بنت بالف رجل

يقول اسمه بالحصاد و منجله مكسور شنو السالفة؟ يقولون شيخ عشيرة كان يعيش بسلف  شيخ العشيرة انسان كبير بالسن لكن ما عنده خلفه إلا بنيه وحده وهي بنيته عزيزة علية وغالية وعمرها بالعشرين
وماشاء الله عليها جميلة جدا تعدت الايام والسنين والشيخ شاف كلمته قامت ما تمشي بالسلف وشاف عمامه وعشيرته ما ياخذون شوره ومن يكلهم حجاية حساب ما كايل لهم
و الناس ما ينتبهون بسالفتة ما يودون عليه وفاض صبره صاح لبنيته كاللها بويه تعالي اكعدي كالت اي بويه تفضل امرني محتاج شي
كاللها عمامي كاموا مايحترموني و ماياخذون شوري و حساب انا ركيت و كلمتي صارت رجيجة يمهم فالاحسن اعوفهم وشيل كالت لابوها الشور شورك و انت الشيخ و الراي رايك و انا بيتك اشتامرني كاللها والله
انا نيتي صفت اشيل من السلف شنو تكولين كالت لابوها الشور شورك لكن انا عندي شرط وياك كاللها شنو شرطك كالت شرطي لو نريد نشيل بالليل الوادم نايمه
وذا نريد نشيل ما تخبر احد بشيلتنه لا صديق ولا عدو كللها بعد كلتله بعد من نشيل أنا لبس دشداشة وتلثم بشماغ وخلي سيفي بحزامي ومشي وياك خيال
وصفن الشيخ كاللها وليش هاي السالفة كالت بويه أنه وياك طالعين نص الليل ومحملين غراضنا واذا يشوفونك وحدك وياك مره خاف يسلبونك ويسلبونه اما من يشفونه اثنين خياله زلم يهابون من عدنا تبسم الشيخ كاللها عافيه بيج ابنيتي ما خاب ظني بيج
تبين خوش مربي بنتي كالت بويه تربيتك كاللها على رايج بنيتي وعلى الله نشيل  الليلة وبالليل لمي غراضنا وشدي/ صار الليل طمئنو من السلف كلها نايمة كالت بويا نامت الوادم كاللها زين من نامت الوادم خلي نحمل حملوا غراضهم
و هي طلعت لابسة الداشداشة و متلثمة بشماغ و سيفها بحزامها شافها أبوها تبسم
ركبت مهرتها وابوها ركب مهرتهه وحملوا غراضهم تكرمون على المواشي وتوكلوا على الله وطلعوا من البلد ومن السلف
جريب للصبح وصلولهم السلف ما يعرفونه ولا يعرفهم ويه طرت الفجر
بنولهم بيت شعر متكتر عن الديرة . وحطوا اغراضهم ووسائلهم طلعت الشمس واهل السلف اللي وصلوا عليه وحطوا بيه شافوا بيت شعر مبني البارحة ما جان الليلة شجابة فكع من الكاع بكولتنا وطلع خلوا نروح نسأل شيخ الديرة
اجو اهل الدير وكالو للشيخ هناك بيت شعر حاط علينا كاللهم شنو صاير احنا شفنه بيت الشعر مبني وخبرناك  كاللهم روحولهم و اسألوهم شنو طلبتهم مطلوبين يطلبون راحوا
من زلم الشيخ البيت الشعر وصلوا البيت الشعر لكوا اثنين زلم الشيخ العشيرة و ابنيتة لابسه هدوم رجال كالولهم سلام عليكم صباحكم الله بالخير رد عليهم و الابو والبنت تعاين هلا بالخير
والله انتم حاطين علينا و احنا هذا سلفنه بي شيخ عشيرة و شيخا ودانه عليكم و كال اعزموهم للغدة وجايين نعزمكم للغدة الابو الشايب كلهم اتفضلوا المضيف الشيخ و انا شاء الله اني و ابني نجيكم للغدة
رجعوا زلم الشيخ لشيخ السلف وخبروا بالموضوع كاللهم طبخوا غداكم
قريب الغداء راح على المظيف الشايب الشيخ اللي شال من ديرته وحط بهذه الديرة وبنته اللي لابسة دشداشة وشماغ وعكال و جميلة جدا وما يبين عليها انها بنت بهذه اللباس . سلام عليكم عليكم السلام حيوا بيهم واتفضلوا اهلا وسهلا شعلو لهم كهوة
شربوا كهوتهم وشربوا. عادة العرب الابو اذا كاعد ويسولف الابن ما يسولف فالبت متلثمه بشماغها وكاعده جنب ابوها وهي معدودة الابن لهذا الشايب وهي بت شيخ وابوها كاعد فما تتكلم وتسولف تعرف الاصور سألهم مظيفهم
كاللهم عمي حطيتو علينا اهلا وسهلا بيكم لكن انتم طلابه تطلبون مطلوبين محتاجين شي من يا عمام من يا سلف من يا بلد كام يرد عليه الشايب كال جناب الشيخ لا احنا طلابه ولا احنا مطلوبين لكن سمعنا عن عشرتكم خوش عشرة وجينه نحط عليكم وذا تدرون بينا مزاحمينكم احنا نتغده
وانا وابني نحمل ونشيل كال لا افاعليك وانت حطيت علي معدود مني وبية وشنو تعتاز ذب حملك عليه كال له مشكور جناب الشيخ مدو السفره تغدوا شربوا جايهم وكهوتهم خذوا شطر من القعدة والسوالف والشعر والبنية لابسه هدوم زلم وما تسولف نهائيا لان ابوها كاعد ويسولف
من خلصوا من كعدتهم كالوا احنا نترخص جناب الشيخ كلهم حياكم الله و اهلا وسهلا وهذا مظيفكم يمته ما حبيتوا تشرفونا .  شكرا شكرا كاموا و طلعوا من طلعوا و هم راديين البيتهم الشعر الشايب وبنته اللي لابسه دشداشة و شماغ و هما يدرون بيهم اثنين زلم ابو وابن
وهذا السر لا يدري بيه الا البنية وابوها و الله طلعوا من مظيف الشيخ كالت لابوها بهداي كالت بويا احنا لليل عشا ماعدنا اش رايك نروح للصيد كاللها نمشي للصيد بوجهم طلعوا وين للصحراء وبطلعتهم من السلف لاكتهم بنت
شابه عمرها 20 سنة حوالي بنت جميلة وبت سلف وبت ريف وبتعرب و كانت تلم حطب  
عينها طاحت بعين البنية بنت الريف طاحت عينها بعين البنية اللابسة دشداشة بنت الشيخ حسبالها ولد وهي جميلة اخذ عقلها وكلبها هذه البنية اللابسة شماغ
من خذ كلبها هذا الشكل وهذا الولد وهي جميلة جدا فراحت ركضت لامها كالت يمه كالت لها نعم كالت لها يمه الولد هو وابو الحاطين على سلفنا بهذا البيت الشعر اريده
وكالت لها الام  شنو سامعه وين شفتي وليش ! البارحة حطوا علينا شتكول العرب علينا لا نعرفهم لا ندر من يا أصل لا ندري من يا فصل شنهي طلابتهم ما نعرفهم كالت لها هاي حجايتي الولد شفته وكال لها اكتل روحي عجيب ظلت الاماية ومتحايرة بنتها
صار الليل والبيت ظلت تناطر 
ردت لمها كالت لها يمه اني الولد اريده قالت لها امها احنا لو نريد نروح نسولف وياهم ما يصير اشلون نروح نخطب الولد ما يصير عد العرب الولد لا ينهي عليه و لا ينخطب عمام المرة اللي نهون عليها و المرة اللي يخطبونها انتي تردين تغيرين السناين ما يصير كالت لها شنو الحل كلت لها الحل اني اكلج بي
انتي عديلج ليلتين ثلاث خلي يستقرون زين و بليلة من الليالي اكلج بيها و انتي صرخي نص الليل يا عرب يا ناس اللحكولي لما تلم عليج اهل السلف و اهل الديرة كولتن هذا الزلمة هذا الولد الشاب ابن هذا الشايب الجماعة الحطوا علينا حول علينا نص الليل زين البت تريدة 
كالت لها و التالي كالت التالي السالفة توصل للشيخ وذا وصلت للشيخ لازم يفصل وفصل هذه القضية لازم ياخذك فانتي توصلين المرادج قلت لها خوش حال . عدت لها ليلتين او ثلاث وهي البنت نص الليل صاحت يا اهل السلف اهل الديرة اهل الحمية الحكولي
والتمت عليها الديرة ها بويه بنت فلان خيرها اصيح شمالها صاير عليها .  امها  خير بوية تفضلي قالت والله هذا الولد ابن هاذ بيت الشعر ابن الشايب طفر عليه وتوه من صحت شرد صدك جذب كالت لهم امها هذا الصدك
 راحو وركضوا للشيخ . الشيخ سلفهم وجان الشيخ صارت صيحة بالديرة ويكولون بنت فلان طافر عليها ابن الشايب هسه تكليفنه شنو كال روحوا جتفوهم وجيبوهم 
الحاصل جتفوا الشايب و جتفوا ابنه اللي هو بالواقع بنت وجابوهم للشيخ بالمضيف كالهم ملحنا ما غزر بيكم كالوا  جناب الشيخ ملحكم غزر بينا لكن احنا محنا خاطئين احنا ما سوينا شغلة باطلة كاللهم 
انا اتكلم معكم ايش حصل ؟ كاللهم ابنك طافر على بيت فلان يريد ينهب بتهم وانت تكول شنو حصل ؟؟ اذا تدرون وابني متهم بهاي القضية.  اذا بري هو يبري  نفسه
سأل جناب الشيخ وإذا ما بره نفسه وطلع هو صدك اني امده وانتم ذبحوه كال شيخ السلف خوش  . سولف انت شلون طفرت علي بيت فلان وانت هاي ثلث ايام حاط على سلفنا ما غزر وياك الملح 
كالت البنت وعاينت لابوها وهي متلثمه بشماغها ولابسة دشداشة زلمة كالت بوية ترخصني كاللها مرخوصة طيحت الثامها
من طيحت اللثام بان جمالها هاي البنية اشكد جميلة لكن ما يدرون بيها ابنية شالت الشماغ من على راسها وكالت لشيخ السلف كالت له انا انا بت شيخ بت الستر والمسترور
انا بت شيخ بت ستر والمستور اسمي بالحصاد ومنجلي مكسور كال افا اشلون كالت له انا بت شيخ بت الستر والمستور اسمي بالحصاد ومنجلي مكسور صفك ايده الشيخ
اشلون صارت هاي السالفة كالت جناب الشيخ تعال انا اسولفلك انا بنت ماني ولد لكن ابوي وحيد وخفت تغدرة الزلم ولبستلي دشداشة وتنقبتلي بشماغ وخليت سيفي بحزامي كلت خاف الزلم يستوحدونه وابوي شيخ عشيرة وشال من عشيرته حط عليكم وابوي ما هو خمس فلوس عد زلم 
لكن ابوي شيخ حجايته كامت ما تمشي عد عمامه عاف عمامه وشال من عدهم وحط عليكم  لكن يا جناب الشيخ احنا راح نشيل نرد على سلفنا لان حتى لو تريد تصير زين الناس ما تخليك واتهمك بتهايم اللي انت امنت بيهم وهسه انا اسمي بالحصاد ومنجلي مكسور كال لا بويا ما خليكم تمشون
وابوج شيخ ومن بعدي وابوج اللي يرأس هذا العشيرة وانتي تختارين اي واحد منها انت تختارين يا هو الي عجبج من اولادي وصيرين زوجته واتكونين انتي ام الحلال وانتي ام البيت وانتي ام المظيف وهذا فصلكم لان تهمناكم 
شكرا للقراءة