سمير ولد مهمل.. مجموعه من القصص تساعدك في التربية / الجزء الأول للولد المهمل

مجموعه من  القصص  تساعدك في التربية 

في الفقرة التالية سوف أحكي قصة للولد المهمل الغير منظم ، وطبعا ده ولد مزعج و داياما يدور على حاجتة اللي ضاعت منه ويطلبها منك وممكن يبكي ويتهمك بالاهمال وهو اللي كان مساكها ممكن تكون لعبة أو قلم وممكن شبشب ، وساعات تكون الشنطة كاملة ، أو ..أو ..أو.. وكتير كتير ، لو عندك المشكلة دي وعمر طفلك من  سن 3 إلى 6سنوات اسمعي الحدوته، واتبعي الملاحظات اللي بين الأقواس عشان ها تفيدك زي مثلاً اسم سمير بطل الحدوته لازم تغيرة لو ( مشكلتك مع بنت مش ولد وساعنها تسمي اسم خارج العيلة والأصدقاء) أو ( كان اسم سمير اسم ابنك أو والده أو أي حد من العيلة أو الأصدقاء).

حدودة سمير المهمل

ها احكي لك حدودتة حلوة خالص كان يا مكان زمان واحد صاحبي وانا صغيرة كان ولد مهمل كان اسمة سمير، سمير ده كان عنده لعب كتير خالص وكانت ماما بتجيب له حلاوة وبسكوت وكان سمير معايا في الحضانة، انا كنت لما ارجع البيت أغير زيك كده وأغسل إيدى ووجهى زيك انت الحلو ( طبعاً لو ابنك اسمه سمير غيري اسم الولد بطل الحدودته ولو مشكلتك مع بنت اختاري اسم بنت مش بتحبها بنتك أو اي اسم مجهول ) انت ولد كويس لكن سمير ده ولد مش كويس خالص يرجع من الحضانة يرمي الشنطة بعيد  ويدخل على الأكل من غير ما يغسل ايده( يع) وحش خالص، ماما كانت بتزعق له وبتدربه كمان لغاية ما يروح بقي بالغصب يغسل ايده و يقعد على الأكل من غير ما يغير تزعق ماما تاني ولد وحش مش بيسمع الكلام، روح يا ولد غير بسرعة، يدخل وهو بيبكي يغير ويرمي الغيار ماما تزعق وتلبس الغيار بتاع البيت وهو  بيبكي وهي بتسأل فين حطيت ملابسك اللي خلعتها ؟..فين البنطلون ؟.. فين الشبشب؟ ولد مزعج.

 سمير ولد مهمل 

كان سمير بعد ما يخلص أكل يجري على اللعب بتاعته ويفضيها في الأرض. ويفضل يلعب من غير ما يغسل سنانه بعد الأكل، وهو بيلعب يسيب اللعب ويجري على التلفزيون وبعدين يلعب ويقوم يفتح الباب ويدوس على اللعب وهو ماشي عادي مش مهم ؟ ممكن اللعب تتكسر أو تبعد أو تلاقيها بره البيت خالص، أ و تضيع وساعتها يقول ياماما ياماما فين النمر بتاعي اللي كنت بلعب بيه، ياماما فين الكلب، كده يعني ويبكي يبكي جامد ماما ياعيني تفضل تدور معاه لغاية ما تلاقيه كان معاه أرنب أبيض وأرنب أسود  وكره وعربية ولعب كتير ومكعبات ولعب حلوة كتير خالص.

سمير مع شنطة المدرسة

سمير الوحش كان لما يكتب الواجب يرمي القلم والأستيكة ومش عارفه الكراسة تروح فين والبراية فين، كدة يعني أخر لخبطة وأهمال، مش كفاية أنه يبكتب الواجب بالعافية لا و كمان يرمي كراسة الوجب وماما تحطها في الشنطة هي و القلم والأسيكة مع البراية عشان المس ما تزعلش منه وتزعق معاه،  كانت ماما دايما تنصح نصائح مهمة لسمير وتقول رتب نظف شيل اغسل ايد اغسل سنانك، شيل كل حاجة في مكانها لكن هو ما كنش بيسمع الكلام خالص. 

آلم سمير الشديد

في يوم من الأيام صرخ سمير الوحش من سنانة.. السوسة الوحشه عماله تاكل سنانة جامد خالص وهو عمال يصرخ من الآلم راحت ماما معاه لدكتور السنان، طبعاً الدكتور لاحظ إن سنان سمير كلها سودة عشان السوسه دخلت فيهم بص كدة على سمير وقال له:

• انت اسمك ايه
• سمير
• ليه ياسمير مش بتغسل سنانك بعد الأكل وتسمع كلام ماما.
• انا..أصلى
• انت وحش ..انا ها اشيل السنه الوحشة دي بس لازم تغسل سنانك بعد كدة أحسن أشيلهم كلهم.

بعد رجوع سمير من عند الدكتور

سمير من كتر وجع اسنانه قبل ما يروح للدكتور ووجع سنانة وهي بتتخلع قال لماما حرمت يا ماما .. لازم أغسل سناني بعد الأكل كل يوم وكل ما اكل ودخل يدور على اللعب، ماما طلعت مع سمير للدكتور بسرعو وما رفعتش البهدلة بتاعة سمير سابت الشنطة وكل حاجة برة كراسة الواجب والقلم والأستيكة حتى البراية كان مطلعها والكتاب، ماما ما شلتش اللعب زي ما بتشيلها كل مرة سابت كل اللعب زي ما هي على الأرض وتحت الكراسي، ولا سمير المهمل شال، يا خبر كل حاجة اختفت يدور على الكلب اللعبة مش موجود النمر مش لاقية، سمير بيدور على العربية الصغيرة مش لاقيها حتى الكرة مشيت ( وهنا تقولي أسماء كل اللعب اللي بيحبها ابنك) ، قعد سمير يدور في كل حته وكل مكان  وحدة ماما مش بتدور معاه عشان هي زعلانه منه عشان قالت له كذا مرة لم اللعب وهو مش بيسمع الكلام،  اللعب كلها هربت منه زعلت منهمش ها تيجي تاني أبداً. 

• ياماما..ماما.. دوري معايا.
• لا..
• يبكي سمير ويطلب من ماما تجيب له لعب.
• لا انا مش ها اجيب لك لعب تانى أبداً ..أبداً.

سمير و المدرسة

يا خبر ده حتى الشنطه هربت منه .. مش موجودة في كل مكان أروح المدرسة ازاي النهاردة المس ها توزع جوايز على الشطار، طب حتى كراسة الواجب والقلم الرصاص.. برده لا .

ماما برده مش بدور والا في أي مكان، ماما طبعاً زعلانه خالص من سمير عشان كل حاجة وعشان هي نصحت كتييير خالص لكن هو مش بيسمع الكلام، ماما أجبرت سمير يروح المدرسة وهو مش معاه الشنطة، المس زعقت له جامد خالص وضربته، و كمان يوميها انا خدت لعبه كبيرة خالص وخدت شويكلاته وبسكوت والفصل كله صقف لي لكن هو كان بيدرب وبس، عشان هو وحش ضيع الكراسة والقلم وكل الشنطة.

سمير ولد مهمل

ماما كانت دايما  بتنصح سمير وتقول له يشيل اللعب و يشيل الكتب والشنطة لكن هو كان مش بيسمع الكلام خالص لكن انت يا حبيبي انت ولد حلو بتسمع الكلام( طبعاً لو خد الخيال ابنك وده صحي جداً..ربما يسأل كم سؤال وانتي بتحكي؟.. طبعاً تجاوبي عليهم مش هاتقولي استنى والا بعدين)، انا ها اجاوب علي كم سؤال ممكن يتسأل دلوقت:

• هي اللعب مش هاتيجي تاني ياماما 
• باين كدا ياحبيبي
• طب ماما ( بابا) مش هايجيب له لعب تاني.
• لا.. هي قالت لا,,وبابا كمان قال لا، مش هيجيب خالص… أصلي لازم الواد اللي مش بيسمع الكلام خالص  الكل يزعل منه حتى اللعب والشنطة زعلت منه ومشيت.          
• وحتي الحلاو والشبسي والكارتية وحتي السكوت ماما و لا بابا مش ها يجبوهم تاني أبداً لسمير.   

    نصيحة في ودنك

لو حكييتي الحدوته دي لولدك أو بنتك وما جبتش نتيجة ولا قيتي الأهمال زي ما هو لمي الحاجة وخبيها ولما يسأل عنها قولي له مشيت، ولو ما سألش عنها، ذكريه بيها يعني قولي فين؟؟ وهو ها يفتكر ويدور، اعملي نفسك بدوري معاه وانتي بتقولي:

• يارب ما تكنش مشيت زي ما عملو مع سمير.
• لا ياماما ..ما مشيتش.
• يارب ياحبيبي ..ادينا بندور.

خليك كدة ساعتين يومين حسب استجابه الخيال بتاع ابنك وحسب ذكائة و لما تتأكدي انه صدق واعتذر للحاجة الضايعة وقال مش ها يعمل كدة تاني اطلبى منه اي حاجة بحيث انه يتأخر لغاية لما تجيبي الحاجة من غير ما يشوفك طبعاً، وتحطيها في نفس المكان اللي كانت فيه قبل ما تختفي ولما يشوفها تفرحي جامد وتهللي وتحضنية وتقولي( الحمد لله يا حبيبي بقيت ولد حلو و هي سامحتك الحمد لله كنت خايفة تبقى زي سمير