لعنه ليموسيفيا ج٢
الشركه الملعونه
#الجزء #الثاني من سلسه لعنه ليموسيفيا
وتاني يوم بالفعل وصلت للشركه ومش عارفه ليه للحظه وانا قدام الشركه قلبي اتقبض بس قولت اكيد عشان اول مره ادخل المكان
دخلت ووصلت لمكتب السكرتيره وقبل مااعرفها بنفسي لقيتها بتقولي اتفضلي يااستاذه ساره شهاب بيه منتظر حضرتك من بدري
ودخلت لمكتب شهاب لقيته بيتكلم بكل رسميه ويقولي اتفضلي يافندم دخلت ووقفت قدام المكتب قالي اتفضلي اقعدي قعدت وطلعت ال CVبتاعي واديتهوله أخده مني وبص فيه وحطه على المكتب تاني ولقيته بيبصلي بصه غريبه ويقولي مبروك عليكي الوظيفه الجديده ياساره قولته اناومكلمتش كلامي ولقيته ضرب جرس المكتب للسكرتيره وجيت قالها سلوى خدي استاذه ساره وصليها لمكتبها وعرفيها طبيعه الشغل مش هوصيكي ياسلوي استاذه ساره من انهارده مسىؤله العلاقات العامه قالته تحت امرك يافندم اتفضلي حضرتك
مش مصدقه نفسي ومش لاقيه حاجه اقولها وهوا على وشه ابتسامه كانت مفرحاني جدا ومشيت معاها ودخلت مكتبي
بجد مش مصدقه دا مكتبي انا هشتغل هنا مكتب كبير وفخم جدا حاسه اني بحلم
قطع صوت أفكاري خبط عالباب قولت اتفضل لقيت شخص داخل عليا شكله موظف في الشركه قالي اعرفك بنفسي انا محمد زميلك في الشركه هنا انا مسؤل قسم المبيعات قولته اهلا وسهلا بحضرتك انا ساره قالي عارف استاذه ساره مسؤله العلاقات الجديده يارب تتبسطي معانا ف الشركه قولته جدا انا مبسوطه جدا قالي ايوا ايوا استغربت من طريقته وكمان كان شكله كأنه خايف من حاجه او متوتر من حاجه
قالي عموما اتفضلي دا ورق المفروض يتراجع ويتبعت للشركه الام انهارده اخدت الورق وانا تايهه قولته بس انا لسه مش عارفه قالي عادي انتي باين عليكي ذكيه وانا معاكي لو احتجتي اي حاجه
المهم فضلت ادور وافهم طبيعه الشغل عشان عاوزه اثبت نفسي بأي طريقه خصوصا ان دا مكان ووظيفه مكنتش احلم بيها ابدا وبسرعه عدا الوقت ومشيت اخر واحده من الشركه
وانا نازله قابلت استاذ شهاب
قالي يااه انتي لسه هنا قولته ايوا كنت بحاول افهم شويه حاجات كدا قالي ايه رايك في الشركه قولته رأيي داانا بصراحه مكنتش احلم بالمكان دا مش عارفه اشكر حضرتك ازاي انا..
قالي متقوليش حاجه داانا اللي المفروض اشكرك واشكرك جدا كمان تشكرني انا على ايه بس
قالي متاخديش في بالك تعالي يلا اوصلك من انتي بيتك قريب من هنا قولته لالا انا هاخد ميكروباص والمسافه مش بعيده قالي لازم تسمعي كلامي انا مديرك قولته حاضر قالي اتفضلي وفتحلي باب العربيه قولته ميرسي جدا
وركبنا العربيه ولسه بنتحرك لقيت ماما بترن عليا طبعا انا كنت نسيت خالص اتصل عليها اطمنها عليا واقولها اني استلمت الشغل وكدا وبرد وفاكراها بتتطمن
انا :الووو ايوا ياماما عندي ليكي خبر جميل قوي
ماما:بتعيط جامد الحقني يساره باباكي تعبان قوي ومش بيرد عليا مش عارفه اعمل ايه
انا :بابا ماله ياماما ف ايه
ماما؛ معرفش دخلت ملقتوش بيرد عليا ولابيتحرك تعالي بسرعه
قفلت معاها وقولته نزلني لو سمحت بابا تعبان ولازم اروح بسرعه اوديه مستشفى ماما لوحدها ف البيت وانهرت جدا
قالي طب اهدي مااحنا راكبين اهوه هتنزلي ليه وسرع العربيه ووصلنا للبيت سبته ونزلت جري عالبيت
طلعت لقيت بابا مش بيتحرك خالص وفجأه لقيت الاستاذ شهاب عندنا ف البيت بيقول يلا مستنين ايه بسرعه عالمستشفي العربيه تحت اهي وشال بابا ونزل بيه جري عالمستشفي وركبنا كلنا
ورحنا المستشفي وهناك خدو بابا مننا ع العنايه المركزه والدنيا اتقلبت واحنا مرعوبين برا وعاملين نعيط وشهاب
يهدي فينا
وبعد حوالي ساعه بعد ماكنا خلاص هنتجنن على بابا
خرج اخيرا دكتور وقال إن بابا في غيبوبه ومش عارفين سببها وقال هنعمل شويه تحاليل واشاعات ونشوف السبب بس الحاله الي حد ما استقرت عن ماكانت جايه كويس انكو لحقتوه
وسبنا ومشي شهاب قالنا خلاص اطمنوا واهدوا بقى متخفوش هيبقى كويس ماما بصلته كدا قولتها ياماما نسيت اعرفك استاذ شهاب صاحب الشركه اللي اشتغلت فيها قالته كتر خيرك يابني عاللي عملته معانا قالها على ايه ياأمي دا واجب عليا وشويه وقالي انه نازل وجاي تاني
بعدها قعدت اطمن ماما ان بابا هيبقى كويس بإذن الله مع من جوايا كنت ميته من الخوف عليه وبعد حوالي نص ساعه رجع شهاب وقالنا لازم تروحو ترتاحو شويه متشلوش هم اي حاجه انا خلصت كل حاجه مع الحسابات وورق الدخول وهنا هيخلوا بالهم من باباكي جدا يساره ساعتها ماما قالته لا يابني احنا كدا تقلنا عليك قوي مينفعش كدا قالها ولا اي حاجه ياأمي دا واجب عليا قالته ربنا يكرمك ياحبيبي ويوسع رزقك قالها وانا كفايه عليا الدعوه الحلو دي وقالنا طب انتو هتروحو اروحكو في طريقي لان لازم امشي عشان وريا شغل رديت عليه قولته اتفضل حضرتك احنا هنفضل ع مانطمن على بابا قالنا طب انا هستأذن وهبقي اطمن على باباكي بالتليفون يساره مش محتاجين اي حاجه ماما قالته كتر الف خيرك يابني
وجيت عشان اوصله قالي خليكي مع ماما يساره ولو احتجتي اي حاجه كلميني قولته ان شاء الله وسبني ومشي
كنت حاسه من ناحيته بحاجه غريبه بس مخدتش واديت عشان الظروف الي كنا فيها ورجعت لماما وبعدها جه دكتور تاني وطمنا على حاله بابا بس قالنا مفيش اي سبب لحد الان للغيبوبه دي كل الإشاعات والتحاليل تمام فإن شاء الله يتحسن ويفوق قريب وسبنا ومشي
بعدها قولت لماما لازم نروح عشان اخواتي وانا هغير هدومي وارجع ابات مع بابا عشان لو احتاجوا حاجه
وبالفعل روحنا ماما دخلت تجهز الاكل لاخواتي وانا دخلت اغير هدومي ويادوب فردت جسمي عالسرير روحت ف النوم من تعب اليوم
وحلمت حلم مريب حلمت اني في مكان ضلمه وواقفه خايفه ومرعوبه ومن بعيد ظاهر نور لما قربت من النور دا لقيت شهاب شكله غريب ويخوف قولته انا فين وفي ايه قالي انتي في مكانك الصح متخفيش وقرب مني بعدت عنه وقولته ابعد عني انت مين وعاوز ايه وفضلت اصرخ اصرخ مسك ايدي وقالي محدش هيسمعك متصوتيش قولته انت عاوز مني ايه وانا هنا ليه قالي كل حاجه هتعرفيها في وقتها اما عاوز ايه بقى انا عاوز حاجات كتير قوي منك داانا ماصدقت لقيتك انا من زمان قوي وانا بدور عليكي وخدني في حضنه ساعتها حسيت جسمي زي اللي لزق في جسمه معرفتش ابعد عنه وحاسه ان صوتي مش مسموع ساعتها صحيت من النوم مفزوعه جدا من الحلم فضلت استعيذ بالله من الشيطان الرجيم وفجأه رن تليفوني اتخضيت قوي لان صاحيه خايفه اصلا لقيته شهاب رديت عليه وانا قلبي هيقف من كتر دقاته المسموعه
شهاب ؛ الو ازيك يساره باباكي عامل ايه دلوقت
انا:قولته الحمدلله احنا اطمنا عليه ورحنا وراجعه تاني دلوقت
شهاب:طب كويس انا قريب من البيت عندك تعالي اوصلك ونطمن عليه
انا:مش عاوزه اتعب حضرتك بس معايا
شهاب :حضرتي مش تعبان خالص بالعكس يلا متتاخريش
انا :تمام حاضر
لبست وقولت لماما اني راحه لبابا وهبقي اطمنك عليه
ونزلت لقيت شهاب تحت البيت فعلا ورحنا لبابا المستشفى وطلعنا واطمنا عليه الحمدلله وقولته مش عارفه اشكر حضرتك ازاي انا تعبت حضرتك معايا جدا انهارده
لقيته بيقولي ياستي قولتك حضرتي مش تعبان
حضرتي مرتاح كدا اقصد يعني دا واجب عليا المهم بس اننا اطمنا على باباكي وفضل قاعد معايا وقعدنا نتكلم كتير يكلمني عن نفسه وانه وحيد وملوش حد وكلام من دا كتير لحد الساعه ماجيت ٢ بالليل قولته ياخبر انا أخرت حضرتك معايا جدا ياريت تروح ترتاح عشان الشركه الصبح قالي قولتك مش تعبان بالعكس ولاحاسس بالوقت معاكي مش همشي يساره وبعدين تعالي هنا عماله حضرتك حضرتك احنا مش في الشركه انا مبحبش الرسميات غير جوا الشغل لكن برا حاجه تانيه برا انا شهاب وانتي ساره قولته لا طبعا مينفعش قالي انا مبحبش المعارضه انا ايه ضحكت وبصيت في الارض وكنت مكسوفه جدا قولته شهاب قالي تعرفي يساره احلى حاجه فيكي كسوفك دا معرفتش ارد عليه بس كنت مبسوطه جدا بالكلام معاه
وفضلنا قاعدين لحد الساعه٨الصبح قالي ياخبر الوقت عدا بسرعه قوي كدا بس تعرفي يساره دي اسعد ليله في حياتي وسبني ومشي من غير حتى سلام كنت فرحانه قوي عشان كنت حاسه نفس الاحساس
وخرجني من احساسي صوت رنه رساله عالموبايل من رقم غريب بيقولي فيها فوقي يساره اوعي تصدقي اللي انتي فيه دا ولا اللي اتقالك فوقي يساره وخلي بالك على نفسك وسطهم.............
انتظروا الجزء الثالث
بقلم:آيه يوسف
