نجم نادين الساحر || الجزء الرابع
نجم نادين الساحر || الجزء الرابع
نادين:
> طيب المهمه كانت اي والمهمه اللى المفروض تعملها علشان ترجع لقبيلتك اي؟
النجم:
> بصي ياستي المهمه كانت عباره عن تأثير ايجابي بين البشر ومحدش بياخد مهمات زي دي غير اللى شبهي
نادين:
> عندهم قدرات خاصه يعني؟
النجم:
> اه بالظبط لان بتحول لاي حاجه حتى البني ادمين
نادين (باستعجاب):
> ودا ايه علاقته!
النجم:
> يعني فى العادى بظهر للناس بصورة الشاب زي م شوفتي
نادين:
> طيب ازاي فشلت فى مهمتك وهى كانت حاجه بسيطه كدا!
النجم:
> لا انتى بتسألي كتير وانا عندي طاقه معينه وخلصت ننام بقا وبكره نكمل
نادين (بنوم):
> بإذن الله حاضر تصبح ع خير
---
في الصباح ☀️
((صحيت نادين وبصت حواليهاا بتدور ع النجم ملقيتهوش فافهمت انه رجع مكانه لان كدا كدا ميعاد ظهوره بالليل))
نادين لتميم:
> الحلو رايح الجامعه؟
تميم:
> صباح الخير يحبيبتي ايوه رايح الجامعه تحبي اوصلك؟
نادين:
> لا تسلم هروح لوحدي، على جامعتك انت يلا علشان متتأخرش
تميم (بهزار):
> طيب مش هتيجي توصليني انتى!. اصل البنات بتاعكسني اكمنى عسول ومحتاج حد يوقفهم عند حدهم
نادين (بضربة خفيفه):
> امشي يالاا من قدامي
تميم (بابتسامه):
> حاضر
---
في الشركة 🏢
نادين:
> صباح الخير يبشمهندس عمر
عمر (بعدم اهتمام):
> صباح النور
نادين (بأفأفه):
> ياخي م ترد كويس انا غلطانه انى بصبح عليك اصلا بني ادم بارددد
عمر:
> بتقولي حاجه !
نادين:
> لا خير يابشمهندس مفيش حاجه كنت بقول عند حضرتك ميتنج مهم النهارده مع بشمهندس فادي بخصوص الكمباوند
عمر:
> تمام يابشمهندسه تقدري تحطي ملف الديكورات فى مكتبي
نادين:
> تمام
---
((نادين كانت داخله الشركه قبل عمر ورجعت تاني فى نفس اللحظه))
عمر:
> خير راجعه فين؟
نادين:
> معلش استسمح حضرتك تدخل معايا؟
عمر:
> ادخل معاكى فين!
نادين (بتشاور على الباب):
> هنا، ممكن تعديني من الباب ده؟
عمر (وهو مش فاهم حاجه):
> في ايه جوا خايفة تدخلي منه وباين على شكلك كدا!!
نادين:
> ادخل بس وهتشوف
(عمر اول م دخل شاف كلب بيجري عليه ومعاه بنوته جميله، ونادين اول ماشافت الكلب بيجري ناحيتهاا اشتغلت تنطيط وصويت)
نادين (مستخبية ورا عمر):
> يماما، الحقني بالله عليك.. الحقوناااي
عمر (بيداري ضحكته):
> اهدي يابنتي مش هيعملك حاجه ده صغير ما تخافيش
نادين:
> لا صغير ولا كبير ابعده عني وانا همشي من هنا
عمر (بضحكه):
> حاضر
((هربت نادين من المكان وراحت على مكتبها والبنوته واقفه بتراقب فى صمت))
---
عمر (بيبص للبنوته):
> هاا وحضرتك بتعملي ايه هنا ياست كيان؟
كيان:
> عمر حبيبي هو مش انا اختك الصغيره بردو
عمر:
> ااه كده عايزه حاجه قولي ياختي ياحبيبتي عايزه ايه على طول لاني مش فاضي
كيان (مقموصه):
> اي! يعني ايه مش فاضي لاختك حبيبتك؟
عمر:
> ولو مش فاضى افضالك يحبيبتي، قولي بقاا في اي بس بسرعه معلش
كيان (بحب):
> ينفع تروح معاياا المول نشتري شوية حاجات صغنونين أد النمله؟
عمر:
> ياشيخه! والنمله دي من عالم العمالقه؟
كيان (بأبتسامه):
> على فكرة انت دايماً ظالمني
عمر:
> تمام زي م تحبي، امتى بقى المشوار ده
كيان:
> النهارده
عمر:
> طيب ينفع بكرا؟ علشان بس عندى meeting مهم النهارده
كيان:
> موافقه طبعاً، يلا سلام اسيبك لشغلك انا بقى.
عمر:
> اوكي خلي بالك على نفسك
(لمح عمر نادين من بعيد وافتكر موقف الكلب، ضحك عليهاا ودخل مكتبه وكل واحد كمل شغله وخلص اليوم ورجعت نادين للبحر حبيبهاا)
---
نادين (بتنده على النجم):
> يانجم فينك يانجم طيب ياسلحفاة فينك ياسلحفاة يانجم ياسلحفاة
(مكنش فى اي رد وعدت ساعه واتنين وتلاته ومكنش فى اي وجود للنجم فارجعت نادين للبيت)
نادين (اول م دخلت البيت اتفاجئت):
> ايه دااااا!!
ماهي المهمه الجديده! ولماذا اختفى النجم وهل سيعود مره اخرى ؟!
