الظل: غموض و إثارة - الحلقة الحادية عشر
- عايزة تشوفي نور.... حاضر..... تعالي....
= فين؟
- هتعرفي... إدعيلها بس.... هي بين إيدين ربنا دلوقتي....
= نعم .... إنت بتقول إيه؟!!....
- ربع ساعة من دلوقتي و هتكوني قدام أوضتها .... أوضة 207.
______________________________________________
- محمد باشا .... هو وليد باشا فين مش باين؟
= واخد أجازة إسبوعين و مسافر .... عايزه منه حاجة يا مصطفي؟
- لا أبدا كنت بسأل عليه بس.
= طيب و انتا طالع وصيلي علي فنجان قهوة مظبوط و استعجله و حياة أبوك بس بسرعة عشان محتاج أفوق.
- من عينيا يا باشا.
______________________________________________
- الزيارة دلوقتي ممنوعة ممكن تشوفوها علي شاشة العرض.
" عمري ما تخيلت إن ده ممكن يكون اللي حصل .... آخر حاجة كان ممكن تخطر علي بالي فعلا ً .... و بدل ما كانت صدمة واحدة ساعتها بقوا اتنين ....".
- - إيه ده؟....- إنت عملت فيها إيه؟!
= عايز أقولك مستشفي سان رافييل من أكبر مستشفيات قبرص .... و دكتور نيكولاس من أشطر الدكاترة في مجال جراحة التجميل.
- تجميل إيه؟
= ههههههههههههههههههه.
- أنا لازم أدخلها و .....................
" .... دي مش نور يا مي ......".
- مقدم وليد!!!....
_____________________________________________
- سيادة المدير جاتلنا إشارة بتفيد بإن خالد و مي هناك في المستشفي و إن المقدم وليد وصل هناك دلوقتي.
= تمام .... أول بأول بلغني بأي جديد.
" عقيد طارق .... عايزك في مكتبي حالا ....".
" ممممممممم ربنا يستر و تعدي علي خير و ……...."
- تمام يا فندم.
= اتفضل اقعد يا طارق.
- خير يا فندم؟!....
= " خير إن شاء الله .... طبعا ً إنتا قريت الملف اللي فيه كل المعلومات الخاصة بعملية الظل؟.".
- طبعا يا فندم.
= تمام .... آن الآوان إننا نكون موجودين في ساحة المعركة .... و إننا لازم نبعت واحد من رجالتنا هناك.
- ليه يا فندم رجالتنا في الشرطة قصروا في حاجة؟!.
= بالعكس المقدم وليد رشاد و النقيب محمد عبد الرحمن عاملين شغل هايل و أثبتوا كفاءة ممتازة .... لكن دلوقتي وفي المرحلة دي بالذات إحنا محتاجين عقلنا إحنا .... خبراتنا إحنا .... خبرة جهاز المخابرات العامة المصرية.
- اللي تشوفه طبعا ً يا فندم .... المهم إستقريت سيادتك هتبعت مين ولا لسة؟!....
= أكيد..... بس يلا بينا الأول علي قاعة الإجتماعات و في آخر الإجتماع هبلغكم بمين اللي هيتم تكليفه بالمهمة.
- تمام يا فندم.
_____________________________________________
" أهلا ً و سهلا ً بيكم .... إتفضلوا .... دلوقتي و إحنا مع بعض و في نفس اللحظة تحديدا ً في عملية من أخطر العمليات اللي إتعملت في تاريخ الجهاز في الفترة الأخيرة بتمر بأدق و أخطر مراحلها و محتاجة كل ذرة مجهود و تفكير من كل واحد منكم .... العملية المعروفة لعدد محدود من أفراد الجهاز بإسم .... الظل ".
طبعا ً كل الموجودين عارفين تفاصيلها، و عارفين مين هو خالد روؤف وإزاي الموساد الإسرائيلي قدر يجنده و عارفين كمان إنه قدر يجند فدوي أحمد عبدالسلام ودي البنت اللي حبها أو بمعني أدق سيطر عليها
بطريقة شيطانية لأنه لسه ما تمش إستخدامها لإن الموساد ما بلغهوش لحد دلوقتي إنه يستخدمها يعني هي
دلوقتي في مرحلة الجاسوس الكامن .... مالهاش أي نشاط و طبعا ً عارفين إزاي قدرنا بمساعدة أفراد جهاز الشرطة التابعين لينا إننا نفك لغز الخطة اللي إستخدمها خالد عشان ياخد فدوى و يهرب برا مصر ………
و ده بعد ٣ سنين تقريباً من إختفاء خالد و فدوي بعد ما خالد عرف و فهم إننا كشفناه و
رصدنا تحركاته .... لكن في الفترة الأخيرة تم رصده عن طريق واحد من عملائنا في قبرص اللي بلغنا إن خالد موجود هناك فعلا و معاه بنت اللي هي المفروض فدوي .... و بعد التحريات إتضحت لينا تفاصيل أكتر و أكتر بالنسبة للبنت دي و الفضل طبعا ً يرجع للمقدم وليد و لذكائه الشديد و قدرنا نفك لغز خيالي ولا أي حد كان يتوقعه....
عشان كدة العملية دي فيها حياتي كرجل مخابرات .. و إن شاء الله تتم زي ما بنأمل .. أما دلوقتي ففي قرار إتخذته و هحتاج أرائكم و مقترحاتكم وبُناءا ً عليه هنرسم ملامح و سيناريو أهم خطوة في العملية كلها فعايزين نـ .......
- سيادة المدير .. أسف للمقاطعة بس في رسالة وصلت حالا من قبرص.
