لعنة زياد رعب
🔴الجزء 65 حتى 69 لعنة زياد جبدت روحي عليه ودرت حطيت الماكلة على الطابلة وقعدت بقا يشوف معايا قتلو اقعد تاكل معايا جا قعد معايا سربيتلو ليه وحطيت ليا هزيت المغرفة ماقدرتش ناكل فجاة صماطلي كلش قالي كولي قتلو خلاص شبعت ونضت قتلو بصحتك وجيت ماشية حكمني من يدي ارواحي هنا قعدني على رجليه واشبيك قتلو شبعت برك _واش شبعك ياك كنتي جيعانة سكت واشبيها الكتكوتة تاعي نزلو دموعي ولا حظني وحط وجهي رقبتو ووبقا يمسح على ظهري خلاص حنونتي ماتبكيش بعدني عليه حكملي وجهي ماتبكيش خلاص انساي الماضي راح مات ضك كاين انا وياك وبس ولا ماكيش حالة تكوني معايا درتلو براسي ايه ماكيش حابة تكوني معايا قتلو لا حابة باسني على خدي خلاص ملا من اليوم مكان لا يماك لا خواتاتك لا مرتي لا دارنا كاين انا وبس كي ندخل هنا ويتغلق علينا الباب مكان حتى واحد بغيري انا وياك سورتو فالليل الليل تاعنا انا وياك وبس تحبي فالنهارنتقاتلو نورمال بصح كي يطيح الليل مانحب حتى حاجة تفسد علينا سهرتنا الليل تاع من قتلو تاعنا باسني على خدي صحيتي عمري الليل تاعنا انا وياك وبس وضك هيا نعشي كتكوتي قتلو شبعت _لا كولي بقا ياكل ويوكل فيا حتى شبعت قتلو خلاص شبعت جبد سرافط مسحلي فمي ومسحلي يديا ضحكت قالي ايه لازم هكذا ندير لبناتي قتلو شحال عندك لبنات _عندي زوج بنات وزوج ذكورة قتلو الله يبارك بصح مزلت صغير وقتاش لحقت جيب 4 _واش صغير فيا راني داخل فالربيعنات قتلو شحال في عمرهم _باسم الطفل لكبير عمرو 12 وبعدها دعاء 10 وغفران 8 و باسل 5سنين قتلو الله يبارك ربي يحفظهملك باسني على خدي ويحفظلك ليا هيا ارواحي نوريهملك نوضني وناض حظني وداني لشمبرة غلق الباب داني لسرير نحا الغطا هيا ادخلي دخلت ودخل هو رقد على ظهرو ورقدني على كتفو جبد التليفون دخل الفطوات وراهملي الذكورة خرجو ليه ولبنات خرجو ليماهم بقا يوريلي فالفيدوات كي يلعب معاهم اكثرية مع لبنات قتلو تحب لبنات ولا ذكورة قالي ولادي نحبهم ڨاع بصح كيما اي اب نميل لبنات حتى هما متعلقين بيا كثر من يماهم عكس ذكورة متعلقين بيماهم كثر مني بقيت نتفرج فيهم حتى قالي وانتي واش جيبيلي شفت معاه قتلو ماعرف علاه انت واش حاب قالي مدام عندي 3 بنات جيبيلي طفل قتلو شكون 3 ياك عندك زوج دارلي براسو انتي ضحكت قتلو واشبيك والله ماني صغيرة بزاف غير كعاد لابسة هذه البيجامة جيت صغيرة بقا يشوف معايا قتلو واشنو بقا يشوف معايا ياك لعرايس ليلة عرسهم يلبسو نويزات قتلو ايه _وانتي لاه لابسة بيجامة سكت قولي ولا ماعندكش قتلو لا عندي بصح قالي واش لي بصح قتلو نحيتها _علاه نحيتيها قتلو خاطر رحت خليتني _راني رجعت نوضي البسيها قتلو طفرت ضك _واش لي طفرت نوضي لبسيها قتلو لالا ناض قعد هيا كتكوتي نوضي لبسيها ورواحي نشوفك بها قتلو مانروحش صماطتلي بقا يشوف معايا ولا هبط عندي حظني باسني على خدي لاه تسماطلك حنونتي واش تفاهمنا ياك قتلك الليل تاعنا درتلو براسي ايه هاه وملا لاه تحوسي تفسدي علينا الليلة قتلو فسدت وخلصت جيت نجبد روحي حكمني خلاص اسيدي غدوا نعوضوها قتلو نشالله باسني على خدي علبالك غدوا عيد ميلادي بستو على خدو قتلو بون انيفارسار رجعلي البوسة 🔴الجزء 66 صونا تليفون لاح يدو هزو شفتها مرتو كي شفتها مت في بلاصتي شاف معايا قتلو هز هز جبدت روحي عليه ورقدت على جنبي باسني على خدي وريبوندا عليها وي كوثر _علاه واش كاين _خلاص راني جاي وكوبا باسني على خدي عمري راني رايح وناض لبس وخرج يجري ماشافش حتى فيا كل ليلة راح ديرلي هكذا كل ليلة تديه من بين يديا علبالي كي نكون بين يديه راح نوصلو لنص ويخليني على جالها وراح يحطملي نفسيتي بهذه الجاست غير خرج 5د صونا تليفوني حسبتو هو زربت نضت لقيتو نميرو جديد اووو شكون ماشي زعما وليد خالي اواه ماشكيتش ممكن يكون هو كوبيت عليه عاودلي وليت هزيت سمعت صوت مراة قلت الو شكون قاتلي كوثر نضت قعدت قتلها انعم الخير برك قاتلي واش ياخطافة الرجال كنتي حاسبة كي ديتيه راح نخليهولك راكي غالطة بزاف كل ليلة نجي نديهولك من بين يديك والله مانخليك تتهناي بيه كون مانطلقكش مانيش كوثر مزال ماتعرفيش عند من جيتي بقيت ساكتة صار هكذا قتلها واش تحوسي قاتلي الحرب بدات بيناتنا مانيش انا لي نسمح في راجلي القحاب لي كيما انتي ڨاع وقفتهم عن حدهم وحدة ماجرأت تخمم تديلي راجلي جات كبولة كيما انتي تديلي راجلي وببات ولادي وتخربلي داري قتلها ماديتلك راجلك ماخربتلك دارك راجلك هو لي غلط معايا ويتحمل مسؤولية غلطو بالسيف عليه مانتحملهاش وحدي قاتلي المهم خافي مني ماشي انا لي نسمحلك في راجلي والله مانخليك تتهناي معاه حتى يطلقك ولا مانيش كوثر قتلها شوفي انا كي جيت هنا ماجيتش باه ندير حرب معاك ولا باه نديلك راجلك ونخربلك دارك انا راجلك هو لي غلط معايا وهو لي يتحمل مسؤوليتي وانا راح نعيش معاك كيما اي ضرة واش تسالي انتي نسال انا مي اذا باه ديريها حرب معايا ديري في بالك حتى انا مراحش نسكتلك تمشي بالنية نمشي معاك بالنية تحوسي تخربيلي زواجي
