التضحية بكل شئ من أجل الحب
= اوووه بطل الحدوته.
رديت بحماس_ كل التفاصيل اللي انت حكيتها لي حلمت بها الصخور والقصر والسحاب السرير السحاب
" ضحكت "حتى الناس ال بيكسروا القمر
بصلى بجديه= حبيتيه اوي بقى على كدا ؟!
_ حبيته بس شويه نونو، وحبيت صحابي هناك اوى صاحبت رؤى ، ومريم كانوا طيبين جدا.
حسيته زعل فكملت _ بس انا حبيته عشان انت ما كنتش موجود بس .
= يعني لما صحيتي ما بقيتيش تحبيه؟!
رديت بدلع _ اول شويه بس وبعد كدا رجعت احبك انت والله .
= مين احلى فينا ؟!
_ عمر انت غيران من هوا ؟!
= يا بنتي احنا بندردش عادي.
بصيتلع بشك _ يعنى ريحه الشياط دى م طالعه منك ؟!
ضحك فكملتله_ علميا هو احلى عملياَ لو هختار هختارك انت .
باس كف ايدي وكمل= لو قولتلك اني مخبي عليكِ حاجه من سنين هتعملي ايه؟!
هزرت_ ايه انت ملك القمر ؟!
= وليه لاء ؟!
_ دمك بارد والله .
= طب احكيلك من الاول؟!
ولا انت عارف اني ما باحبش الهزار التقيل؟!
= والله ما بهزر.
_ الاه.
= في البدايه خالص خلينا متفقين ان مش مجرد سر يعنى هيخسرنا بعض!
_ قلبي وقع خلاص علفكره
= تمام، انا مش بشري ما تبرقيش مش بالمعنى ال جه في دماغك يمكن ال هقولو مش منطقي شويه بس بفهم لغه الكواكب والنجوم وتفاصيل تانيه مش مهمه في يوم من ايام لما كنت لسه امير كان عندي روح المغامره ونزلت على الارض شوفتك كنتى اول واحده اشوفها بالنسبه للبنات على القمر انت جمالك عادي جدا لكن لكن حبيتك وبدات حكايتنا اللي انت عارفاها مثلت انى صاحبك في الجامعه واني وحيد وماليش اهل وبلا بلا بلا وانتى زى الجردل اتدلقتى عليا واتعاطفتى معايا ولما حبيتك قررت اعيش معاكِ هنا واضحي
يعني مثلا فوق كان عندي قصور ، وهنا فضلت شغال تلت سنين عشان اجيب الشقه اللي عايشين فيها .
فوق كنت مرفه واى حاجه محتاجها بتيجي لحد عندى ، هنا احيانا باخد شيفتات زياده عشان بس اكفي احتياجاتنا الاساسيه.
اوكييه مضحتش اوى، احيانا كنت باروح القمر ودا لان السنه فوق تساوي 3 ساعات هنا ، يعني اغيب عنك 3ساعات هنا واقعد على القمر سنه دا عشان اشوف الامور ماشيه ازاي هناك .. بس والله دلوقتي بقى خارج عن ارادتي لازم ابقى هناك على طول وعلشان كذا كان لازم آقلمك على العيشه هناك وعشان كده برضو امبارح اتاخرت بره لاني كنت عند صانع الاحلام كنت بعرفه مواصفات الحلم اللي هيبعتهولك..
_ عمر !!
= خبيت عليك عشان اعرف اكمل معاكى اكيد مكنتيش هتتجوزي واحد بيقول لك انا ملك القمر، بل كنت احتمال تقولي عليا مجنون
_ طيب طيب ايه لازمه الحلم ؟!
= لو كنتِ حبيتى عمر اللي شوفتيه فوق اكتر مني مكنتش هقولك حاجه، كنت هعمل معاكي زي الحلم ونبدا من الاول عادي بس بس حرفيا كنت هبقى متضايق منك ومكنتش هبقى صافيلك.
_ وبما اني حبيتك اكتر ؟!
ابتسم = قولتك الحقيقه اهو ومصلحه يا ست هتشوفيني بشكلى التاني الجميل اللي عجبك .
_ دماغي هتتفرتك ، اييييه فيلم ديزني دا !
= لو مكانك مش هاصدق بس كلها يومين وننتقل .
_ ومن قالك انى هطلع معاك؟!
= قلبي
_ محنى
= ملك ، هتيجي معايا ؟!
_ رؤى ومريم حقيقيين، ولا صانع الاحلام اللي وهمني بيهم ؟!
_ اخواتي البنات .
= هو هو اصلا في حاجه اسمها صانع الاحلام ؟!
قرب من ودني وتكلم بنبره محققين= بس ده سر من اسرار الكون .
_ طيب هانام على السحاب طول عمري انا ؟!
= بس هابقى جنبك .
ابتسمتله _ وماما !
= ناخدها معانا ؟!
_ هترضى ؟!
باس راسى = لو هتبقى فرحانه .
_ عمر انا بحبك أوى بجد! انا حاسه انك لو كنت فار هحبك برضو والله
كلمت بنبره باكيه_ انا انا مش عايزه شكلك يتغير لما نطلع.
= هبقى احلى يا بنتي ، حد يقول للنعمه لاء ؟!
_ انا لما فكرت مالقيتش احلى منك في الحقيقه .
= تصدقي بالله؟!
_ لا اله الا الله
= انت مخساره فيك المرمطه اللي اتمرمطها عشانك.
_ .
وتحت مقوله اختر لقلبك ما يليق به، أخترتك ♥️
