نوع الشبح غريب
نوع الشبح غريب الجزء الثاني
نزل الخبر على السوشيال ميديا من أصعب الجرائم اللي ممكن تشوفه. خميس كان عارف عامر قوي وجيران وأصحاب لبعض، عاشوا مع بعض في عمارة واحدة، مرة خميس يزور عامر والعكس، كانوا من أطيب الجيران. خميس عرف الخبر راح المستشفى بسبب إنه أصيب بجلطة، كان باين عليه الحزن واكتئاب، فضل في عناية المركزة لشهور.
واحد من الدكاترة، ربيع، 34 سنة، اتصل على صوفيا بنت خميس الكبيرة، ركبت العربية هي وسارة وحامد منهارين من العياط، وراحوا مستشفى ميلينيوم في الجيزة، خميس مش عارف يتنفس وبيتنفس بصعوبة، ومش قادر يتحرك، ألم شديد. الدكاترة من الأول مانعين الزيارة، سارة وولادها بيحاولوا يشوفوا خميس لكن لا، مش قادرين يستوعبوا إيه اللي حصل، ومصممين يشوفوه، دكتور من الدكاترة قال لهم وبيحاول يطمئنهم "الحالة مستقرة قوي، لكن ماتخافوش، هيطلع الغرفة أول ما يخف ويخرج من العناية"، سارة وأولادها هدأوا ٧٠٪، ورجعوا البيت.
الشبح جابر كان في غرفة صوفيا، صوفيا سمعت حاجة غريبة وقعت في غرفتها، الغريب إن سارة وحامد ماسمعوش حاجة، الأغرب إن حامد ماسمعش حاجة، مع إنه مرة شاف خيال وهو بيجيب طلبات البيت. صوفيا راحت تشوف الحاجة اللي وقعت، لقيت كل حاجة في مكانها وغرفتها مرتبة. حصل ماس في كهرباء والنور كان بيفتح ويقفل باستمرار وحاجات كانت بتتحرك، كأن جابر عايزهم يخلصوا من اللي أذاه بس هما ما زالوا مش عارفين، كأن جابر بيقتل كل الناس لكن هما لا، إزي والمتهمين اتسجنوا ولا يزالوا في السجن لحد دلوقتي؟ ممكن عشان متحكمش عليهم الإعدام؟
دكتور ربيع كلم صوفيا، عشان يطمئن عليها إن خميس فاق وفي غرفته، صوفيا وأخوها ووالدتها راحوا يزوروا خميس، وكان في كامل وعيه وفائق، سألوه “إيه اللي حصل”، رد وقال "فاكرين عامر جارنا؟ هو وبنته هدير ماتوا" وقاعد يبكي سأل حامد "عمو مات إزي يا بابا؟!!" خميس رد وقال " مش هتصدقوني لو قلت لكم إن كان في شبح" صوفيا استغربت بشدة وقبل ما تتكلم " شبح إيه يا با....." والنور قطع وشبح جابر كان بيعمل أصوات غريبة، وراح لغرفة خميس والنور رجع يقفل ويفتح باستمرار.
صوفيا بدأت تترعب وتصرخ أول ما شافت عفريت قدامها في وجهها، النور رجعت ولا كأن حاجة حصلت والحاجات في مكانها، صوفيا مرعوبة جامد وحامد وسارة بدأوا يهدئونها هي وأعصابها، وبتردد الكلام "أنا عايزة أرجع البيت، أنا عايزة أرجع البيت، أنا عايزة أرجع البيت، أنا مش عايزة أقعد هنا!!!!!!". سارة أخذت صوفيا البيت تهدأ قليلاً ورجعت البيت نامت، وسارة رجعت لابنها وجوزها. صوفيا بدأت تهدأ بعد ما نامت، سارة قالت بقلق لخميس "العريس هيجي لصوفيا غداً، لكن الموضوع العفريت اللي طلعلنا فجأة مش هيعدي بسهولة" خميس قال وهو مستغرب الموقف " غريبة، ده ممكن يكون نفس العفريت اللي طلع لعامر وهدير، أنا مش مصدق".
يتبع الجزء الثالث
