أم تتحمل كل شيئ وحدها لكنها تربح قلب طفلها

أم تتحمل كل شيئ وحدها لكنها تربح قلب طفلها

تقييم 0 من 5.
0 المراجعات

وراء كل طفل مطمئن… أم تحمل مسؤوليات تفوق طاقتها

image about أم تتحمل كل شيئ وحدها لكنها تربح قلب طفلها

انا ام لطفلين

 مسؤله عنهم طول الوقت بدون اي مسانده او مساعدة حقيقة من حد

 يمكن عصبيه معظم الوقت بصرخ وبزعق وبغضب وبنهار زي اي ام محدش حاسس بيها ولا شايل معاها ولا مهتم بوجوده اصلا مشاعرها مبتفرقش مع حد بس الاهم انها بتفرق مع اطفلها بكل صدق وجودها هو العالم بالنسبه ل اولادها اعتقد دا اكتر من كافي لانها تحاول وتصبر وتكمل ، انا متفهمه كل احساس جواكي بيأذيكي ومش قادره كمان تتكلمي عنه مع حد بس حاولي تخلي كل مشاعرك واحتياجاتك دي مع ولادك وبس حاولي وانا كمان هحاول معاكي . احساسك لما تعيطي و ابنك او بنتك يعيطو علشانك لما تكوني موجوعه وينهارو من العياط من خوفهم عليكي بزمتك مش بتحسي انك قد العالم ملكة متوجه في قلوبهم زهرة جميلة في عيونهم انتي الحياة بالنسبالهم صدقيني.

 انا عارفة وفهمه قد اي المسؤلية متعبه وكبيره ووخداكي من حياتك الخاصه جدا ، انا زيك واكتر شويتين تلاته لكن للحظه كدا اخدة بالي من حاجه مهمه جدا اني بقضي معاهم كل وقتي ووقتهم اني بعيش معاهم كل المشاعر والاحاسيس الجميلة والمميزة والمهمة اللي يابختي بيهم جدا ويا الف خسارة للي سبها تعدي من حياته بسهوله ولا مبالاة وكأنه حمل تقيل بيحاولو يهربو منه ويسبوه للام لوحدها انا عارفه انهم بيقولو احنا مش عاوزين صداع دا مش شغلنا دا مش دورنا اغبياء اسمحولي اقولكم بكل اسف انتم خسرانين اجمل شعور واجمل وقت ممكن تعيشوه ف حياتكم مهما عشتو وشفتو قربكم من اولادكم دا شيئ مختلف تماما ملوش بديل ولا وصف لذلك عاوزه اقول لكل مامي حياتها ضيعه في حضن ولادها .

 انتي كسبانه كتيييييييير اوووووووي بوجودك مع ولادك طول الوقت بتعيشي معاهم كل لحظه وكل موقف بتبني معاهم ذكريات جميلة ومواقف حلوة ومشاعر قوية ونضيفه ،حتى لو كبرو ومبقوش حوليكي عمر حبك ليهم ما هيقل ولا الذكريات الجميلة اللي عشتوها وبنتوها مع بعض هتتنسي دا رزق ربنا بعتهولك انك تعيشيي معاهم اصدق واطهر مشاعر ممكن تكون موجوده ف الحياة اصلا ف مهما كانت المسؤلية صعبه وكبيره لازم تفتكري انك بتبني علاقة قوية جدا مش هتتهد ابدا بخلاف اي علاقة تانيه ف متزعليش انك لوحدك لان الحقيقة انتي مع ربنا ومع ولادك ومع سعادتك بوجودهم في حياتك انا واثقه ان انتي قوية وشجاعة وام عظيمه استعيني بالله و استمتعي بكونك ام مهما تعبتي متنسيش اللحظات الجميله اللي عشتيها وبتعشيها وهتعشيها معاهم ❤️❤️ وقبل الختام عاوزه اقولك اوعي تحاولي انك تكوني ام مثالية هما محتاجين ام محبه وحنونه مش ام مثاليه

وفي الختام عاوزه اقولك 

 انتي قوية وانا بحبك لكونك انسانه ولكونك ام ولكونك العالم كله في عيوني وعيون اطفالك ❤️❤️😍

التعليقات ( 0 )
الرجاء تسجيل الدخول لتتمكن من التعليق
مقال بواسطة
Far7 تقييم 5 من 5.
المقالات

3

متابعهم

8

متابعهم

5

مقالات مشابة
-
إشعار الخصوصية
تم رصد استخدام VPN/Proxy

يبدو أنك تستخدم VPN أو Proxy. لإظهار الإعلانات ودعم تجربة التصفح الكاملة، من فضلك قم بإيقاف الـVPN/Proxy ثم أعد تحميل الصفحة.