القصر القديم المسكون

            القصر المسكون

 

احمد 35 سنه لسه راجع من اوروبا بعد وفاة ابوه رجع مصر بعد غياب 30 سنه لما ابوه اخده وسافر ل اوروبا بعد اللي حصل في القصر قبل السفر بيوم هنرجع بالزمن 30 سنه عشان نعرف ايه اللي حصل ف القصر

يومها كان عيد ميلاد ام احمد وكانت حفلة كبيرة ف القصر والغريب انا تاريخ الميلاد كان 13/3/1983 وكان رقم القصر 13 بس محدش كان واخد باله من حاجه زي دي القريب والاحباب حضرو الحفلة وكانت حاجه راقية جدا وعزف علي البيانو وموسيقي هدية والدنيا كانت حلوة بس الام بعد ما سلمت علي المعازيم اختفت مرة واحدة ومرة واحده صوت حاجه بتتكسر في الاوض اللي فوق ابو احمد طلع يجري علي فوق عشان يطمن في اي دخل اوضه النوم لاقه مراته فاقدة الوعي علي الارض وجدران الاوضه عليها كتابات غريبة نزل تحت عشان يبلغ المعازيم باللي حصل لكن للاسف ملقاش حد ايوا والله البيت فاضي تمامأ طيب ازاي اخد ابنه وطلع برا القصر وبلغ الشرطة باللي حصل ودفن مراته واخد ابنه وقرر انو يسافر برا البلد خالص وطبعا مقلش لابنه حاجه

ونرجع للبداية بعد موت ابو احمد في اوروبا احمد قرر ينزل مصر عشان يبيع القصر ويعمل مشروع كبير في مصر نزل مصر وكلم المحامي عشان يقولو انه وصل ومحتاج مشتري للقصر والمحامي بلغه انه محتاج يقبله عشان في كلام مينفعش في التليفون وفعلا حددو ميعاد واتقبلو واول ما المحامي شاف احمد فضل يسلم عليه وفضل يعزيه في ابوه واطمن عليه بص يا احمد القصر سمعته مش كويسة ومحدش راضي يشتريه بسبب اللي حصل فيه ف احمد ابتسم سمعته مش كويسة ازاي يعني المحامي قاله انا بكلمك بجد يا احمد والمفروض نفكر ف حل احمد قاله بص يا متر انا هروح اعيش في القصر وهشوف انا هخاف ولا لا شوف مشتري ومالكش دعوة ومشي وراح علي القصر

وصل علي الباب برا وكان منظر القصر مرعب احمد وصل القصر ووقف علي الباب يفكر في ذكرياته بس قطع تفكيره صوت المرجيحه بتتحرك لوحده برغم انه مافيش هواء والجو كاتم وهدوء غريب في المكان بس مرة واحده حد خبط علي كتفه اتخض وبلع ريقه بالعافية ولف وشاف رجل عجوز ضهره من منحي وقال ل احمد انت مين وايه اللي دخلك هنا احمد ركز في وشه وافتكر انه عم عيد البواب وحارس القصر قاله عم عيد انا احمد ابن فلان صاحب القصر وابتسم بصله الراجل ودمع حمدلله بالسلامة ياحمد يابني وصلت امته وابوك مش معاك ليه قاله ابويا مات ياعم عيد وانا نزلت عشان ابيع القصر عشان مش محتاجه بصله عم عيد وجسمه اترعش بصراحه يابني انا مش هكدب عليك وسكت وفضل يبص حواليه وايده بتترعش قطع الصمت احمد عشان يقوله انا عرفت كل حاجه من المحامي ياعم عيد متقلقش وقالي ان القصر سمعته وحشة عشان كدا انا جيت ابات فيه النهاردة رد عم عيد لا لا يابني بلاش اخاف عليك دا خطر عليك قالو متخفش ياعم عيد تعالا معايا واتحرك علي القصر وعم عيد ثابت مكنه وبعد كدا اتحرك وراه وهو يقرأ قرأن واول ما قرب من الباب سمع صوت وراها حاجه بتجري بسرعة بص ورا بسرعه هو وعم عيد واللي كان مرعوب لقها قطة سودا بص احمد لعم عيد وقاله اي ياعم عيد متخفش دا قطة يا راجل يا عجوز مافيش حاجه متخفش وفتح الباب اللي كان كله تراب وزقه ودخل هو وعم عيد واول ما دخل وقف سرحان شوية بس قطع تفكيريه صوت ابوه من ورا ايوا ابوه لف وشه وفعلا شاف ابوه وقاله ليه ياحمد ليه احمد اول ما شاف ابوه عينه اتملت بالدموع وقال ليه ايه يا بابا انتي وحشتني اوي انا تعبت من بعدك قاله امشي من هنا يابني بلاش تسكن هنا امشي امشي وفجاة شكله اتغير وصوته ضخم بقولك امشي وزق احمد وقع الارض وفقد الوعي واخر حاجه شافها وعم عيد بيجري عليه وغاب عند الوعي

فاق لما شاف عم عيد بيفوق في وبيقوله احمد فوق يابني فتح عينه برحه ولقه نفسه قدام القصر من برا اي اللي حصل ياعم عيد قاله يابني انت تعبان من حاجه انا كنا واقفين قدام باب القصر وانت فضلت متنح لباب ومرة واحده وقعت بص لعم عيد باستغراب ازاي ياعم عيد احنا دخلنا انا متاكد والله يابني مدخلناش اي اللي حصل معاك احكيلي يابني مافيش ياعم عيد قومني ويلا ندخل ما بلاش يا ولدي خلاص خليك ياعم عيد انا لسه ادخل وأشوف في اي لا يابني انا هدخل معاك مقدرش اسيبك لوحدك يلا يابني المرة دي عم عيد اخد المفتاح ودخل ودخل وراه احمد وعم عيد راح عشان يشغل النور النور فضل يرعش بس اشتغل احمد بيبص للقصر بس هو مرعوب من جوه ومش عايز يوضح دا قدام عم عيد وقال احمد لعم عيد عايز شركة نظافة تنضف القصر من التراب قاله بكرا الصبح هيكون موجودين واحمد طلع فوق وشاف اوضه امه وابوه وفضل واقف قدامها وايده بتترعش رايح يفتح الباب لكن الباب الباب مفتحش بلع ريقه واتحرك علي اوضته لكن سامع صوت خطوات بتتحرك وراه بص مرة واحده ملقاش حاجه وكمل طريقه وباص علي عم عيد ولقه طالع علي السلم ورا اطمن شوية وكمل وفتح باب اوضته ودخل وافتكر طفولته والغريب ان أوضته بعد السنين دي كلها اوضته نضيفه ومفهاش ترابه عم عيد بص علي الاوضه واستغرب اوضتك نضيفه ازاي كدا محدش دخل القصر من 30 سنه محدش نضف حاجه قاله كويس عشان اريح وقاله بعد ازنك ياعم عيد يبقي استعجل الشركة النظافه بكرا عشان مستعجل علي بيع القصر عم عيد قاله حاضر يابني هكلمهم وقاله انا برا القصر يابني لو في حاجه انا في الاوضه بتاعتي في الجنينه ماشي ياعم عيد تصبح على خير وقفل باب اوضته وراح يشوف صورة ليه وهو صغير هو وامه وابوه وفضل يبض عليها وبص علي نفسه في المرايا وبيقول السنين عدت بسرعه دي امي وابويا وحشوني اوي وفجأة ابوه ظهرله في المرايا قاله قولتلك امشي اتخض ورجع لورا وبلع ريقه وقاله انت مش ابويا انتو عايزين اي من القصر دا بتاعي سبوه وفجاة ابوه اللي ف المرايا ابتسم ابتسامه خبيثه وقاله لا دا عهد ومش يتغير ودا قصرنا وقال الكلام دا بصوت عالي خلت زجاج المرايا اتشرخ احمد غطا وشه وجري علي البلكونه الحقني ياعم عيد الحقني وهو في البلكونه شاف عم عيد طلع يجري ودخل القصر وطلع ل احمد دخل الاوضه وشاف احمد قاعد علي الارض والمرايا متشرخه بس الغريب ان زجاج المرايا كان سليم جري علي احمد وقاله انت كويس احمد بصله وقاله عم عيد قولي اي اللي حصل يوم عيد ميلاد امي بالظبط لازم اعرف مين متمسك بالمكان دا ليه واي اللي حصل انا لازم اعرف كل حاجه

سكت عم عيد وقاله قوم يابني نتكلم برا القصر وانا هقولك كل حاجه وفعلا خارجو في الجنينه وعم عيد بدا بالكلام بيقوله بص يابني ابوك كان تاجر اثار كبير وكان لما يسمع عن اي ارض تحتها اثار كان بيشتريها وابوك كان ليه ناس بتساعده في شغله بعد موت الراجل اللي كان بيساعده قال للجماعة بتوعه خدوني عشان يساعدو ابوك في كل حاجه لحد ما ف يوم ابوك عرف انه في قطعت ارض كبيره تحتها مقبره كاملة وساعتها طار من الفرح ودخل اوضه من الاوض اللي في القصر اللي محدش كان بيدخلها غيره وعمل اتفاق معاهم وقالهم علي الارض وقالوله الاتفاق لازم يتجدد بحد من دمك يا اما احنا هنختار حد من عيلتك واختفي ابوك وقف متمسر مكانه مش عارف يعمل اي حتي لو مش عايز الاثار برضه هياخدو حد من اهله مراته او ابنه اللي هو انت وهو كان بيحبك انت لكن كان في مشاكل بين امك وابوك باستمرار فقرر يضحي بيها هي عشان انت تعيش انت بتقول اي ياعم عيد انت بتخرف ابويا مش ممكن يعمل كدا مستحيل ياعم عيد دا كلام فارغ اسمع ياولدي انا شلت السر دا سنين ولازم تعرف كل حاجه خلاص مافيش وقت ويومها قرر يعمل عيد ميلاد لامك عشان يجدد الاتفاق وفعلا طلع اوضة نومهم وعمل حاجات غريبة علي الحيطة وحضر الناس بتوعه وقالهم مراتي اللي هتجدد الاتفاق اول ما تطلع الاوضه خلصو الناس ابتسمو وقالو امرك مطاع واختفى وخرج من الاوضه وهو حزين ونزل للحفلة وطلب من امك تطلع الاوضه عشان تجيب هديتها وحصل اللي حصل ونسيت اقولك ان اللي حضرو الحفلة دي مش قرايبك هو طلب منهم كدا عشان كدا احمد في سكوت غريب يعني ابويا السبب في اللي حصل لامي ايوا يابني وبعدها كمل شغله في الاثار واخدك وسافر برا البلد عشان الدور ميبقاش عليك لانك اخر واحد من العيلة

حد دخل عليهم وهما بيتكلمو السلام عليكم ازيك ياعم عيد احمد رفع راسه لقاه رجل كبير ودقن بيضه رد وعليكم السلام وقاله مين حضرتك قاله انا الشيخ بركات وعم عيد كلمني وقالي كل حاجه وان شاء الله خير حط ايده علي دماغ احمد وفضل يقرا عليه بس محصلش حاجه والشيخ طلب من عم عيد يستني هنا وطلب من احمد يدخل القصر معه واحمد بسكوت تام مشي ورا الشيخ اول ما الشيخ دخل واحمد وراه الباب اتقفل لوحده احمد ماشي بالعافيه والنور ابتدا يرعش الشيخ قال مافيش وقت فين اوضة ولدك وولدتك احمد طلع معه وقاله مش بتفتح ماهي دي الاوضه اللي فيها المشكلة واحمد كسر الباب والشيخ دخل ولقاء الكتابات علي الحيطة زي ماهي فضل يقرا قران وصوت تكسير في القصر كله والشيخ مكمل واحمد واقف بيموت من الرعب وبيقول في سر الله يسمحك يا ابويا وفجاة ظهر للشيخ ناس غريبة وقاله احنا اصحاب العهد وعشان تفك الاتفاق ونترك القصر لازم دم احمد لانه اخر واحد بعد وفاة ابوه الشيخ اتعصب وفضل يقرا ايات معينه من القران الناس اختفت وصوت التكسير بيزيد والابوب بتخبط مرة واحده هدؤء تام والكتابات بتتمسح من الاوضه والقصر بيرجع طبيعي الشيخ بيحمد ربنا وبيقول خلاص يااحمد كل شي خلص بس بيبص جنبه ملقاش احمد يبص حواليه احمد مش موجود طلع يجري برا طلع من القصر وشاف منظر بشع احمد واقع من فوق وعم عيد قاعد جنبه بيعيط وللاسف احمد راح ضحية طمع ابوه