الحقيقيه المرعبه يا ترى هل ابنه بيتكلم مع شخص مش موجود حقيقي ¤¡¡¡

( الحقيقه المرعبه )

في يوم وانا رايح الشغل زي كل يوم 
وكنت لسه في طريقي موصلتش الشغل  
لقيت مراتي بتكلمني ف التليفون و متوتره و في حاله فزع 
قلتلها مالك فى ايه ؟؟
قالتلي فيه حاجه غريبه بتحصل في البيت
ارجع حالا  
قلتلها حاجه ايه اتكلمي ! 
ردت في حاله انهيار تام 
ابوس ايدك ارجع

لفيت بالعربيه بسرعه واخدت طريق الرجوع 
وكلمت المكتب اعتذرت واخدت اجازه 
واول مدخلت البيت لقيتها واقفه و في اسوء حالتها وخايفه  
ووشها لونه مخطوف

قلتلها مالك في ايه حصل ايه !!

قالتلى الحق شادي ابننا . . .

قولتلها ماله شادي تعبان !!

قالتلي بيتكلم . . .  بيتكلم مع شخص و بيحكي معاه 
شخص مش موجود !!!

قلتلها ايه الجنان ده انتي بتهرجي 
تلاقيه بيلعب او حركه من حركاته وبيستهبل

قالتلي والله كنت فاكره كدا
بس وانا معديه من جنب اوضته سمعته بيتكلم وصوت تاني بيرد عليه 
اتخضيت وقولت بيكلم مين  
دخلت عليه الاوضه ملقتش حد غيره 
قولتلو 
انت بتكلم مين  ملامحه اتغيرت فجأه وصرخ في وشي وقالى اخرجي بصوت مخيف مش صوته  ولقيت زي اكن حاجه بتشدني لبره و باب الاوضه اتقفل 
جريت افتح الباب وانده عليه الباب مقفول مش راضي يتفتح وفضلت اخبط اخبط 
وكنت سامعه . . . 

قولتلها سامعه ايه !!

قالتلى صوته بيكلم واحده وبترد عليه !!!!

سكت وانا مش قادر استوعب الكلام الى بتقولو 
وبعدين سألتها هوه فين دلوقتي 
قالتلى في اوضته منزلش من ساعتها ومش عارفه اتصرف ازاى معاه . . .

طلعت جري علي الاوضه بتاعته 
لقيت الباب مفتوح ولقيته قاعد بيلعب باللعب بتاعته وبيغني 
وكان شكله عادي جدا 
اول ما شافني قالى باباااا انت جيت من الشغل بسرعه 
قولتله لا ياحبيبي انا نسيت حاجات بتاعت الشغل هاخدها وراجع تاني 
قالى يوووه . . طب هاتلى حاجات حلوه معاك كتير 
قولتله حاضر ياحبيبي 
وقولت لنفسي واضح ان مراتي لسه اعصابها تعبانه من ساعه مرجعنا من السفر و . . 
لسه مخلصتش كلامي مع نفسي ولقيت زي خيال اسود عدي من قدام باب الاوضه بسرعه 
افتكرت مراتي هيه الى واقفه بره  خرجت ابص ملقتش حد ندهت على مراتي لقيتها بترد عليا من الدور الى تحت  

( الحقيقه المرعبه ) الفصل الثاني 

حاولت اقنع نفسي ان الخيال الاسود الى عدي من قدام الباب ده مش حقيقي . .

واني بيتهيألي و تجاهلت الموضوع و لما نزلت تحت  
مراتي قالتلى كنت بتنده ليه ؟

قولتلها ابدا مفيش حاجه بس انا عاوزك تركزي مع الولد شويه 
واضح ان قعدته لوحده ولعبه مع نفسه هيسبب ليه ولينا مشاكل كتير

قالتلي طب والصوت الى انا سمعته والموقف الى حصل . . انا لحد دلوقتي مش قادره اتلم علي نفسي و جسمي كله متوتر 
قلتلها بصراحه مش لاقي اي تفسير منطقي للي شوفتيه 
بس عموما احنا هنحط الولد تحت الملاحظه اليومين دول ونشوف افعاله وتصرفاته

قالتلي بصراحه من ساعه ما رجعنا من السفر و قعدنا في الشقه دي وانا حاسه ان فيه حاجات غريبه مش طبيعيه بتحصل لنا 
قلتلها بلاش تخلي الافكار الغريبه دي تأثر علي تفكيرك 
وبعدين الشقه دي الى انا اتربيت فيها وعيشت فيها انا واهلى الله يرحمهم و عمر ما صادفني اي موقف زي كدا  .
قالتلى مش يمكن عشان بقالها سنين مقفوله 
يكون سكن فيها الجن !!!

مقدرتش امسك نفسي وضحكت جامد وقولتلها جن هههههههه 
ده انتي مخك فوت من افلام الرعب الى بتشوفيها 
قالتلي علي فكره الموضوع ميضحكش خالص 
قلتلها خلاص ياستي انا اسف 
المهم عاوز الولد يفضل تحت ملاحظتك 
ولو حسيتي باي شئ غريب ف افعاله تبلغيني 
انتي عارفه ظروف شغلي مش هقدر اتابعه طول الوقت .

اليوم خلص ومحصلش اي شئ غريب 
وشادي دخل نام واطمنت عليه في سريره 
ودخلنا علشان ننام  انا ومراتي

وقبل الفجر بشويه مراتي قلقت و انا كنت نايم 
فقامت تشرب ميه 
وهيه قايمه فجأه صرخت  بصوت عالى

قومت مفزوع من النوم 
وقلبي بينط من مكانه من الخضه 
وبقولها مالك حصل ايه !!!

لقيتها واقفه ملزوقه ف الحيطه وكل رعب الدنيا علي وشها

وبتقولي وهيه في قمه الخوف و الرعب

قلقت من النوم . . قومت اشرب . . لقيت واحده واقفه قدام باب الاوضه بتبص علينا 
انا خايفه . . خايفه اوي . . انا عاوزه امشي من هنا . . .

قولتلها اهدي بس وفضلت اهديها و عملتلها عصير لمون يهديها شويه

وبدات افكر بجديه معاها 
وقولتلها انا بدات اشك في فكرتك 
ممكن تكون الشقه اتلبست بجن في فتره سفرنا 
خصوصا ان محدش فتحها لمده ٩ سنين تقريبا

قالتلي ده اكيد 
بص لازم تتصرف وتبيعها ونسكن في مكان تاني انا خلاص كرهت المكان ده . 
قلتلها خلاص خلينا ننام دلوقتي والصبح نفكر في حل اكيد 
قال

الحقيقه المرعبه ( الفصل التالت والاخير )

فجاه لما حطيت ايدي وكتمت الكوبايه 
اتحول لون الميه الى احمر 
بلون الدم !!!

راح المعالج بصلي وقالى انت المقصود 
مفهمتش قصده و سألته  يعني ايه ؟؟

راح باصص لمراتي وابني وطلب منهم يسيبو المكان خالص . .

فقولت لمراتي روحي اقعدي ف العربيه انتي وشادي

مراتي فضلت بصالى جامد وكأنها خايفه تسيبني لوحدي . . روحت قايلها يالا روحي متقلقيش  

خرجت هيه وشادي 
وبصيت  للمعالج وقولتله ممكن تفهمني ايه معني كلامك ؟

قالى الروح الى في البيت جيالك انت مخصوص 
طلباك انت . . 

قولتله وانا مفزوع انا !!!

قالى ده الي ظاهر قدامي

قلتله طب و العمل اتصرف ازاي

قالى هحاول استدعي الروح
دلوقتي ونعرف طلباتها !!

طبعا انا قاعد مذهول من الى بيقولو ومش بنطق ولا كلمه 
طلع حاجات من معاه و طلب مني طبق كبير 
جبتهولو 
بدأ يحط مواد غريبه جوه الطبق و يكتب كلام بلغه مش مفهومه عمري مشوفتها قبل كدا 
ويطبق الورق ويحطه جوه الطبق 
ويغمض عينه ويقرأ كلام مش مفهوم بصوت واطي زي الوشوشه . .

و فجاه لقيت الكراسي بتتهز بينا و اكن فيه زلزال شديد 
اتخضيت و قولتله ايه ده ؟ في ايه ؟

بصلي وعنيه شكلها يخوف 
وقالى اسكت . . خليك ثابت متتحركش

وسمعت صوت خطوات رجلين ماشيه براحه وبتقرب و صوت الوشوشه بقي حواليا في كل مكان 
وانا بقيت قاعد لازق ف الكرسي من الرعب 
وبقول يارب افوق من الكابوس ده 
ولقيت فجأه  شبح  لونه اسود
اكنه بنت  
واقفه قصادنا 
وانا من كتر الرعب كان هيغم عليا 
وفضلت لازق ف الكرسي وباخد نفسي بصعوبه 
والمعالج شاورلي بأيده 
افضل ساكت بدون كلام 
طبعا انا اصلا كنت تقريبا فقدت النطق من حاله الرعب و الفزع الى عايشها

وفجأه شبح البنت اختفي
واصوات الوشوشه سكتت  
ولقيت المعالج حط ايده في الطبق 
وطلع ورقه من المحطوطين 
وكان مكتوب عليها كلام كتير بلون احمر لون الدم !!

فضل يقرا الكلام العجيب ده وهوه باصص ليا في ذهول

وانا عاوز اقولو مالك في ايه بس خايف اتكلم !

لحد لما لقيته بيقولي 
انت سبب اللعنه الى صابت البيت و صابت ابنك ومراتك 
واللعنه دي هتفضل تطاردهم مع ان انت السبب فيها 
وهما ملهومش اي ذنب

قولتله انا سبب في لعنه !! 
لعنه ايه !!

قالى ارجع بذاكرتك كذا سنه ورا 
وافتكر انت اتسببت في اذي لمين
وافتكرت كل اللي حصل وهما هيفضلو عيشيا بلعنه انا السبب فيها
تمت