🏺🏺 قصة "علي بك الكبير".. الفلاح اللي حاول يبقى سلطان مصر!

🏺 قصة "علي بك الكبير".. الفلاح اللي حاول يبقى سلطان مصر!

البداية كانت من الفقر.. حرفيًا

زمان جدًا، سنة ١٧٢٨، في قرية صغيرة في جورجيا ، اتولد طفل اسمه علي، وكان من أسرة فقيرة جدًا. الظروف خدتهم في طريق مسدود مالوش اخر  واتخطف علي وهو صغير وباعوه كـ"مملوك" في مصر. يعني من الاخر كدا، اتحوّل من طفل فقير لعبد مملوك بيشتغل عند الأغنيا.

طالع ذكي.. وطموح بطريقة مش طبيعية 👑👑👳‍♂️

اتربّى علي في بيت واحد من كبار الأمراء، واتعلم الفروسية والسلاح والسياسة كمان. مع الوقت بقى اسمه "علي بك"، ومع شوية ذكاء وجرأة مفيش زيّهم، بدأ يطلع السلم واحده واحده ، لحد ما بقى هو الحاكم الفعلي لمصر سنة ١٧٦٠ تقريبًا، رغم إنه في الوقت ده المفروض الحكم كان للعثمانيين بس هو قدر يعمل كدا ويغير حياته .

طموحه قلب عليه الدنيا

علي بك الكبير مكانش بيطمع في شوية سلطة وخلاص.. لأ، ده كان عايز يبقى سلطان مصر الحقيقي، ويخلّيها دولة مستقلة عن الدولة العثمانية. بدأ يسيطر على الشام والحجاز، وعيّن واحد صاحبه اسمه أبو الدهب كقائد جيش، وكان فعلاً قرب يحقق حلمه بس حصل امر خطيررر💀💀💀💀💀💀

الخيانة اللي بوظت كل حاجه ودمرت حكم علي بك 

بس للأسف، أبو الدهب خان علي بك ورجع تحالف مع العثمانيين. حصلت مواجهة كبيرة بين الاتنين، وعلي بك اتغلب، ووقع في الأسر، وبعدها مات سنة ١٧٧٣، وانتهت قصته، بس ساب وراه علامة كبيرة في التاريخ.

ليه القصة دي تهمّنا دلوقتي؟

لإنها بتورينا إن في لحظة ممكن شخص عادي جدًا، بل عبد، يبقى هو صاحب القرار في بلد زي مصر. بس برضه، لما الطموح يكون أكبر من القدرة، أو الاختيارات تبقى غلط، النتيجة ممكن تكون نهاية مأساوية. وعلي بك الكبير اكبر مثال حي على كدا وعلى اهمية انك تتعب وتشتغل على نفسك لغاية ماتوصل وبرضو يعرفك ان انت مهما وصلت درجة قربك من صاحبك لازم تحط في دماغك ان هو ممكن يغدر بيك في اي لحظة زي ماعمل ابو الدهب في علي بك😔😔😔😔😔😔