مصر-العريش-شمال سيناء
إسم الكتاب
غير حياتك
لو كان للأيام هدوء وسكوت فما معنى السكوت الحقيقى للأيام هو السكون والرخاء معنى يوم هادئ ليس به مشاكل ليس به خوف به محبة وحب وأمل ....
°°°°°°°°°°°°°°°°°°°°°°°°°°°°°°°°°°°°°°°°°°°°°°°
مقدمة :
بسم الله الرحمن الرحيم
بداية لكل القلوب معانى من أطيب الوصول معانى تخاطب العقول وتشعر بها المشاعر لدى الروح النقية .. نعيش فى عالم من العصر الحديث ينشر به أحدث المقالات وأحدث العبارات والتصورات الذهبية ومليئة بالتحديثات الفضية ..
عند أى معنى وعند أى قلب يمكنه أن يعبر بما فى داخله .. ولكنه عندما يفكر بعقله كيف يصنع مبدأ من الطرق التى تصله الى طريق يساعده فى الوصول الى أرق أنوار النجاح ..
من العقول من يفكر فى وقت يقضيه ويحاول أن يعيش عليه ومن الأوقات ما تكون أوقات إيجابية لها أثر الإستفادة ولها إشغال البحث والوصول الى معرفة تفيده فى موضوعات وصناعات قد يستفيد منها العقل الداخلى بأى إنسان ..
ومن العقول من تفكر فى وقت تقضيه على ساعات تمر وعندما تمر لا يستفيد بها شيئا فالوقت ضاع فى تصرفات سلبية جعلت صاحبها يتربى على أثر ضار لا يجد فى حياته سواء أنواع من الألم وأنواع من الهموم .. العقل معنى تربى على التفكير السليم ولكنه ليس وحده الذى يفكر إنما هو صاحبه المتحكم فيه والذى يجعله يفكر إما بطريقة إيجابية أو سلبيه.
°°°°°°°°°°°°°°°°°°°°°°°°°°°°°°°°°°°°°°°°°°°°°°°
الباب الثانى
الحب ليس كما يراه البعض
"كن وردة الحب فإنها تجذب أنظار البعض لأن بها نقاء لا نراه كذلك الحب لا يرُى"
قلوب كتير معانا فى كل الأوقات ومختلفة عن بعضها فى كتير حاجات لكن جواها إحساس مليان بالحب جواها حنين مليان بالعطاء ....
الحب تضحية بكل حاجة والتضحية الأكبر هي إنك تساعد الناس تخاف عليهم وتقدرهم وتستخدمهم وكأنهم أغلى من روحك .. الحب مش إنك تخاف على نفسك تدور على مصلحتك وتنسى مصلحة غيرك 👌
الحب غنى بالمعاملات الحسنة ومش سهلة تحب إنسان بدون ما تعامله كويس لازم يكون جواك رضى بإن الحاجة اللى إنت بتعملها حاجة كويسة هتبسطك حتى لو مكنتش ليك مش لازم يكون معاك كل حاجة لكن ممكن تكون معاك حاجات بسيطة جداً تخليك أغنى حاجة ,,
هو الحب كده بالظبط ممكن يعلى منك ويخليك إنسان تانى إنسان ليه أهمية ووضع ومركز ومكانة كويسة وكل ده بالمعاملة الكويسة ...
المقابل فى إنك تكسب معاملة الناس ليك لإن المعاملة الكويسة ليهم لابد للى قصاد منك يحترمك ويقدرك لكن لو متعاملتش كويس هتلاقى تصرف تانى ده مش هيخليك مرتاح ولو إرتحت شوية مش هترتاح باقى وقتك لإن الحياة هيا عطاء بدون مقابل .
بنشوف ناس كتيرة جداً أول ما تمر فى سن المراهقة بتبدأ تفكر فى الحب وتشوف الحب بشكل سلبى جداً يعنى أهم حاجة عند أى ولد وبنت إنهم يقابلوا فتى أو فتاة أحلامه وطبعا اللى بيفكر كده بتبقى دى حاجة طبيعية لكن فيه ناس بتقدر تتحكم فى نفسها وتبعد عن أى شبوهات علشان تكسب مستقبلها وتعيش فى راحة وفيه ناس بتعدى الطريق ده وبتفتكر إن الحب هيكون بالشكل ده والحب هو حب كل حاجة فى الدنيا مش حب حاجة واحدة بس !!
كتير جداً من بنات النهاردة بتدور على أهم حاجة مواصفات الإنسان اللى أنا بتكلم معاه سواء قدام أهلى أو صحابى أو عيلتى أو أيا كان ودى سلبية جدا لإن من المهم إن الإنسان اللى نختاره لازم يكون ليه مواصفات لكن مش لازم إنه يكون بيه كل المواصافات لإنه ده إنسان فلازم نختاره مش بمظهره لإن المظهر مش كلام ولا حلاوة ولا الحاجات اللى بنشوفها المظهر مجرد حاجة بتخدعنا وإحنا مش حاسين بيها ... !
طبعا الحب حاجة جميلة للى بيشوفها من جميع الإتجاهات ويحب صح لكل الناس ويا ريت منحاولش نكره أى إنسان حتى لو كان الإنسان ده بيخدعنا أو بيجرحنا نحاول نبعد عنه لكن منكرهوش نحاول نكون حذرين من تصرفاته لإنه مش مناسب بالنسبة لينا لكن نحب ونعطى الناس أى حاجة فينا علشان نلاقى رضى ربنا لينا مهما كان الثمن ,,
مش بنقول الحب تضحية يبقى لازم نضحى بالإحساس الجميل اللى فينا لكل الناس علشان نقدر نحب نقدر نكمل نقدر نستمر فى كل الطرق ونشوف الحياة مش دنيا واحدة نشوف الحياة بينا وبوجودنا فيها وبكل ضحكة ترسمنا وتنورلنا طرقنا ونبدأ نرسم الطريق المناسب اللى بيه هنوصل لعالم مليان حب وحياة جميلة بدون أى هموم أو مشاكل أو حزن .
°°°°°°°°°°°°°°°°°°°°°°°°°°°°°°°°°°°°°°°°°°°°°°°
الأخلاق قيمة لا وزن لها
"فى كل الأوقات هناك دنيا وحياة ولديك خلق وصفات تنجيك منها "
يا له من قلب رائع قلب يمتلك الخلق الحسن ,, عارفين لو فينا بعض الأخلاق فى تصرفتنا هتكون الدنيا دى وحياتنا دى عاملة إزاى أكيد جميلة جداً لإن الأخلاق مش معنى لمجرد حروف الأخلاق تعامل فريد من نوعه تعامل نقى مفيش فيه أى سلبيات فيه إبتسامة وضحكة وكلام كويس مليان إحترام مليان أدب الأخلاق صفة جميلة لا تحدد بأى وصف أو نتيجة ...
حاول تصدق إن الإحترام غالى جداً والأدب ميتقدرش بثمن والحياة هتغنيلك وهتنادى بإسمك دايما لما تشوفك بتحبها .
الحب كلمة رفعت لها الأعلام وتصادفت الأخبار والمذيعين عنها والأفلام .. الحب يأتى من قلب صادق كذلك الأخلاق تأتى من عقل حكيم وقلب سليم وعيون تعلم ما تراه ,,
حاول تصادف الإحترام والأدب وتكون إنسان مميز بتصرفك وبعلمك وتكسب الناس من حواليك حاول تحب الناس أكتر وشوف لو معاملتك حلوة معاهم هتلاقى ردودهم ليك إيه ولما تكون معاملتك مش كويسة شوف المقابل إيه صدقنى مش هتقدر تكمل ولو كملت صدقنى هتدمر حياتك بسرعة جدا ,,
لما تفكر بتفكير واحد ومبدأ واحد وطبع واحد وقلب واحد لما تحس إنك إنسان وسط الناس إنسان واحد وليك إله واحد ودنيا واحدة ,,,,
وقتها هتشوف الناس واحدة وهتحس بطبعهم هتحس بقلبهم مش هتشوف الإختلاف ولو شوفته هتحبهم مش هتكرهم ومش هتخونهم ولا كمان هتخدعهم أكيد أكيد هتكسبهم مش هتكدب عليهم ولا ترسم نفسك عليهم أكيد أكيد هتحلملهم أكيد هتوصلهم ضحكة حلوة وأكيد هتنورلهم حياتهم لإنهم زيك ناس هتخليهم فرحانين هتضمهم ليك وهتخاف عليهم وهتخليهم بين إيديك .
قاوم الحزن قاوم الهم وحاول تعيش مرتاح والراحة هتكون دايما معاك طول منتا صح .!
°°°°°°°°°°°°°°°°°°°°°°°°°°°°°°°°°°°°°°°°°°°°°°°
إصنع نفسك بإيدك
"طفولة كانت زمان وحاجات علمتنا والنهاردة عايشين على فكر كان معانا زمان"
مع أى واحد فينا بعض المواهب والحاجات اللى ربنا جعلها فى كل إنسان لإن كل إنسان بيمتاز ببعض المواهب أو موهبة واحدة وطبعا الموهبة أساس تكوينها وتحريكها " العقل" وبكده أكيد هيفكر إزاى يحرك الموهبة دى فى أى وقت وأى مكان وطبعا ممكن من موهبة واحدة تخلينا نكسب مواهب كتير جداً وده مش صعب المهم إننا نتعلم ويكون عندنا إصرار وعزيمة وعندنا إرادة قوية هتخلينا نتعلم الحاجة اللى بنحبها مفيش إنسان بيتعلم حاجة هو مش حابب يتعلمها لإنه لو إتعلمها ممكن ببساطة يبعد عنها وميحسش بطعم الوقت ,,
لكن لما تلاقى نفسك بتستغل العقل الجميل اللى فيك وأول حاجة طبعا إنك بتسخدمه فى إنك إزاى تحب الناس بقلبك وإزاى توصل للهدف اللى نفسك توصل ليه ... لكل هدف إصرار ومجهود لازم نبذله مفيش حاجة جاهزة بتيجى والفلوس عمرها ما كانت عقل بيفكر صح ..! لأى إنسان فاكر إن الفلوس كل حاجة يبقى هو اللى غلطان لإننا إحنا اللى بنبنى الفلوس مش هيا اللى بتبنينا ...!
لابد لكل إنسان إنه يبدأ يصنع مبدأه بإيده ويبدأ يخطط إزاى يعيش وإزاى يكسب كل حاجة ولو خسر بعضها ميندمش , ممكن تحب وممكن تكره ده مبدأ شوف إنت عاوز إيه ممكن تكون صح يعنى متكدبش متخدعش متجرحش وممكن تكون غلط تعمل كل الحاجات دى ,,
ممكن تكون إنسان ناجح بيخاف على مستقبله وإجتماعى بيكسب دنيته علشان يسعد الناس اللى حواليه وممكن تكون إنسان فاشل عديم التصرف وطبعا دى حاجة سلبيه لإن المجتمع السلبى بيأثر على بعضه بالسلبية والمجتمع الإيجابى بيأثر على بعضه بالإيجابية .
والحياة محتاجة مننا إيجابية يعنى نخاف على مصلحة نفسنا نخاف على روحنا ونحافظ على صحتنا ,, كل ما هنحافظ أكتر على حريتنا وعلى حلمنا وروحنا أكيد هنلاقى الدنيا بتنادى دايما علينا ,,
لما نشوف الطبيعة بنشوفها إزاى بنشوفها أجمل حاجة فى الدنيا لإنها طبيعة وحاجة نقية جداُ تخيل نفسك جزء من الطبيعة دى شوف هتكون عامل إزاى فيها .
°°°°°°°°°°°°°°°°°°°°°°°°°°°°°°°°°°°°°°°°°°°°°°°
بر الوالدين
"ما لك فى الدنيا من أشياء لا تغنيك شيئا غيرهم"
كلنا كنا صغيرين فى يوم من الأيام وكلنا كبرنا بعد فترة من السنين وإكتشفنا إن كل واحد ليه إهتمام وطبع وإسلوب معين فى حياته بيختص بيه وبيعيش عليه .
مع كل حاجة عمرنا ما ننسى أهم حاجة هما أهلنا رضى الوالدين ليهم فضل كبير علينا من غيرهم إحنا ولا أى حاجة ولا عمرنا كنا هنوصل لأى حاجة إحنا فيها دلوقتى عمرنا ما هنكسب مستقبل بدون مجهودهم العظيم لينا يبقى لازم نحافظ عليهم لازم نكسب رضاهم لإن رضاهم رضى ربنا لينا وإتأكد رضى ربنا ليك يعنى كل أحلامك معاك وأى حاجة هتفكر فيها هتلاقيها بالمعاملة الكويسة والتعامل الجميل مع اللى حواليك ومع أقرب الناس ليك ...
مهما كانت الظروف المعيشية اللى أى حد فينا فيها سواء كويسة نوعا ما أو لا لازم كلنا نحترم بعض ونقدر بعض ونشوف بعضنا ناس واحدة ليها أساس واحد فيها إنسان واحد .
الحياة إتسمت بكده علشان نحيي أى حاجة فيها يبقى لازم نغير أى حاجة فينا ونحاول ندور على العيوب ونصلحها ونبدأ نكسب أكبر كم من المزايا اللى هتخلينا أوعى بكل حاجة بتحصل حوالينا .
يبقى مع كل الكلام والدنيا وكل حاجة بتحصل حوالينا مننساش أهم حاجة ومين اللى خلانا نوصل لكل ده ومين اللى خلانا نعيش ونخرج ونشوف الدنيا دى أكيد هما أهلك أقرب الناس لقلبك فى كل حاجة حافظ عليهم لإنهم ميتقدروش بتمن .
°°°°°°°°°°°°°°°°°°°°°°°°°°°°°°°°°°°°°°°°°°°°°°°
لقد إنتهينا من الباب الثاني للرواية
سوف يتم نشر المقالة للباب الثالث
فضلا وليس أمراً تقيمك للمقالة يشجعني لنشر المزيد ،،...
