ام تتهم ابنها الاكبر في موت ابنها الاصغر
قولتله اسر خد بالك انت كدا هتقع اسر خد بالك اسسسسسسسسر
اسر رجع لورا ووقع من عالسطح من الدور العاشر
الاب مسح على راس ابنه وقاله
طب خلاص ياحبيبي متعيطش انا عالفكرا عاملك مفجأه حلوه
معاذ قال مفجأه ايه دي يابابا
الاب قاله انا هاخدك بكرا البلد عند عمك عبد الرحمن
معاذ قال بجد يابابا
الاب قاله ايوا
تحب تفضل هناك عالطول
الولد قال ايوا بس انا عايزك معايا
الاب خده ف حضنه وطبطب عليه
ـــــــــــــــــــــــــــــــــــــــــــــــــــــــــــــــ
جه تاني يوم واشرف خد ابنه معاذ
وراح بيه البلد عند اخوه
عبد الرحمن قال اهلا وسهلا بأخويه الغالي ازيك يا اشرف عامل ايه،،،،،
ازيك يا معاذ اومال فين اسر
مجاش معاكم ليه
الزوجه اعتماد قالت تلاقيه شبطان ف امه زي زمان هو احنا مش عارفينه يعني دا قعد 3 سنين يرضع هههه
اشرف بزعل قال
اسر تعيش انت ياعبد الرحمن
اعتماد قالت لا حول ولا قوة الا بالله
تعال يا معاذ روح ياحبيبي العب مع ولاد عمك
معاذ مشي واشرف واعبدو بدأو يتكلمو
عبده قال لا اله الا الله امته دا حصل وازاي
اشرف قال كان بيلعب ف السطح راحت رجله جت ف الخلا ويلا مالناش نصيب فيه لحد كدا
الحمد على كل شئ
عبده قال ربنا يصبر قلبك يا اخويه
ويباركلك ف معاذ، ويعوض عليك ياارب
اشرف قال المهم ياعبده انا طالب منك خدمه
عبده قال اؤمر يا اخويه انا رقبتي سداده اما من ايدك دي لإيدك دي
اشرف قاله انا بس عايزك تاخد معاذ وتخليه عندك شويه سنه اتنين تلاته
اصله زعلان اوي على اخوه
وانا عايزه يتلاهى هنا وسط عيالك
ويتسلى معاهم ووقت ماربنا يإذن هاجي اخده
عبده قال ولا يهمك ياخويه بس كدا
خليه عندنا العمر كلو دا يأنس وينور
اشرف قال كتر خيرك ياعبده ياخويه هو دا العشم بردو
يالا انا هقوم تمشي بقا علشان الحق القطر
مش هوصيك ياعبد الرحمن خد بالك من معاذ وخليه وسط عيالك
يالا سلام عليكم
عبد الرحمن قال وعليكم السلام يا اخويه توصل بالسلامه في رعايه الله
اشرف مشي بسرعه
واعتماد قالت
اما حاجه غريبه بقا ابنهم يموت يروحو باعتين الواد التاني على هنا بدال مايخدو بالهم منو ويحافظو عليه
اقطع دراعي اذا كان الموضوع دا فيه انه
عبده قال انه ايه بس يااعتماد كل الحكايه ان ام الواد تعبانه شويه وحزينه على ابنها اللي راح وبعدين الواد راخر شكله زعلان
اعتماد قالت لا لا متجيش ابدا يا عبده زعل اي دا اللي بتقول عليه
لو زعلانين مكنوش هيبعدوه عنهم
اكيد الواد ده له يد ف اللي حصل
وانا مسيري اعرف
عبده قال يا اعتماد الواد عندنا امانه خدي بالك لحد اما ابوه يجي ياخده
اعتماد قالت امانه وهي ناقصه امانات ياخويه كفايه التلات امانات اللي جوا
دا ضهري اتقطم منه يقوم يجيلي امانه رابعه دا ايه الهم دا
عبده قال بلاش لكلكه عالفاضي يا اعتماد اخويه اشرف جمايله عليا كتيره وخيره عليا اكتر
خدي بالك من الحاجه اللي من ريحته
ويلا قومي جهزي العشا زمان العيال جعانين
اعتماد قالت طيب ياخويه اما انشوف اخرتها
عدى كام شهر وشاديه حالتها النفسيه هديت شويه
عدى كام شهر وشاديه حالتها النفسيه هديت شويه
اشرف قال مش آن الاوان بقى معاذ يرجع البيت ياشاديه
بقاله كتيير اوي ايه موحشكيش ولا ايه
شاديه قالتله لأ موحشنيش يااشرف
ومش هيوحشني ومن ساعت مامات اسر وانا ماليش عيال تاني خلاص
وعالفكرا انا حامل واكيد مش هسمح ان معاذ يرجع البيت تاني علشان ممكن زي ماعمل مع اسر ممكن يعمل مع البيبي اللي ف بطني
انت كفايه انك تبعتله مصروفه
واخوك هو اللي هيربيه يمكن لعل وعسى ينفعه ف الارض
المهم انا عرفت ان البيبي اللي جاي هيبقى ولد انا هسميه اسر
وان شاء الله يطلع زيه
