بوابة لحياة جديدة
بوابة لحياة جديدة
هل ممكن يكون في عالم اخر فعلا؟ هل ممكن يحصل فجوة زمنيه تفتح لينا ابعاد اخري ؟ اسألة كتير من النوع ده ومش عارفة
هل ممك..
:ايوه يا ماما جايه حاضر ..هرجع اكمل
طبعا انتو مش فاهمين حاجه انا نور عندي ٢٤ سنة متخرجة من كلية تجارة ديما عندي فضول للحاجات الغريبة و نفسي اعيش مغامرات
ماما:تعالي ساعديني فالغدا امسكي قطعي الخضار ده
نور : ايه يا ماما كل الاكل ده انتي عازمه الجيران ولا ايه
ماما: ابدا ده خالتك جاية انهاردة وانتِ عارفه بقالها كتير ماجتش وبعدين ابنها كمان جي لسه راجع من السفر
نور : اه قولتيلي عشان كده طب يا ماما لما يجو انا هسلم عليهم و ورايا حاجات كتير اعملها
ماما : هتقعدي معانا يا نور
نور :يا ماما انتِ عارفة انا مابحبش اقعد مع ابنها ده
ماما:محمد هو في زي محمد الولا طول بعرض وشغال وبيعرف يجيب القرش
نور :يا ماما طلعي الموضوع ده من دماغك انا مش هوافق عليه ده انسان رخم جدا وتفكيروا رجعي اصلا
ماما :طب يا نور هتقعدي معاهم
وروحي صحي اخوكي ده انا مش عارفة ده ثانوية ايه اللي نايم كل ده تعبت منكم
نور في سرها (انا امشي قبل الاسطوانة ما تفتح ) : يوسف ياا يوسف اصحيي
يوسف :يووه عاوزين ايه سبوني انام
نور :ماوركش حاجه ولا ايه انت مش عندك درس قوم يالا الساعه ٢
يوسف: يا نهار ده فاضل نص ساعة طب اطلعي يالا
نور :مالها العيلة دي عل الصبح
(بليل تحديدا الساعه ٧ وخالة نور وابنها معاهم فالصالة)
ماما: انت عامل اية يا حبيبي فالشغل
محمد: الحمد لله يا خالتي وبص لنور الواحد بس كان نفسو كده يرجع من سفر عل بيته يلاقي مراته محضراله اكل ومايه بملح لرجلو
نور: انت كده عاوز تلاقي خدامة بقي مش مراتك
ماما:نور
محمد :سبيها يا خالتي و هي الست يا نور لما تخدم جوزها تبقي خدامة
نور :لما كل همك في جوازك انك تلاقي واحده تخدم عليك بس تبقي شايفها خدامة هي برضو ليها حياة عل فكرة
خالتو: ايه يا حبيبتى الكلام ده احنا تربينا عل ان الست تحت رجل جوزها وبيتها وعيالها ولا ايه يا سعاد
ماما :اه يا حبيبتي طبعا هي نور بس بتحب تقرا كتير فالكلام باين لحس مخها
نور :طب يا ماما انا داخلة اوضتي ورايا شغل
(في الأوضة)
نور :عالم متخلفه مانمش واصحي الاقي نفسي في عالم تاني واقابل فارس احلامي
تنام نور وتصحي وهي مش مركزه وتبص حوالها تتفاجأ من اللي شافته...!!
اوضتها متغيرة شكلها غريب كأنها من عصور قديمة بس شيك اوي
تقوم تبص فالمراية تلاقي نفسها لابس لبس من الحرير شبه لبس الملوك
تدخل عليها بنت قريبة من سنها
:مولاتي الملك طالبك
نور:انتي مين واحنا فين هنا ايه المكان ده انا جيت هنا ازاي
:مالك يا مولاتي انتي بخير انا عارفة انك زعلانة ممكن تكلمي مع الملك بهدوء تاني
نور:ملك مين انتي بتقولي ايه انا مش عارفه انا فين اصلا
: احنا في القصر يا مولاتي وانتي الاميرة انتي شكلك تعبانة
نور وهي بتحاول تبان طبيعية: لا انا كويسة بس اظاهر اني مرهقة شوية الملك عاوز ايه
:حضرة الملك والدك كان عاوز يكلمك في موضوع الأمير نبيل مرة تانيه اتكلمي معاه بهدوء ممكن المرة دي يقتنع انك مش عاوزه تجوزيه
نور : تمام شكرا ..خرجت الجارية
انا هعمل ايه دلوقتي انا مش فاهمه حاجه انا فين واميرة مين ومين دول انا ازاي جيت هنا يمكن بحلم انا لازم اتعامل طبيعي لحد ما افهم
خرجت وسألت عن مكان الملك
الملك : تعالي يا بنتي
نور: حد قالي ان حضرتك عاوزني نعم
الملك: انتي لسه زعلانة انتي ليه مش عاوزه تفهمني انا عاوز اطمن عليكي مع حد يقدر يحميكي
نور وهي بتفتكر كلام الجاريه وانها رافضه : بس هو ممكن يكون مش هيقدر يحميني يا والدي وانا كده كويسة ممكن تسبني علي راحتي يا والدي
الملك وهو ببحاول يهدأ: بصي يا مريان هو جاي انهاردة وهنقعد كلنا في تجمع ملكي للمملكتين وساعتها تقرري
نور في سرها(انا مريان؟!!) : اللي تشوفه يا والدي استأذنك
تخرج نور وهي مش فاهمه حاجه وتشوف البنت اللي دخلتاها الصبح تخدها معاها الاوضه
نور : انتي شكلك قريبة مني هنا صح
البنت: طبعا يا ولاتي تحت امرك
نور: طب بصي انا عاوزاكي تقوليلي كل حاجه عني وانتي اسمك ايه اعتبريني فاقدة الذاكرة
البنت بستغراب: حضرتك الاميرة مريان بنت الملك اسمهان ملك مملكة الشمال وانا جاريتك نعمة من المفروض اني قريبة منك هنا وبتحكيلي كل حاجه بس انا مش فاهمه مالك
نور وهي حسه انها تايهه:لا ابدا انا بس تعبانة شويه محتاجة اخرج اتمشي ممكن
نعمة بصوت واطي: يا مولاتي عاوزه تخرجي ازاي دلوقتي اكيد الحراس واقفين استني الوقت اللي بتخرجي فيه كل يوم كمان ساعة
نور وهي مش فاهمه بس لازم تمشي كلامها: ايوه ايوه تمام انتي عارفه بخرج ازاي صح اخرجي معايا محتاجه افهم حاجات كتير
نعمة: اللي تأمري بيه مولاتي
ويجي معاد اللي هتخرج فيه وفعلا تخرج هي ونعمة وكأنهم حراميه بيهربوا
نور: وانا مابطلعش عادي ليه
نعمة :الملك مش بيحبك تخرجي تحتكي مع الطبقه العامه انا لازم ارجع القصر عشان لو حصل حاجه ومشت نعمة
كملت نور وهي سرحانة في المكان ده مكان غريب شبه صحرا بس فيها اسواق وبيوت وناس شكلها بسيط وهي سرحانة تخبط في شخص
نور: ما تبص قدامك ايدا
الرجل بصوت كله ثبات وهدوء وملامحه الجاده الجذابة :اسف يا انسة ماخدتش بالي
نور بعد ما سرحت في ملامحه شوية : خلاص ولا يهمك
الرجل وهي بيبص لهيأتها فهي غريبة عن الطبقه العامة وفي نفس الوقت مش عارف انها الاميره لانها خرجت مداريه وشها
الرجل :شكلك مش من هنا محتاجه حاجه
نور: انا فعلا مش من هنا هو ممكن تعرفني عل المكان
الرجل : اكيد طبعا هو انتي من مملكه تانيه
نور باستغراب : ليه
شكلك مش من الطبقه العامه هنا
نور : ايوه فعلا انت اسمك ايه صح
الرجل: اسمي شادي
نور: وانا اسمي نور انا حسه اني تايهه هنا ومش فاهمه حاجه
شادي: انا كمان مش من هنا
بصتله نور باستغراب ليكمل
انا من مملكه الجنوب بس حبيت اغير مكاني عشان شغلي بقي هنا وتغير برضو
نور: ممكن نقعد هنا انا تعبت ونزلت الطرحه من عل وشها
شادي : الاميرة !!!
نور: انا مش الاميرة ووطي صوتك
شادي : ازاي انا عارفك
نور : هحكيلك بس اسمعني للاخر وحكتله كل حاجه
شادي: اللي بتقوليه ده غريب جدا بس انا اعرف حد ممكن يساعدك
نور : بجد ساعدني ارجوك
شادي :في حكيم هنا هو اللي هيفهمنا ايه بيحصل معاكي
الحكيم بعد ما سمع اللي حكته نور : اللي بتقوليه ده مالهوش اي معني غير حاجه واحده
نور بلهفه : ايه هو
الحكيم: عشان تكوني هنا في عالم غير العالم بتاعك ده معناه انك اخترقتي بوابه من عالمك ومافيش غير كتاب واحد هو اللي يقدر يعمل كده
نور باستغراب:كتاب ايه
الحكيم كتاب كان في العالم بتاعك وعشان يكون موجود هنا لازم تعرفي هو كان كتاب ايه
شادي: هو انتي عندك كتب او قريتي كتاب معين
نور بتفكير: انا بقرأ كتب اه وسكتت شويه وهي بتحاول تفكتر افتكرت انها قرأت كتاب عن العالم الاخر والبوبات وافتكرت انو اتذكر فيه اسم المملكه دي
نور بتذكر: ايوه افتكرت انا فعلا قريت كتاب وكان مكتوب بعض الطلاسم وبعدها" ممكن امنيه من القلب تحولك للعالم هنا "
الحكيم : انتي اكيد قريتي الطلاسم دلوقتي احنا كده محتاجين بعض الحاجات نستحضر الكتاب هي نبته معينه من الغابات السودا ورورق معين
نور : ودول هوصلهم ازاي
الحكيم: لما تدوري عليهم هما هيدوروا عليكي هتلاقي خيوط تدلك
شادي: بس الغابات دي خطيره جدا وكمان فيها سحر
نور بخوف : يعني هنعمل ايه
الحكيم : هديكي شوية حاجات تقدر تساعدك تدخلي وتحميكي بس مش ديما هتتحل بسهوله
شادي: انا هكون معاكي
الحكيم : قدامكم اسبوع لازم يكون القمر بدر ولو عدوا هتستني الشهر الجاي
نور : انا لازم ارجع بسرعه
الحكيم : بس كل حاجه ليها سعرها وانتي دلوقتي اميره اكيد هتدفعي
نور : انا هديك اللي انت عاوزوا وبصت عل الدهب اللي في ايدها ممكن تاخد دول كلهم
الحكيم : هتيجي بكرا في نفس المعاد
خرجت هي وشادي
شادي : انا مش هسيبك لوحدك الغابه دي خطر ماينفعش تكوني لوحدك هناك
نور: شكرا جدا يا شادي انا لازم ارجع المملكه دلوقتى بكرا نتقابل في نفس المعاد والمكان اللي شوفتك فيه
شادي: هستناكي
ورجعت نور وهي دماغها مشوشه جدا مش مصدقه ان الكلام اللي بتقرا حقيقي ومش مصدقه اللي هي فيه
رجعت زي ما خرجت من القصر
نعمه: مولاتي اتأخرتي كده ليه ملك مملكة الغرب عل وصول لازم تجهزي
نور وهي لسه سرحانه : شوفي ايه يتعمل واعمله انا حقيقي مرهقه دلوقتى
وجهزت نور وخرجت وكان باباها وملك مملكة الغرب والامير ابنه قعدين راحت جنب والدها
وكان الامير بيبصلها بطريقه غريبه وكان شكله مغرور حتي في كلامه بس هي كانت سرحانه لحد ما فاقت عل والدها والملك بيقومو وهي والامير لوحدهم
نبيل: بس شكلك جميل يا مريان ده لو تسمحيلي اشيل الالقاب
نور: شكرا ليك وعادي طبعا
نبيل وهو بيبص عل الجاريه اللي حطتله العصير ومشت : تعرفي انا فعلا حابب فكره الجواري وجود كذا واحده لراحتي وفالاخر اتجوز اميرة جميلة زيك وتكون برضو مهتمه براحتي
نور : وهي الدنيا كلها بدور حوليك انت وراحتك هو انت بتعمل ايه في حياتك يا نبيل
نبيل بغرور: انا مش محتاج اعمل حاجه انا امير وابن ملك وبكرا ابقي ملك كله بينفذ اومري
و ممكن اروح اسهر مع صاحبي هما سلطتهم اقل مني اه بس انتي عارفه لازم بعض التواضع
نور: لا واضح متواضع جدا
نبيل : انا حابب نجوز في اقرب وقت انتي عارفه احنا كده هنجمع مملكتين عل بعض ونكون في مكان عالي اوي
نور : ومين قالك اني موافقه اني اتجوزك
نبيل بصدمه : انتي مش موافقه تتجوزيني انا انتي عارفه انا في كام واحده تتمني تجوزني ده انتي حتي اقل منهم في الجمال
نور بعصبيه بتحاول تتحكم فيها: تقدر تجوز اي واحده فيهم ترضي بواحد فاضي مغرور وتافه زيك لكن انا اخر واحدة ممكن توافق عليك انت فكرتني بواحد كان تافه زيك كده مفكر انو مالك الدنيا بس انت فاضي من جو يا امير نبيل
نبيل وهو بيقوم بعصبية واحراج : كل اللي قولتيه ده مش هيعدي يا مريان هتندمي
باباها لما جه عل صوتهم : في ايه يا ولاد
خرج نبيل و باباه وراه
الملك: انتي عملتي ايه بظبط
نور : ابدا بني ادم مغرور وتافه عرفته حجمه
الملك: انتي عارفه انتي عملتي ايه انتي كده هتبوظي علاقتي مع باباه
نور : وانت عاوز تبعني لواحد زي ده عشان علاقاتك انت متأكد انك اب حتي ومشت من قدامه بعصبيه ودخلت اوضتها
دخلت وسرحت افتكرت موقف حصلها زمان وهي في اوله كليه
باباه : انتي معترضه عل ايه امال لو كنتي مفرحانا بكليه عدله انتي عارفه ده هيعيشك ازاي
نور: يا بابا كليتي ده نصيبي انا عملت اللي عليا وبعدين ده بني ادم مش كويس
بابا: عملتي اللي عليكي دخلالي كلية كله دخلها غشان مجموع يقرف ولا هتوصلي لاي حاجه وعاوزه كمان ترفضي عريس ممكن يغير حياتنا لحته تانيه ده ابن صاحب الشغل انتي فاهمه بتقولي ايه
نور : وانت عاوز تبيع بنتك عشان علاقتك مع صاحب الشغل طب انا مافكرتش فيا
بابا :انا اصلا مش باخد رأيك واحده زيك هتفهم الكلام ده ازاي
ويخرج من الاوضه وتفوق نور من سرحانها عل صوت نعمة
نعمة : يا مولاتي انتي بخير
نور :تعالي يا نعمة انا كويسه اه بصي يا نعمه انا بكرا همشي في نفس المعاد بس انا مش هرجع دلوقتي هقعد اسبوع برا محتاجه تجهزيلي حاجات اللي هحتاجها المده دي ممكن
نعمة: حضرتك بتقولي ايه انتي عارفه الملك ممكن يعمل ايه
نور : مش فرقلي بصي يا نعمه انا هحكيلك كل حاجة وكمان هديكي مبلغ يعيشك وتمشي من هنا لما انا امشي عشان ماحدش يأذيكي
وحكتلها كل حاجه وفعلا نعمة قررت تساعدها وجهزت كل حاجه وجه تاني يوم وخرجت نور عشان تقابل شادي
نور بعد ما خبطت في شخص : انا اسفه جدا
شادي: انتي تخصص خبط بقي
نور بفرحه مش عارفه سببها: شادي كنت خايفه ما تجيش
شادي : انا مش ندل اكيد
نور :ماقصدش طب يالا بينا
الحكيم :هدوري عل نبته سودا تبان دبلانه للشخص الغلط والشخص اللي يحتاجها بتزهر من جديد
ودي حبه اعشاب وده مكان الورق
هتاخدي معاكي السلسه دي هتبينلك المخفي وتعرفك مكان السحر عشان ماتقعيش فيه واحده لكيي و واحده ليك يا شادي
شادي : شكرا ليك احنا نمشي دلوقتي عشان نكون فاايوم من اوله
نور: شكرا انك بتساعدني بس ده مش هيعطلك عن شغلك اهلك سكتت وكملت بفضول ومراتك
شادي : لا يا ستي مش هيعطلني عن شغلي لان في ناس شغاله معايا وانا مش متجوز عل فكرا
نور بفرحه بداريها: ايدا بجد اصل قولت حد زيك شكلك وسيم اكيد متجوز وسكتت بكسوف من اللي هي قالته
شادي بضحك : يعني انا وسيم قولتيلي عل فكرا انتي كمان شكلك جميل جدا
وشها احمر وقالت : شكرا
شادي : بيحاول يغير الموضوع كلميني عن نفسك بقي وعن عالمك
نور : هو انا حياتي ممله شويه وروتينيه عندي ٢٤ سنة و عندي اخ اصغر مني وبحب القراءه وبالنسبة لعالمي هو عالم ممل اكتر مني انا بشوفه عالم مليان جشع وطمع وسواد الا قليل يعني
شادي: شكلك شوفتي حاجات تخليكي تقولي كده
نور بتغير الموضوع: كلمني انت عن نفسك انا ماعرفش عنك حاجه
بس قطعهم اصوات غريبة والسلسه بتاعتهم نورت
سكتت نور بخوف وهي بتبص لشادي
فجأة ظهر قدمهم كائنات غريبة اضخم من يكونو بني ادمين وشكلهم وحش
في مكان تاني واقف حارس قدام الامير نبيل
الحارس: زي ما قولت لجلالتك خرجت مع شاب وكانوا رايحين تجاه الغابه
نبيل : تمام تقدر تمشي
بقي عشان كده في شخص تاني في حياتك رافضتيني انا عشان شخص من العامه بس صدقيني مش هسبهولك عايش
نور بخوف : مين دول
شادي وهو بيطلع سيف وبيواجهم بشجاعه: ماعرفش اقفي في المكان اللي هناك ده امان بسرعه
وبدأت يواجه فيهم بمهاره كان متقن جدا للقتال مش زي اي شخص عادي كانت نور بتبصله بانبهار لحد ما حست بحاجه بتقرب منها
نور : اوعاا سبنيي شااادي
شادي: نور!!! وجري وموت الشخص ده
وكده يكون خلص عل كل الموجودين
نور: انا مش عارفه أشكرك ازاي بس انت ازاي كنت متقن القتال كده
شادي: موهبه بتمرن من وانا صغير
عدا اليوم بدون احداث تانيه
عرف باباها الملك بغيبها وبعت حراس يدورو عليها في نفس الوقت اللي امر الامير نبيل مجموعه من ابرز المحاربين يروحوا الغابه ويجبوها ويقتلوا الشخص اللي معاها
عدا تلت ايام نور وشادي بيقربوا من بعض بس شادي غامض مش بيكلم كتير عن حياته وعدوا كذا صعاب سوا وكانو بيقربو لمكان الزهره وجمعوا الاعشاب
وكان حراس نبيل عرفوا مكنهم وقرروا يهجموا بليل
نور: بس انت ليه يا شادي بتساعدني
شادي: مش عارف يمكن عشان كنت محتاج ده قبل كده كنت محتاج حد يساعدني في حياتي برضو
نور: ليه كنت محتاج مساعده في ايه
شادي بتوهان: مش مهم المهم اني قدرت اعدي ده انا لازم اروح اجيب خشب نولع نار عشان نعرف ننام هنا
نور : تمام ماشي
وبدأت تكلم نفسها : انتي مالك مهتمه بيه كده ليه فوقي يا نور ده في عالم مش حقيقي
كان نفسي الاقي شخص زيه كده احس بامان معاه بس فالحقيقه
سمعت صوت خطوات
نور : انت جيت بسرعة كده ليه يا شادي
حارس: بس انا مش شادي وبصلها ببصات مش كويسه
نور بخوف: انت مين
الحارس :مش مهم انا مين خدوها واستنو هنا اكيد اللي معاها جاي
فالحظه دي جه شادي
شادي : اكيد متأخرتش عليكي نور انتي فين ايدا انتو مين وفين نور
الحارس : شكلك غلط فالاسم احنا هنا عشان نخلص عليك زي ما طلب الامير نبيل وبدأو يهجموا عليه بس عددهم كان كبير
هنا شادي واقفهم بصوته: بأمركم بانكم توقفوا انتو ماتعرفوش انا مين انا الامير من مملكة الجنوب
الحراس وقفوا بصدمه واتكلم الحارس بتوتر : وايه يثبت انك الامير
شادي طلع سلسله وقالو اكيد مش هتبقو مابسوطين لما الملك يعرف باللي عملتو ده
الحارس بترجي: احنا مكناش نعرف سامحنا ارجوك
شادي: انتو تمشوا دلوقتي وترجعوا للأمير تقولوا انكم مالقتوناش وان ممكن يكون حاجه خلصت علينا مفهوم امشوا
مشوا بسرعه وخوف وكل ده تحت نظرات نور اللي مش فاهمه حاجة ومتفجأه انو امير
شادي : انتي كويسه حصلك حاجه
بعدت عنه بخوف وقلق
شادي ماتخفيش انا هحكيلك كل حاجه
انا امير الجنوب اكتر مملكه مليانه ظلم بابا شخص عظيم لكنه كان جبروت جدا امي كانت كويسه علمتني القتال وقالتلي اني مأذيش حد بسلطتي وان الناس كلها زي بعض بس بابا كان شخص طاغي كان اسهل حاجه عنده القتل باقي المماالك بتاخف منه كان عاوزني ابقي زيو كان بيعقبني لما بتعامل بطيبة لحد ما ماما توفت ساعتها حسيت ان المملكة دي مش مكاني واني لازم اهرب وفعلا حاولت مذا مره واتأذيت جدا من الملك بس فالاخر هربت وفعلا جيت مملكه الشمال وعملت شغل وحياه خاصه بيا ولما شوفتك حسيتك تايه زي ما كنت تايه وكمان في حاجه شدتني ليكي وسكت
نور بدأت تستوعب اللي بيقولوا : اسفه للمريت بيه مش ديما اهلنا بيكونوا صح وساعات بيدو نفسهم حق مش حقهم فانهم يقرروا حياتنا
شادي: احكي شكلك محتاجه تكلمي
نور خدت نفس عميق: بابا من خمس سنين كان عاوز يجوزني لشخص عشان علاقاته تتحسن فالشغل وكان ديما بيقلل مني ومن تعبي واني مادخلتش الحاجه اللي هو عاوزها كان شايفني قليله عشان انا كمان بنت في الحاجه الوحيده اللي هيستفدها مني انو يبعني ويقبض
سكتت وهي بتعيط وكملت بهدوء الله يرحمه انا مسمحاه لانو بابا فالاول وفالاخر بس ده ساب فيا اثر انا بقيت بخاف من الناس وثقتي مهزوزه في نفسي وبدور عل حد يكون امان وبصت لشادي وبعدين بصت بسرعه بعيد عشان تفوق من الوهم ده
شادي: الماضي مش هيتغير بس احنا اللي بنختار المستقبل يبقي عامل ازاي اتعلمي من اللي فات عشان تعرفي تعيشي اللي جاي ماتخليش اللي فات هو اللي يأثر عل حياتك بالسلب
بصتله وابتسمت ونامو وعدا يومين بدون احداث جديده وكانو خلاص عرفوا هيوصلو للورده ازاي
وفعلا وصلوا لكل حاجه ورجعو للحكيم
شادي قبل ما يوصلو : نور انا عاوز اقولك عل حاجه
انا بحبك
نور : انت بتقول ايه انت فاهم بتقول ايه ؟!
شادي: انا عارف انك مش من العالم ده وعارف انو ماينفعش بس انا حسيت اني لازم اعترفلك بده واتمني اقابل حد يكون زيك كده ماعرفش هحبها زيك ولا لا
نور: هتلاقي يا شادي انا كمان حبيتك بس مافيش حاجه نقدر نعملها
راحو للحكيم وبدأ يستحضر الكتاب ونور ودعت شادي وقالتله يروح لنعمه يطمن عليها وهي عارفه ان نعمة هتكون الشخص اللي شادي هيلاقيه ويحبها غمضت عينها بسرعه
وفتحت لقيت نفسها في اوضتها قامت بفرحه وسمعت صوت مامتها جرت عليها وحضنتها
ماما: في ايه يا بت انتي بتلغوشي عل العمله اللي عملتيها
نور : وحشتيني اوي يا ماما وجرت عل اخوها وحضنته
مامتها بصت ليوسف
يوسف : انتي سخنه ولا ايه يا نور مالك
ماما: انتي اتحسدتي ولا ما كنتي بعقلك بس برضو تعالي ومسكتها من ودنها
بقي يابت تحرجي ابن خالتلك كده انهارده يقولو عليا ايه
نور : انتي لسه فاكره يا ماما
ماما: ياختي وهو سودا الليل هينسيني عملتك
هنا نور استغربت معقول يكون كل ده حلم
بدأت تتعامل مع مامتها عادي وصلحتها ودخلت الاوضه وهي بتفكر لحد ما لحظت انعكانس لقيت انها لبسه السلسله كان شادي عطهالها وقالها انها كانت من مامته وابتسمت اتأكدت انو مش حلم وان وقت العالمين بس مختلف وقررت ماتقلعش السلسله ابدا
عدي سنتين عل الموقف ده نور نجحت في شغلها كمحاسبة الكل يشهد بشطارتها وكتبت رويات قصيرة في المغامرات اللي بتحبها واللي عيشتها
في يوم كانت ماشيه رايحه للكفاتريا خبطت في شخص
نور : انا اسفه جدا انا.. شادي!!!!
الشخص : شادي مين ايه الناس اللي الواحد بيشوفها عل الصبح دي
نور لسه واقفه بصدمه من الشبه الرهيب ده : انت مش عارفني
الشخص : انتي تعبانه يا انسه عديني كده عشان مستعجل
نور: اكيد مش شادي شادي مش قليل الذوق كده
الشخص : سمعتك عل فكرا بس مستعجل
نور : جابت قهوتها وراحت الاجتماع واتفجأت نفس الشخص موجود
المدير : احب اقدملكم ادم الشفعي صحاب الشركة اللي هتخش معانا فالمشروع
هنا نور كانت حسه ان مسيرتها المهنيه بتنهار وتجنبت انها تبصله نهائي
اما ادم فركز فالشغل وعل عكس توقع نور هو تجاهلها وكأنه اول مره يشوفها
وعدت الايام وكل التعامل بينهم كان شغل وادم كسر حاجز الخوف مابنهم و اتعامل معاها عادي مش كمدير وان الموقف الي حصل ده عادي وعدي وبقو اصدقاء ونور ارتحاتله فعلا هو شخص كويس متواضع بس كانت محتاره هل هي شيفاه كده عشان شبه شادي؟
في يوم جديد
ادم: بس انتي في اول مقابله كنتي غريبه عل فكرا
انتي متعوده تخبطي فالناس كده
نور سرحت فالمرات اللي خبطت في شادي والايام اللي قضتها معاه
ادم : روحتي فين بكلمك
نور: اسفه معلش
ادم: كنتي بتحبيه
نور: مين؟
ادم :شادي
نور: انت عرفت منين
ادم :انتي شبهتيني بيه وساعات كتير بتسرحي لما تشوفيني اكيد جمعت
نور: كان شخص كويس فعلا
ادم: وماكملتوش ليه
نور: هو كان شخص كامل بس مافيش حاجه تبقي كامله حياتنا مختلفه عن بعض مكنش في نصيب يجمعنا
طبعا ادم فهم ان اكيد في ظروف خارج اردتهم وماحبش يسألها اكتر اصل مين هيفكر فان اللي حصلها حقيقه
ادم : لسه بقي بتحبيه
نور : حتي و لو مش هنجمع تاني هو ربنا يوفقه في حياته وانا ركزت في حياتي وهو حاليا بالنسبة ليا شخص علمني كتير وهو قالي خالي الماضي ميأثرش عل حياتك وانا فعلا عملت بكلامه
ادم:شكله فعلا كان شخص كويس
وعدت الايام وهما بدأوا يكونو اقرب وفي مره نور عازمته عندهم فالبيت لان اكيد مامتها عارفه بصدقتهم وحبيت تعزموا وفعلا جه
ماما: انت ادم بسم الله ما شاء الله ادخل يا حبيبي ادخل
نور كانت بتحطت لمسات بسيطه وبتجهز نفسها وخرجت وبتدعي ان مامتها تعدي اليوم عل خير
نور: ازيك يا ادم شكلك اتعرفت عل ماما خلاص
ادم: طنط دي سكره خالص انتي ماقولتليش انها عسل كده
ماما: اوعا تكون البت دي بتشتكي مني
ادم: لا طبعا هي قالتلي عنك كل حلو بس انتي احلي من اللي اتقال كمان
ماما: تسلم يا حبيبي تعاله يا يوسف سلم عل ادم مدير اختك فالشغل
يوسف : ازي حضرتك عامل ايه
ادم : لا حضرتك ايه شيل الالقاب خالص في كلية ايه يا يوسف
يوسف : تجارة
ادم: زميل يعني
يوسف : قول يارب بصراحه نور حببتني فالكليه ونجحها حفزني واخترتها مش عشان مجموع انا كان ممكن ادخل حاجه تانيه بس نجاح نور حببني فالمجال ده جدا
ادم وبصلها بحب : فعلا هي شاطرة جدا وتحبب ايه حد
نو اتكسفت ومامتها ادخلت
ماما: قولي بقي يا حبيبي انت عايش مع اهلك وعندك شقه بقي
نور برقت لمامتها عشان تسكت وضحكت باحراج: ايه يا ماما هتتحري عليه ولا ايه هي ماما كده تحب تهزر
ماما: بس يا بت انتي مالك
ادم ضحك وقالها: سبيها يا نور دي براحتها انا كنت عايش مع اهلي بس بقيت عايش لوحدي حاليا
ماما: يا حبيبي امال مين بيشوفك محتاج ايه مش تجوز عشان واحده تاخد بالها منك
ادم: يا طنط انا بني ادم زي زي اللي هتجوزها انا بعرف اساعد نفسي ولما اتجوز هتجوز واحده عشان تشاركني حياتي مش عشان تخدمني
نور بصتله بانبهار هي مش مصدقه ان في حد كده
ماما : طب يا نور خدي ادم وادخلو البلكونه عل ما اعملكم شاي
في البلكونه
ادم: اهلك لذاذ اوي
نور: اه وماما بتحب الهزار
ادم: بس شكلها عاوزه تخلص منك
نور: ممكن شويه عاوزه تجوزني شيفاني معنسه عشان بقي عندي ٢٦ سنه
ادم: ماما برضو شايفه كده كمني ثلاثيني بقي وكده
نور: بس انت تفكيرك فالجواز مختلف انا شوفت كتير بس كلهم بيفكرو براجعيه وان الست للخدمه بس
ادم: دي ناس اتربت عل عادات غلط ومافكروش الصح ايه اكيد في ناس زي بس مش بينين وسط التفكير التقليدي ده
وسكتوا ادم قطع السكات ده وقرر فجأة
ادم : نور انا بحبك
نور اتفجأت من اعترافه ده وبصتله وماردتش
ادم : انا بصراحه كنت متردد جدا وكان في حاجه مأثره عل تفكيري
نور : خايف ارفض؟
ادم: هو طبيعي اه بس كنت خايف اكتر اني اكون شخص شبه اللي كنتي بتحبيه عشان كده احنا قريبين
نور خدت نفس: بص يا ادم انا والشخص ده صفحتنا اتقفلت ومنكرش ان فالأول كنت منجذبه ليك عشان كده بس انا عندي عقل وانت فعلا حد كويس وانا فصلت حوار الشبه ونسيته انت شبه نفسك وانت فعلا تتحب
ادم بفرحه : يعني انتي كمان بتحبيني
نور سكتت بكسوف وبعدين قالت: انا فعلا في مشاعر من نحيتي ليك بس انا بخاف بسبب الماضي بخاف من الجواز بس انت لما اتكلمت وعرفت تفكيرك عن الجواز انا ارتحت حسيت انك فعلا سوي وحد احس معاه بالأمان
ادم: يا طنط خليها شربات
ضحكت نور وادم اكلم مع اهلها فانو عاوز يتقدملها وانو هيجيب اهله وفعلا عدت سنين وكانو عيله مليانه حب ودفا ونور كانت بتحكي لولدها حكايتها بس عل انها قصه طبعا عشان عمرها ما نست فضل اللي حصلها عليها وادم كان فعلا محل ثقه وراجل يعتمد عليه فالبيت وكان الامان ليها ولاولدهم
