيد
امجد: حبيبتي شبك ليش عم تصرخي شوصرلك
نايا: كرمال الله صدقني كان بدو يخنقني
امجد: مين يلي بدو يخنقك
نايا: هاد الزلمة يلي واقف جمب الباب
امجد: ياروحي والله مافي حدا
نايا: لك امجد لاتجنني ليكو الزلمة هنيك
بتتطلع نايا مكان ماكان واقف الزلمة ومابتشوفو
بتنهار اعصابها وبتبلش تبكي
امجد بياخدها بحضنو وبيحاول يهديها
امجد: خلص بقا نايا اهدي كرمالي
نايا: تركني مابدي اهدا لك هلق كان هون وين راح
امجد: خلص ياعيوني روقي انا معك مارح اسمح لحدا يئزيكي
بيحضنها وبنيمها بحضنو
بليلتها بتنام وهي فارطة من البكا
،،،،،،
تاني يوم الصبح بفيق وبيعملها قهوة
امجد: صباح الخير القهوة جاهزة حبيبتي
نايا: مابدي شي تركني
امجد: له هلق بدك تكسري بخاطري
نايا: خلص امجد تركني بحالي
امجد: كرمالي نيوش شربي قهوتك وخلينا نروح عالشغل
نايا: ... مشكلتي انو بحبك ومابقدر اكسر بخاطرك
امجد: يئبرني الحنون
،،،،بيشربو قهوتهن وبياخدها وبيروحو عالشركة
،،،،،،،،،،،،،،،،،،
بيمر كم يوم
والاصوات بالبيت بتبلش تخف كتير عن قبل
حتى الخيالات والزلمة يلي كان يطلع لنايا بليل ماعاد ظهرلها
،،،،،،
بالشركة عند امجد ونايا
امجد: حبيبتي انا بدي سافر شغلة كم يوم على دبي
نايا: شو شوبدك تعمل هنيك
امجد: شوية شغل حبيبتي
نايا: وبدك تتركني لحالي
امجد: كلهن ٥ ايام وبرجع مارح طول عليكي
نايا: بدي روح معك
امجد: لا ياروحي مابقدر والشركة هون لمين بدك تتركيها
نايا: ياالله يعني رح تتركني لحالي
امجد: قلتلك مارح طول
بتحس نايا بالحزن باانها رح تفارق حبيبها يلي تعودت عليه بكل لحظة ،
اجا موعد سفر امجد
امجد عم يجهز اغراضو ونايا قاعدة جمبو عم تبكي
امجد: خلصنا بقا نايا شبك قلتلك هنن كم يوم
نايا: بس انا مابتحمل تغيب عني ساعة وحدة
امجد: ياعمري انتي ، خلص بضل بحاكيكي
نايا: رح اشتقلك
امجد: وانا كمان
بتقرب منو وبتضمو
بقوة وامجد بيحس بشي غريب وهو قريب منها
نايا: دير بالك على حالك لاتشغلي بالي كل شوي حاكيني
امجد: بأمر عيونك انا
،،،،
بيطلع امجد من البيت ونايا بتفوت لترتاح
فابيندق الجرس
نايا: مين بدو يجي هلق ماني طايقة شوف حدا
بتروح لتفتح الباب وبتتفاجئ بالضيف
نايا: هاد انت شوجابك
عصام: شومافي تفضل
نايا: .....
بيدخل عصام عالبيت من غير ماتسمحلو نايا
نايا: بس انا ماقلتلك تفضل
عصام: مافي داعي تقوليلي انا من اهل البيت
نايا: شوبدك لسا
عصام: جاي اعرف ليش تركتيني وبدلتيني بشقفة كلب متل هاد يلي اسمو امجد
نايا: اولا جوزي مانو كلب
تانيا مابسمحلك تحكي عنو هيك
تالتا انت بتعرف ليش انا تركتك
عصام: لاياستي مابعرف قوليلي انتي
نايا: روح من وجهي عصام
عصام: مارح روح لااعرف ليش تركتيني
نايا: خلص بقا عصام تركني بحالي عامل حالك مابتعرف
عصام: طيب بس فهميني عن شو عم تحكي
نايا: مابدي فهمك شي طلاع لبرا عصام طلاع
عصام: ماشي انا رايح بس الايام بيناتنا يانايا ورح تندمي كتير
،،،،،،،،،،،،،،،،،،،،،،،،،
مرق يومين على سفر امجد
كان قاعد بغرفتو بالاوتيل
بتخطر على بالو نايا بيفكر يتصل فيها
امجد: ليش لااتصل فيها انا شوبدي منها ،، بلاها،،
بس حابب اسمع صوتها ، ههه من ايمتا انا بحبها ولابحب صوتها شكلي جنيت
،،،
بيضل هيك متردد بين يتصل فيها ومايتصل
وبيضل طول الوقت عم يفكر فيها
امجد: لك شوصرلي انا ليش هيك عم فكر فيها كتير
معقول انا اشتقتلها ،، لا لا ليش حتى اشتقلها ، بس بجوز لاني تعودت عليها
،،،،،،،،،،،،،،،،،،،
ياترا شوهاد يلي عم يصير مع امجد
يتبع.....
