عفاريت شقة المطربه الراحلة ذكري بحي الزمالك

عفاريت شقة المطربه الراحله ذكري بحي الزمالك

تحدثت بلوجر خلال لايف عن كون شقة الفنانة الراحلة مسكونه
وأنها رغم المساحه المهوله بالإضافه الي أنها مُطلة على النيل بالزمالك
عُرضت للبيع في مزاد مقابل 10 آلاف جنيه فقط

ولم يتجرأ أحد على شرائها

فما هي الحقيقة وماهو سرعفاريت شقة المطربه الراحله ذكرى

 

بدأت البلوجر حديثها في مقطع الفيديو الذي كان عنوانه 
"سر عفاريت شقة ذكرى "

صوت رجلين حد بيمشي في الشقة والأسانسير بيطلع لوحده
شقة 1000 متر في الزمالك على النيل بـ10 آلاف جنيه فقط إزاي !!
وكمان مافيش حد عاوز يشتريها

في 2003 صحي جمهور الفنانة التونسية ذكرى على خبر وفاتها هي ومدير أعمالها بعد ما أطلق جوزها أكتر من 70 رصاصة من مسدسه

وبعدها أنهى حياته وبعد حوالي سنة بقت شقة ذكرى من أشهر الأماكن المسكونة في مصر زيها زي عمارة رشدي وغيرهم كتير 
وكل الجيران بلغوا أن فيها أشباح

وناس كتير قالت أن في أحداث غريبة ومرعبة بتحصل جوا في الشقة

زي أن الأسانسير كل يوم الساعة 6 الصبح وده كان الميعاد اللي حصلت فيه الجريمة بيطلع لوحده ويقف في الدور التاني، وده برضو الدور اللي فيه الشقة وكإن الأحداث بتتكرر

وقال واحد من الحراس أنهم بيسمعوا أصوات عالية جامد بالليل تفضل شوية وبعدين تختفي وصوت خناق وباب الشقة بيشوفوه مفتوح

فقررت الشرطة إنها تيجي وتفتح الشقة بعد ما كانت متشمعة بالشمع الأحمر علشان يشوفوا إيه الكلام ده
واكتشفوا إن في تغيير فعلًا في الشقة من جوا

وإن الدم منتشر بشكل غريب، الشرطة ملقيتش حل للي بيحصل ده، وقررت تسلمها للبنك

البنك عرض الشقة في مزاد علني، ووصل سعرها 10 آلاف جنيه فقط

بس محدش رضي يشتريها

في الآخر قرر البنك أنه يستخدمها ك مكاتب إدارية للموظفين اللي تبع البنك

وأول يوم للموظفين في شغلهم الجديد راحوا الشقة عادي علشان يستلموا شغلهم بس اكتشفوا إن مفيش أصلا فرش في الشقة

فيبلغ البنك الشرطة إن حصل حادثة سرقة في الشقة

ولأن الشرطة عارفة اللي بيحصل جوا في الشقة دي محققوش في الموضوع

فاستدعى رئيس البنك شيخ من الأزهر ومعاه مجموعة من الشيوخ علشان يحلوله اللغز اللي بيحصل ده، فيخرج الشيوخ بسرعة من الشقة علشان اللي شافوه جوا

ولحد دلوقتي الشقة دي موجودة ومحدش بيقدر إنه يقرب منها .

 

روايات كثيرة قيلت حول شقة الفنانة ذكرى التونسية
التي شهدت قبل 20 عامًا حادثة مأساوية تمثلت في مقتلها ومدير أعمالها
وانتحار زوجها رجل الأعمال المصري أيمن السويدي
منها أن الشقة بعد الحادث ظلت مغلقة لم يجرؤ أحد على العيش بها
في ظل زيادة حديث الجيران عن سماعم لأصوات صراخ واستغاثة تأتي من داخلها
وأيضًا صعود الأسانسير دون أن يستدعيه أحد السكان ووقوفه في الطابق الثاني، في الساعة السادسة من صباح كل يوم

مشاعر متضاربة وشديدة
عند صعودك إلى الطابق الثاني من عقار سراي السلطان بشارع محمد مظهر بالزمالك
ووقوفك أمام الشقة المغلقة
تجد نفسك محاطًا بمشاعر متضاربة وشديدة.. شعور غريب يدفعك للمغامرة ومعرفة ما يجري بالداخل
وفي الوقت ذاته يتملكك الخوف من شدة الهدوء وثِقله، فلا صوت من حولك تستأنس به
ولا شخص يخرج من شقة ما يلقي عليك السلام.. فقط هدوء ثقيل ومخيف
يضعك في مواجهة حقيقية ومباشرة مع الشقة التي دارت حولها حكايات مرعبة

لتفكر في قرارة نفسك

هل سيُفتح الباب من تلقاء ذاته وصوت مجهول المصدر يطلب مني الدخول، أم ستتعالى فجأة أصوات صراخ واستغاثات يليها بكاء خافت

أم أن كل ذلك مجرد تهيؤات وإشاعات لا حقيقة لها