٨ حاجات عن تاريخ إسكندرية مكنتش تعرفها
مدينة اسكندرية هي عروسة البحر الأبيض المتوسط و كانت عاصمة مصر لفترة من الفترات، بناها الأسكندر الأكبر، و لو كنت مصري و اسكندراني كمان و فاكر نفسك تعرفها كويس، تعالي أعرفك في سطوري الجاية علي ٨ حاجات عن تاريخ إسكندرية ممكن مكنتش تعرفها و هتخليك تندهش :
1️⃣ مدينة الإسكندرية أقدم من مدينة القاهرة بأكتر من ١٠٠٠ سنة ، و إسكندرية اتبنت فى ٣٣١ قبل الميلاد و أما القاهرة فأتبنت فى ٩٦٩ ميلادىة يعنى في فرق أكتر من ١٢٠٠ سنة، و شارع فؤاد أقدم شوارع العالم.
2️⃣ تعرف إن الإسكندر الأكبر مشافش إسكندرية بعد ما تم الإنتهاء من ببناءها عشان بعد ما دخل مصر راح يحارب فى أماكن تانية لحد ما مات فى العراق و الأسطورة بتقول إنه رجع يتدفن فى إسكندرية.
3️⃣ إسكندرية عدى عليها يونانيين ، مقدونيين ، رومان (ايطاليين) ، فرس (ايرانيين) ، بيزنطيين (روما الشرقية) ، و عرب من شبه الجزيرة العربية، و كل فئة من دول حكمت إسكندرية فترات من الزمن و كل فترة فيهم أدت للبلد حاجة و أثرت فيها.
4️⃣ عدد اليونايين فى إسكندرية سنة ١٩١٧ كان حوالى ٥٦ ألف نسمة ، دلوقتى عددهم قل لحد حوالى ٤ آلاف نسمة بس و طبعاً كلهم مندمجين فى مصر.
5️⃣ مكتبة الإسكندرية الحالية هو مبنى حديث معمول قريب لكن مكتبة الإسكندرية الحقيقية اتحرقت سنة ٤٨ قبل الميلاد.
6️⃣ إسكندرية فيها مدينة كاملة مدفونة تحت المياة (هرقليون) و كلها أثار و حاجات من عصر البطالمة و الرومان و للأسف مش كتير بيزورها ، بالمناسبة اللوجو بتاع الدورى الإنجليزى متاخد من تمثال تحت المياة هناك.
7️⃣ زمان إسكندرية كانت متقسمة لـ٣ أجزاء ، جزء لليونانيين و جزء للمصريين و جزء لليهود ، الجزء إللى كان عايش فيه المصريين كان قرية راقودة إللى هو دلوقتى إسمه كوم الدكة.
8️⃣ و أخيراً بقى، إسكندرية مصر هى واحدة من اكتر من ٥٠ مدينة إسمها إسكندرية برضه حوالين العالم و موجودين في كندا و البرازيل و إيطاليا و رومانيا و تركيا و روسيا و غيرهم لكن أشهرهم على الاطلاق إسكندرية بتاعتنا.
كنت تعرف كل دا فعلاً و لا لأ؟
