رواية لغز أختفاء قمر

لغز اختفاء قمر 

للكاتب عادل عبد الله 

الحلقة الاولي 

بعد شروق الشمس بحوالي الساعة تستيقظ قمر وكلها نشاط وحيوية بالرغم من كونها لم تنم اكثر من ساعتين .فهذه الليلة كانت تشبه ليلة العيد وهذا اليوم كالعيد بالنسبة لقمر .
فاليوم اول ايام السنة الدراسية .واخيرا قمر ستذهب للجامعة وتعود للدراسة .
قمر ليست في اولي سنوات الجامعة ولكنها علي العكس فهي في السنة النهائية في كلية التربية .
ولكن الجامعة تعني لقمر كل شئ جميل في حياتها .
وبعيدا عن الجامعة كل شئ كئيب وحزين وبائس .
قمر ليست من اسرة فقيرة بل علي العكس فوالدها ميسور الحال ويمتلك الكثير من العمارات والاموال في هذا الحي الشعبي الذي تسكن فيه .
ولكن الجميع يعلم مصدر امواله .نعم .فالجميع يعلم تجارته في المخدرات التي توارثها عن عائلته منذ طفولته ولا يعلم اي عمل غيرها .
والكثير من الشباب الضائع في الحي الذين يعملون صبية له ويساعدونه في ترويج وبيع هذه السموم .
وهذا العمل لوالدها جعل منزلهم مرتعا للمجرمين .مما جعلها تعيش في هذا المنزل وكأنها في سجن .
احساس صعب ان يشعر الانسان ان منزله الذي من المفترض ان يرتاح فيه هو سجنه وان من يقومون بدور السجان عليه من المفترض انهم اقرب الناس له .
قامت قمر وبدأت في تجهيز نفسها للخروج من هذا السجن والذهاب للجامعة حيث الحياة .
ذهبت قمر الي الجامعة وتقابلت مع اصدقائها .صديقات واصدقاء كثيرين .
تقريبا كل دفعتها تربطها بهم صلات الزمالة والصداقة .
قمر كانت شفافة الي اقصي درجة مما جعل لها مكانة خاصة عند الجميع .فلا توجد بينها وبين احد من زملائها اي مشاعر حقد او حسد او كره .بل كل المشاعر التي تربطهم هي مشاعر الصداقة والحب .
عدت ساعات اليوم الاول كالثواني من جمالها ومن سعادة قمر التي لا توصفها الكلمات .
عادت قمر الي منزلها في اخر اليوم وبدأت المشاعر السلبية تدخل الي قمر من جديد .
دخلت قمر البيت .فقالت لها والدتها : احضرلك الاكل يا قمر ؟
ردت قمر : لا شكرا .اكلت بره .
وبعد نصف الساعة دخلت قمر واعدت لنفسها الطعام .
***************************
المعلم ابو قمر عنده مشاكل كتير في شغله .رغم انها تجارة مخدرات لكن حياته كلها مشاكل .
من صبيانه اللي بيحاولوا يسرقوه للمعلمين اللي بينه وبينهم مشاكل علي الفلوس والبضاعة .وكله كوم بقه وضابط الشرطة الجديد والمخبرين اللي بيطاردوه علطول كل يوم وعاوزين يمسكوه متلبس بالمخدرات .
المعلم ابو قمر بقاله كام يوم مزاجه مش تمام .
صحيح ..بمناسبة مزاجه ..المعلم ابو قمر ملوش في تعاطي المخدرات ومزاجه كله كوباية الشاي والسيجارة والفلوس والنسوان .
انما وليد اخو قمر .ده بقه اتضرب بالمخدرات لكن من ورا ابوه .لان ابوه مانع عن نفسه وعن اولاده السموم دي .
وليد اخو قمر بقه مصايبه كتييير غير باقي اخواته .
ده هو اللي شغال مع ابوه من صغره ودراعه اليمين .
ورغم انه كان ماشي علي كلام ابوه في عدم تعاطي المخدرات لكن هو عايش قصة حب مدمراه هي اللي وقعته في المخدرات وبقي مدمن .
وليد بيحب بنت اسمها سماح اهلها ناس طيبين و محترمين وابوها موظف علي قد حاله لكن عايش بالحلال وبيربي اولاده احسن تربيه .
وليد كل ما يحاول يتقدم علشان يخطب سماح ابوها يرفض .
ابو سماح رغم انه عارف انه مش قد وليد واهله لكن خوفه علي بنته ومستقبلها مجمد قلبه ومخليه يرفض وليد كل مرة .
سماح رغم انها بنت متعلمه لكن وليد بوسامته وشياكته وشقاوته خلوها تقع في حبه وعاوزه ترتبط بيه .
المشكلة الايام دي ان سماح اتقدم لخطوبتها شاب كويس وابوها موافق عليه ومصمم انها تتخطب له .
وليد طبعا هيتجنن وبيحاول يقنع سماح انها تهرب معاه ويتجوزوا ويبقي جوازهم امر واقع .لكن سماح مترددة بين حبها لوليد اخو قمر وبين اهلها وخوفها من انها تعملهم فضيحة .
********************
قمر بعد ان اكلت نزلت تشتري بعض الاشياء من اول الشارع .
بمجرد ان رأها كرم قام من علي المقهي المجاور للمنزل وذهب خلفها .
بمجرد ان ابتعدت قمر قليلا عن منزلها حاول كرم التحدث معها .
ولكن قمر تصنعت عدم ملاحظتها لمحاولة كرم التحدث معها .
كرم بلطجي من بلطجية الحي وهيموت ويتكلم مع قمر .
كرم رغم عنفه مع الناس ورغم جبروته في الحي ولكنه ضعيف امام حبه لقمر .
قمر هي اجمل بنات الحي وارقهم .وشباب الحي تقريبا نفسهم يتكلموا معاها او يتقربوا منها ولكن خوفهم من كرم بيبعدهم عنها .لان الكل يعلم بحبه لها الواضح للجميع .
كرم فضل ماشي ورا قمر لحد ما وقفها في الشارع وحاول استمالة قلبها بكلامه وانه ممكن يتغير علشان يرضيها وانه ممكن يعمل اي حاجة علشان ترضي عنه .وهددها انه مش هيسبها في حالها الا لما توافق علي انها تحبه وتوافق علي انه يتجوزها .
قمر روحت البيت وحكيت لابوها عن ما فعله كرم .
ابو قمر استشاط غضبا وصمم انه يلقن كرم درس عمره ما ينساه علشان يبعد عن بنته .
جمع ابو قمر اولاده وصبيانه علي ان يذهبوا لكرم علشان يضربوه حتي لا تضيع هيبتم في الحي .
ذهبوا الي كرم علي المقهي وقاموا بمحاولة ضربه واكن كرم جائه اصدقائه للدفاع عنه وقامت معركة كبيرة بين الجانبين انتهت بتكسير المقهي وعدد من السيارات في الشارع وجرح العديد من اطراف المعركة ولكن الادهي ان كرم تلقي طعنة نافذه بالصدر من ابو قمر .
تم نقل كرم الي المستشفي في حالة سيئة وكاد ان يموت .ولكن تم انقاذه في اخر لحظة .
استمر كرم في تلقي العلاج في المستشفي عدة ايام .
وتم القبض علي ابو قمر بتهمة محاولة قتل كرم .
وبعد اربعة ايام خرج ابو قمر من الحبس علي ذمة القضية .
اصبحت الخصومة بين ابو قمر وكرم هي حديث الحي كله .والجميع يريد ان يعرف ماذا سيحدث ؟ هل سينتقم كرم لكرامته وهيبته من المعلم ابو قمر ام ان ابو قمر سينجح في انهاء اسطورة كرم البلطجي .
***********************
قمر في اثناء كل هذا كان لا يعنيها كل ما يحدث .حتي والدها كان لا يهمها ما سيحدث معه بدرجة كبيرة . 
كل يوم كانت تستيقظ من النوم مبكرا وتجهز نفسها وتذهب للجامعة .
وكانت كثيرا تذهب للمذاكرة عند احدي صحباتها وكانت امها لا تعترض ابدا علي ذلك .فهي تري ابنتها تنتهز اي فرصة للابتعاد عن المنزل .
حتي الانترنت ومواقع التواصل الاجتماعي لم تخرج قمر من مناخ المنزل الذي لا يروق لها .
كانت وفاء هي اقرب صديقة لقمر وكانت دائما تذهب قمر للمذاكرة معها .ثم تعود اذا اقتربت الساعة من العاشرة .وعندما تعود قمر لمنزلها لا تتكلم مع احد وتدخل لغرفتها وتنام .
وذات يوم بينما كانت قمر تذاكر دروسها مع وفاء صديقتها .شعرت قمر ببعض الالم .فسألتها وفاء عما بها فقالت لها انها بعض الالام العادية .
بينما كانت ما تزال الساعة الثامنة ولم يذاكرا اي شئ بعد .نزلت وفاء مع قمر لتوصيلها الي بيتها .وفعلا اوصلتها بالقرب من بيتها .
صعدت قمر بخطوات بطيئة الي شقتها وقامت بفتح الباب ودخلت .
ولكن ليتها لم تأتي في هذا الوقت !! حتي لا تزيد الامها .
فما شاهدته بعينها شئ كانت تشعر به من فترة ولكنها لم تكن متأكده منه .


الحلقة الثانية 

صعدت قمر بخطوات بطيئة وهي متعبة الي شقتها وقامت بفتح الباب ودخلت .
ولكن ليتها لم تأتي في هذا الوقت !! حتي لا تري ما رأت .
فما شاهدته بعينها شئ كانت تشعر به من فترة ولكنها لم تكن متأكده منه .
عندما دخلت الشقة لم تجد اخوتها كالعادة ولكن الغريب انها لم تجد امها .فظلت تبحث عنها حتي وجدتها في حجرتها في احضان رجل فصرخت صرخة مدوية .
بمجرد ان شاهداها ووجدها تصرخ قام الرجل هاربا .ولولا صراخها وخوفه من ان يشاهده احد لقتلها ليدفن سرهما معها ولكن صراخها جعله يرتبك ويفضل الهرب .
جلست الام تبكي وتقول لقمر : اسمعيني يا بنتي وبلاش تظلميني .لما تفهمي هتعذريني .
الراجل ده في يوم من الايام كنا مخطوبين وكنا بنحب بعض قبل ما اعرف ابوكي .
ولكن لانه كان فقير فضلت امي الله يرحمها ويسامحها تعمل معاه مشاكل لحد ما فسخت الخطوبة .
بعدها ابوكي جي اتقدملي وانا كنت رافضة ولكن لانه كان غني وقوي ابويا وافق علي جوازي منه وغصبني اني اتجوزه .
وعشت مع ابوكي غصب عني .والراجل ده الشهادة لله مقدرش يعيش ويشوفني متجوزة غيره .
فسافر بره علشان يبعد عني واتغرب سنين طويلة .ولما رجع دارت الايام لحد ما اتقابلنا .
الحب اللي كان بينا كان اكبر مننا .والحقيقة اني لسه بحبه لحد دلوقتي ومش قادرة انساه .
ردت عليها قمر : وليه مش اتطلقتي من بابا وتتجوزيه ؟
ردت عليها الام : ابوكي عمره ما هيطلقني لانه بيحبني .وحتي لو طلقني مش هيسمح لحد تاني انه يتجوزني .
قمر : كل اللي قولتيه ده مش مبرر للي انا شفته ده .
الام : سامحيني يا بنتي ومتفضحنيش .
قمر : ربنا امرنا بالستر .لكن عمري ما هسامحك .
تركت قمر امها ودخلت غرفتها تبكي .قمر كانت عندها احساس ان امها وراها سر ولكنها لم تكن تعرفه .والان انكشف لها هذا السر .
**********************
خرج كرم البلطجي من المستشفي واكمل علاجه في منزله .وكان يتردد عليه بلطجية واشقياء الحي للاطمئنان عليه والتودد له .
وكان كلما أتي اليه زائر لزيارته كان كرم يردد انه سينتقم من المعلم ابو قمر وسيمحيه هو وابنائه من علي وجه الارض .
كان هذا الكلام يصل الي ابو قمر الذي بدأ يعد العدة للفتك بكرم قبل ان يفتك هو به .
عندما وصل هذا الكلام لكرم قام بأستئجار العديد من البلطجية والمسجلين خطر لحمايته و حراسة منزله حتي يشفي ويسترد قوته .
وجود البلطجية في حماية كرم صعب من مهمة المعلم ابو قمر واولاده للفتك بكرم البلطجي .
في الوقت ده ابو قمر كان محتاج فلوس ضروري .
وكان له فلوس عند واحد من تجار المخدرات في حي مجاور له اسمه المعلم ناجي كان اخذ منه كمية من المخدرات علشان يبيعها في منطقته ولم يسدد ثمنها .
ولما ابو قمر طالبه بالفلوس اللي عنده كان بيحاول يأجل الدفع .
وعرف المعلم ابو قمر من بعض صبيانه ان المعلم ناجي هيشتري مخدرات من تاجر كبير غيره وانه في نيته مش ناوي يدفع الفلوس اللي عليه .
ابو قمر شعر بأن هيبته هتضيع بين تجار المخدرات وفي منطقته .فقرر ان ينتقم من المعلم ناجي اشد الانتقام وان يجعله عبره لمن يعتبر .
جهز ابو قمر رجالته وذهبوا الي المعلم ناجي في منطقته وطالبه بالفلوس اللي عنده .
المعلم ناجي رفض الدفع وطالبه بالتأجيل غير مهتم بأبو قمر ورجالته ..فقام ابو قمر ورجالته بضرب المعلم ناجي واولاده ورجالته وقاموا بربطهم وتعليقهم علي جزوع الاشجار في شارعهم ثم قاموا بحرق وتحطيم منازلهم وسياراتهم في مشهد من مشاهد فتوات القرون السابقة .
كان ما حدث شئ مروع لدرجة ان الجميع خافوا من ادلاء شهادتهم عن ما حدث خوفا من بطش وانتقام ابو قمر .
كما ان المعلم ناجي بعد ما حدث له لم يقم باتهام المعلم ابو قمر ولكنه عقد النية علي اخذ حقه بنفسه ردا علي ما حدث معه حتي يسترد هيبته التي ضاعت علي يد ابو قمر .
***********************
وليد اخو قمر كان بيقابل سماح من ورا ابوها ولما جالها عريس وابوها كان عاوز يغصبها تتجوزه حاول وليد كتير انه يقنعها انها تهرب معاه ويتجوزوا ويحطوا الجميع قدام الامر الواقع .
سماح فضلت متردده بين حبها لوليد وبين خوفها من فضيحة اهلها .
ولما ابوها عرف انها بتقابل وليد من وراه منعها من الخروج من البيت نهائيا لحد ما تتجوز العريس اللي اتقدملها .
وليد بقه هيتجنن علشان يقابل سماح وبقي يضغط عليها اكتر علشان تهرب معاه .
سماح ضعفت قدام ضغط وليد وموقف ابوها وقررت انها تهرب مع وليد .
وفعلا قدرت سماح انها تهرب من البيت وقابلت وليد اللي اخدها وسافروا .
سماح قالت لوليد : ياتري يا وليد انت عارف ومقدر اللي انا عملته ده ؟
وليد قالها : يا سماح انتي الهوا اللي بتنفسه ومقدرش اعيش من غيرك .
سماح :وهنتجوز دلوقتي ؟
وليد : ايوه طبعا .هو انت خايفة اني اضحك عليكي ولا ايه ؟
سماح : لو خايفة مكنتش سبت بيتنا. هربت معاك رغم الفضيحة اللي هتحصل لأهلي .
وليد : مفيش فضيحة ابدا .احنا هنتجوز دلوقتي وهنرجعلهم تاني .
وفعلا اخدها وليد وراحوا للمأذون وكتبوا الكتاب هناك واصبحت سماح زوجته رسمي غصب عن ابوها .
ابو سماح لما رجع من شغله ملقاش سماح في البيت .
طبعا ابوها قلب الدنيا .وبقي يدور عليها في كل مكان .
كان فاكرها راحت تقابل وليد ومفكرش ابدا ان سماح بنته هتهرب مع وليد وتتجوز غصب عنه .
سماح بعد ما سافرت مع وليد وكتبوا الكتاب اتصلت بأمها علشان تعرفها انها بخير وتطمنها عليها .
اول ما ام سماح سمعت بنتها بتقولها انها اتجوزت صرخت .
وطبعا ابو سماح لما عرف ان بنته هربت مع وليد كان هيتجنن واقسم انه لازم ينتقم من وليد .
واصبحت حكاية هروب سماح مع وليد اخو قمر علي كل لسان في الحي .
حتي ان ابو سماح وامها مش عارفين يواجهوا الناس .
فاصبحوا يدخلوا ويخرجوا من المنزل في الخفاء .
***********************
وذات يوم استيقظت قمر من نومها وبدأت تجهز نفسها للذهاب للجامعة .
ام قمر صحيت من النوم وقالت لها تحبي اجهزلك فطار ايه ؟ 
قمر تصنعت انها لم تسمعها .كانت ام قمر بتحاول تتودد لها علشان تسامحها ولكن قمر كانت بتبعد عنها .
قمر كانت حزينة لما عرفت حكاية هروب سماح مع اخوها وليد .
نزلت قمر وراحت جامعتها .وتأخرت قمر في العودة الي المنزل .
لحد بعد المغرب وقمر لسه مش رجعت من الجامعة .
ام قمر بدأت تقلق عليها واتصلت عليها ولكنها لقيت موبايلها مغلق .
حاولت ام قمر الاتصال بها عدة مرات ولكن دون فائدة .
اتصلت ام قمر بوفاء صديقة قمر وسألتها عنها ولكنها لم تعرف عنها شئ .
قلق ام قمر عليها جعلها تتصل بابوها وتبلغه بتأخير قمر في الرجوع من الجامعة حتي هذا الوقت .
ساعة ورا التانية زاد قلق اهل قمر عليها وبحثوا عنها عند كل اصدقائها واقربائهم ولكن دون فايدة .
الساعة تعدت العاشرة ثم الحادية عشر ثم منتصف الليل .
الساعة واحدة ثم الثانية واقترب الفجر ولا اي اثر او اي خبر عن قمر .
اولاد ابو قمر وصبيانه لم يفارقوا المعلم علشان يدوروا علي قمر .
وبدأ كل واحد في تخمين سبب تأخر قمر .
البعض يخمن ان ربما يكون حصل لها حادث .
والبعض خمن ان المعلم ناجي خطفها للانتقام من ابوها .وزادوا تخمين ان المعلم ناجي لو خطف قمر فعلا يبقي بالتأكيد قتلها للانتقام من ابوها .
والبعض خمن ان كرم هو اللي خطفها لسببين اولهم انه يحبها وثانيهم لينتقم من ابوها بعدما كان عاوز يقتله .
اما وفاء صديقة قمر واللي عمر ما قمر خبت عنها حاجة حتي موضوع امها . فخمنت ان تكون قمر هربت من البيت ومن كل الفضايح والعار اللي بيلاحق عائلتها .
او ان يكون عشيق الام هو الذي خطف قمر للتخلص منها علشان مش تفضحهم.وقالت في نفسها ان لو ده اللي حصل يبقي قمر في خطر شديد .
والبعض خمن ان ابو سماح هو الذي ورا اختفاء قمر للانتقام من وليد بعد الفضيحة الذي سببها له .


الحلقة الثالثة 

اولاد ابو قمر وصبيانه لم يفارقوا المعلم طوال الليل علشان يدوروا علي قمر .
وقبل الفجر بحوالي نص ساعة احد صبيان ابو قمر طلع البيت جري وقال لابو قمر : يا معلم انا لسة شايف واحد من صبيان المعلم ناجي في الشارع وكأنه جاي يعس علي حاجة في المنطقة .واول ما شفني جري علطول .ولما جريت وراه اختفي .
ابو قمر : يبقي هو ناجي مفيش غيره اللي خطفها . ناجي هو اللي خطف قمر بينتقم من اللي عملناه فيه .
يعني لازم نروح نهجم عليهم ونخلصها من ايديهم قبل ما يعملوا فيها حاجة .
رد عليه احد ابنائه ( باسم ) اللي اصغر من وليد : اخاف يابا نهجم عليهم يموتوها .
ابو قمر : مش عاوز اسمع كلمة اخاف دي ياض .ابن المعلم ابو قمر ميعرفش الخوف .لو وليد اخوك موجود كان راح جاب اختك لوحده .
باسم : يابا انا مش خايف منهم .انت عارف اننا مبنخفش من حد ولو حبيت نروح نقطعهم ونجبهملك مقطعين هنعملها .بس انا بتكلم علي قمر اللي هي لو في ايديهم دلوقتي ممكن يقتلوها لو احنا هجمنا عليهم .
ابو قمر : عندك حق .بس احنا لو هجمنا وخلصنا كل حاجة بسرعة مش هيلحقوا يعملوا فيها حاجة .
باسم : يبقي لازم يابا نعرف هو مخبيها فين بالظبط علشان لما نروح نخلصها بسرعة ومنفضلش ندور عليها والموضوع ميتخدش وقت .
ابو قمر : كلامك مظبوط ياض ياباسم .احنا دلوقتي هنبعت رجالتنا علشان يعرفوا هو مخبيها فين بالظبط .بس كل ده لازم يحصل في اسرع وقت .
راح كام واحد من صبيان ابو قمر منطقة المعلم ناجي وبقوا يعسو علي اي خبر عن ان المعلم ناجي مخبي قمر فين .
لكن مقدروش يوصلوا لاي اخبار عنها .ولقوا كل حاجة هناك طبيعية .مفيش الا ان المعلم ناجي حاطت حراسة شديدة علي بيته في كل مكان .
لما عرف ابو قمر ان المعلم ناجي عامل حراسة شديدة علي بيته قال اكيد انه مخبيها في البيت عنده .
المعلم ابو قمر قال لاولاده وصبيانه انهم يجهزوا نفسهم علشان يروحوا يرجعوا قمر من عند المعلم ناجي .
وقبل فجر اليوم التالي بساعة اتحرك ابو قمر برجالته بعربياتهم وراحوا علشان يقتحموا بيت المعلم ناجي .
وفعلا راحوا عند بيت المعلم ناجي ولكن رجالة المعلم ناجي اتبادلوا معاهم ضرب النار وبقي الشارع اللي ساكن فيه المعلم ناجي ساحة حرب بين الطرفين .
مكنش سهل ابدا علي ابو قمر ورجالته اقتحام بيت المعلم ناجي .
قدر ابو قمر ومعاه بعض من رجالته ان يدخلوا بيت المعلم ناجي .ولكنهم لم يجدوا اي اثر لقمر .
ولكن دخول ابو قمر لبيت المعلم ناجي كان خطأ كبير منه لان رجالة المعلم ناجي لم يتركوهم يخرجوا بسهولة .وقاموا بضرب النار عليهم من كل اتجاه مما ادي لسقوط ابو قمر وبعض رجالته قتلي ولم يتمكن احد منهم من الخروج الا رجلين فقط .
باسم اخو قمر وباقي الرجالة مقدروش يصمدوا كتير قدام ضرب النار من كل اتجاة .خاصة بعد ان عرفوا بمقتل ابو قمر وبعض الرجالة داخل بيت المعلم ناجي .
رجع باسم اخو قمر وباقي الرجالة الي بيتهم بعد مقتل اربع رجالة وعلي رأسهم المعلم ابو قمر نفسه .
كان خبر مقتل ابو قمر خبر الساعة وحديث الناس في الحي كله .ومحدش كان مصدق ان ابو قمر اسطورة المخدرات في الحي تكون نهايته انه يتقتل بالشكل ده .
باسم اخو قمر اتصل بوليد وقاله خبر خطف اخته قمر وقتل ابوه .
وليد اخد سماح وقرر الرجوع في نفس اليوم .
لكن سماح رغم انها عارفه مشاعر الغضب اللي مسيطرة علي وليد بسبب خطف قمر اخته وقتل ابوه الا ان خوفها من مواجهة اهلها والجيران خلاها تطلب من وليد انها مترجعش معاه .
وليد قال لها : يعني دلوقتي لو مش رجعتي معايا هتروحي فين ؟ 
سماح طبعا معرفتش ترد عليه .ولكن قالت له انها مش هتقدر تواجه اهلها والجيران .
وليد قالها احنا معملناش حاجة غلط تخافي منها احنا متجوزين رسمي .يعني ترجعي معايا وانت راسك مرفوعة ومحدش يقدر يبصلك بطرف عينه .
وبعدين انا مش فايق لكلامك ده .ابويا اتقتل يا سماح وقمر اختي اتخطفت ...عارفه يعني ايه !!
رجع وليد ومعاه سماح للبيت وسماح كانت داخله الشارع وبتحاول تتخفي ومتخليش حد يشوفها .
وليد قعد مع باسم اخوه علشان يعرف منه كل اللي حصل .
باسم حكي له كل اللي حصل بالظبط .وليد استغرب لما عرف ان اللي دخلوا بيت المعلم ناجي وخرجوا قالوا ان قمر مكانتش موجودة جوه البيت .
وليد قال انه هيروح ويشرب من دم المعلم ناجي هو واولاده ومش هيسيب اي اثر للعيلة دي .
لكن قبل ما وليد يتحرك اتفاجئ ب جابر بيه بيتصل بوليد وبيقوله انه عاوز يشوفه حالا .
جابر بيه ده يبقي الراجل الكبير اللي كل المعلمين الكبار كانوا بياخدوا منه المخدرات يتاجروا فيها .
وليد كان اول مرة يتكلم مع جاير بيه ولكن كان يسمع عنه من ابوه .
حاول وليد تأجيل الذهاب لجابر بيه ولكن جابر بيه صمم انه يقابله في نفس اليوم وفي اسرع وقت .
راح وليد وقابل جابر بيه ولكنه اتفاجئ بوجود المعلم ناجي عنده .
حاول وليد انه يمشي وميحضرش الاجتماع ده ولكن جابر بيه اجبره انه يقعد مع المعلم ناجي .
جابر بيه طلب منهم انهم يتصالحوا ولكن وليد قاله انه رافض الصلح وازاي يتصلح مع اللي قتل ابوه وخطف قمر اخته .
المعلم ناجي اقسم انه ميعرفش حاجة عن موضوع قمر .وان ابوقمر ورجالته هجم علي بيته ورجالته مرتين .
وجابر بيه حكم بينهم ان المعلم ناجي يدفع فدية لوليد عن قتل ابيه مبلغ كبير من المال .
وقال لوليد متنساش ان انتو اللي اعتديتوا عليهم مرتين منهم مرة دمرتوا فيها بيوتهم وعربياتهم وعلمتوا عليهم في المنطقة كلها بعد ما ربطوهم في جذوع الشجر في شارعهم .ومتنساش ان ابن المعلم ناجي هيتحبس بتهمة القتل .
رد وليد علي جابر بيه وقاله : واختي قمر ؟
المعلم ناجي : وعهد الله انا معرف حاجة عن موضوع قمر اختك .وغلاوتك يا جابر بيه ما اعرف حاجة .انت عارفني مبخبيش عنك حاجة .ولو عاوزني ادور عليها مع المعلم وليد انا معنديش مانع .


الحلقة الرابعة 

رد وليد علي جابر بيه وقاله : واختي قمر ؟
المعلم ناجي : وعهد الله انا معرف حاجة عن موضوع قمر اختك .وغلاوتك يا جابر بيه ما اعرف حاجة .انت عارفني مبخبيش عنك حاجة .ولو عاوزني ادور عليها مع المعلم وليد انا معنديش مانع .
رد وليد اخو قمر : لا يا جابر بيه .اختي قمر انا هعرف طريقها واجيبها بطريقتي .
خرج وليد من عند جابر بيه بعد ما اتفق علي الصلح مع المعلم ناجي .
ولكن وليد من جواه كان مصمم علي الانتقام من المعلم ناجي ولكنه أجله بس علشان تدخل جابر بيه اللي ميقدرش وليد يعترض علي كلامه .
رجع وليد للبيت وقعد مع امه وباسم اخوه وسماح مراته وقالهم علي اللي حصل عند جابر بيه وعلي نيته في اللي هيعمله بعد كده .
باسم قاله : وهتسيب حق ابوك؟ 
وليد : لا طبعا .بس هو ليه روئه .كل شئ في وقته المناسب عشان جابر بيه اتدخل بس دلوقتي .
باسم قال لوليد : اذا كان المعلم ناجي مش هو اللي خطف قمر اومال هي فين دلوقتي ؟وحصلها ايه ؟ 
وليد : هو ده اللي لازم اعرفه دلوقتي .لازم نعرف اختك فين وحصلها ايه ؟
جلست امها تبكي علي ضياع قمر .وليد قالها : متخافيش يامه يوم او اتنين بالكتير وهكتون قمر هنا في البيت .
باسم قال لأمه : متخاقيش يامه هنجبهالك ونطمنك عليها .بس لازم الصبح تروحي تعملي محضر تغيب في القسم .
وليد : بتقول ايه ياض يا خايب انت .احنا اللي هنجيب اختنا ونعرف مكانها ونريح قلب امك .
باسم : ماشي يا وليد .وانا معاك .قولي تفتكر هي فين دلوقتي ؟ وهنعمل ايه علشان نوصلها ؟
وليد : ادخلوا ناموا دلوقتي وبكره هقولكوا هنعمل ايه .
دخل وليد مع سماح مراته اوضتهم وولع سيجارة وقعد يفكر .
سماح قالت لوليد : انا عارفه يا وليد ومقدرة اللي انت فيه .بس انا مش عارفة هعمل ايه ؟
وليد : هتعملي ايه في ايه ؟
سماح : هعمل ايه مع اهلي ؟ مش عارفة أواجههم ازاي ؟ وكمان مش عارفة هنزل الشارع ازاي ؟ مش عارفة افكر يا وليد وقلبي مش مطمن خصوصا من بابا مش عارفة هيعمل فيا ايه ؟
وليد يفكر لثواني وبعدين يقول لسماح : اوعي يكون ابوكي هو اللي خطف قمر او عمل فيها حاجة .....عارفة ياسماح لو طلع ابوكي هو اللي ورا اختفاء قمر !! مش هقولك هعمل ايه !!
سماح : بتقول ايه يا وليد !! بابا !! لا طبعا بابا ملوش في الخطف والكلام ده .انت عارف بتقول ايه يا وليد ؟!!
وليد : مش يمكن يكون خطفها علشان تبقي واحدة بواحدة .
سماح : انت عارف بابا كويس يا وليد ملوش في الكلام ده .
تاني يوم اهل المنطقة كلهم راحوا يعزو وليد في موت ابوه ماعدا ابو سماح .
سماح اتصلت و كلمت مامتها تستسمحها وانها تحاول تأثر علي باباها انه يسامحها .
ام سماح حاولت كتير مع ابو سماح انه يروح يعزي وليد .لكن ابوها قالها مستحيل ابدا .
عزا ابو قمر خلص ووليد طلع البيت .ودخل يتعشي .وهو بياكل قال لسماح : تصدقي المنطقة كلها جت تعزيني ماعدا ابوكي .
سماح : متنساش يا وليد اننا اتجوزنا من وراه .بابا طيب اوي يا وليد .هو هيفضل زعلان شوية لكن في الاخر هيروق ويسامحنا .
وفجأة جرس الباب يرن .سماح : خير يارب .ياتري مين اللي جايلنا دلوقتي ؟!
وليد : اما اروح اشوف مين .
وليد راح يفتح الباب ويتفاجئ بأبو سماح قدامه .ظن انه جاي يعزيه .
وليد : اهلا يا عمي .تعالي اتفضل .
يخرج ابو سماح سكينة من هدومه ويحاول ضرب وليد بيها .
وليد مسك السكينة من ايده وياخدها منه ويقوله : انت جاي عشان تموتني يا عمي ؟ !!
ابو سماح : ايوه لازم اموتك انت و سماح .انتوا خليتوا رقبتي قد السمسمة في المنطقة كلها .ومبقتش عارف ارفع راسي قدام الناس .
وليد : انا جيتلك من الباب بدل المرة عشر مرات وانت اللي كنت بترفض .وانا وسماح بنحب بعض عاوزنا نعمل ايه ؟!! وخصوصا بعد ما حبستها في البيت وكنت عاوز تجوزها غصب عنها .انت كنت عاوز تحكم علينا بالاعدام واحنا اختارنا اننا نعيش حياتنا .
ابو سماح : وانت كنت عاوزني اوافق عليك ازاي !! انت شايف مستقبل بنتي معاك ازاي ؟ حاسس انها هتبقي في امان معاك ؟ بعد ما ربيتها هي واخواتها. و شقيت عليهم بالحلال عاوزني اجوزهالك علشان تأكلها من الحرام وبعدين تترمل في عز شبابها سواء لو انت موتت او اتسجنت !! لو ربنا رزقك ببنت ترضاها لبنتك ؟
وليد : سماح بنتك هتعيش معايا ملكة .كل اللي تحلم بيه هحققهولها .هخليها اسعد واحدة في الدنيا .واللي اهم من كل ده اننا بنحب بعض .
سكت وليد ثواني وبعدين قال لابو سماح : يبقي انت بقه اللي خطفت قمر اختي .
ابو سماح : لا .مش انا .انا مشكلتي معاك انت نفسك مش مع اختك .واختك ليه تدفع تمن غلطتك انت !
ربنا هيرجعها بالسلامة ان شاء الله لان قمر اختك دي حاجة تانية خالص انسانة متعلمة ومثقفة ومحترمة .ملهاش ذنب تدفع تمن غلطاتكم انتوا .
وليد حاول يسترضي ابو سماح ويخليه يدخل الشقة .ولكن ابو سماح رفض بشكل قاطع لان النار اللي في قلبه لسه مبردتش .
بعد ما مشي ابو سماح .وليد دخل اوضته لكنه لقي سماح بتبكي بعد ما سمعت كلام ابوها .
وليد قالها : شوفتي يا سماح ابوكي كان عاوز يموتني ازاي ؟! سمعتي كلامه !
سماح : معلش يا وليد حقك عليا .انا بنته .وهو محروق من اننا اتجوزنا غصب عنه .
وليد : ماشي يا ستي .تفتكري ان ابوكي يعرف حاجة عن مكان قمر دلوقتي فين ؟او يكون خطفها او عمل فيها حاجة ؟
سماح :معقول يا وليد !!!!!! و هو لو كان عمل كده كانت هتفضل ناره مشعلله بالشكل ده لدرجة انه كان جاي يموتنا .!!
وليد : صح .عندك حق .طيب اومال قمر فين دلوقتي ؟ ولا المعلم ناجي ولا ابوكي ....اومال مين اللي خطفها ؟
انا كده قلقي علي قمر زاد .انا خايف يا سماح تكون ماتت او اتقتلت .غيابها بالشكل ده معناه انها حصلها حاجة .


الحلقة الخامسة 

وليد : انا كده قلقي علي قمر زاد .انا خايف يا سماح تكون ماتت او اتقتلت .غيابها بالشكل ده معناه انها حصلها حاجة .
سماح : انت ناسي كرم ؟ 
وليد : كرم مين ؟
سماح : كرم البلطجي اللي كان بيعاكس قمر و باباك الله يرحمه غزو وكان هيموت وبعدين بئه بيحلف انه هينتقم من باباك . اهو ده بئه اكتر واحد ممكن يكون هو اللي خطف قمر لانه كان بيحبها وفي نفس الوقت عاوز ينتقم من باباك .
وليد : صح يا بت يا سماح .انا ازاي كنت ناسي كرم .ده حتي كمان مجاش يعزيني في موت ايويا .يبقي اكيد هو .بس ده تعبان وكان هيموت هيخطفها ازاي ؟
سماح : مش لازم يخطفها بنفسه .ممكن اي حد من رجالته .
*****************
كرم فرح لما عرف ان ابو قمر اتقتل رغم انه كان نفسه يضربه ويهينه علشان يرجع هيبته تاني في الحي .
كرم قال لاصحابه مادام ابو قمر مات يبقي اللي كنت هعمله فيه هعمله في وليد ابنه .لازم اضربه واهينه واكسر عينه علشان ارجع هيبتي تاني وبعد كده هتجوز قمر اخته غصب عنه .
رد واحد من اصحابه وقاله : انت متعرفش يا معلم ان قمر اختفت ومش لاقينها ؟
كرم اتفزع لما عرف كده وسأله من امتي ؟ قاله : ييجي من اسبوع كده .
كرم رغم انه لسه تعبان من اصابته لكنه كان عاوز يقوم علشان يدور عليها بنفسه .
**********************
وليد اخو قمر اقتنع ان كرم غالبا هو اللي ورا خطف قمر .
وليد قال لباسم اخوه عن اللي بيدور في دماغه من انه شايف ان اللي خطف قمر هو كرم البلطجي .
باسم كمان اقتنع بكلام وليد وقال له يبقي لازم نفكر ونخطط ازاي نروح نجيب قمر من هناك .
وليد : احنا لسه هنخطط !! ده يكون قتلها خلاص !! احنا لازم نروح نخلصها منه دلوقتي .
يقطع كلامهم رنة موبايل وليد .يرد وليد علي الموبايل فيلاقي صوت خشن بيقوله ان قمر عنده وانه عاوز منه فدية مليون جنيه علشان يرجعهاله .
حاول وليد يعرف هو مين .لكن الراجل عمل الشوية بتوع الافلام .انه لو بلغ الشرطة مش هيشوفها تاني والكلام ده .وقفل السكة في وشه .
وليد قال لأمه خلاص يامه اللي خطف قمر اتصل وطلب فلوس وبكره او بعده بالكتير هتكون قمر هنا في حضنك وسطينا .
تاني يوم اتصل نفس الشخص وخيير وليد بين انه يدفع المليون جنيه او انه هيقتل اخته .
رغم ان وليد مبيحبش حد يلوي دراعه لكنه وافق علي دفع الفلوس علشان خايف علي اخته .
اتفق وليد مع الراجل اللي كلمه علي المكان والوقت اللي هيسلمه فيه الفلوس وياخد اخته .
المكان كانت منطقة مهجورة والوقت كان في وقت بالليل متأخر اوي وكان شرط الراجل الوحيد ان وليد يروح لوحده .
وفي الميعاد المحدد راح وليد لوحده ومعاه الفلوس وكان مخبي سلاح في هدومه .واتفق مع باسم انه يمشي وراه من علي مسافة بعيدة شوية ومعاه تلاته من رجالتهم علشان بعد ما ياخد قمر يضربو الناس اللي خطفوا قمر ويرجعوا الفلوس كمان .
الراجل اتصل بوليد بعد ما وليد وصل المكان المحدد وطلب منه انه يسيب الفلوس في المكان ويروح مكان تاني ياخد منه قمر .
وليد رفض يسيب الفلوس الا لما يشوف قمر بعنيه .
وهنا طلع عليه رجالة ملثمين ضربوه واخدوا منه الفلوس اللي معاه وسابوه ومشيوا .
وبعد دقتين وصل باسم ومعاه رجالته واخد وليد اخوه وهو مغمي عليه من الضرب .
وبعد ما فاق وليد من الاغماءة كان اكتشف ان الفلوس اتسرقت وان الناس اللي كلموه ماهم الا ناس عرفت بأختفاء قمر ونصبوا عليه .
وليد كان هيتجنن ازاي يتعمل معاه كده .وليد بئه مش عارف اذا كان الناس اللي اخدوا الفلوس دول هما اللي خطفوها فعلا ولا نصابين استغلوا انهم عرفوا ان اخته قمر مختفيه علشان ينصبوا عليه .
ورغم اللي حصل لكن وليد كان مقتنع ان كرم البلطجي هو اللي ورا خطف قمر وممكن كمان يكون ورا الناس اللي اخدوا منه الفلوس .
خلاص وليد كان عارف ان كرم مأجر بلطجية ومسجلين خطر علشان يحرسوه .وبئه مطلوب من وليد انه يروح لكرم علشان يرجع قمر من عنده .
وفي نفس الوقت كرم كان بيجهز نفسه انه يروح ينتقم من وليد ويضربه ويهينه علشان يرجع هيبته تاني في المنطقة لكن بعد ما يطمن علي رجوع قمر .
وليد اتصل بوفاء صديقة قمر وسألها عن اذا كانت عرفت اي خبر عن قمر .لكن وفاء قالت له انها لسه مش عارفه عنها اي شئ .
لكن بعد مكالمة وليد .وفاء فكرت في حاجه .
وفاء من اول اختفاء قمر كانت خايفة وشاكة ان عشيق ام قمر ممكن يكون عمل فيها حاجة .لكن مش كانت عارفة تقول لوليد ازاي .
لما وليد كلمها وعرفت رقم تليفونه اشترت خط جديد وكتبت رسالة لوليد تعرفه ان امه علي علاقه براجل وان قمر شافتهم وممكن يكون الراجل ده هو اللي خطفها .
وليد فتح الرسالة وقراها وكان مش مصدق عينيه وهو بيقرا .

الحلقة السادسة 

لما وليد اخو قمر كلم وفاء علشان يسألها اذا كانت عرفت اي حاجه جديدة عن مكان قمر وعرفت رقم تليفونه اشترت خط جديد وكتبت رسالة لوليد تعرفه ان امه علي علاقه براجل وان قمر شافتهم وممكن يكون الراجل ده هو اللي خطفها .
وليد فتح الرسالة وقراها وكان مش مصدق عينيه وهو بيقرا .
الرسالة كتبت وفاء فيها كل اللي قمر كانت حكته لها وان قمر رجعت في يوم بدري وشافت امها في احضان رجل غريب وان امها قالت لها ان الراجل ده كانت بتحبه ومخطوبه له من قبل ما تتجوز ابوها وان الظروف فرقتهم ولكنهم لسه مقدروش ينسوا حبهم لبعض وطلبت منها انها تسامحها .وبعد الموضوع ده مباشرة قمر اختفت .وبتقول انها شاكة ان عشيق الام ممكن يكون عمل حاجة في قمر علشان يدفن سرهم .
وليد في الاول اتصدم من الكلام .وكرر قرايته كذا مرة ومش مصدق اللي شايفه وقراه .
حاول وليد يتصل علي الرقم اللي جاله منه الرسالة لكن علطول الرقم مغلق .
وليد قعد يفكر في الكلام نفسه .وهل معقول يكون الكلام ده حقيقي ؟!!! واذا كان حقيقي مثلا اللي بعت الرسالة عرفه ازاي ومنين ؟!!!!
وليد لما فكر شوية فضل شاكك ومش متأكد اذا كان حقيقي ولا لاء.
وليد قال في نفسه ان الحل الوحيد انه يراقب امه في تليفونها وخروجها علشان يتاكد من الكلام ده .وفي نفس الوقت اذا كان حقيقي يعرف يوصل للراجل ده .
وليد فضل يراقب امه من غير ما تحس بيه لحد ما في يوم خرجت ام وليد لوحدها وخرج وراها لحد ما وصلت كافيتيريا ودخلت وقعدت مع راجل غريب .
وليد غلي الدم في عروقه ودخل جري ومسك الراجل من هدومه وقال لامه : مين ده يامه ؟ 
امه ردت عليه : استني يا وليد اقعد وانا هحكيلك .
وليد : مش هقعد قبل ما تقولي مين ده ؟ وانتي هنا بتعملي ايه ؟ 
ام وليد : اهدا بس وانا هقولك .
وليد : مش ههدا .اتكلمي بسرعة قبل ما اقتله .
ام وليد : ده عمك عزت كان جاري زمان قبل ما اتجوز ابوك وقابلته صدفة وعزمني يشربني حاجة بحكم انه كان جارنا ومعرفة قديمة .
وليد : لا .الكلام ده مش حقيقي .انا ماشي وراكي وشايفك وانتي جايه هنا تقابليه .يعني كان في ميعاد بينكم . 
ام وليد : الصراحه هو كان خطيبي زمان قبل ما اتجوز ابوك ولما عرف ان ابوك اتوفي كلمني علشان عاوز يتجوزني .
وليد : يبقي اللي انا سمعته حقيقي .
راح مسك وليد الراجل بعنف وحاول يخنقه وقاله : انطق وقول وديت قمر اختي فين وعملت فيها ايه ؟
العشيق حاول يفلت من ايد وليد وقاله: قمر مين يابني ؟ وهعمل فيها ايه ؟ 
وليد : قمر اختي اللي كشفت سركم .
نظر العشيق وام وليد لبعضهما .ثم سقطت ام وليد مغمي عليها .
في الوقت ده اتدخل عمال الكافيتيريا وحاولوا يفضوا الاشتباك .
ولما وليد شاف امه بيغمي عليها وبتقع لحقها قبل ما تقع علي الارض وحاول يفوقها لحد ما فاقت .
خرج وليد مع امه وعشيقها وقاله انا مش هسيبك الا لما اعرف عملت ايه في قمر .
ردت ام وليد : وتفتكر يابني لو هو عمل فيها حاجة انا هكون خايفة وقلبي محروق علي غيابها بالشكل ده ولا تفتكر اني بمثل عليكم .ده انا كل ساعة بتعدي سكينة بتدبحني من خوفي وقلقي عليها .ريح نفسك .عمك عزت ميعرفش حاجة عن الموضوع ده .
وليد اخد امه ووصلها لحد البيت وكانت فاقت خالص من الاغماءة اللي جتلها .
دخل وليد مع امه غرفتها وقالها : ليه يامه تعملي كده ؟ دا انتي كنتي اغلي حاجة عندي في الدنيا ومقامك كان كبير اوي .ليه تحطي راسنا في الطين ؟ 
ام وليد : امشي دلوقتي يا وليد انا تعبانه وعاوزة انام شوية ولما اصحي نبقي نتكلم .
خرج وليد من البيت وقعد لوحده مش مصدق اللي حصل .معقول امه تعرف حد تاني غير ابوه .شئ مش ممكن كان يتوقعه او يتخيله .
خرج وليد بعربيته لحد ما وصل الكورنيش .ووقف قدام الميه يفكر في المصايب اللي ورا بعضها بتحصله ..من خطف اخته قمر وبعدها موت ابوه وبعدها شرف امه ...وبقي يفول لنفسه يا تري ايه اللي لسه جاي في الطريق .اكيد دي لعنة الفلوس الحرام اللي اتولدنا واتربينا وعيشنا منها .ولا يا تري ذنب الناس اللي دمرناهم بالمخدرات ولا ياتري دي دعوة ناس ظلمناهم ..... احنا فعلا نستاهل اللي بيحصلنا ويمكن اكتر كمان ..ياتري يا بكره مخبي لينا ايه ؟
وليد بعد قعد ساعتين قدام الميه يكلم نفسه وضميره ركب عربيته وروح البيت .واول ما دخل الحارة سمع صوت صراخ من اتجاه البيت .
طلع وليد البيت جري علشان يلاقي امه انتحرت .
*******************
وفاء كان عندها فضول تعرف وليد عمل ايه بعد ما وصلته رسالتها .لكن خوفها من اللي هيحصل خلاها تخاف تحاول تعرف ايه اللي حصل .
وفاء بعد ما بعتت الرسالة لوليد قعدت تفكر بينها وببن نفسها ياتري اللي عملته صح ولا غلط ؟ ياتري رد فعل وليد هيكون ايه ؟ ياتري عشيف ام قمر فعلا هو اللي ورا اختفائها ولا لاء ؟ طيب لو هو اللي ورا اختفائها ياتري عمل فيها حاجة ياتري قمر لسه عايشة ولا حصلها حاجة ؟ طيب لو مش هو سبب اختفائها ياتري قمر اختفت ليه ؟ وحصلها ايه ؟ ومين اللي ورا اختفائها ؟
الف سؤال وسؤال كان بيدور في ذهن قمر ونفسها تلاقي اجابة حتي ولو علي سؤال واحد .
وفي يوم وهي قاعدة تذاكر شوية وتفكر في لغز اختفاء قمر شوية لقيت موبايلها بيرن بصت فيه شافت اسم قمر بتتصل .
فتحت وفاء الموبايل وهي مش مصدقة ان قمر هي اللي بتتصل .
 

الحلقة السابعة 

فتحت وفاء الموبايل وهي مش مصدقة ان قمر هي اللي بتتصل .
وفاء : قمر !!! حبيبتي !! كنتي فين كل ده قلقتينا عليكي ؟
قمر : وحشتيني يا وفاء .اخبارك ايه ؟
وفاء : سيبك من اخباري انا .اخبارك انتي ايه ؟
قمر : الحمد لله تمام اوي .انا كويسة اوي وزي الفل .كنتي خايفة عليا يا وفاء ؟واصحابنا عملوا ايه لما اختفيت كده فجاءة ؟
وفاء : طبعا يا قمر كنت خايفة عليكي .انتي متعرفيش كنت قلقانه عليكي ازاي .ده انتي صحبتي واختي كمان .واصحابنا كلهم كانوا خايفين عليكي .مقولتيش بقه انتي فين ؟
قمر : هقولك كل حاجة .وهنقعد مع بعض ونتكلم لغاية ما تزهقي مني .بس طمنيني الاول بابا وماما واخواتي عملوا ايه لما انا اختفيت ؟ وهما عملوا ايه دلوقتي ؟
وفاء (مكانتش تعرف بموت ابو قمر و بانتحار ام قمر ) : كلهم كانوا خايفين عليكي اوي وكانوا بيدوروا عليكي في كل مكان .واتصلوا بيا لكن انا مش قدرت افيدهم بحاجه لاني مكنتش اعرف عنك حاجة .
قمر : انا علشان كنت عارفه انهم هيسألوكي عني خبيت عنك انتي كمان .
وفاء : طيب طمنيني عليكي انتي كويسه بجد ولا لاء ؟ وانتي فين ؟
قمر ( تضحك ) : انا عارفة الفضول هيموتك .يا ستي انا كنت مع جوزي .
وفاء : نعم ياختي ؟!!!! جوزك ازاي يعني ؟!!! 
*********************
طلع وليد بيته جري لما سمع صوت الصراخ ولقي امه انتحرت .
نزل وليد علي جثة امه وقعد يبكي بعد ان فهم ان امه انتحرت بعد ما انفضح امرها قدامه هو واخته قمر .
وليد حصله انهيار عصبي ودخل المستشفي ومش حضر جنازة امه .
الوحيد من اسرتها اللي حضر جنازة ام قمر هو باسم ابنها الصغير مع الاهل والاقارب .
لما فاق وليد في المستشفي بقي بيكلم نفسه ويقول لنفسه اختك اتخطفت وابوك مات مقتول وامك انتحرت بعد ما انفضحت .وكل ده في اقل من شهر .
هي دي اخرة الفلوس الحرام يا وليد .شوف عملت فيكو ايه .مستني ايه يحصلك تاني يا وليد .
.سماح لما لقيت وليد فاق من المهدئات بعد الصدمة اللي حصلت له دخلت تكلمه لقيت وليد بكل جبروته وقوته بيبكي وضعيف وبيكلم نفسه 
سماح حاولت تهديه .وبعد ما روحت كلمت مامتها في التليفون وقالت لها علي اللي حصل لوليد .
ابو سماح وامها راحوا زاروا وليد في المستشفي .
يمكن لما وليد شاف ابو سماح وامها حالته النفسية ارتاحت شوية .
ابو سماح قعد يصبر وليد علي المصايب اللي حصلتلهم ورا بعضها .
ابو كان صعبان عليه وليد واللي بيحصل لعيلته .صحيح كان صعب علي ابو سماح انه يسامحها ويسامح وليد لكن الظروف اللي حصلتلته خلت ابو سماح يهدا كتير من ناحيتهم .
***************************
كرم بلطجي المنطقة خف خلاص من الطعنة اللي طعنه بيها ابو قمر .وبدأ يجهز نفسه علشان ينتقم من وليد ويكسر عينه في المنطقة كلها ويرجع هيبته تاني .
كرم عرف بموضوع انتحار ام وليد وان وليد تعب ودخل المستشفي .
كرم قال لرجالته اول ما وليد يخرج من المستشفي نروح نحط علي وليد ورجالته ونعلم عليهم ونبقي جبنا حقنا و بعد كده مفيش حد يفكر يرفع عينه فينا تاني .والدنيا كلها هتعملنا الف حساب .
اول ما وليد خرج من المستشفي رجع البيت كان الحزن مسيطر عليه .
البيت بقي فاضي .....اخته اختفت وابوه وامه ماتوا والبيت كله بقي كئيب .
وليد كان مش عاوز يتكلم مع حد ولا يقابل حد .مفيش الا سماح اللي فضلت له وكان مش بيتكلم ولا يشكي لحد الا سماح مراته وحبيبته .
وفجأة طلع واحد من رجالة وليد وقاله : الحق يا معلم وليد .
وليد : فيه ايه ياض ؟
:كرم جمع رجالة كتير وسلاح وجايين علي هنا علشان يهجموا علينا وسمعت ان كرم عاوز يعلم علينا ويكسر عينك علشان اللي ابوك الله يرحمه عمله معاه .


الحلقة الثامنة ( الاخيرة ) 

وليد كانت حالته النفسية صعبة جدا وقاعد في البيت مش بيتكلم مع حد 
لحد ما جاله واحد من رجالته بيقوله ان كرم البلطجي جاي ومعاه رجالة كتير في عربيتات وموتيسكلات وسلاح كتير علشان يحطوا عليك وينتقموا من اللي ابوك عمله فيه .
وليد جمع رجالته وخلاهم يقفلوا الشوارع بكميات ضخمة من الازاز المكسور وقفلوا بيها مداخل الشوارع حول البيت علشان مفيش عربيات وموتسيكلات تقدر تعدي وتوصل لوليد .ورجالة وليد وقفوا في الشوارع اللي حول البيت بكل الاسلحة علشان تمنع كرم ورجالته لو حاولوا يدخلوا علي رجلهم .
كرم اتفاجئ بان وليد قفل الشوارع بالازاز المكسور علشان يجبروه يدخل هو ورجالته الشارع علي رجله .
كرم قال لرجالته انزلوا من العربيات هندخل علي رجلنا .
بمجرد ما دخل كرم ورجالته الشارع كانوا بيضربوا نار علشان الكل يهرب ويستفرد بوليد لوحده .ولكن اللي حصل العكس بالظبط .
رجالة وليد ضربوا عليهم نار من كل البيوت في الشارع .وعلشان كانوا بيضربوا من اماكن عالية اتمكنوا من قتل عدد من رجالة كرم .
لكن كرم قدر يوصل لحد بيت وليد ولما حاول يدخل البيت كان وليد في انتظاره .
وليد مفكرش كتير . استقبل كرم بضربة قاتلة بدون تردد .وقع كرم ومات في لحظتها .
***********************
وفاء اتفاجأت لما قمر قالت لها انها اتجوزت .
قمر ( تضحك ) : انا عارفة الفضول هيموتك .يا ستي انا كنت مع جوزي .
وفاء : نعم ياختي ؟!!!! جوزك ازاي يعني ؟!!! 
قمر : جوزي علي سنة الله ورسوله .
وفاء : ازاي يا قمر ؟ اتجوزتي مين وازاي وامتي ؟
قمر : عارفة استاذ معتز المعيد بتاعنا اللي قلتلك قبل عليه من فترة انه كلمني انه معجب بيا وبيحبني وعاوز يتقدملي .
وفاء : ايوه .فاكره .
قمر : من بعدها كنت بتكلم معاه باستمرار واتقابلنا كذا مرة وبصراحة لقيته انسان محترم جدا ورومانسي لقيت نفسي بحبه من غير ما احس .ولما طلب يتقدم عشان يخطبني اكتر من مرة صارحته بحقيقة اهلي انهم شغالين في المخدرات واني كارهه العيشة معاهم .
في البداية معتز شكله اتغير لكن قالي ان الموضوع ده مش يفرق معاه المهم عنده هو انا واخلاقي .
بعدها معتز سأل عني وعن اخلاقي في المنطقة عندنا لحد ما عرف كل حاجة عني واطمن ان انا شكل تاني غير اهلي .واخلاقي غير اخلاقهم .
معتز اتكلم مع اهله عني كتير وحكي لهم كل حاجه .هما كانوا خايفين مني ومن ارتباط ابنهم بيا في الاول .لحد ما طلبوا من معتز انهم يتعرفوا عليا .
وفعلا مامت معتز كلمتني علي الموبايل وعزمتني عندهم .
لما روحت عندهم لقيتهم ناس من اسرة متوسطة طيبين جدا ومحترمين جدا جدا رحبوا بيا اوي وحبوني اوي .
اتكررت زيارتي ليهم اكتر من مرة لحد ما معتز لما لقي ان نفسيتي تعبانه من حياتي مع اهلي .قالي اني لازم نتجوز في اسرع وقت .
انا اول ما قالي كده لقيتها فرصة علشان ابعد عن الحياة اللي كنت عايشاها .
معتز قالي نتجوز دلوقتي في شقة باباه ومامته مؤقتا لحد ما نجيب شقة .لان شقتهم كبيرة .
باباه ومامته كانوا مرحبين جدا بجوازنا .لكن انا اللي كنت مترددة اني اتجوز بدون علم اهلي .لكن لقيت ان مفيش حل ينقذني الا الحل ده .
فعلا اتجوزنا في شقتهم وبصراحة انا شايفاهم بيعاملوني كأني بنتهم واحسن .
وفاء : يخرب بيت سنينك يا قمر .وكنتي مخبيه عني كل الوقت ده !! وليه مش قلتيلي وطمنتيني عليكي ؟
قمر : خوفت يا وفاء اهلي لما اغيب يضغطوا عليكي تقوليلهم .
وفاء : ربنا يسعدك يا قلبي .
******************************
انتهت المعركة بين وليد ورجالته وقمر ورجالته بموت كرم .
وليد لما قتل كرم بلطجي المنطقة وقف جنب جثته عشان يعلن نفسه كبير المنطقة والحي كله بدون منافس لغاية ما جت الشرطة وقبضت عليه .
سماح مرات وليد بعد القبض عليه بقيت خايفه ومرعوبة من مستقبلها .
ابو سماح قالها : شفتي يا بنتي .شفتي اللي كنت انا خايف منه اهو حصل .جوزك هيتحبس وهتعيشي انتي ازاي يا سماح ؟ فهميني يا سماح هتعيشي ازاي ؟
خبر قتل وليد لكرم سمع في الحي كله وبئه حديث الناس كلها .لحد ما وفاء عرفت .
وفاء لما عرفت خبر ان وليد اخو قمر اتقبض عليه عشان قتل كرم .في اول اتصال بينها وبين قمر قالت لها الخبر .
قمر زعلت جدا لما عرفت بالخبر وفكرت تتصل بامها .
فعلا قمر اتصلت علي امها ولكن تليفون امها مقفول علطول .
اتصلت قمر بسماح مرات اخوها وليد .وفي اثناء المكالمة عرفت قمر ان ابوها اتقتل وان امها انتحرت .
قمر لما سمعت الاخبار دي وقعت علي الارض مغمي عليها .
لما قمر وقعت حاول معتز يفوقها لحد ما فاقت .
بعد ما قمر فاقت نزلت الدموع من عنيها ( مهماكان باباها ومامتها ) حاول معتز يهدي قمر ويفهم منها فيه ايه .
قمر قالت له علي الاخبار اللي سمعتها .حاول معتز يواسيها في حزنها وبعدين قالها انتي حبيبتي ومراتي وكل حاجه في حياتي وانا جوزك وباباكي ومامتك وكل حاجه ليكي .متخافيش وانتي معايا .

انتهي لغز اختفاء قمر 

الي اللقاء مع الجزء الثاني

( حكايات القمر )