احياناً يأتي الرعب بأشياء جميلة

كـنت في حفلـة لـِ صديقـتي المقربة والدهـا كـان بيحتفـل إنها أصبحت دكتورة رسميـًا ووسط ما كنـا مندمجين الأنوار إنطفأت وبدأنا نسمـع أصـوات غناء نشاذ بمعنى الكلمة وبعدهـا حركة أقدام بعيـدة نسبيـًا لكنهـا بتتحـرك سريعـا في مكـانها وبدأت تخبط في الأرض بشكل مخيف فـ عم الهـرج في المكـان ودب الخـوف في قلـوب الموجـودين ولكن ما لبثنا حتى أضات الأنوار من جديد ووقتهـا كـان الجميـع لا يصدر صوتـا وأنظارنا كلها تحركت تلقائيـا على المكان اللي صدر منه الأصوات،  لقينـا جسـم شاب فوق أعلى درجة على السلم وملابسه كلها سوداء ويضع قبعـة على رأسه ولكنه يخفي بها من وجهه أكثر مما يُظهر وقبـل أن يخطـو خطوة واحدة للأسفل خبط بِـ رجله أسفلها كلنا وقتها فزعنا وبدأ ينزل السلم درجة درجة حتى وصل لقبل المنتصف بقليل فتعثرت خطوته ونـزل من على السلم بيدحرج لحد ما وقع تحت خالص والكـاب اللي ع رأسه وقع وفجأه لقيناه قام واقف مـرة وحدة وسقف بيديه وعلى وجهه بسمة غبية وهو يقول 
=هييي نزلـت بسرعة 
لقيـت صاحبتي جاية ناحيته وهي هتموت من الضحك 
_معلش يَ جماعة بما إني مش عازمة غير حبايبي فقولت أعمل فيهم مقلب صغنن ودا كان حكمي على اللي هيخسر في لعبة لعبناها، وأحب أشكر أخويـا أمجد من كل قلبي على الوقعة اللي خدها على ضهره دي

"كملنـا الحفـلة طبيعـي مكنتش خاليـة من الضحـك والهـزار على مواقفنا لحد ما لقيتـه وقف جمبي"  

=إنتِ حلـوة في كل حالاتك بس دا ميمنعش إنك وحشتيني ووحشني حضنك

"وقتها عقلي بدأ ياخد نظام دفاع ويستعد للهجوم لكن حسيـت إنه أعمى فأشفقت عليه قليلا لأنه كان نظره مش عليا كان بيبص جمبي طب مفيش حد في المكان دا غيري اصلا،  لكـن ما سكتش عند كدا بدأ يتكلم بغزل اعصابي بدأت تتفلت مني واحدة تلو الأخرى حتى فاض بيا"  
=إحترم نفسك ياأستاذ،  والله لولا إنك تقرب لصاحبتي كنت عملت دلوقت فضيحة ومسبتكش غير وكل الليفي الحفلة معلم عليك
_ ياأستاذة هو أنا كلمتك
=أومال عمال تحب وتتعرف على الهواء حضرتك 
_أسف ياآنسة على سوء الفهم اللي حصل لكـن كنت بكلم أختي 
=لا والله على أساس إن أختك واقفة جمبي 
"لقيته خـرج سماعة من ودنه وقال"  
_كنت بكلمها بلوتوث وأختي مسافرة 
"عملت نفسي من بنها زي ما بيقولوا ولفيت وشي ومشيت من المكان دا،  الموقف لا أحسد عليه بتاتا،  إنتهت الحفلة وكل اللي مـوجود مشي بما فيهم حضرتي،  عدا أسبوعين بدون أي جديد لحد ما ست الحبايب قالت جيلي عـريس وإني لازم أقعد معاه بدون رفض،  طبعـا كأي عروسة بتدخل مكسوفة وبتقعد عينها في الأرض لحد ما لقيت نفس الصوت بيقول 
_وحشتيني والله بس مش هعرف أكلمك
=ولما إنت مش هتعرف تكلمني جاي لي!؟  مغصوب 
_والله أختي اتصلت قبل ما والدك يطلع ف اضطريت ارد ضروري 
=احمم حضرتك معاك اي
_هندسة معمارية، محافظ ع الصلوات، والدتي ووالدي هعيش معاهم لأني الولد الوحيد وأنا لو مشلتش اهلي اللي ربوني هكون عديم التربية بمعنى الكلمة لانهم مش هيقدروا بخدموا نفسهم 
" وبعد مناقشات كتير واسئلة لا تكاد تنتهي قررت أرفض"

بارك الله لكمـا وبـارك عليكـما وجمع بينكمـا في خيـر 
=إنتي حلوة في كل حالاتك،  بس دا ميمعنش إنك وحشتيني وأكاد من شوقي إليكِ أذوب 
_ما خلاص بقى عرفت إنها أختك مش هيضحك عليا تاني 
=لا والله المرادي بكلمك إنتِ.. "😂♥️

#إسكريبت_صغنن ♥️