الطريق الى النجاه من الشخصيه النرجسيه
اللهم لك الحمد ولك الشكر يارب ،،،
اللى ربنا هينجيه من نرجسى او نرجسيه لازم يحمد ربنا كل يوم وكل ساعه وكل دقيقه
اكتر حد هيحس بكلامى هما الناجيين اللى زيي
بعد ما ربنا ينجيك هتعرف أد ايه عمرك اللى فات ضاع وكان ممكن جدا عمرك اللى جى يضيع بنفس الطريقه ،،، لكن ربنا أراد نجاتك
اللى ف حياته انسان نرجسى بيكون ميت وهو عايش ،، بجد حقيقى
بتحس نفسك فاضى من جوه بتحس انك نفسك تعيش ،، نفسك تحقق انجازات ،، نفسك تاخد قرارات لكن حاسس انك مش عارف وبتبقى مش قادر تعرف انت حياتك واقفه ليه
لكن بعد ما ربنا يرزقك بالوعى وتدرك انك كنت ف طريق اقل شئ فيه انك كنت هاتفتن فى دينك لأنك طول الوقت هاتفضل تقول لنفسك هو انا ليه بتظلم كده ،، هو انا ليه مش بتقدر وبتصان ،، هيفضل شعورك بالخذلان ملاحق ليك لانك للأسف هتتخذل مره واتنين وتلاته
هتعرف كل الإجابات اللى مكنتش لاقيها لأسإلتك
هتعرف ان كان فيه حد عايش بيتغذى عليك بيمص طاقتك بينهك قواك بيخلص عليك بالبطئ
وهتعرف كمان ان ربنا بيحبك اوى وبيسمعك وطالما وصلت للمرحله دى
يبقى انت وصلت ل بر الأمان
تم إنقاذك
تخيل عزيزى القارئ لما يكون الكلام اللى فوق ده كله شرح ل وجود شخص نرجسى ف حياتك 👻👻 طب لو كانوا اتنين 💃💃
طب لو كان الأشخاص النرجسيه المؤذيه دول هما الأم والأب 👹👹
أن. أن أااااااااااااااان
تخيلت طيب
انت عمرك ما هتتخيل الوضع لأن اللى كان واللى حصل لايتقااااال ولا يتوااااصف
المهم
الدكاترا النفسيين وأساتذة الإرشاد النفسى والدراسات أجمعوا أن الست النرجسيه أخطر من الرجل النرجسى
إذا الأم النرجسيه أخطر بكتييييير من الأب النرجسى
لكن الأب النرجسى خطييير بردوا يا جماعه مفيش كلام وأعتقد إن تأثيره على البنات خاصة بيكون أشد وأقسى
تخيل حضرتك لما تكون أمك بتأذيك وأبوك يبقى موقفه سلبى جدا بل من الممكن ان يساعدها ويدعمها ف الأذيه ،،
هحكيلكوا تفاصيل الموضوع فى المقالات القادمه وازاى قدرت انى اكون من الناجيين
