رواية ( سما ) الجزء الثاني

كانت الساعه 3العصر صليت و كنت حسه انى دايخه ف قعدت على السرير نمت بدون ما احس 
كنت محتاجه ارتاح جدا 
اول مره انام بره بيتى و لما كنت بخرج كنت بخرج مع ماما و بابا 
لكن على الرغم من ده الا انى حسه انه ده بيتى و حسه فيه براحه غريبه 
ف نمت و انا مطمنه 
الساعه عدت 7 و انا لسه نايمه فالوقت ده كان ادهم بيخبط ع الباب كتير 
ونا مش سامعه فمن قلقه عليا فتح الباب و دخل 
-سما .... ياسما اصحى انتى كويسه 
-.......
-سما 
- شويه كمان يا بابا و هقوم بص خمس دقايق 
- ...........
* ابتسمت و كنت حسه انى لما هفتح عنيا هلاقى بابا قدامى ابتسامتى اتلاشت تدريجيا و دمعت 
- كل ده نوم قومي يلا
-........
* ادهم قلبه حس بيا و بإللى انا بفكر فيه ف قرر يخرجنى من اللى انا فيه 
-بس ايه الحلاوه 😉
* تلقائيا لقيتنى بحط ايدى اشوف الحجاب راح فين انا كنت نايمه بيه 
-انت ازاى تسمح لنفسك تدخل هنا هاه 
- ادخل اى مكان انتى فيه براحتى لعلمك
-عشان انا قاعده ف بيتك 💔😭
- والله ما اقصد ياسما طب استنى 
* قام جاب لى حجاب تانى و حطه على شعرى 
- بالله عليكى اهدى انا مش ده اللى اقصده 
- طب انت عايز منى ايه 
-بصى ياسما قومى صلى و تعالى هستناكى بره 
-الساعه كام؟
-الساعه عدت سبعه 
-طيب 
-ادهم
* بصلى 
-ممكن اطلب طلب 
-انت تأمرى 
-متدخلش عليا اوضتى تانى غير لما تخبط 
- انا خبط كتير على فكره بس حاضر 
* حسيت انه زعل و حسيت انى كنت قليله الذوق معاه 
قومت صليت و طلعتله بره مكنش ف الصاله 
-ادهم 
-..........
* حسيت بالخوف لما مش لقيته 
انا ايوه بخاف منه بس بطمن و هو معايا 
دقيقه و كنت هعيط 
-اادهم
-ايوه ياسما
-انت فين
-ف المطبخ تحت
* نزلت اجرى تحت و هو كان طلع يجرى كان فاكر انى تعبت 
خبطنا ف بعض و كنت هقع بس هو مسكنى 
كنت مغمضه عنيا و مصدقه انى وقعت 😂
- ايه انا اتكسرت و لا ايه 
-😂😂😂
* فتحت عين و قفله التانيه خايفه اتصدم لاقيته حضنى اتجننت 
-الله 
- 😂😂
-سيبنى
-لا 
-ليه بقى ان شاء الله 
-انا مبسوط كده
-و انا مش مبسوطه كده 
* سابنى و ضحك اوى كان شكله كيوت و حلو اوى والله 
مسك ايدى و انا ماشيه مغيبه جنبه 
- يلا عشان ناكل 
- انا معملتش اكل 
- متقلقيش انا بعرف اعمل اكل و هنشترى اى حاجه المهم متشغليش دماغك بحاجه زاكرى انتى و بس 
* عمل مكرونه بالبشاميل ومحشي بكل انواعه ودى اكلتى المفضله اساسا 
اخد طبقى و حطلي فيه اكلى 
تصرفاته بتفكرنى ب بابا اوى كان بيعملى كده بردو
فلاش باك 
- يا اهل البيت انا جيت 
- نورتى يا لمضه 
-جعانه اوى يا ماما 
-حالا هجهز السفره غيرى هدومك و اندهى لبابا من اوضه المكتب و تعالى 
- الله مكرونه بالبشاميل ومحشي 👏
- مجنونه اقسم بالله 😂
-شكرا اوى يا ماما 
* بابا اخد طبقى و قربه منى 
-يلا يا حببتى اتغدى كويس 
* كان بيأكلنى ب ايده 
- بيأكلنى و انت لا يا ماما 😜
-كده برده طب انا زعلانه 
-و انا اقدر 
* كنا عيله حلوه اوى

باك 
- سما ياسما روحتى فين 
-هاه لا انا معاك اهو
-طب كلي يلا اكلك هيبرد
-حاضر 
* قومت شيلت الاطباق و غسلتهم 
-تشرب ايه 
-شاى زيك 
-و عرفت انى هشرب شاى ازاى 
- عارف عنك كل حاجه 
* مشيت بدون ولا كلمه و روحت اعمل الشاى جبته و جيت 
-اتفضل 
-تسلم ايدك 
-الله يسلمك 
-انا عارف ان جوا دماغك الف سؤال و سؤال 
- ايوه 
-طيب ينفع نتكلم كأننا صحاب عشان تاخدى عليا 
-ينفع 
ابتسملى 
- باباكى كان بيشتغل ايه 
-بابا كان دكتور ف كليه الهندسه جامعه القاهره 
-الله يرحمه كان انسان محترم جدا و خلوق 
- انت تعرفه
-استاذى و دكتورى و افضاله عليا كتير 
-ازاى 
-كنت طالب عنده و كان مشرف على الماجيستير بتاعتى ف الوقت ده والدى توفى 
و مكنش ليا غيره ف الدنيا 
لان والدتى ماتت و انا ف اعدادى 
و ليا اخت واحده متجوزه و قاعده ف دبى مع جوزها 
لما ده حصل والدك وقف جنبى لحد ما خلصت و اقترحت عليه فكره شركه صغيره و دعمنى جدا و الحمد لله الشركه كبرت اوى 
بفضل ربنا ثم والدك 
-ربنا يرحمه
- كنتى بتكلميه كتير اوى على الموبيل و انا قاعد معاه و كان بيضحك من قلبه 
و كان بيتكلم عنك حتى لما كنت بروحله الشركه بتاعته 
شوفتك اول مره هناك 
كل اللى بيشتغلو فيها بيحبوكى اوى قولت يمكن احتراما لوالدك 
لكن اللى شوفته بعينى خلانى حبيتك زى ما هما حبوكى و اكتر 
-شوفت ايه 
- كنتى رايحه لباباكى وقتها كنت بتدرب ف الشركه بتاعتكو 
لاقيتك بتضحكى مع عم محمد المسئول عن البوفيه 
كان يومها تعبان اوى يومها وقفتى معاه و ساعدتيه و نزلتيه و ركب تاكسى و صممتى انه يروح 
- اومال ليه لما شوفتنى ف الفيلا سألتنى انا مين
و فكرتنى بنت عمو امجد

- اروبه 😂
- جاوب 😂
- كنت عايز اعرف انتى عارفانى و لا لا 
- و انا هعرفك منين
- يا حلاوتك بقى انا بقالى اربع سنين بتمنى اليوم اللى تكونى ليا فيه 
و ف االاخر متعرفنيش
-😂😂
-ضحكتك حلوه 
-وبعدين 
-حاسس انى متجوز جعفر والله 😂
-اقل حاجه عندى 💅
-ايه الفخر اللى انتى فيه ده 😂😂
- 😂😂
-قوليلى ياسما هو كان فيه مشاكل بين والدك و عمك 
- بابا مكنش بيخلينى اعرف حاجه عن المشاكل دى لكن انا سمعته مره بيتكلم مع ماما عن مشكله بينهم 
-طب احكىلى

فلاش باك 
ماما- امجد كان عايز حاجه ولا ايه ؟
بابا- امجد مفكر انه الفلوس و البيت دول من ورث ابويا الله يرحمه 
- ازاى دا عمى الله يرحمه ساب بيت العائله اللى امجد اخده لما رجع من السفر 
و ساب كام فدان و اتقسمو بينكو بالنص 
وقتها قولتلى انا مش عايز حاجه من البيت 
هسيبه لامجد عشان طول عمره متغرب و احنا وقتها كنا قاعدين ف شقتنا القديمه 
و قولت انه هو اولى بيه منى و انا احترمت كلامك ده 
و بعدها بنينا البيت ده على الارض اللى ورثتها عن عمى الله يرحمه 
و كتبته باسمى انا وسما و مكنتش فاهمه انت بتعمل كده ليه
- كنت خايف عليكو يا ايمان انا مش هعيش لكم العمر كله البيت دلوقتى باسمك انتى وسما و محدش ليه عندك حاجه 
انا اخويا لو كنت شوفت منه حنيه على بنتى و الله كنت هبقى مرتاح 
-ربنا يديك طول العمر يا حبيبى

باك

-انا كده فهمت كل حاجه 
-بكره تيجي معايا نروح الشهر العقارى و نطلع صور من العقود بتاع البيت و الشركه و الارض بحيث نفهم عمك 
- حاضر 
-متشغليش دماغك انا موجود 
-شكرا يا ادهم 
- مافيش شكرا بينا 
* فضلت قاعده سرحانه 
-طب و انتى ليه مضيتيله على التوكيل و انتى عارفه كل ده ؟
-لان انا مكنش فارق معايا حاجه اغلى ناس ف حياتى راحو و مبقاش ليا حد 
- و انا روحت فين 
- بس بقى الله 
-بتتكسفى يا بسكوته 😂
- مين دى اللى بسكوته 
-انتى طبعا 
-رخم اصلا 
-بتقولى حاجه ؟
-بقول اخبار الدنيا معاك ايه 
- 😂😂 انا بخير طول ما انتى معايا و جنبى والله 
- هو انت ليه مطمن كده 
- كده ازاى
-يعنى انى هفضل موجوده معاك طول الوقت 
-ايوه مطمن اوى
- جايب الثقه دى منين 
-اصل ابقى غبى لو سبتك 
-ليه
-اللى يفرط ف روحه بيقوله عنه غبى وانا مش هسيبك ياسما
- انت بتخوفنى ليه 
* قرب منى و قعد قدامى على ركبته 
و مسك ايديا 
- اقسم بالله لو لفيتى الدنيا ما هتلاقى حد يحبك زيي و باباكى عارف و طلبتك منه ربنا يرحمه قالى لما تخلصى دراسه هيقولك و يأخد رأيك 
* انا حسه انى بنتمى لادهم من اول ما خبط فيا لكن كنت بكابر كنت شايفاه مش كويس 
انا كنت خايفه 
لكن حسه انى متعلقه بيه لكن مش بحسسه ب ده 
- روحتى فين 
-معاك اهو 
- يارب ديما ياسمسم 
-اقعد على الكرسى رجلك هتوجعك 
ابتسم - خايفه عليا 
* رديت بكل تلقائيه بدون ما افكر انا هقول ايه 
- ايوه انا ماليش غيرك 
*اتفجئت لما لقيته سحبنى ف حضنه و كأن كل شئ مفتقده رجعلى حب بابا و حنيه ماما و الامان اللى كنت فقدته اصلا 
بس لما فوقت بعدت عنه و وقفت 
- متخافيش منى 
-مش خايفه 😀
- ربنا يخليكى ليا يارب 
- و يخليك يارب 
* فضلنا قعدين نتكلم و نتفرج على التلفزيون و المفروض انه بكره هنروح الشهر العقارى عشان نطلع صور العقود 
نمت و انا قاعده فادهم صحانى 
-حببتى قومى نامى ف اوضتك هتبردى 
-لا انا مصحصحه 
-نمتى انى اسف 😂 والله انا ممكن اشيلك بس خايف من رد فعل جعفر اللى هيظهرلى فجأه .
-انا جعفر يا ادهم 
- يا نهار ابيض هو انا اسمى احلو كده ليه؟ 😂
- هو حلو لوحده 
-هو مين ده 
-ادهم 
-بت قومى من هنا ربنا يكرمك 
-ليه 
-لا المره دى من غير ليه 😂
-😂😂
-لا نبطل ضحك يا هانم ف ليلتك دى 
-حاضر 
-تصبح على خير ،  اوعى تطفى نور الصاله 
-و انتى من اهلى ، ليه
-لا عادى يعنى 
-بتخافى من الضلمه 
-ايوه 
- حاضر مش هطفيه اطمنى انا موجود ياسما و مش هسيبك 
- .................
* فجأه قبل ما اتحرك الكهربا فصلت ..

يتبع...