رواية ( سما ) الجزء الثالث

-ادهم انا بخاف من الضلمه انت فين عااا
-اهدى ياسما انا جيلك اهو
* اول ما قرب منى مسكت ايده و مش راضيه اسيبها انا بخاف من الضلمه اوى من وانا صغيره 
هو فضل يطمنى
-اهدى يا حببتى انا معاكى اهو
-متقوليش يحببتي
-يا نهار ابيض عليكى يا شيخه 😂😂والله اسيبك و اروح انام
-لا بالله عليك ما تسيبنى 
- قولى بقى انك بتحبينى 
-لا انا خايفه بس 😂
- بتاع مصلحتك اوى على فكره 😂😂
- و لا عمرى اساسا
-طيب بصى سيبى ايدى هنزل اشوف الكهربا من تحت 
-لا مش هسيبك 
-ابدا 
-ابدا 
-وانا مش عايزك تسيبينى اصلا 
* سكت خالص و نزلت معاه نورنا الموبايل و روحنا نشوف الكهربا 
المشكله مكنتش من عندنا كانت قطعت عمومى عن المنطقه 
لان كان فيه مطر شديد و برق و رعد 
ف تقريبا حصل مشكله 
- احنا هننام ازاى انا خايفه اوى 
* صوت الرعد ده مرعب بشكل 
مهما كبرت برده بخاف منه كنت بروح جرى استخبى ف حضن ماما 
لكن ماما راحت لاقيت نفسى بعيط 
و بترعش من الخوف مش من البرد 
-سما مالك فيكى بتعيطى ليه و بتترعشى ليه 
تعالى 
-انا بخاف اوى ، هما سابونى ليه يا ادهم 
* ادهم بيعاملنى كأنى بنته الصغيره رغم انه فرق السن بينا مش كبير 
لكن افتكرت كلام ماما و هى بتقولى

فلاش باك 
-و ازاى يا ماما اعرف انه ده حب بجد؟ 
-لما تحسى من جواكى بالامان و الراحه و لما يكون حبيبك شايفك بنته و حببته و مراته و اخته و مامته شايف فيكى كل الناس 
لما تحسى انه عيونه بتحتويكى و كأنها بتحضنك 
لما تلاقيه خايف عليكى من نفسه حتى 
لما تحسى انه بيتغير عشانك 
-الحب ده شكله حلو اوى يا ماما ؟
- هو حلو لو للشخص الصح ياسما فهمانى 
-ايوه فاهماكى يا ماما 
-عايزه اتجوز واحد زى بابا و نحب بعض زيكم
-ربنا يرزقك باللى يحبك و متهونيش عليه ابدا

باك

* كنت سرحانه فوقت لاقيت ادهم مقعدنى على الركنه و قاعد جنبى و بيغطينى 
-لسه بردانه 
-لا انا مش بردانه 
-امال ايه هو انتى خايفه منى 
-لا انا خايفه من الاصوات دى و ماما وحشتنى اوى 
* قعد جنبى و حط راسى على رجله 
- نامى و متفكريش ف اى حاجه انا جنبك و معاكى اهو و عمرى ما هسيبك 
- و انت مش هتنام و ترتاح 
-انا راحتى هى انى اشوفك متطمنه بس والله 
، يالله تصبحى على خير 
-وانت من اهله 
* نمت الخوف بيروح لما بسمع صوته بس 
صحيت لاقيته نايم و هو قاعد غطيته و قومت غيرت هدومى و صليت و جهزت الفطار 
و صحيته 
-ادهم 
- ايوه يا حببتى 
- اصحى يالله انا جهزت الفطار 
- انا مش باكل العيال الصغيره على فكره 😂
-بتقول كده ليه
- بتصحينى من على بعد مترين 😂
-متضحكش كده 
-حاضر سكت اهوه 
* فطرنا و لبسنا و هنخرج نروح الشهر العقارى 
و انا متحمسه اوى انى هرجع حاجاتى انا مش عايزه حاجه غير البيت بس 
دا انا اموت لو راح منى 
-سمسم جاهزه 
-ايوه جاهزه اهو
* كنت لابسه بنطلون جينز و شميز و عليهم جاكيت طويل بس مش اوى😂
- انتى هتخرجى كده 
-ايوه ايه شكلى وحش ؟
- لا يا اختى شكلك حلو 
-طيب امال ايه بقى 
- سما غيرى هدومك مفيش نزول باللبس ده 
-ليه بقى ان شاء الله 
-سما انا مبحبش اقول كلامى مرتين سامعه
-انت بتزعقلى ليه بتتحكم فيا بتاع ايه ان شاء الله 
- سما لو حد بصلك هقتله فلمى الدور و غيرى اللبس ده والله لالبسك نقاب 
- مش بمزاجك على فكره انا مبعملش حاجه انا مش عايزاها سامع 
-سماااااا
-متزعقش اخرج بره 
* خرج و رزع الباب بقوه كان هيتخلع 
-ماله شكلى هاه ما انا حلوه اهو طيب انما وريتك انا عارفه انه هيموتنى 😂
* طلعت فستان طويل لونه بيبى بلو و طرحه اوف وايت و لبست و حطيت روج و كحل 
و طلعتله 
- ادهم انا خلصت 
* كان باصص ف الموبيل اول ما رفع عينه و شافنى 
-نعم يا اختى 
- الله ما انا لبست فستان اهو
- و ايه اللى انتى حطه ف وشك ده 
- دا روج و كحل 
- ما شاء الله يا حببتى لا مكنتش اعرف 
-ادخلى ياسما امسحى اللى حطاه ده 
- لا
- لو جيتلك متلوميش غير نفسك 
-انا مش بخاف 
* اول ما شوفته بيتحرك طلعت اجرى بس هو كان اسرع ومسكنى 
- انا كنت رايحه امسحه على فكره 
- لا والله
-ايوه يادومى والله 
-دومى هاه
- ايوه مالك كده انت مبتهزرش يا رمضان
-لا مبهزرش ف اى حاجه تخصك 
- يا بختك ياسما
-ماله بختك يا هانم 
-بختى دا انا يا بختى بيه جميل 
-😂😂جبانه 
* روحت غسلت وشى انا مبحبش الميك اب اصلا لكن كنت عايزه اغيظه و خلاص 
اصل انا لو سمعت الكلام اتسخط والله 😂يرضيكم اتسخط يعنى 
روحنا و طلعنا عقود بكل حاجه 
و اكتشفت انه ليا 4فدادين كمان مكنتش اعرف عنهم اى حاجه و البيت و شركه بابا و مبلغ ف البنك 
و المحامى قال هو هيتصرف تحديدا انه التوكيل اللى عملته لعمى باطل لانه بابا كان عامل ادهم واصى عليا و بالتالى انا ماليش حريه التصرف اى حاجه

اطمنت اوى و ادهم اخدنى و رجعنا البيت 
-سما اطلعى يالله و اقفلى الباب كويس و متخافيش الحارس موجود قدام باب الفيلا فإطمنى
-وانت رايح فين 
-عندى شويه شغل 
-اوك 
-خلى بالك من نفسك 
-متقلقش 😂
-ربنا يستر 
* طلعت غيرت هدومى 
و صليت الضهر و قعدت اقرأ الورد بتاعى و قعدت اظبط ف البيت و اغير فيه شويه و فتحت الستاير 
و جهزت غدا كمان 
و قولت اذاكر شويه 
فالوقت ده كان ادهم راح لعمى 
دخل المكتب 
-انت ازاى تدخل كده 
-انا ادخل بالطريقه اللى اشوفها صح يا امجد 
- امجد انت عارف انت بتقول ايه 
-ايوه عارف 
- اخرج بره شركتى 
-لا و انت الصادق شركة سما
- سما اتنازلت عنها 
- انت غشيتها لكن ربنا رايد انه كل واحد ياخد حقه 
-يعنى ايه 
-يعنى اتفضل سيب الشركه حالا 
- مش هخرج دى شركتى 
-لا شركه مراتى و انا المسئول عنها عمى الله يرحمه خلانى واصى عن كل املاك سما
-انت بتقول ايه ؟ اكيد بتكدب 
-اتفضل الورق و العقود اهى و بكل هدوء اخرج 
- انا همشى بس اقسم بالله لاحرق قلبك 
- انا بتعامل باحترام لانك ف حكم حمايا و عامل احترام لكده بس اقسم بالله 
ادهم استلم كل حاجه و ظبط الدنيا و طلب منه يسيب البيت 
انا بقى فضلت قاعده منتظراه لحد ما نمت و انا بذاكر 
المغرب اذن و قتها ادهم جه و لاقانى نايمه 
-سما
* بنص عين بكلمه 😂
-انت مين احنا امتى
-الناس بتنام عادى انتى بتنامى بتفقدى الذاكره 😂
-اتأخرت ليه كده 
-كنت بخلص شويه شغل 
-طيب قوم غير و صلى و انا هصلى و اجهز الغدا 
-انتى مأكلتيش 
-لا مش بعرف اكل لوحدى 
- معلش انا اسف والله 
-قوم يلا
* اكلنا و حكالى هو عمل ايه و انه رجعلى كل حاجه و اقدر استلم بيتى من الصبح 
- انا فرحانه اوى 
-ربنا يسعدك ديما يا حببتى 
-يارب اخيرا هرجع بيتى
-هتسيبنى ؟
- اسيبك ليه 
* ف الوقت ده جرس الباب ضرب
-خليكى هفتح انا 
* نزل يفتح و انا نزلت وراه كان عمى امجد هو اللى جه 
- سما ازيك يا حببتى 
- الحمد لله بخير يا عمو اتفضل 
- لا اطلعى البسى هاخدك من هنا 
- نعم تاخد مين 
-هاخد بنت اخويا يا ادهم 
- و انت متخيل انى هسيبها 
- اظن لو هى حبت تسيبك مش هتمنعها 
* ادهم بصلى 
- انا مش هسيب ادهم يا عمى انت عايز تبعدنى عنه ليه 
- انا عارف يا بنتى انه انك اتجوزتيه عشان تاخدى حقك منى و اهو حقك رجع سبيه بقى 
- لا انا اتجوزته مش عشان حقى 
- ادهم مش بيحبك 
-لا بيحبنى 
-  اللى بيحبك متجوز 
-متجوز!!
-ايوه متجوز و تعالى و انا اخليكى تشوفى بعينك

* سيبت ايد ادهم اللى كان ماسكنى منها و حسيت انه الدنيا كلها بتلف بيا و وقعت
يتبع...