نجم نادين الساحر // الجزء الثاني
رجعت نادين البيت واترمت على سريرها وبدأت تفكر في حياتهاا
«« نادين بنوته جميله مرحه عندها 23 سنه متخرجه من كلية الهندسه عايشه مع جدتها واخوها الصغير عنده20 سنه نادين بتشتغل سكرتيره خاصه لرجل اعمال في سن ال30 اسمه عمر هنتعرف عليه بعدين...نرجع لنادين بقاا»»
دخل تميم اخو نادين وقاطع تفكيرها:
> “ايه بقى القمر بتفكر في اي!”
نادين:
> “واد ياتميم ايه اللي في ايدك ده؟”
تميم وبيديها الكيس اللي ماسكه:
> “دي الحاجات اللي بتحبيها ياقمر تسالي وفي فشار يلا هاتيلنا كرتون حلو نسمعه مع بعض”
نادين بضحك:
> “يلا يا اخويا نسهر بقى مش مهم الشغل بتاع الصبح ده”
تميم وكان بيضحك هو كمان:
> “طيب يا شيخه بجد احنا بنشوف بعض امتى”
نادين وهي بتاخده في حضنها:
> “والله يا حبيبي انت وتيتا اللى مهونين عليا الحياه دي”
تميم بغمزه:
> “طيب وعمر”
نادين بضحك:
> “تصدق هو كمان قمر بس لا يااخي ده انا سكرتيره عنده بالاكراه لا بيطيقني ولا بيطيقه وهو اصلا مايتحبش”
تميم:
> “معاكي حق خلينا في حالنا ماعرفش البنات بتبصله على ايه اصلا المفروض يبصولي انا اكمني واد قمور كده وعسل ويتحب عيبي الوحيد اني مش معايا فلوس هههههه”
نادين بتشاور له على الباب:
> “طيب يلا ياعم الحلو علشان عندك جامعة الصبح وانا عندي شغل”
تميم وهو خارج من الاوضه:
> “ماشي ياقمر تصبحي على خير”
وبيحدفلها بوسه في الهوا بمرح.
نادين بابتسامه:
> “وانت من اهل الخير ياحبيبي”
((وعدى الوقت ونامت نادين))
««اليوم التالي فى الشركه»»
نادين للموظفين:
> “good morning”
واحده من الموظفات:
> “بشمهندسه نادين روحي لبشمهندس عمر مكتبه حالاً لانه سأل عليكي كتير”
نادين وكانت بتخبط على الباب:
> “صباح الخير بشمهندس عمر”
عمر:
> “اتفضلي يابشمهندسه تقدري تعرفيني ايه اللي عملتيه مع العميل امبارح ده؟”
نادين وتدعي البراءه:
> “وانا عملت اي يعني يابشمهندس”
عمر:
> “عملت اي؟! في باشمهندسه محترمه تدي العميل بتاعها بالجزمه على دماغه!”
نادين بابتسامه:
> “اي ده هو حضرتك عرفت! ما هو اللي قليل الادب وبيعاكس”
عمر:
> “بيعاكس اي يابنتي ده يادوب بيقول انك جميله واكيد ذوقك جميل زيك”
نادين:
> “م اهو حضرتك ماشوفتش نظرته فكان لازم اعلمه يحترم نفسه”
عمر:
> “تمام يابشمهندسه الكلام ده مايتكررش تاني، خدي الملف اللي على المكتب ده وروحي شوفي شغلك”
((خرجت نادين من المكتب وكملت شغلها لاخر اليوم))
~فى المساء~ _وهاا قد جاء موعدنا المنتظر_
««وصلت نادين لشاطئ البحر وكانت بتبص للسماء عشان تشوف النجم ملقيتهوش»»
نادين بتكلم نفسها:
> “انا كنت عارفه ان اكيد كنت بتخيل لان مفيش بني ادم طبيعي هيكلم نجم مثلا”
(وقبل م تخلص كلامها لقيت حد بيكلمهاا)
النجم:
> “اي يقمر مستنياني!”
نادين:
> “اخيرا انا كنت خلاص فقدت الامل”
النجم:
> “احكيلي جميلتي اي حكاويكي النهارده”
نادين:
> “لا انا النهارده كائن مسالم هو بس مديري عرف اللي حصل مع العميل ولكن شكله تعبان او عنده مشكله لانه غريبه لازعق ولا تعصب حتى”
النجم بضحك:
> “انتي عايزه تتهزقي وخلاص!”
نادين:
> “اه ما طول ما هو مهزقنيش كده يبقى حصلت حاجه لدماغه.”
النجم بضحك:
> “ههههههههه”
نادين:
> “ها بقى احكيلي انت مين وازاي بتكلمني!”
النجم:
> “انا خايف اقولك تحصل حاجه لدماغك”
نادين:
> “لا عيب عليك انا اقوى من اي حاجه كده كده”
(( النجم في لحظه اتحول لشاب وسيم واقف قدامها))
نادين بتتنطط وتصوت:
> “شبح شبااااح الحقوني ياعالم”
النجم:
> “اهدي، اهدي ياماما ده انا الناس هيقولوا عليكي مجنونه”
نادين:
> “ايه هو محدش شايفك غيري!”
النجم:
> “اه انا اللي بظهر لاي حد بمزاجي”
نادين:
> “اه انت شرير ولا طيب علشان بدات اخاف”
النجم:
> “بدأتي تخافي! انتي الناس قالوا عليك اتلبستي”
نادين:
> “ايوه يعني نوعك ايه مش فاهمه”
النجم:
> “انا ياستي عباره عن نجم عادي وده اصلي ولكن عندي القدره انى اتحول لاي حاجه تانيه ودي حاله نادره”
نادين:
> “اووه حلو اوي دا مكنتش متخيله ان النجوم بتتكلم اصلا”
النجم:
> “لا ده احنا قبيله كبيره جداً، عائلات زيكم انتم البشر كده”
نادين:
> “يراجل!”
النجم:
> “مالك! مش مصدقاني ولا ايه”
نادين:
> “لا مصدقاك بس تصدق شكلك وانت بهيئة الشاب دي تحفه”
النجم:
> “اه ماانا شباب لسه يادوب عندي 300 سنه بس”
نادين بصدمه:
> “اييييه!”
((ولسه هتكمل كلامهاا سمعت حد وراهاا بيكلمها فابصت نادين علي مصدر الصوت ورجعت بصت ع النجم لقيت......))
