لعنه ليموسيفيا ج٣
العهد
#الجزء #الثالث من سلسه لعنه ليموسيفيا
حاولت ارن كتير عالرقم لقيته مقفول ياترى مين الرقم دا ويقصد ايه بكلامه دا معرفش ليه ساعتها الخوف دب في قلبي بس كنت تعبت جدا وعاوزه ارتاح قومت سألت على بابا واطمنت عليه وروحت البيت طمنت ماما ودخلت اوضتي في دماغي مليون حاجه تعب بابا وشغلي اللي من اول يوم وغبت منه وكملت بموضوع الرساله الغريبه دي وفي وسط أفكاري نمت كنت مرهقه جدا ولما صحيت من نومي لقيت شهاب رانن عليا ولقيته سايبلي رساله بيبلغني فيها بميعاد اجتماع مهم بكرا ولازم احضره وعدي اليوم زي مابيقولو كدا بحلوه ومره وجه اليوم المشؤم يوم الاجتماع صحيت بدري وقولت هعدي اطمن على بابا واروح الشركه وفعلا لبست وخرجت نزلت لبابا ولما وصلت لغرفه بابا لقيت حاجه غريبه جدا لقيت شهاب واقف على باب الغرفه ومركز قوي على بابا وعمال يكلم بطريقه غريبه مش مفهومه شكله كان مريب جدا زي ماكنت شايفاه في الحلم بالظبط ولما بدأت أقرب منه لقيته بصلي وضحكلي ضحكه كلها غرور زي اللي عاوز يعرفني انه كان شايفني حاولت اتعامل معاه عادي قولته صباح الخير حضرتك موجود هنا قالي صباح النور ياحببتي انا قولت اطمن على بابا قبل مااروح الشركه ماهو دا بقى واجب عليا خلاص ولانتي شايفه ايه
سحر الكلمه نساني الرعب اللي حسيته وقتل كل الخوف والقلق اللي جوايا وابتسمت ومعرفتش ارد قالي طب بعد الضحكه الجميله دي مش يلا بينا على الاجتماع انا هنا من بدري وسألت الدكاتره وطمنوني على حاله بابا
قولته ماشي
ووصلنا الشركه ودخلت مكتبي كنت مبسوطه جدا معقول فعلا بس لا دا مديري وانا فين وهوا فين معقول فعلا بيحبني بس فعلا للحظه حسيت بقلبي دق ناحيته هوا دا بقى الحب من أول نظره ولاايه وضحكت وبعدها رن الموبايل بصوت رساله بفتح لقيت نفس الرقم الغريب بيقولي فيها اوعي تحضري الاجتماع دا يساره شوفي اي طريقه بس متحضريش وخلي بالك على نفسك وسطهم.
اتقلب مذاجي ١٨٠ درجه ورنيت تاني على الرقم برده مغلق ايه الحيره دي ياربي ومين دا وعاوز مني ايه دا عاوز يخوفني يعني ولاايه
ساعتها الباب خبط قولت اتفضل دخل استاذ محمد قالي صباح الخير يااستاذه ساره اسف على التدخل بس سألت علىكي امبارح ملقتش حضرتك موجوده قولت اطمن عليكي قولته مفيش اسف ولاحاجه ميرسي جدا على زوقك واهتمامك انا بس والدي تعبان شويه وانشغلت معاه قالي لا الف سلامه أن شاء الله يقوم بالسلامه وطبعا حضرتك جايه عشان الاجتماع
قولته ايوا قالي ممكن اقولك حاجه وتعمليلها بدون مناقشه لمصلحتك ومهدي صوته وعمال يتلفت شمال ويمين قولته في ايه يااستاذ محمد خير وليه بتتكلم كدا قالي اسمعيني بس قولته اتفضل قالي متحضريش الاجتماع
قولته نعم ازاي يعني ايه حكايه الاجتماع دا انت كمان في ايه ولسه مكملش كلامه وزي اللي شاف حد من الازاز برا ارتبك جدا وطلع جري طلعت وراه بس وقفت ورا الباب لما لقيت حد بيكلم بصوت هادي كدا بيقوله مش عشان سايبينك هنا وسطينا هتفكر انك ممكن تقولها حاجه او تعرفها حاجه احسنلك خليك في حالك فتحت الباب بسرعه ملقتش اي حد ازاي كدا هتجنن رجعت للمكتب وخلاص الخوف كان ملي قلبي ياترى في ايه وايه اللي مش عاوزيني اعرفه ايه الناس المريبه دي وفجأه الباب خبط لقيت السكرتيره بتبلغني بالاجتماع وبتقولي شهاب بيه منتظر حضرتك في قاعه الاجتماعات رحت القاعه ودخلت مكنش في اي حد من الموظفين قولته هوا فين الموظفين محدش موجود ليه قالي تعالي يساره هيجو كلهم دلوقت تعالي هنا جمبي رحت وقعدت جمبه كنت خايفه جدا واضاءه القاعه غريبه لقيته بيقولي مالك في ايه انتي خايفه كدا ليه والعرق مغرق وشك انتي جمبي اهوه متخفيش من حاجه قولته اخاف من ايه هوا في ايه ولسه مكملتش كلامي وفجأه جدار من جدارن القاعه اتفتح وخرج رجاله كتير لابسين زي بعض بدل سودا وبينهم واحد زي مايكون الكبير بتاعهم لقيته اول مادخل شهاب قام وقف وكله اترص على ع الجانبين وانحنو للراجل دا حتى شهاب وبعد كدا أمرهم يقعدوا قعدوا وكل دا وانا مبرقه مش قادره حتى اتنفس حاسه اني متخشبه ولقيته بيقولي ازيك يساره عامله ايه وباباكي عامل ايه دلوقت
مردتش عليه من كتر الصدمه اللي انا فيها لقيت شهاب اللي بيفوقني وبيقولي ساره يساره ماتردي قولته ارد على ايه مين دول وفي ايه انا عاوزه اطلع من هنا طلعني من هنا رد الراجل وقالي اهدي يساره متخفيش احنا مش هنأذيكي قولته انت مين وعارفني منين قالي انا مش عارفك بس انا عارف عنك كل حاجه قولته انتو مين وعاوز ايه قالي هتعرفي كل حاجه دلوقت
بس اهدي الاول حاولت ساعتها اتمالك اعصابي وقولته بقولك انتو مين قالي عاوزه تعرفي احنا مين احنا يساره عالم تاني عالم متعرفيش عنه حاجه احنا حواليكو بس بنختلف عنكو في كل حاجه واهمها اننا مبنحبش الغدر ولاالخيانه ودا طبعا طبع فيكو قولته احنا وانتو انتو مين قالي احنا معاكو بس بنظهر لما بتضطرونا اننا نظهر المهم انا جاي دلوقت عشان هنكتب عهد معاكي ولازم تنفذيه بالحرف قولته عهد عهد ايه انا مش هكتب حاجه قالي بصي بقى انا كنت متوقع عنادك دا هوا يعني إبراهيم هيجيب ايه غير واحده زيك قولته بابا انت تعرف بابا قالي ابوكي هوا سبب اللي انتي فيه دلوقت دا ولو خايفه على اخواتك ومامتك لازم تنفذي كلامي والإ هيتأذوا وكمان باباكي مش هيفوق من الغيبوبه اللي احنا اصلا مدخلينه فيها
معرفتش ارد وعنيا بدأت تنزل دموع لوحدها ساعتها شهاب قالي اهدي يساره قولته ابعد عني متلمسنيش ساعتها سكت وبص في الارض رد الراجل وقالي اهدي واسمعيني كويس ساعتها حسيت اني لازم طبعا اسمع هيقول ايه والا اخواتي وبابا وماما هيبقوا في خطر لقيته بيقولي العهد بيقول انك لازم تجوزي شهاب قولته مين لا طبعا مش هجوز حد قالي متقاطعيش كلامي انا مش باخد رأيك انتي هتجوزي شهاب وهتخلفي منه
ومتخفيش لو على اللي في البيت محدش هيلاحظ حاجه ودي مهمتنا ودا يشهاب مفتاح القصر بتاعك عشان يليق بعروستنا ساره متعرفش مقامها عندنا ايه ادي المفتاح لشهاب وقاله احنا هننصرف دلوقت واي جديد هنبلغك بيه ومشيو من نفس المكان وبعدها الجدار رجع تاني زي مكان ساعتها حسيت كأن حمل اتشال من على قلبي وجسمي كله كان بارد جدا محستش بنفسي اغمى عليا معرفش حصل بعد كدا ولما فوقت لقيت نفسي على سرير في بيت غريب ولقيت شهاب قاعد في آخر السرير قومت وفضلت اصرخ اصرخ قالي اهدي يساره انا هنا قولته انا فين ومين جبني هنا قالي انتي في بيتك يساره قولته متقولش بيتي ايه اللي جبني هنا وحصل ايه قالي متخفيش يساره محصلش حاجه اطمني قولته انا عاوزه امشي من هنا وفضلت اعيط قالي اهدي اهدي بقى يساره واسمعيني انا مش عاوز اعمل حاجه غصب عنك ولا هعمل حاجه مش برضاكي لان يساره بحبك ايوا بحبك ومش عارف الكلمه دي هتوصلني لايه ولا هيحصلي بسببها ايه بس غصب عني حبيتك قولته مدام بتحبني فهمني انتو مين وعاوزين مني ومن اهلي ايه قالي كل اللي اقدر اقولهولك انك لازم تسمعي الكلام يساره عشان خاطر باباكي ومامتك واخواتك قومت وقفت وقولته انا عاوزه امشي لازم امشي من هنا وسبته وجريت وطلعت برا لقيت المنظر غريب حتى الشوارع غريبه ومنظر القصر دا غريب جدا طب هروح فين ولاهروح ازاي......
انتظروا الجزء الرابع
بقلم :آيه يوسف
