حسام ابو صفيه: دكتور
معلشي اعتبرني بفضفض معاك يا صديقي .. ولو مش حابب فسيب المقال وامشي عادي وصدقني مش هزعل !
عارف انا خايف من ايه ؟!
خايف يجي اليوم اللي الناس تخاف تعمل فيه الصح .. خايف يمـ.ـوت الضمـير والناس تبطل تعمل الخيـر !
اصل كل اللي في المعتقـلات الصهيـ.ـونيـة دول ذنبهم ايه ؟! ولا اي حاجة !
كل اللي عملوه انهم دافعوا عن ناس ميعرفوهاش اصلًا لمجرد ان دا الصح .. لمجرد فعل الخير !
عارف كان جزاءهم ايه ؟! انهم اتنسوا !
بيتم تجويـ.ـعهم وتعذيـ.ـبعم وفي الاخر محدش اصلًا فاكرهم !
من الابطـ.ـال دول كان الدكتور " حسام أبو صفيـة "
الدكتور " حسام " تم اعتقاله في أواخر شهر أكتوبر 2024 ودا اثناء اقتحـام قوات الاحتـ.ـلال لمستشفى "كمال عدوان" اللي الدكتور حسام مديرها !
تم الافراج عن الدكتور حسام بعدها علشان يتلقى نبأ استـ.ـشـ.ـهاد ابـ.ـنه الصغيـر نتيجة قصف الاحتـ.ـلال لمنزله في ٢٦ اكتوبر ٢٠٢٤ !
طيب خلصت مآسي الدكتور " ابو صفية " لحد هنا يا عم هالووين ؟!
هقولك لا يا صديقي، دي ابتدت !
في 23 نوفمبر 2024، أُصيب الدكتور حسام ..
طيب اصيب ازاي ؟!
في اليوم المشئوم دا قوات الاحتـ.ـلال هددوا بقصف مستشفى " كمال عدوان " وطلبوا إجلاء المرضـ.ـى اللي يقدروا يجلوهم والكوادر الطبية .. اما اللي مش هيلحقوا يخلوه فيسيبوه لمصيره !
ساعتها كان الدكتور " حسام ابو صفية " بيجري عملية داخل المستشفى .. فلما طلبوا منه يخرج من المستشفى علشان ينقذ نفسه، رفض يسيب العملية في نصفها !
وقال العمر واحد والرب واحد !
وبالفعل تم إلقاء قنبلة من طائرة "كوادكابتر" الإسراىـيـ.ـلية مما أدى إلى إصابته بـ 6 شظايا اختـ.ـرقـت منطقة الفخذ وتسببت في تمزق الأوردة والشرايين.
في 27 ديسمبر 2024، اقتحمت قوات الاحـ.ـتلال المستشفى واعتقلته، مرة تانية !
وتم احتجازه في قاعدة "سدي تيمان" العسكرية سيئة السمعة.
دي حياة أسيـر واحد من الأىىىـ.ـرى اللي في سجون الاحـ.ـتلال !
محامي الدكتور حسام أبو صفية، قدم طعن في سبب احتجاز الدكتور !
وعلشان اسراىـ.ـيل عارفة ان محدش بيحاسبها ولا حد هيعترض من العرب .. نقلته من معتقل " النقب " الى العزل الانفرادي سيء السمعة في سجن نفحة !
بيعاقبوا الدكتور حسام لانه تجرأ وقدم طعن وبيتساءل عن سبب احتجازه لحد دلوقتي ؟!
محامي الدكتور حسام بيقول ان صحته سيئة جدًا وفقد وزن كبير وممنوع من الزيارات او العرض على الاطباء لتدهور حالته الصحيـة !
عارف ايه اول كلمة قالها الدكتور حسام لـ المحامي بتاعه في اول مقابلة ؟!
قاله هي الناس فعلًا نسيتنا ؟! نسيت الأسرى ؟!
فهمت ليه كنت بقولك خايف يجي اليوم اللي الناس تخاف تعمل فيه الصح ؟!
لان بعد ما تعمل الصح بقيت تتعب من كتر ما الكل بيسيبك تاخد جزاءك لواحدك على خير عملته !
للاسف يا دكتور حسام .. اه الناس نسيت وعاشت حياتها .. ونسيت المقاطـ.ـعة ونسيت الاسرى ونسيت فلىىىـ.ـطيـن نفسها !
للاسف نسيوا يا دكتور حسام !
مش هقولكم اتكلموا عنهم ولا خليكم فاكرين !
مش هقولكم حاجة بجد
ربنا يخرجك بالسلامة يا دكتور حسام انت وكل الأسرى اللي معاك يا بطل !
صبرًا آل غـ.ـزة فإن موعدكم الجنة
عينكم دائمًا على الحقيقة ..
