رواية ( سما ) الجزء الاول
"سما"
انا اسمى سما عندى 23سنه ماليش حد ابدا
ماما و بابا عملو حادثه و ماتوا و سابونى لوحدى
كنت بنوته مدلله بمعنى الكلمه
مكنش بيتأخر عليا اي طلب مهما كان تافه
كنت عايشه مش شايله اي هم لاى شئ
و ده كان اكبر غلط
بيتى بعيد شويه عن الدوشه
حواليا جنينه كبيره كلها ورد وخضرى
من اول ما فقدت اهلى و الكل بقى طمعان ف البيت و الفلوس اللى بابا سيبها باسمى ف البنك
بس انا فقدت اغلى ناس ف حياتى ف مش فارق معايا اى شئ
- سما
-ايوه يا عمى
-بصى يا حببتى انتى تعمليلى توكيل عشان ادير مصالحك بدون ما ادوشك كل شويه لانى هحتاج امضتك عشان الشغل يمشى
* مضيت من سكات كان توكيل عام و انا عارفه انه عمى اصلا مبيحبنيش بس حسيت انه بعد وفاه اهلى انه حن عليا ف قولت اديله الثقه
مهما كان عمره ما هتوصل بيه الحاله انه يأخد فلوسى
انشغلت ف كليتى انا ف طب
كان حلمى انا و بابا و ماما انى اكون دكتورة قلب
و كنت خلاص ف اخر سنه ليا ف الكليه
جيت ف يوم اسحب فلوس بالكريدت كارد بتاعى ملقتش ف حسابى فلوس ف رجعت البيت
اسأل عمى
-عمو امجد
- ايوه ياسما
-انا روحت اسحب فلوس النهارده عشان الكليه لاقيت حسابى مفيهوش فلوس خالص
* اتوتر شويه و صوته علي اوى عليا
- الفلوس محتاجها ف الشغل بعدين نبقى نشوف كليتك دى
- حضرتك بتزعقلي ليه انا بطلب فلوسى مش بطلب فلوس حضرتك
-م انتي بنت مش متربيه صحيح
* الجمله نزلت عليا زى جردل مايه سقعه ف عز البرد
-انا بابا و ماما ربونى احسن تربيه و حضرتك عارف ده كويس
- بلاش دلع بنات و متعمليش الشويتين دول و تعيطى مش هيفرق معايا
*طلعت من عنده بعيط و مش شايفه قدامى خبط ف واحد كان داخل اوضه المكتب بتاع بابا اللى عمى بيتصرف و كأن البيت بيته
-حاسبى خلى بالك
* كان هيمسك ايدى يسندنى قومت بعدت لورا
-اوعى تلمسنى سامع اوعى
-حاضر والله انا بعيد اهو
- انت مين و بتعمل ايه ف بيتى
- انا ادهم المحمدى صاحب شركه هندسه ......و جاى لاستاذ امجد هو حضرتك بنته
- لا انا سما بنت اخوه
* سبته و مشيت انا بيتى مبقتش عارفه مين بيدخله و من بيخرج منه مبقاش عندى حريه التصرف ف اى شئ بملكه غير اوضتى
مبقتش بخرج منها ابدا من بعد ما عمى جاب مراته و اولاده و قعدو ف البيت
لما بتعب محدش بيسأل عنى و لو مخرجتش من اوضتى اسبوع كامل محدش بيقول فيها اي
دمعت لما افتكرت بابا لما كان يجيلى شويه برد
كان بيقوم الدنيا مش بيقعدها ابدا لحد ما اروق و اكون كويسه
اتفاجئت لما لقيت حد بيخبط على باب اوضتى
-مين
-انا عمك
-اتفضل
-بصى بدون نقاش كده فيه عريس اتقدملك و انا وافقت
-نعم وافقت ازاى يعنى
-اللى سمعتيه ما هو بصراحه انا عايز البيت يفضى عشان الولاد يعرفوا ياخدوا راحتهم و اهو برده العريس شاريكى
-حضرتك سامع اللى بتقوله
-و معنديش كلام تانى غيره
* حسه انه قلبى وقف و الدنيا حواليا ضلمت و نفسى مبقتش عارفه اخده لكن فاض بيا صوت كتير اوى عمى اتوتر و مبقاش عارف هو هيسكتنى ازاى
-اهدى ياسما
-اخرج بره
* صوت كتير و عيط اوى و فقدت الوعى
اخدونى المستشفى فضلت فاقده الوعى اسبوع كامل بس كنت سامعه كل اللى بيتكلم جنبى
- ممكن افهم ايه اللى وصلها لكده ؟
- سما بنت اخويا متدلعه شويه
- *بصوت عالي* حضرتك سما كان هتروح منى و تقولى متدلعه
- ادهم لاحظ انى ف سن والدك الله يرحمه فمتعليش صوتك
-لا عندك انت بقى كله الا سما اقسم بالله اولع ف الدنيا و اللى فيها لو حد بس خلاها تدمع و انت عارف انا اقدر اعمل كده كويس اوى
* عمى بيجى كل كام يوم مره يطمن انى لسه نايمه و يمشى
لكن ادهم كان كل يوم قاعد جنبى مبيتحركش
و بيتكلم
-قومى بقى ياسما بالله عليكى ، انا هموت لو حصلك حاجه عارفه ياسما انا عارف ان امجد اخد بيتك و فلوسك انا عرفت كل حاجه و والله هرجعهملك تانى اوعدك بس انتى قومى بقى
نفسى اقولك كلام كتير اوى
على فكره انا ماليش حد ابدا
* مكنش عندى اى رغبه انى اصحى ابدا
مبقاش ليا اى حاجه اقوملها
عايزه اروحلهم اوى وحشونى و وحشتنى الحنيه اوى
ادهم كل يوم بيجى و عمى مبسوط انه خلص منى
و للاسف الدكتور فوقنى
فتحت عنيا لاقيت ادهم والدكتور
-حمدالله على سلامتك ياسما
-الله يسلمك يا دكتور
-حسه ب ايه
-حسه بدوخه بس
- دا لان جسمك ضعف جدا ف لما هتاكلى هتبقى تمام جدا
- حمدالله على سلامتك مره تانيه
*سابنا و خرج و انا متجاهله وجود ادهم
- حمدالله على سلامتك يا سما
-الله يسلم حضرتك
- انا خوفت عليكى اوى
- ليه
-عشان كنتى تعبانه
-انا بقول خوفت عليا ليه اقربلك ايه
-انا خطيبك
-نعم
-نعم الله عليكى ياحببتي
- لا صلى على النبى ف قلبك كده انت غلطان ف العنوان