وظائف تأمين المباريات والأحداث الهامه والتجمعات الحكوميه

لو عاوز شغل في شركة أمن مشهوره ومعروفه ف المقال ده علشانك
أولا صديقي الشركه شركة للأمن والحراسه ودي إلي بتنظم الماتشات في ستاد القاهره ومعظم المحافل الكبري 
خليني الأول أحكيلك تجربتي معاهم ولو مش عارفني ف أحب أعرفك بنفسي 
أنا بنزل أجرب كل الشغل الي بيتعرض علي الفيسبوك وأشوفه حقيقي ولا نصب وأجي أعرضهولك هنا وأقولك كل حاجه مريت بيها يعني بوفر عليك كتير جدا

رقم الإتش أر ف اخر المقاله لو مش حابب تقري كتير .

تجربتي النهارده كانت مختلفه 
حبيت أشتغل في شركة أمن 
خدت رقم إتش ار علي فيسبوك وكلمتها وقالتلي تعالي بشنطة هدومك 
روحت فعلا بشنطة هدومي وخدت معايا الفيش كان فيش مش بإسم شركتهم بس ساري كان بإسم وزارة السياحه تقريبا  
وبعدها عرضت عليا كذا مكان 
كومباوند وكايرو إداري وكام حاجه كده 
انا بصراحه أخترت كايرو إداري عشان كانوا هيسلموني بدله وفعلا إستلمت بدله غير إن كان ليا وجبتين ف اليوم 
وبعدها نزلت علي المحاضره الي بيفهمونا فيها طبيعة الشغل وأهميته وأنواع أجهزة الإنذار وإدوني رقم المسؤول عن السكن 
كلمته وقولتله إني جاي وصفلي الطريق حرفيا وأركب إيه وأجي إزاي كان إسمه عم علي وشخصيه عسليه وجدعه جدا ربنا يرحمه يارب سواء كان عايش أو ميت 
المهم ما أطولش عليك روحت السكن و إستقبل وني عشره علي عشره 
كنا ف رمضان فطرت معاهم هناك عندهم مطبخ جاهز وكانوا عاملين رز وبانيه وكفته 
أخدت طبق رز كبير وفيه صباع كفته وحتتين بانيه 
شوفت أنا صريح ودقيق معاك إزاي إدعيلي بقي ههه
وسلموني مرتبه رفيعه أوي وحوالي 8 ملل سرير 
كان السرير بدورين في أوضه كبيره مليانه سراير شبه عنبر وكمان بطانيه 
تاني يوم الصبح صحيت ولبست البدله وروحت علي الشغل ف الاتوبيس فرق نص ساعه عن المكان الي نزلت فيه 
نزلت أمن علي جراش اول حاجه وبعدين ف نص اليوم التاني نزلت أمن علي مدخل شركة فيوتش كومبيوتر سيمينز بتاعت الكومبيوتر المشهوره

المشرفين هناك محترمين جدا والشغل حلو 
عيب بس إنه ملللللل 
كان القبض تقريبا 3500 وكان الشغل 12 ساعه غير الوجبتين والسكن 
عدي اليوم عادي خالص وجابولي وجبه من حتحوت افطر بيها كانت جميله بصراحه

طبعا انا اشتغلت يوم بس عشان انا زي ماقولتلك تقدر تقول إن انا صحفي وبجرب الشغل واحكي تجاربي  عشان غيري يستفيد

بصراحه لو هفتقد حاجه هفتقد المشرف بتاعي لانه فعلا مش مجرد مشرف ده شخصيه عسليه وهنا بتكلم عن مشرف الأمن مش مشرف السكن الي قولتلك فوق أنه عسليه برضوه

بصراحه شايفها تجربه كويسه ومناسبه لأي حد مش لاقي شغل 
ولو إنت مؤهل عالي ممكن تجربها لحين ماتلاقي شغل مناسب 
اها صحيح نسيت اقولك لو اشتغلت يوم ومشيت مش هتاخد فلوس 
ف اوقات معينه لازم تستقيل فيها عشان تاخد فلوسك 
ابقي اسأل لما تروح ودلوقتي سيبني أكتبلك رقم وإسم الإتش ار كلمها واتس أو فون وهتشتغل علي طول إن شاء الله 
أ . إسراء وخلي بالك شخصيه محترمه جدا 
01282069226

مقر الشركه في مكرم عبيد عند مصطفى السلاب تاني شمال بعد مسجد الهدى شركة الأمن والحراسه وادخل قول انا تبع استاذه اسراء

الحاجات الي ماعجبتنيش ف الشغل طبعا الملل + الناس الي كانت موجوده في مقر الشركه ف مكرم عبيد
مش الأمن ولا الإتش أر لا ناس تانيه زي جاردات كده كانوا بيتعاملوا بقلة ذوق بس الاختلاط بيهم بسيط

ماتنساش تدعيلي بقي وأستني مقالات تانيه عن الشغل إن شاء الله