(الدكتوره والمغرور) روايه حب قويه ومليئه بالاحداث
الجزء الثاني
نيره راحت علشان تسلم: اهلا يا مدام اهلا يا اييه انت
حسام بأرتباك: ازيك يا نيره اخبارك اييه
نيره بترد بغرور: اهلا يا حظابط اخبارك انت
ياسمين: انت تعرفو بعض ولا اييه
حسام بارتباك وتوتر واضح علية: اه كانت صحبت اختي وكانت احيانا تيجي تذاكر مع ملك
بصيتلو بكل وجع وقهره جواياا كنت عاوزه اقولو يعني دي صحبت اختك يعني ده مكنتش حبيبتك في يوم من الايام مكنتش روحك ده انت مكنتش بتعدي يوم غير متكلمني فيه ده انت كنت بريء اوي معاياا قضيت معاك طفولتي كلهاا اول محبيت انت واول منجرحت اتجرحت منك انت ااه حقيقي الحب ده حاجه مؤلمه ومتعبه ومرهقه اوي 9سنين عدوا ونا لسه فاكره كل الي بينا زي ميكون لسه سايبين بعض اول امبارح تعبت اوي في بعدك بس الحمدلله اني قدرت اجمع نفسي وابقا قدامك كده دلوقتي انت حد متعب وهتتعب اي حد يقرب منك.
زين: اي دكتوره سرحانه في ايه
نيره: ها لا مفيش حاجه نا بس كنت جايه اكلمك في موضوع انك عاوز تخرج
زين: اه عاوز اخرج انا مش بحب المستشفيات خالص
نيره: بس انت لسه في العلاج ومتعفتش تماما يعني علشان اكتبلك علي خروج دلوقتي
زين بخنقه واضحه عليه جداا: صدقيني يا نيره نا مش هقدر اقعد هنا كده كتير نا اتخنقت
نيره: انا عارفه والله بس مش هينفع خاالص
ياسمين بمقاطعه لكلامهم: طب اقولك حاجه يا دكتوره معلش علشان انا عارفه اخويا ممكن يخرج من غير اذن ولا حاجه ويضيع نفسو انتي ممكن تكتبيلو علي خروج وحضرتك تنورينا في الفيلا تعمليلو كل اللازم كل يوم ولو هناخد من وقتك ساعه واحده بس نا عارفه انو طلب رخم ومش متوقع بس محدش هيقدر يهتم بيه غير الدكتوره بتاعتو ونا بصراحه مبثقش في الممرضات اوي يعني وياريت مترفضيش
نيره باعتراض: مش هينفع خالص والله يا مدام ياسمين انا ممكن ابعت معاه دكتور تاني وكان حاضر معايا العمليه بتاعت زين
ياسمين: لا نا اسفه ممكن انتي لان بجد نا بخاف عليه وزين عنيد جدا وعاوز حد يشدد عليه علي العلاج وكلو لانو مش بيهتم بصحتو اصلا
نيره بأستسلام: خلاص تمام نا عندي اهم حاجه صحت المريض بتاعي
زين: متشكر جدا يا دكتوره هتكتبيلي علي خروج امته
نيره قربت منو: لم اتأكد الاول من جرحك وبعدين هشوف اطلعك النهارده ولا بكره
زين بسرحان في عيونها: اه تمام تمام
نيره: ممكن تقلع القميص ده علشان اشوف الجرح
زين: حاضر اهو
نيره بدات تغيرلو علي الجرح
زين بوجع: ااااااااه
نيره بخوف: في اييه نا اسفه جدا اسفه والله اهدا
زين باعجاب بطفولتها وبراءتها: لا ولا يهمك براحتك خالص
نيره بقلق: انا وجعتك اوي نا اسفه والله مكنش
زين بمقاطعه لكلامها: اي يا دكتوره لازم يكون قلبك اجمد من كده وبعدين والله نا كويس اهو
ياسمين بتبصلهم بكل حب واعجبت بخوف نيره عليه مع انها متعرفوش
ياسمين: متشكره جدا يا دكتوره ربنا يجعلك شفا لاي حد مريض
نيره بضحكه بسيطه: تسلميلي يارب خلاص يا سيدي انا كده غيرتلك علي الجرح وخد العلاج وكلو تمام وواقدر اكتبلك خروج النهارده
زين بفرحه: اهااا اخيرااا
نيره بضحك: طيب عن اذنكم نا بقا
ريماس: استني يا طنط
نيره بطفوله: نعم يروح طنط
ريماس بمشاغبه: انتي حلوه اوي ممكن اخد رقمك علشان ابقا اكلمك علي اللاب بتاعي علشان معنديش صحاب بس هخليكي صحبتي
الكل ضحك عليهاا في صوت واحد ردت نيره
نيره: ده نا ليا الشرف انك تكوني صحبتي يا قمري
ريماس جابت تلفون زين وقالتلها
ريماس: اكتبيلي هنا ونا ابقا اخدو من خالو علشان ماما مش هترضا تتديني التلفون بتعها وقالت بصوت واطي اصل انا بوظتلها 4تلفونات بس يعني
نيره بضحك: يخرابي بس طيب يا ستي هاتي وكتبتلها الرقم
ريماس: امروح هكلمك علشان عاوزه اقولك ووطت صوتها علشان عاوزه اقولك علي الواد مازن الي بيقعد يرخم عليا كتير جداا
نيره بضحك: طيب انتي عندك كام سنه
ريماس وهي بتعد علي ايدها: لسه اسبوع واتم 7سنين
نيره: اووووه يعني كبرنا وبيقنا انسات اهو
ريماس: بجدد يعني هبقا دكتوره زيك واعالج خالو وبابا وماما
نيره: اكيد يروحي وهتبقي احسن مني كمان يلا بقا عن اذنك علشان عندي شغل كتير اوي
ريماس بطفوله: ماشي يا طنط باي
نيره: باي يا روحي
ومشيت جريب علي مكتبها اخدت شنطتها وركبت العربيه ومشيت
ياسمين: بس لطيفه اوي نيره دي يا زين
زين: اه جداا
حسام بمداخله: هي دكتوره هنا يا زين
زين: انت مكنتش معانا ولا ايه يا حسام انت مسمعتش مراتك وهي بتقولها انتي الدكتوره بتاعتو ولازم تيجي علشان تهتم بيه
حسام بتوتر: اه معلش ماخدتش بالي كنت مشغول في التلفون
ياسمين: سمعت برضو انها مديره المستشفي
زين بزهق: مخلااص يا ياسمين اييه متروحي تجيبي سجل حياتها كلو احسن
ياسمين بضحك: ماشي يا رخم نا هقوم امشي علشان اجهزلك كل حاجه في البيت
زين: ماشي يا حبيبتي
حسام: سلام يا بطل وخلي بالك من نفسك
زين بلا مبالاه: متشكر يا حسام اتفضلو ياله انتو علشان متتاخروش
حسام اخد بنتو مراتو وخرج
زين: يخراابي ده انت انسان بارد مش عارف اختي اتجوزتك علي ايه بجد يعني وراح طلع تلفونو وعمل مكالمه
عند نيره بتسوق العربيه بسرعه رهيبه ووقفت عند بيت قديم جداا نزلت وطلعت اول شقه
ودخلت اوضه وطلعت صندوق في صورها هي وحسام ومسكت صوره منهم وهما مصورين علي البحر
نيره: ياااه فاكره الصوره دي بكل تفاصيلها قد اي كنت جميل
فلاش بااااك..
يا حسام بقولك عاوزه اروح البحر اقعد هناك شويه
حسام: يا حبيبتي حاضر والله بس نا عندي شغل دلوقتي
نيره بزهق: طب خلاص براحتك يلا باي وقفلت السكه وقامت لبست وراحت هيا
الجميل قاعد لوحدو بيعمل اييه
نيره: حسااااام
حسام: قلب حسام وعيونو من جوا
نيره: انت بجد هنا يعني جيت
حسام: لا بهزار انتي عبيطه يا بت
نيره بزعل طفولي: بس يا حسام ملكش دعوه بيا خالص
حسام قعد قدمها ومسك ايديها وباسها بكل لطف
حسام: نا اسف يا روح قلب حسام وبعدين انا جيت اهو
نيره: طيب ياله قوم نتمشا شويه
حسام: ياله يا عيوني
قعدوا يتمشوا كتير اوي ويكلمو ويهزرو لغايت موقفت عند غزل بنات
نيره: حسااام حسااام
حسام: اي يا قلبوو
نيره: عاوزه غزل البنات
حسام بضحك علي طفولتها: حاضر يا ست البنات انتي تؤمري
وراح جابلها وقعدو يهزرو ويجروا ورا بعض علي البحر لغايت موقعت من التعب
نيره بضحك: خلاص يا حسام بقا كفايه
حسام: يعني استسلمتي صح
نيره: صح سبني بقاا
حسام: مقدرش اسيبك ابدا يا ضي عيوني
نيره بسرحان في عيونو: متاكد يا حسام يعني هتفضل معايا
حسام: العمر كلو يا قلبوو
باااااك
نيره وهي بتعيط: سبتني يا حسام سبتني مع اول مشكله صعبه قابلتك نفسي انساك علشان ارتاح بس هنساك يا حسام لو هموت نفسي علشان انساك ياااربي تعبت اوي والله ليه قرب مني تاني لييه لا وكمان شايفه حته منو قدامي الي كنت بتمنا تبقا منو ومني اااه يااارب قدرني يااارب
وراحت في النوم وهي قاعده علي سريرها الصغير القديم
وبعد4ساعات تلفون نيره بيرن
نيره بنوم: امممم
زين: اي يا دكتوره انتي رحتي تكتبيلي علي خروج في الاحلام ولا اييه
نيره فاقت بسرعه: اااخ اسفه معلش راحت عليا نومه انا جايه حالا اهو
زين: ماشي نا مستنيكي اهو
نيره: تمام مع السلامه
قامت غسلت وشها وعدلت حجبها وطلعت براا ركبت عربيتها ومشيت
وهناك ورا شجره كبيره قدام بيتها عيون بتراقبها في صمت وبكل اشتياق وحنين وقال
وحشتيني اوي يا حبيبتي وحشتيني اوي اوي والله
راحت نيره علي المستشفي بسرعه علشان تلحق تكتب خروج لي زين
نيره: اه ياااربي اي الصداع ده امروح الاول اخلص الورق بتاع زين وبعد كده اخد حاجه
وبعد ساعه خلصت كل حاجه وراحت لي زين
زين: اتفضلي يا دكتور
نيره: اسفه علي التاخير خلاص كل حاجه خلصت تقدر تمشي دلوقتي
زين: تمام متشكر جدا
نيره: تمام اتفضل خد العلاج ده
زين: علاج اي داا
نيره: مسكن علشان الحركه هيبقا فيها تعب شويه
زين: اه بس نا مش عاوز مسكن حد قالك اني مش هستحمل الوجع يعني ولا اي
نيره بنرفزه خفيفه: لا والله انت مستفز جدا علي فكره العلاج ده كده او كده لازم تاخدو اتفضل بقا
زين بعناد: مش واخد حاجه قولت وراح جاب الفون علشان يعمل مكالمه
نيره: تمام انت حر ده وسبتو ومشيت
زين بصلها بعصبيه واتكلم في التلفون
زين: اي يا محمد انت فين انا عاوز امشي
محمد: انا اسف يا بيه والله بس مراتي بتولد وانا اخد العربيه ورحتلها يا بيه والله انا اسف بس لو عاوزني هسبها واجي والله
زين بضحك: خلاص يا محمد انت بتكلم كتير كده ليه طب الاقي سواق مين دلوقتي يوصلني ماشي يا عم الف مبروك
محمد: الله يبارك فيك يا بيه انا اسف والله
زين: خلااص يا محمد وابقا فكرني ارفدك لم تيجي
محمد: مقدرش يا بيه والله اسيبك
زين بضحك: ماشي يا محمد ياله روح لمراتك ربنا معاك ولو احتجت اي حاجه قولي
محمد: ربنا يخليك يا بيه يارب وحمد الله علي سلامتك
زين: الله يسلمك مع السلامه وقفل الفون ونفخ بعصبيه اتصل بي مين دلوقتي طيب علشان يجيلي نا مش بحب اتصل بحد واقولو وصلني اعمل اي دلوقتي بس
عند نيره
نيره: اه ياربي انسان مستفز رفعلي ضغطي اكتر م هوا مرفوع امتصل علي البت اسماء اطمن عليها واكلمها شويه وحشاني
ملحوظه اسماء دي تبقا صحبت نيره من الطفوله وبتحبها اوي بس اسماء مهندسه بس مسافره لندن مع مامتها بقالها 5سنين ودي هيبقا ليها معانا دور في الروايه ان شاء الله
نيره: فين تلفوني راح فين كان هنا اخ شكلي نسيتو عند زين في الاوضه يااربي لسه هرجع عن الانسان المستفز ده تاني
للكاتبه/Hala Ahmed
وراحت علي اوضت زين وخبطت
زين: اتفضل
نيره: انا اسفه بس نا نسيت تلفوني جايه اخدو
زين: تمام اتفضلي
نيره: تمام متشكره هو انت صحيح هتمشي امته وبعدين ده انت كنت مستعجل اوي علي الخروج
زين: اصل السواق بتاعي مراتو في المستشفى ومش هيعرف يجي ومش عارف اتصل بمين ومبحبش اتصل بحد اصلا
نيره: طب متتصل باختك ولا بي استاذ حسام
زين: منا اتصلت بيها اكتر من مره وتلفونها مقفول
نيره: اممم طب خلاص ممكن اوصلك انا
زين بغرور: لا متشكر
نيره: تمام براحتك عن اذنك
زين: يعني انتي اول مقولك مش عاوز تقوليلي براحتك انتي بتعزمي عزومه مركبيه.
نيره: طب اعملك اي طيب ما انت بتتكلم بغرور اوي علي اساس اني هموت واركب معاك مثلا
زين في سرو: خليها توصلك وخلاص بقا يا زين مفيش غيرها دلوقتي وانت مش عاوز تتصل علي حد من الي تعرفهم علشان محدش منهم يشوفك وانت كده هيقولو اي زين بقا ضعيف واحنا الي هنسندو لااا
نيره: هااا اي نحنا هناا
زين: تمام مضطر اركب معاكي
نيره: نعم يخويا مضطر
زين بضحك: خلاص بقا يا ستي عديها ياله
نيره بضحكه بسيطه: ماشي هروح اجيب شنطتي وانادي حد من الممرضات يعملك الازم علشان نمشي
زين: ماشي
راحت نيره علي مكتبها علشان تجيب شنطتها وخدت حاجه مسكنه لصداع الي عندها ومشيت راحت علي اوضت زين
نيره: هاا خلاص يا منه
منه: اه خلاص يا دكتوره انا جهزت كل حاجه
نيره: تمام زين فين
منه: في الحمام
نيره: ماشي وقعدت تستنااه لم يطلع من الحمام
وبعد ربع ساعه زين طلع بلبس كاجول قمر اوي
نيره في سرها: يا خرابي علي الجمال يجدعان اي الواد ده امو كانت بترضعو اي عسل
زين: انا خلصت ياله ولا ايه
نيره: اه طبعا اتفضل
زين لسه طالع بره حس بوجع ومش قادر يمشي
نيره: ايه مالك انت كويس
زين: اه اه انا كويس
نيره: لا مش كويس هات ايدك واسند عليا ممكن
زين: معقوله هتخليني اسند عليكي
نيره: اه طبعا واي الي فيها يعني اتفضل هات ايدك
زين مد ايدو ليها ومسك ايدها
زين في سرو: اييه في اي اي الي انا حسيتو ده من مسكت ايدها قد ايه مسكت اديها رقيقه ودافيه
نيره فنفسها: ياربي علي مسكت ايدو والشعور الي انا حساه ده اول مره احس بكده مسكت ايدو حسيتها احتواء حقيقي يعني
وراحت ركبتو العربيه وركبو ومشيوا
عند حسام وياسمين
حسام: اي يا بنتي متشوفي اخوكي لسه مجاش ليه
ياسمين: والله مش عارفه فين تلفوني اتصل بيه طيب
حسام بضحك: اخر مره شوفتو مع بنتك ريماس
ياسمين: بتهزرر يا حسام والله بتهزر انت متعرفش ان البنت دي رميالي اربع تلفونات قبل كده في حمام البسين
حسام بضحك اقوي: اه والله بت شقيه زي امها وغمز
ياسمين: اتلم يا حسام ده انت رخم والله
حسام راح حضنها من ضهرها وقال
تعرفي انك احلي حاجه في حياتي ربنا يخليكي ليا يا حبيبتي يارب
ياسمين بحب: ونا بحبك اوي يا حبيبي والله وباستو من خدو
حسام: لا ده انتي تيجي بقااا هناا كده
ياسمين بضحك: اجي فين يا مجنون
حسام بمشاكسه: جوا قلبي يا عيون المجنون وشالها وحطها علي السرير
ياسمين: اوعا يا حسام زين زمانو جاي
حسام: ميجي يا روح قلبي واي الي فيها يعني
ياسمين فلتت منو وطلعت تجري
حسام بضحك: والله لو جريتي في الفيلا كلها هجيبك يعني هجيبك
عند زين ونيره.
للكاتبه/Hala Ahmed
زين: ايوا فيلا رقم 9الي هناك دي
نيره فنفسها: يخويا واي لازمت الفيلا والحوارات دي كلها وانت عايش لوحدك
زين: علفكره انا مش عايش لوحدي
نيره بصدمه: هاا طيب هو انا كنت سالت انت عايش لوحدك ولا لا
زين بضحك: اصل عارف انك اكيد بتقولي دلوقتي في سرك هو ليه عايش في الفيلا دي كلها لوحدو
نيره بضحك: لا ده انت مخاوي بقا
زين: لا يا ستي اعوذ بالله لا مخاوي ولا حاجه انا بس ليا حسه كده
نيره بضحك: طيب ياله وصلنا يا عم حمد الله علي السلامه
نيره ظمرت علشان حد يفتحلها
حارس من الحراس طلعلها وقال لو جايه هنا لي زين بيه هو مش موجود ده في المستشفى
نيره بضحك: يخويا افتح نا معايا زين بيه نفسو
الحارس بجديه: بجد افتح البوابه بسرعه يا احمدد زين بيه وصل
نيره بضحك وبصت لي زين: شكلهم متعودين ان يجيلك هنا بنات كتير
زين بضحك: يعني حاجه زي كدا
نيره: ماشي يا عم حقك برضو
زين بضحك: انتي مشكله والله
نيره دخلت الفيلا ونزلتو من االعربيه وسندتو وجيه حارس مم الحراس علشان يساعدها
نيره فنفسها: هي دي فيلا ده قصر ياله ربنا يذيدو
وخدتو ودخلت جوا وقعدتو علي الكرسي واتفجأت بي حسام وياسمين وهما بيجروا ورا بعض وبيضحكو
نيره بوجع: اااه ياربي انا اي الي جبرني علي الوجع ده بس
زين: نا اسف بس هما متعودين علي كده
حسام وياسمين باحراج اي جماعه مش تقولو انكو جيتو
زين بنرفزه: تمام يا ياسمين بس مينفعش كده انتو عندكو الجناح بتاعكوو يعني كل الجناح ده مش مقضيكو علشان تطلعو قدام الخدم وتجرو كده
ياسمين: انا اسفه يا زين
حسام: تمام يا زين مش هتتكرر تاني
نيره بدموع حاولت تخبيها: طب يا جماعه عن اذنكم علشان اتاخرت اوي وكمان منمتش وتعبانه
زين: تمام نا متشكر جدا ليكي يا نيره
نيره: ولو تحت امرك ياله مع السلامه
زين: ابعت حد معاكي من الحراس
نيره: لا مفيش داعي
زين: طيب علي معادنا بكره باذن الله
نيره: ان شاء الله
وخدت نفسها ومشيت طلعت ركبت عربيتها
عند زين
زين: هشااام يا هشاااام
هشام بجري: نعم يا زين بيه امؤمرني
زين: اركب العربيه وروح بسرعه ورا الدكتوره الي طلعت وخلي بالك منها ومتمشيش الي ما تتاكد انها دخلت بيتها
هشام: تحت امرك يا زين بيه
زين فنفسو: امنشوف اخرتها معاكي اي يا دكتوره نيره.
عند نيره
نيره بعيط وهي بتسوق: يارب انا تعبت اوي ريحني علشان والله تعبت جداا
وسمعت التلفون بتعها بيرن
نيره:الو مين
اسماء: اي يا جزمه وحشتيني
نيره: والله وانتي اكتر يا روحي ده رقم مين ده
اسماء: رقم زوجي المستقبلي
نيره: اوووه يسهلو يا ستي
اسماء: مال صوتك يا نيره انتي تعبانه
نيره بضحك: لا يا روحي مفيش حاجه نا كويسه
اسماء: طيب انا عملالك مفاجأه
نيره: قوليلي اهو نفرح شويه
اسماء: انا نازله مصر الاسبوع الجاي ان شاء الله
نيره بصريخ: بجددددد والله بتهزري
اسماء بضحك: اهدي يا مجنونه
نيره: لا والله فرحت اوي حقيقي
اسماء: جهزيلي بقا كل حاجه علي ما اجيلك ماشي
نيره: عيوني
اسماء: يسلم عيونك يا روحي ياله باي بقا علشان نا عندي شغل
نيره: ماشي يا قلبي باي
عند حسام وزين
حسام: انت اي الي خلاك تبعت حارس ورا نيره
زين بستغراب: امم انت كنت واقف بتسمعنا بقا
حسام بأرتباك: لا والله عادي نا كنت جاي بصدفه وسمعت
زين: حسام نا مش عاوز رغي كتير وانت عارف اني مبحبش الكدب ولو مفكر ان انا نايم علي وداني تبقا عبيط تمام نا عارف كل حاجه وعارف الي كان بينك وبين نيره
حسام بصدمه: اي الي انت بتقوله ده
