قصه حب تحت ضوء القمر

بسم الله والصلاه والسلام على اشرف خلق الله سيدنا محمد بن عبد الله /

السؤال هنا ؟؟

انا مين ..

وغير كده وكده انا ايه اللي انا جاي اكتبه هنا ؟؟قصة حب " وايه يعني ما فيه الف واحد حبو وانجرحوا وسابو بعض وفي اللي انتحر واللي معرفش ايه الخ..

في الحقيقه القصه بتاعتي تختلف شويه هتقوللي ازاي كنت بتحب برجلك بس ههههههه..

اقولك لا انا كنت بحب انسانه زي زي اي شاب بس الفرق اني كنت غني ومعايا فلوس ؟؟

متخافش انا سني مش كبير قوي يعني انا عندي 26 سنه وبحبها من 9 سنين 

تقولي ايه اللي خلاكوا سبتو بعض ؟؟اقولك يا سيدي

ياسمين ,,

بمجرد اني كتبت اسمها اقسم بالله جسمي اشعر كده انت فاهمني طبعا,,’

ياسمين كانت من البنات اللي تحيرك !!ايوه تحيرك مع صغر سنها الا انها كانت واعيه وفاهمه 

بس في الاخر اكتشفت انها من البنات اللي عايزه تتحب وتحب وانا عملت معاها الحلوه كله من رجوله مواقف لاخويه الى اخ..

كل اللي يخطر على بالكم انا عملته بس المشكله مكنتش فيا

ياسمين كانت من النوع اللي بتحب تختلط وتجرد شخيات صحابها ودي كانت اسوا حاجه فيها..

لدرجه حتى ان سبب انفصالنا كان صحابها هههههه,,

هتقولي يبقى هيا مكنتش بتحبك بجد اقوللك والله ابدا ده كانت بتموت فيا بس هيا حبت تعمل زي ساره صاحبتها والبت القصيره دي بس فعلا مكنش الحب بتاعي زي اي حب هيا كانت زي الورده كده وزي القمر لما تشوفه في عز طلوعه ولكن بعد محاولات كتيره اكتشفت ان فعلا العيب كان من عندي واكتشفت فعلا اني حرجتها واني نزلت من نظرها بسبب حاجه انا عملتها

طبعا انتو عارفين اني شاب زي اي شاب بحب اروح وراها الدرس اخرج معاها بس هيا بقا خدت المعنى ده باني فضحتها بس والله انا كنت عايز ابان اني احسن واحد في نظرها بس بعد فتره كبيره من انفصالنا اكتشفت اني كان لازم اتانى في اختياراتي ولازم فعلا اخد اللي بتحبني وعايزاني ,,,, لشخصي مش للماديات او لاي غرض تاني ..

صدقوني انا اكتر حاجه كنت اتوقعها ان دمعتي تنزل بسبب واحده بس اهو حصل واللي كان كان 

وحرفيا مع الرغم ان قلبي مات اللا ان انا حاليا تعبان وتصادف في يوم من الايام  ماشي بعربيتي وعيني تيجي في عنيها لدرجه ان من كتر الزكريات اللي ظهرت فجاه في النظره د قعدت ابكي بكا انت مش هتصدقو ومقدرتش فعلا اكمل طريقي ووقفت على جنب وقعدت اعيط ونظرتي ليها حرفيا صحت جوايا الطفل اللي فارق حضن امه واول ماشافها مقدرش يتمالك نفسه وقعد يعيط حقيقي انا محتاجلها ومحتاج لمواساتها ليا ,ومحتاج لحضنها من تاني ..بس برضه مقدرش انكر اني كنت معاها على قد ما كنت سعيد على قد ما كنت حزين والديل على كده انها بالذات عرفت تخليني ابكي بس مش هنروح بعيد هيا كده كده او كده احنا انفصلنا ولكن في ان شاء الله لقاءات تانيه هنتكلم فيها عن قصه تانيه و تالتله ورابعه بصو موراناش حاجه مهو اصل اللي شبهنا قصصو مبتنتهيش وبتستمر فعشان كده لو حصل لقدر الله بعد الشر يعني ووصلت لحد هنا متنساش تدعمني دعمك هيفرق معايا قوي وهيساعدني  علي تقديم محتوى هادف و مفيد و بجد بجد هيا كبنت متوجعنيش لان الحياه مبتقفش على ..

خلصه ,,اشوفك على خير؟؟ بااااااي
انتظروا الجزء التاني من قصه حب تحت ضوء القمر …….