قصة استبداد الجزء الاخير قصص حب 2024

0 المراجعات

2024-02-14 05:34 AM

قصة استبداد .

الفصل الأخير

الفصل الأخير
عدت الايام وعدت السنين واحنا على نفس الحال كل اللى عملته انى كنت بجمع العائلتين كل يوم جمعة عندى فى شقيتى وبصراحة أنا كنت عامل كدة علشان اقضى اليوم كله مع سارة بكلم معها طول اليوم ونتغدى مع بعض حتى لو عايز أكل حاجة بحبها بطلبها منها هى . بحب اوى اكل من أيدها. بصراحة أنا بحب اى حاجة تقولها وتعملها .
مش معنى كدة أن نهى مقصرة معى فى شيئ بالعكس نهى عاملة اللى عليها وذيادة بتهتم بى جدا من اكل للبس وبتهتم بنفسها و بتعملى كل حاجة من غير ما اطلب وقبل ما اكلم بتكون فهمانى. وطول فترة جوازنا محصلش بينا اى مشكلة . انا عارف انى لو لفيت الدنيا كلها مش هلاقى ذى نهى فى حبها واهتمامها بى لكن انا مش عارف احبها وابادلها نفس الشعور . وبعد فترة تعب الحج عبد الحميد تعب شديد ودخل المستشفى وظل فيها فترة طويلة وبعدها اتوفى . وزادت الخلافات والمشاكل بين سارة وصالح وطلبت الطلاق وقعدت فى شقة والدتها . وبعد محاولات كتير لصلح بينهم رفضت سارة وأصرت على الطلاق .
وفعلا أطلقت سارة وأصبحت حرة .
وزادت غيرة نهى عليا وخوفها من رجوعى لسارة .
وزاد الخوف والقلق فى العائلة ونظرتهم لى .
ومن كتر خوف سارة على مشاعر نهى ووالدتها ماكنتش بتخرج من شقة والدتها الا للضرورة.
ومفيش نهاية للقصة لأنها مازالت مستمرة حتى الآن على هذا الوضع .
كل واحد فينا كاتم مشاعره فى قلبه وراضى بالوضع ده لكن من جواه رافض وناقم على الحياة اللى اتفرضت عليه.
كان هيحصل ايه لو الحج عبد الحميد خلى كل واحد فينا ياخد قراره بنفسه ويتحمل نتيجة قراره .
ياريت اللى بيحب حد يتمسك به وميتخلاش عنه.
لو حد عنده حل يرضي جميع الأطراف يكتبلى .

انتهت هذه القصة بدون نهاية لكن وعد منى القصة القادمة لها نهاية مشوقة جدا . تابعوني.♥️♥️

تأليف /محمد شعبان