في هذا المقال
احمد بن علي البوني : جوه بيت بسيط أهل كلهم نايمين هيفضل راجل واحد شغال خطاط وناسخ للكتب.
قدامه شمعة بسيطة، ورغم إنه متعود على شغلته دي ، بس في الليلة دي غير واحساس مختلف وهو بيكتب، لأن اللي بينسخه مش قرآن مش حديث مش ديوان شعر!
اللي بيكتبه معقد لدرجة إنه ما بقاش فاهم هو بينسخ إيه بالظبط.
أسماء غريبة، جداول مربعه جواها حروف وارقام بنظام عشوائي مش عارف يفهمها دواير جواها دواير نصها كلام مش مفهوم فبيخاف ويقرر يقف الكتاب وينام….!
…..شمس المعارف الكبرى ولواطف العوارف
المؤرخ البريطاني أوين ديفيز ف كتابه تاريخ كتب السحر بيرفع مقام ومكانه كتاب شمس المعارف ع انه من اكثر الكتب تأثيرا ف الثقافه الشعبية العربية..
اتكتب ع ايد (أحمد بن علي بن يوسف البوني).
اتولد في مدينة بونة شرق الجزائر ولكن بيستقر ف مصر ويموت فيها ف القرن السابع الهجري سنة 622.
اتعرف عنه انه رجل صالح زاهد وعالم من علماء علم الحروف.
وعشان تكون فاهم علم الحروف الي هو الحساب العادي عندنا يعني الألف =1 والباء=2 وهكذا.
طبعا بالطريقه دي العرب اتطورو ورقمو الصفح بيه ويأرخو المخطوطات كمان.
بس البوني كان متصوف فكان عنده فكره مختلفه عن الحروف انها اهم بكتير من انها تستخدم ف الارقام وغيرو ولكن ان الكلمات ف القرأن مكونه من حروف فالبتالي الحروف ليها مكانه سماوية ونقلا عن كلامه بيقول:-
(ولا تظن أن سر الحروف مما يتوصل إليه بالقياس العقلي، وإنما هو بطريق المشاهدة والتوثيق الإلهي).
نوح جاردنر، أستاذ الدراسات الدينية، وجان كولون، الباحث الفرنسي صاحب كتاب “السحر في أرض الإسلام في العصر الوسيط”، بيوصلو للكتب الحقيقية الي كتبها البوني زي"لطائف الإشارات في أسرار الحروف العلويات",كتاب “علم الهدى وأسرار الاهتداء في شرح أسماء الله الحسنى”,وكتابين في الأوراد والسلوك الصوفي، منهم كتاب "مواقف الغايات في أسرار الرياضيات"، وكتاب "اللمعة النورانية في الأوراد الربانية".
طيب ليه مسمعناش عن شمس المعارف الكبرى ف الأسامي دي؟
لأن وبلا شك أحمد بن علي بن يوسف البوني وبلا شك ليس الكاتب الأصلي لكتاب شمس المعارف
جان كولون نفسه هيقول في بحثه سنة 2022: ان كتاب شمس المعارف اتنسب زور لاحمد البوني.
والحقيقة إن ده مش سر أصلًا أيها السيدات والسادة، لأن اللي كتبوا شمس المعارف قالوا بنفسهم ده جوه الكتاب.
نوح جاردنر في دراسته المنشورة سنة 2012، تحديدًا في مجلة الدراسات العربية والإسلامية، بيقول: ثم أدلة على أن شمس المعارف الكبرى هو في جوانب جوهرية منه نتاج أوائل القرن الحادي عشر الهجري، وأن سلسلتين على الأقل من الشيوخ المنسوبين للبوني في هذا الكتاب مسروقتان من كتب عبد الرحمن البسطامي.
كمان الكتاب اتكتب اصلا بعد م مات البوني بأربع قرون؟
لو حابب اني اكمل قولي….
يستكمل……..
الإبلاغ عن المقال
لو لاحظت مشكلة في المحتوى، أرسلها لفريق المراجعة. لن تظهر بياناتك لكاتب المقال أو للقراء.
تعذّر إرسال البلاغ الآن. حاول مرة أخرى لاحقًا.
سجّل الدخول لإرسال بلاغ
النقاش
التعليقات (0)
فكرة تضيفها، أو سؤال يفتح حوارًا.
الرجاء تسجيل الدخول لتتمكن من التعليق