رواية ( سما ) الجزء الرابع و الاخير

* ادهم شالنى قبل ما اقع على الارض و حطنى على الانتريه
-سما فوقى يحببتى بالله عليكى 
* بص لعمى 
-اقسم بالله لو حصلها حاجه ما هيحصل خير 
سامعنى 
* ادهم طلع جاب بيرفيوم و حاول يفوقنى 
فتحت عنيا و كنت بس بدمع و ببص قدامى 
و مش برد على حد 
اول ما فتحت عنيا ادهم اخدنى ف حضنه
-الحمد لله يارب الحمد لله ، حببتى حسه ب ايه
-.........
- سما انتى مصدقاه 
- ............
-سما سكوتك ده هيموتنى سامعه اتكلمى وزعقي بس مش تسكتى كده بالله عليكى 
- سيبونى لوحدى 
- سما
- سيبنى يا ادهم دلوقت
* مش انتظرت رد من حد سبتهم و قومت طلعت اوضتى وقفلت الاوضه عليا 
و قعدت ورا الباب و بعيط اوى 
-اقسم بالله ما هسامحك يا امجد 
- اعلى ما ف خيلك اركبه 
- مش عملت اللى انت عاوزه امشى بقى 
-😂مش قبل ما اخد بنت اخويا 
* صوتهم على اوى تحت و خوفت ادهم متهور و عصبى ممكن يموته عادى 
فتحت و نزلت تحت اول ما شافونى سكتوا و ادهم جرى عليا 
-حببتى انتى كويسه ؟
-بخير 
* اول ما قرب منى خطوه رجعت خطوتين
-سما انتى مصدقاه !!
- انا مش هسيب ادهم يا عمو
-انتى بتقولى ايه ، دا عنده ولد و بنت يا سما
* دموعى نزلت بس حاولت اكون هاديه 
- انا راضيه
* ادهم جه مسكنى من دراعى جامد و زعق 
-انتى اتجننتى ياسما راضيه ايه انا والله ما اتجوزت و لا نيله فوقى انا بحبك 
* عمى طلعلى صورتين لادهم مع بنت و ولد 
و بنت من سنى او يمكن اكبر 
- شوفى البيه بتاعك 
* ادهم شاف الصور 
-لا دا انت عايزنى اعمل مصيبه بقى انت بتراقبنى يا امجد 
-عشان اعرف سما حقيقتك 
- ومين قالك انه دى الحقيقه 
-دول ولاد أسر صحابى اتوفى من سنتين و انا متكفل بولاده و الولاد صغيرين و لما حبونى بقو بيقولولى يا بابا 
و مامتهم انسانه محترمه جدا و قاعده مع باباها و مامتها و بتهتم بشغلها و ولادها و انا من وقت للتانى بطمن عليهم اسر وصانى عليهم قبل ما يموت 
* ف الوقت ده امجد اتوتر اوى 
-و انا مش مصدق 
* ادهم كان هيقوم يرتكب جريمه 
-انا مصدقاه يا عمى و اطمن انا مبسوطه اوى مع ادهم و مش هسيبه 
-براحتك 
* عمى مشى و قفلت الباب و ف الوقت ده ادهم كان طلع اوضته 
عملتله لمون و روحت خبط على الاوضه 
-  نعم يا سما
- ممكن ادخل 
* فتح الباب فجأه و طلعلى 
-بتستأذنى عشان تدخلى اوضه جوزك 
- تعالى نقعد بره 
- لا انا هنام
-لا عاوزة اتكلم معاك 
-ادخلى 
* دخلت و قعدت على كرسى موجود جنب البلاكونه و ادهم دخل و قعد قدامى 
-عملتلك لمون
ابتسم-تسلم ايدك 
* انا كنت عايزه اتكلم كلام كتير لكن نسيت كل حاجه 
-هتفضلى ساكته ؟
- انت زعلان منى 
* مسك ايديا 
-انا عمرى ما ازعل منك 
-بجد 
-بجد ، انتى صدقتى كلامه
-لا والله 
-ليه 
- انا حسه انك متعملش كده بس 
-امال ليه فقدتى وعيك 
* سحبت ايديا منه و دمعت 
-عشان عمى مش عايزنى اعيش مبسوطه ابدا 
لما اخدتلى حقى قال يبعدنى عنك و ارجعله تانى 
لانى ماليش حد 
* مسك ايدى تانى 
- و انا روحت فين يا سما
- انا عارفه انك موجود و ربنا يخليك ليا لكن انا معنديش ام و لا اب و لا اخ و لا اخت 
انا معنديش اب لما اخاف اجرى اترمى ف حضنه 
و لا عندى ام اجرى احكيلها عن حاجه مفرحانى 
و معنديش اخوات حتى اتسند عليهم 
انا معنديش حاجه خالص يا ادهم 
عارف انا كام مره طلبت من ربنا انه ياخدنى جنبهم

* اتفجئت انه ادهم سحبنى ف حضنه 
-اوعى تقولى كده تانى انا معاكى اهوه يا حببتى 
اعتبرنى ماما و بابا انا والله عمرى ما هسيبك حتى لو انتى عايزه ده 
- و افرض كنت مشيت مع عمو
-كنت كسرت دماغك 
-عنيف اوى 
-عندك اعتراض 😂
-ولا عمرى 
-مشوفتش ف شجاعتك حد 😂😂
- طول عمرى 😂😂 ممكن تسيبنى هو انت ماسك حرامى غسيل 
-حرامى غسيل 😒قومى من وشى يا سما هتشل
- هقوم انت الخسران ع فكره 😉
- لا بصى دلع مش عايز خلى السنه دى تخلص على خير يا سما
-اشمعنى 
-عشان اعملك فرح
-قول والله 
-والله هعملك احلى فرح ف الدنيا و تلبسيلى الابيض 
* جريت انا حضنته و انا فرحانه اوى 
-اللهم صلى النبى 
- 😂😂سيبنى
-دا انتى اول مره تعمليها بالله ما انا سايبك 
-دومى 
-يا قلبه 
- ممكن اطلب منك طلب 
-انتى تأمرى يا حببتى 
-ممكن تغنيلى ف الفرح بهوايا انتى قاعده معايا 😂😂😂😂😂
- بهواكى ايه يا اختى ليه ناويه ترقصى 
-ايوه طبعا مش فرحى 
-عند امه الكلام ده
- هعيط 
- مش احسن ما تعيطى عليا و اتحبس قبل ما نتجوز 
- و تتحبس ليه 😂
- عايزانى اشوف حد بيبصلك و انتى بترقصى و اسيبه عايش 
- انا متجوزه خط الصعيد 😂😂😂
-لمضه ، انسى 
- طب و مهرجانات حسن شاكوش اللى بسمعهم دول لزمتهم ايه هاه
- حسن شاكوش ماله ده 
- بتاع بهويا 😂😂😉😉
-طب بلاش حسن شاكوش خلينا ف حمو بيكا 💃
- و الانسه بتاع حمو بيكا قاعده مع جوزها باسدال اخده بالك  😂😂
-لا معلش كله الا الاسدال 
- ربنا يقدرنى و اسعدك يا سما
-يارب و يقدرنى و افرحك 
- انا فرحتى هى وجودك جنبى بس والله 
-و انا عمرى ما هسيبك 
- طب قومى روحى اوضتك احسنلك 😂

-انا بقول كده بردو 😂😂
- ذاكرى كويس و نامى 
-حاضر يا بابى 
* الحب ده بيجى فجأه متعرفش هو بيجى ازاى اصلا بس الحب بيخطف القلب خطف 
الحب الحاجه الوحيده اللى مينفعش فيها محاولات 
و انا حسه انا ادهم خطف قلبى من اول دقيقه 
و كل اللى ماما حكتلى عن الحب لاقيته معاه 
كنت مركزه جدا ف مذاكرتى لانها اخر سنه ليا ف الكليه 
و ادهم بيهتم بشركة بابا و بيحافظ على اسمه 
و بيشوف شغله كان تعب عليه 
لكن كان عايز يفرحنى و يحافظ على وصيه بابا 
و حياتى كانت جميله اوى 
ادهم عرض عليا يجيبلى حد يساعدنى ف شغل البيت بس انا رفضت و من ساعتها  و هو بيساعدنى ف كل حاجه و بنعمل الاكل سوا 
و ف يوم قاعدين بنتعشى 
لاقيت موبيلى بيرن كانت طنط منى 
-السلام عليكم ازيك يا طنط 
-سما حببتى 
-مالك يا طنط بتعيطى ليه 
-عمك يا سما عمل حادثه و حالته صعبه اوى و عايز يشوفك 
-انا جايه حالا انتم فين 
-هبعتلك عنوان المستشفى ف رساله 
- جايالكم حالا 
-فيه ايه يا حببتى 
-عمى عمل حادثه يا ادهم انا هروحله 
- البسى و انا هجهز حالا
-انت هتيجى 
-مش هسيبك لوحدك قومى يلا
* لبست بسرعه و روحتلهم كان هناك ناس كتير من عائلتى 
-طنط منى
-عمك بيموت يا سما
-لا متقوليش كده و متعيطيش عمى هيكون كويس
-ادخليله
* دخلتله كان نايم و فيه اجهزه كتير حواليه و اسلاك روحت مسكت ايده و بعيط 
-عمو
-سما انتى جيتى
-انا جنبك اهوه يا عمو 
-حقك عليا سامحينى 
-انا مسامحاك والله 
-كده هموت و انا مرتاح 
-لا متقولش كده بالله عليك ربنا يقومك ليا بالسلامه متسبنيش زى ما بابا سابنا 
-يا حببتى يا بنتى والله لو ربنا مد ف عمر يوم حتى لهكونلك ضهر و سند 
-حبيبى ربنا يخليك لينا 
* مع الوقت عمى بقى كويس و حكيتله كمان انه ادهم هيعملى فرح كبير بعد التخرج بتاعى 
و انى مبسوطه اوى معاه 
و عمى اعتذر لادهم عن اللى حصل و ادهم سامحه و فرحان انه انا بقيت حسه انه ليا عائله بتحبنى 
و كان عمى خلاص هيخرج من المستشفى و انا خلاص هخلص امتحانات كمان شهرين 
روحت المستشفى لعمى مع ادهم 
- ادهم 
-ايوه يا عمى 
- انا هاخد سما  معايا البيت 
-تاخد مين 
-سما
- انا مش هسيبها الا لما اموت وقتها اعمل اللى تحبه 
-يا ابنى اهدى سما هترجع بيت ابوها لحد ما تخلص امتحانات و هتفضل لحد الفرح هناك 
و لما نفرح بيكم محدش هياخدها منك الاصول بتقول كده 
- لا مش هسيبها 
-  ادهم عشان خاطرى انا عايزه احس انى عروسه سيبنى اروح معاهم 
-يا حلاوتك 
- انا هفرح اوى لو عملتلى اللى نفسى فيه

* بعد محاولات مستميته ادهم وافق 
رغم انه كان معترض بس وافق ف الاخر عشانى 
اشتريت فستانى و كنت فرحانه بيه اوى
و ادهم معايا على الموبيل طول الوقت 
و بيودنى الكليه و بيرجعنى البيت تانى و تقريبا كنا بنتغدى بره كل يوم 
كان بيعاند عمى 😂
امتحاناتى خلاص خلصت و بكره فرحى 
البيت كله كان متزين 
و الكل فرحان بيا طنط منى بقت بتحبنى اوى و العائله كلها بتجهز لفرحى 
ادهم اتصل بيا 
-وحشتينى 
-ما احنا كنا بنتكلم من ساعه
-بقول وحشتينى 
-وانت كمان 
-امتى الاقى نفسى بكره
-مستعجل على اي هو انا هطير 
-لا انا اللى هطير 😂
- ليه علاء الدين 😂😂
-والله انا ما اعرف الشهرين دول عدو عليا ازاى
- هانت يا حبيبى 
-انتى قولتى اي حبيبى صح
- انا 
-قوليها تانى 
-اقول اي حبيبى؟ 
-بحبك اوى يا سما 
- هرد عليك بكره

* لبست فستانى كان شكله حلو اوى عليا و حجاب و طرحه طويله اوى و الفرح كان جميل بمعنى الكلمه كان ناقص ماما و بابا و كنت هحس انى اسعد بنت ف الدنيا 
و اخيرا كنا بنرقص اسلو 
-ايه الحلاوه دى يا ناس اللهم بارك
- و انت كمان حلو اوى
- انتى بتعاكسينى 😉
-جوزى بقى و انا حره فيه 
- و ايه كمان 
- تعالى هقولك حاجه ف ودنك 
-اخيرا ، قولى 
-تووووووووووت 
-😂😂😂😂مجنونه
-بس بحبك 
-بتقولى اي؟
-بقول بحبببببببببببببك يا ادهم بحبك 
-يا وعدى
* شالنى و لف بيا و الفرحه كانت ف عيون الكل

* الحياه مش ديما بتضحكلك بس ديما فيها حاجه حلوه خليك متفائل 
لما تلاقى حد فرحان بحاجه اعرف انه دافع تمنها كويس لان ربنا عادل و مقسم كل حاجه بينا بالتساوى فادعى باللى نفسك فيه و اعرف انه ربنا احن عليك من الكل و ديما بيرتبلك امور حياتك بأحسن شكل 
و لو اطلعتم على الغيب لاخترتم الواقع ف الحمد لله على كل حال
اهم شئ نرضى و نسامح 
الحياه حلوه طول ما قلبك راضى و حامد ربنا 
ربنا يفرحكم كلكم و يملى حياتكم بالسعاده

دمتم بخير💜