قصة "زهرة التوليب" _الجزء الأول

*الـجـزء الأول.*

اركان عن يحكي .. 
بعد غياب 4سنين  الحمدلله .. خلصت دراستي .. وتخرجت من تخصصي وهلا راجع ع البلد .. طبعا امي مو مصدقة ايمت ارجع ..

حكيت معها اتصال ..
نجاح امي؛  يا ابني ما دام مخلص دراستك .. شو عم تعمل هنيك.. 
اركان: يا ماما ولله ح ارجع .. بس لزبط وضعي هون ..
نجاح:  اي ارجع ابني .. ارجع كرمال شوفلك عروس وجوزك ..
اركان: طيب امي انا رح سكر ..
نجاح : بعرفك عم تتهرب .. بس تجي لهون الي حكي تاني معك ..
اركان: ماشي بتموني ..

نجاح عم تحكي مع الخادمة..
نجاح: اي بنتي حطيها هون ع الطاولة ..
الخادمة: هاضر مادام ..
نجاح: لا تقولي مدام .. ناديني خالتو ..
الخادمة: هاضر مدام خالتو..
نجاح: ههههه طيب بعدين بفهمك ..

رجعت تحكي مع ابنها  
نجاح: بسم الله عليك .. شو صرلك ليش عم تضحك 
اركان: ههههههه شو هالعربي المكسر ..
نجاح: شايف ! 
اركان: هاي هي نفسها الخدامة اللياجت اشتغلت عنا قبل ما سافر ؟ 
نجاح: اي هاي هي 
اركان: وكيف شغلها ..
نجاح: بنت منيحا ولله ومادبة ..  الا تم ياكل ما الها تم يحكي .. صرلها بتشتغل ٤ سنين 
ولهلا ما شفت غلط منها ..

اركان: اي منيح ، طيب ماما رح  سكر ..
نجاح: ماشي ابني .. يلا دير بالك ع حالكً
اركان: ماشي امي ، باي 👋🏼

سكرت الخط ..

نجاح: اوفا..
اوفا: اي هالتو 
نجاح: بنتي  تعي نتمشى ىشوي بالجنينة  ضايق خلقي 
اوفا: هاضر مدام .

وهن عم يتمشو ..
نجاح: حكيتي مع سيلا ؟ 
اوفا؛ اي مدام سيلا قال بعد شوي يجي ع البيت . 
نجاح ؛ مو يجي .. سيلا بنت لازم تقولي تجي 
بس للصبي بتقولي يجي 
اوفا: سيلا تجي 
نجاح ؛ برافو .. ، اي قوليلي شو ناوية تطبخي اليوم .. 
اوفا: انا يعمل يبرق ل سيلا لانو سيلا يحبها 
نجاح : تحبها تحبها مو يحبها ..
اوفا:  اوك

اركان عم يحكي تلفون 📞 
اركان : اي الاسبوع الجاي رح انزل ع البلد 
عمر: يعني خلاص رح تستقر هون ؟ 
اركان : اي 
عمر : يسعد ربك هاد احلى خبر بسمعو .. واخيرا رح نرجع لطلعاتنا الحلوة😉 
اركان : ولله وانا كتير مشتاق للجنان اللي كنا نعملو .. 
عمر : ههههههه خاطف القلوب يا انت 
اركان : هههههه لا تزكرني من غير شي امي ناوية تزوجني .. 
عمر : ههههه ولله البنات رح يخسرك لكان 
اركان : لا ولو مو بهالسهولة  رح اتزوج😂  لساتني مراهق 😌 وبدي عيش حياتي

عمر : ام ام ، حاج يا زلمة اللي بيسمعك بيقول انو ما عم تعبش مراهقتك برا .. 😉 
الله واعلم شو عامل

اركان : ولله شريك عم تظلمني .. 
لان هون مو متل هنيك هون دمهم بارد 
ما بطلع عليهم 
عمر : ههه اي اي صدقت .. قلي من ايمتا بتركز ع الحلاوية انت ما بيهمك شقرة بيضا سمرة  حلوة بشعة المهم بنت 
اركان : عنجد مصدقني ما 🤣😉 
عمر : انت برايي تتزوج خلاص حاجتك 
اركان : عم بستناك لجوزك بعدين بتجوز انا .. 
عمر : لسا ما شفت البنت اللي بتستاهلني ☺️ 
اركان : بس اجي بلقيلك خلاص 
عمر : ماشي شريك انت تعا وانا من ايدك هاي لايدك هاي

ببيت نجاح .. 
سيلا؛ اممممم ، يا امي انتفخت 
نجاح : شوي شوي بنتي الاكل ما ح يهرب 
سيلا : بتعرفيني ما بقدر قاومً هالاكلة 
نجاح : اي سمعيني ، اخوكي راجع 
سيلا ؛ عنجدددد ! ايمتى ؟ 
نجاح :هالكم يوم .. 
سيلا : ييييي واخيراً قرر يرجع ..😍

اجت اوفا.. 
اوفا: لازمكم شي ؟ 
سيلا مستغربةمن لهجتها : من وين تعلمتيها 😳 اول مرة بتقولي جملة صح 
نجاح : ههههه انا عم علمها .. 
سيلا : ولله برافو اوفا تعلمي تعلمي 
اوفا : اي انا رح يتعلم ..
سيلا :😂😂😂😂 هيك بلشنا نرجع لورا 
المهم يسلمو ايديكي الاكل طالع واو متل كل مرة  
اوفا : صحا وهنا ..

طلعت سيلا ع غرفتها تشتغل .. 
ونجاح راحت تاخد الحب وتستريح بغرفتها .. 
اما اوفا .. بلشت تضب سفرة الاكل .. بعدها طلعت ع الجنينة  وتسطحت ع العش مشان تاخد طاقة ايجابية ..

تعريف: 
اوفا : بنت روسية اجت من روسيا لسوريا  كرمال تشتغل صرلها اكتر من ٧ سنين  
هي بنت كتير حلوة . شقرة وعيونها زرق 
انفها صغير  تمها  منفوخ ووردي وجسمها رياضي ..  يعني ملامحها بالمختصر بتجذب اي شب ..

مر يومين اركان خلص شغلو ع الكامل وحول  كل اوراقو وملفاتو  
وانشاء الله بكرا رح يرجع ع البلد ..

( طبعا اركان حب يعملها مفاجئة لاهلو .. 
ف ما هبر حدا غير عمر .. مشان يجي ياخدو
من المطار )

يوم جديد ..  

فاق عمر مبسوط .. 
اخد دوش ولبس تيابو  
لبس بنطلون بيج ع بلوزة بيضا رقبته ٧ 
زبط شعراتو  وتعطر ..وطلع  متحمس 
بعد ٤ سنين واخيرا رح يرجع رفيق عمرو 
ورايح يستقبلو بالمطار ..

عند اركان..  
اركان: اوووف شو بكره الزحمة ..
اطلع ع ساعتو ليشوف قديش باقي لطيارته

اركان: لك ولله ماني مصدق اني راجع 
لعند اهلي واحبابي ..

ببيت نجاح..
فاقت اوفا من النوم راحت غسلت 
وبلشت  بالشغل  تنظيف بالمطبخ والصالون 
اما نجاح  كانت لساتها نايمة 
وسيلا اليوم ما راحت ع الشركة ..
كانت تعبانة ..

عند اركان ..
بعد ما اقلع طيارته ..
كان قاعد ع الشباك ..
عم يشوف المنظر 
وعم يفكر قديش مشتاق لاهلو ول رفيقو ..
بالنسبة الو هلق بلش الحياة عنده 
بعد ما حقق حلمه ..

بعد ساعات .. 
عند عمر .. 
عمر متحمس: يلا  شوي ورح شوف رفيق دربي .. ما بقيلو كتير ليوصل ..

وفعلا .. بعد شي ربع ساعة .. 
وصل طيارة اركان 
وعمر كان عيونه ع المدخل 
عم يستنى رفيقه بفارغ الصبر ..

طلع اركان .. واول ما شافه عمر .. 
عمر لوح بايده  :  ضلع ... 
اركان : شرييييييك 
حضنو بعض .. 
عمر : سمنان ولاه .. قلي شو عم تاكل 
اركان :  لك انت ما بتتغير قلي بلاول الحمدلله ع السلامة
عمر : لك الف الحمدلله ع سلامتك شريييك 
لك نورت الشام .. نورت بلدك

طلعو التنين من المطار ركبو بسيارة عمر وطارو فيها ع بيت اركان

ببيت نجاح .. 
صارت الساعة ١٠ ولساتهم نايمين 
بعد ما اوفا خلصت شغل .. 
طلعت ع جنينة لتهتم بالزهور (التوليب) 
تسقيهم وتقعد معهم وتغنيلهم .. 
بعد ما خلصت غنيتها .. اخدت نفس عمييق 
وشلحت من رجليها وصارت تمشي ع العشب .. 
اتطلعت ع السمااا .. اخدت شهيق وزفير 
غمضت عيونها وبلشت تفكر ..

بهالاثناء بيوصلو عمر واركان ع الفيلا .. 
وكرمال يفاجأ عيلتو 
لف  وراح ع باب الوراني 
واللي هو باب الجنينة ..

طبعا ما كان في حدا .. 
اول ما فتح الباب ببطى 
وشاف الجنينة .. 
اركان : يا رباه انا فتت ع الجنة ولا ع بيتي .. 
عمر : ههههه شوفي .. 
اركان : لك هالجنينة ما كانت هيك ابدا
عمر : خلينا نفوت يلا .. 
اركان : ستنى اقطف وردة للحنونة ( بيقصد امه )

قطف وردة وفوررررا .. سمع صوت بنت جاي من بعيد ... 
اوفا وهي عم تجي بتجاهو
اوفا بصوت عالي ؛ انت شو عم يعمل ؟ 😡 
اركان ما فهم من لهجتها .. 
اركان : نعم ؟ 
اوفا ؛ ما يسير انت يفوت لهووون 😡 وتاهد وردة .. 
اركان اتطلع ع عمر وعم يتمسخر .. 
اركان : لك شريك تعا شوف هاي شو بدها 
ماعم افهم عليها بلكي انت تفهم منها😂

اوفا : 😡😡😡😡😡 
هات الزهرة .. وروه من هووون

نجاح فاقت ع الاصوات ..
وسيلا نفس الشي ..

طلعت سيلا ع البلكونة بدا تشوف شوفي ..
سيلا  اول ما شافت اخوهاامن بعيد ..

سيييلا: اخييييييي 😍 
نزلت بسرعة ع الدرج 
وراحت لعند اخوها..
ونجاح كانت عم تقوم شوي شوي بذا تشوف شو صاير ..

سيلا: ارررركان😍 
اركان: اختييي 
حضنو بعض ..
سيلا: لك انا بحلم ولا بعلم ..😍 
اركان: شكلك لساتك نايمة .. 
وهدي هاي قرصة 🤏🏽 
سيلا: اخخخخ وجعتني ..

اوووفا كانت مستغربة 
ما بتعرف شو تتصرف .. 
اوفا  عم تحاول تفهم.. ؛ اخييييي؟ 
اركان: اخوها اخوها مو اخوكي ..

رجع وجع كلام ل سيلا.. 
اركان: لك مين هاي 
لا تقوليلي النا اخت ما بنعرفا ..
بعدين باي لهجة عم تحكي هالبنت ..
صرلا ساعة عم تحكي وانا عم حاول افهم منها..  

سيلا: ههههههههه  هاي مساعدة البيت 
اوفا ..

اركان تزكر كلام انو وتزكر انو في حدا تاني غيرهم بالبيت واللي هي اوفا ..

سيلا التفتت ع يمينها شافت عمر وانصدمت ..

خجلت كتير .. لانو شكلها ما كان زابط .. 
لانو جديد فايقة من النوم..

سيلا متوترة؛ عمر ! اهلين ..
عمر: اهلين سيلا .. كيفك 
اركان: لك خلونا تفوت لجوا .. بدي شوف امي .. 
سيلا: يلا يلا ..

اركان  حضن اختو بايد وحدة ومشيو ..

عمر قبل ما يفوت لجوا..وجع كلام ل اوفا..
عمر: لا تزعلي .. ما صار شي 😉

فات معهم لجوا

ضلت اوفا بمكانها...
اوفا بقلبها ؛ طلع ابنهم .. بس يا الله شو مغرور وواثق من حالو .. الله يصبرني وبس

نزلت نجاح .. واول ما شافت ابنها .. 
دمعو عيونها وصارت تحاول تاخد خطوات اسرع لتوصل لحضن ابنها وتضمو ..

اركان: امييي (باس ايدها وراسها) 
نجاح؛ تقبرني يا امي شو مشتقلك 
اركان: بعيد الشر عنك .. شتقتلك يامو 
نجاح: ايمت رجعت .. ليش ما خبرتني .
اركان: اذا خبرتك كيف رح اعملك ياها مفاجاة..

فاتو لجوا وقعدو كلهم بالصالون..
وكتير كانو مبسوطين .. ونجاح عم تطمن ع وضع ابنه .. واركان خبرها انو رح يستقر هون 
وهي كتير انبسطت ..

اركان: شو امي ماعندكم شفة مي نشربها 
عمر عطشان ..
نجاح: ييي  نسينا نشربكم شي ..

نجاح عم تنادي ع اوفا.. 
اجت اوفا ..
اوفا؛ اي ماما 
اركان:  هاي مو ماما.. هاي بتقوليلا يا مدام يا خانم ..
نجاح : لا اوفا منا وفينا .. هي متل بنتي 
اوفا: شوكرا مدام..
اركان: انتي باي لهجة عم تحكي؟ 
اول مرة بشوف فلبينية شقرا ..(عم يتمسخر)

اوفا؛ انا ما يعرف يتكلم عربي  منيح..
اركان :  امي  هاي بتحكي متل الفلبيين .. 😂 
اوفا؛ اسف بس انا ما يفهم ع انت  .. انت يريد شي ؟ 
اركان ؛ لا انا ما يريد شي ..  😂

نجاح؛ حاج تتمسخر عليها ابني ..  بنتي روحي جيبي كاسة مي ..
اوفا؛ هاضر ماما ..(راحت ع المطبخ) 
الشب :  ههههه هاضر هواضر ..😂

طلعت اوفا من الصالون معصبة كتير منو 
.. 
راحت ع المطبخ ..
وهي عم تشتم وتسبو .. 
اوفا بلغتها الروسية؛ سخيف بلا احترام

صارت تحضر كاستين مي حطتهم ع السفرة 
واخدت نفس  عميق وفاتت لعندهم..

اركان ما كان منتبهلا لانو كان عم يحاكي امو

اوفا تقدمت لعنده ..
ووطت حالها لتضيفو الكاسة .. بس هو ما انتبه ..
ضلت اوفا عم تطلع عليه بنظرة قهر وعصبية ..

اوفا بصوت مستفز؛  تفضل كاس المي تبع انت ..

يتبع...