معافره مع الحب
بدايه اللقاء الجميل
كان في يوم من أيام الدراسه والامتحانات كان فيه بنوته جميله بتروح دروسها وبتذاكر عشان تبقي شطوره كانت في تانيه اعدادي و جا يوم كان عليها درس علوم وراحت لسه هتدخل السنت
عرفت ان في مجموعه جوا فا وقفت هي واصحابها عشان يستنو المجموعه تخرج .
وبعدها ب خمس دقايق خرجت المجموعه وكان فيه ولد ماشاء الله جميل وعينو تسحر😍 من جمالها فا البنوته
فضلت تبص عليه وتقول ما شاء الله 🫠 واليوم عدا وعادي جت بعدها الحصه الجايه حصل نفس الحوار والبنوته كانت مبسوطه لانه بتبقي مبسوطه اما تشوفو وتبص علي عينو اللي سحرتها وكان الولد محترم اوي🥰 .
وفي الحصه اللي بعدها كانت مبسوطه انها هتشوفو بس راحت السنتر ملقتو ولا لقت المجموعه بتاعتو لان كان بياخد درس خصوصي هو واتنين صحابه🥹 .
المهم خلاص بنوتتنا زعلت وبعدها ب خمس دقايق اجا هو ومجموعته❤️😍 وهياخد معاها في نفس السنتر ونفس الوقت ودخلو وقعدوا وكان التوتر جواها أضعاف ❤️
وبدا المدرس خلا مجموعته تحل كام صفحه كدا عما يشرح ل مجموعتها
ونظراتها مش بتتشال من عليه ولا عن عيونه الحلوه 💖
وفجأه حصل موقف خلاها تندم علي نظارتها دي وكانت في قمه الاحراج 🫢
لقت الولد بص في عيونها جامد 😍 من الاحراج شالت عينها من عليه وحاولت تبص بعيد طول الحصه
ومن بعدها مش علي بعضها ومتوتره وتقول اكيد شافها انها وحشه ومش محترمه انها تبص عليه وكدا الأفكار دارت في دماغها ومتوتره 🥺
وجه في يوم حكت لصاحبتها انها معجبه ب الولد وانو قد اي شيفاه جميل وكدا وان عيونو تسحر 🥰
بقت البنوته تفضل تستني الحصه دي بس عشان تشوفو
وجه يوم الحصه دي اللي بتستناها من الحصه اللي فاتت
وجت داخله هي واصحابها قالو هيقعدو في الاوضه عما مجموعه اللي قبلهم تخرج
وبعدين البنوته احتاجت تشرب فا قامت دخلت عند الحوض وغسلت وشها وشربت وظبطت طرحتها ولبسها . وكل دا مش اخده بالها من العيون اللي عليها 🤔
وجت تخرج عشان تروح تقعد مع صحابها . فجاه لقت حد داخل وهي مكنتش اخده بالها فا خبطت في اللي داخل
وكان الولد المعجبه بيه هو اللي داخل 😍
لحظه محرجه وحلوه في نفس الوقت
قالت معلش مخدتش بالي ومشت وهي جسمها كلو بيترعش من التوتر
والولد اكتفي بس انو بعد لما هي تعدي وحط عينو فالارض عشان محرجهاش ❤️
وحكت لصاحبتها علي الوقت اللي حصل وكانت متوتره جدا
بعدها دخلو الحصه وبدا المدرس انو يشرح لها ولمجموعتها اول
وهي حاولت انها تركز في الدرس ومتفكرش في حاجه تاني ولا تبصله ولا حاجه عشان توتر ها يقل .
وعدت الايام والامتحانات بقت علي الابواب وخلاص معتش بيجي هو ومجموعته
بس المستر مقالش معتش بيجي ليه ولا حتي فكرت تسأل عشان محدش يقول عليها حاجه
بس في بنت من مجموعتها في مره سالت السوال ب عفويه وقالت للمستر: هنبدا ولا لما المجموعه الخصوصي تجي
رد عليها وقال : لا هنبدا علي طول المجموعه معدتش هتيجي خلاص
البنوته سمعت الكلام من هنا و زعلت اوي انها خلاص معدتش هتشوفو تاني 😢
وعدت الايام وخلصت الدروس وبدأت المراجعه
والامتحانات جت وخلصت وكل دا مش بتشوفه لو حتي صدفه في الشارع 🥹
كانت كل يوم تفكر فيه وتحلم بيه وكان شاغل كل تفكيرها مع ان مكنتش بينهم كلام خالص
بس البنوته قلبها اتعلق خلاص . وفقدت الأمل انها معدتش هتشوفو ولا حتي الصدفه هتجمعهم تاني
كانت تفضل تفكر في عيونو والنظرات اللي كانت كلها إعجاب له 😍
وتنام علي المخده وبعد تفكير طويل تنام وتحلم بيه
مكنش بيفارق تفكيرها ابدا
لكن اللي حصل بعد كدا مكنتش تتوقعه ابدا 🤔......…
