انجح قصة حب فى العالم
الحكاية كما ترويها صاحبة القصة:
😊الصورة دي من ١٨ سنة… يوم زفافي.🙈
أقدر أقول إنها كانت أول انتصاراتي… فيها حب وفخر وعزة نفس.والدليل إني بنزلها للناس كلها بثقة ❤️✨
👰اتجوزت في الإجازة بين تانية وتالتة كلية وقتها قولتله:"أنا بحب التعليم… وفسخت كذا خطوبة عشان أكمل"
🤵♂️قالي: "بوعدك… هتكمّلي لحد الماجستير لو عايزة، وأنا معاكي." ....وقد كان 🤝ووعده اتحقق 🙏💕
💍 شريك حياة… مش مجرد زوج 👩❤️👨
من تالتة كلية كان يعملّي السندوتشات🍎🥖
😅يديني مصروفي يقولي: “ده للبيت… وده للجامعة”
🙈 يكوي ليا النقاب بإيده ويقولي: "أنا فخور بيكي."🤭
مرت السنين…
اتخرجت كنت حامل في فرح وبعدهاربنا رزقنا بعمار وصهيب👨👩👦👦ما شاء الله ❤️
💥فتحت حضانة ليها اسمها ومكانتها بعد سنتين من التخرج
😇وبعد 10 سنين جواز حبيت أكمل دراسات عليا…
🤔موافقش في البداية، كان خايف عليّ ونفس الوقت خايف علي البيت اني انشغل … بس قولتله:
“نجرب… ولو الأمر صعب هقعد من نفسي.”
👏وبفضل الله وعونه قدرت ووفقت بين بيتي وشغلي ودراستي وتفوقت علي نفسي ووافق وبقي داعم ليا ضد اي عقبات 💪🏻
🎓 رحلة علم… ورحمة من ربنا بفضل الله تعالى:
✔️ حصلت على ٣ دبلومات بتقدير "امتياز" وترتيب على الدفعة:
💫الدبلوم العام في التربية جامعة السادات 🥇
💫الدبلوم الخاص في الصحة نفسية بالسادات 🥇
💫علم نفس إكلينيكي لإرشاد التخصصي جامعة طنطا 🥇
✔️ دخلت الماجستير…🎊
✔️ خلصت التمهيدي بتقدير "امتياز"🥇
✔️ وبجهّز الرسالة حالياً 🌿📚دعواتكم 🤲🏻
وبفضل الله وما زال زوجي هو الداعم الأول 👩❤️👨…
يشجعني ووافق إني انزل الشغل في العيادات في كذا مكان .
🤗أجمل حاجة…👇
إنه لسه لحد النهارده بيديني مصروفي ويقول:
"مهما يكون معاكي كنوز الدنيا… انتي مسؤولة مني."🤭
😅ولسه بيعملي السندوتشات ويكوي النقاب وأنا خارجة.
علشان أحس بوجوده… وفخره… وحبه 🙈💛
💔➡️❤️ تجاوزنا صعوبات محدش يتحملها 😥
مرّينا بظروف مادية ونفسية واجتماعية صعبة ومن أقرب الناس لينا تكتب في مجلدات مش بوستات 😭
👈لكن كل مرة حد فينا يضعف… الثاني كان بيمسك إيده ويقومه 🤝وده سر بقاء البيوت.💪🏻
☝🏻بنزل صورتنا وحكايتنا يمكن تكون إشارة لغيرنا.💞
👈إحنا مش ملايكة…إحنا بشر بنقع ونقوم…👌
🤌بس ربنا بيعوّض بطريقة تبهر القلب لو صبرت علي قضائه
🌸 رسالة وسط زحمة أخبار مؤذية 💁♀️
🤦♀️وسط أخبار القتل والخيانة والمشاكل…
حبيت أوريكم إن لسه فيه نماذج زوجية جميلة.
👈الزواج مش مخيف…🤚
👈الزواج فطرة وسُنّة نبينا ﷺ.
🤏بس لازم نراعي ربنا في بعض.
🤷♀️زمان… وأنا لابسة النقاب… كان يتقالّي:
“قابليني لو اتجوزتي… محدش هيرضى بيكي.”
👈لكن ربنا أكرمني لأن كنت دائمة الدعاء في صلاتي اللهم رزقني زوج يعفّني، يحبّني، يربّيني على الطاعة،يدعمني، ويشجعني، ويقف جنبي نكون أسرة مسلمة سوية 🤲🏻
👈لحد ما بقيت فخر لكل اللي حواليا من أهلي واصحابي …
وأولهم اللي كانوا ضد تعليمي😅 ✨
🧭 الخلاصة
☝🏻حدد هدفك من الحياة…
👈هل عايز تعيش وبس؟
👈ولا تعيش وتغيّر… في نفسك وفي اللي حواليك؟ 🌱💡
لو وصلت لحد هنا… سيب لينا دعوة ولك بالمثل وزيادة 😊
🤗وأتمنى أكون رسمت على وشّك بسمة أمل وتفاؤل
👈وورّيتك إن لسه فيه زواج ناجح…مش لأنه خالي من المشاكل…
👌لكن لأن الزوجين اتقوا الله في بعضهم.💕
وهى دى االحياة عندما يجتمع الحب والنجاح معا.
